Fiction Horror StoriesWendigo & Humanoids

The Alien Anatomy. Hindi Horror Stories. Episode-266. Scary Stories in Hindi.

main ek criminal psychologist hoon.. criminal psychologist.. shayad aap me se bahut se logo ne isske bare me nahi suna hoga.. to main aapko bata doon kee mera kaam hota hai criminals ki psychology ko study karna.. unka interview lena.. unki mental state ko study karna.. aur apne career pke pichle 15 saalo me duniya ka aise koi reason nahi hai jo inn criminals ne mujhey na bataya ho.. example ke taur pe ek baar ek aadmi ne apne pados me rehne wali ek puri family ko khoon kar diya.. jab maine uss aadmi se ye crime karne ka karan pucha to usne bataya kee usko sapne me god dikhai diye they.. aur god ne usko unka khoon karne ke liye kaha tha.. kehne ka matlab kee har ek criminal ke paas apne crime ko justify karne ke liye koi na koi kahani jarur hoti hai.. lekin ye case jiske bare me main aapko batane ja raha hoon.. ye baki cases se alag tha.. halaki iss case me bhi crime karne wale ne mujhey jo kahani sunai uspeyakeen karna bahut mushkil tha.. lekin fir bhi mujhey lagta hai kee wo aadmi jhooth nahi bol raha hai.. naa hee wo pagal hai.. mujhey lagta hai usne jo kuch mujhey bataya wo sab kuch sach me uske saath hua tha..
interview me uss aadmi ne jo kuch mujhey bataya.. wo sab main aapko batane ja raha hoon.. isme se kuch jagahao aur logo ke naam maine badal diye hain.. lekin shuru se lekar aakhir tak jo kuch uske dekha aur uske saath hua wo sab kuch maine bilkul waise hee aapko batane jaa raha hoon..
Lekin ye interview samne lane se pehle main aapko iss aadmi ke background ke bare me bata dena chahta hoon.. Iss aadmi ne biology anatomy aur pathology me PHD kee hui hai.. aur ye america kee ek bahut reputed university ke biology department me chairman kee post par kaam karta hai.. Na hee iski ya iski family me kisi ki mental illness kee koi history hai.. matlab kee ye aadmi bahut eductaed aur intelligent hai..

mera naam micheal hai.. maine apne do dosto david aur gary ko hamari personal lab ke theek bahar goli maar ke katl kiya hai.

iss sabki shuruwat kuch din pehle hui thi.. jab hamare college me students ke final exams khatam hone ke baad har saal kee terah ham ek camping trip pe gaye they.. main gary david aur john.. ham chaaro biology department ke professors hee iss trip pe ghumne ke Canada gaye they.. apne plan ke hisab se hamne pehle teen din to jangle me camping ki aur fir ham wahan se aur aage ghane jangalo me ghumne ke liye pahuch gaye.. uss jagah jane ke liye hamein nadi paar karke jana tha.. jiske liye ham apni canoes yani kee choti boats bhi saath laaye they.. ab ham jangle ke andarooni aur ghane ilake me pahcuh chuke they.. jahan koi nahi aata tha.. aur jahan ham bilkul akele they.. ye hamari trip ka mera favorite part tha..
sab kuch bahut bhadiya chal raha tha.. uss jagah pahcuh ke hamne ek achi si jagah dhund ke apne camps laga liye. waise to ham har saal iss ghane jangle wale ilake me jaya karte they.. lekin iss baar ham bahut andar tak aa gaye they.. ye ilaka itna khoobsurat tha kee aap andaja bhi nahi laga sakte..
mujhey swimming ka bahut shauk hai.. aur bar kee terah jangle me pahuchtey hee main bas pani me jane ka hee wait kar raha tha..
wahan pahuchne ke bad pehla din to camp set karne me hee lag gaya.. lekin dusre din subah subah hee main pani me chala gaya.. nadi ka pani bilkul saaf aur shaant tha.. main pani me kareeb 30 feet neechey tak gaya.. paani bilkul saaf tha.. insaani abaadi se itni door.. saaf pani ke andar .. jahan aapko pata ho kee iss paani me insan kee failayi gayi koi gandagi nahi hogi.. aise paani me tairne ka maja kuch aur hee hota hai.. maine scuba diving kit lagayi hui thi. matlab kee maine oxygen cyldiner bhi lagaya hua tha. kuch der tairne ke baad maine socha kee thoda aur nechey jaa ke dekha jaye.. neechey paani thoda dhundla tha.. isliye wo pehle to mujhye dikhai nahi diya. lekin fir achanak se meri uspe najar padi.. door se dekhne pe wo koi chota sa plane lag raha tha.. lekin mujhey samajhte der nahi lagi.. kee ye koi chota plane nahi balki bahut bada aircraft hai.. uske peechey wale hisse me bahut bade bade propellers lage they.. uss plane ko paani me aise dekh ke pehle to mujhey bahut hairaani hui.. mujhey laga kee ye shayad military kee koi submarine to nahi hai.. lekin wo koi submarine nahi thi.. wo plane tha.. main tairte huey plane ke aage wale hisse kee taraf gaya.. wahan sheehse kee ek khidki type bani thi.. jo shayad uss plane ke cockpit thi.. khidki tooti hui thi.. lekin andar kuch bhi saf dikhai nahi pad raha tha.. uss plane ka design bilkul bhi aisa nahi tha jaisa kisi normal plane ya aircraft ka design hota hai.. mujhey samajhtey der nahi lagi.. kee ye plane kiis insan ka banaya gaya nahi hai.. ye pakka koi UFO tha.
lekin aisa kaise ho skata tha.. ye meri galatfehmi bhi ho sakti thi.. maine spocha kyu na john ko iss baare me bataya jaye.. john ko bhi meri terah swiming ka bahut shauk th aur wo bhi apne sath ek diving kit leaya tha jisme ooxygen cylinder laga tha..
maine john ko bataya kee mujhey pani ke andar ek bahut bada plane mila hai jo is duniya ka nahi lag raha hai.. meri baat suntey hee john mere saath uss plane o dkehne jane ke liye tayyar hho gaya.. john ne kaha kee ham apni boat leke chalte hain.. jisse kee ham apni oxygen bacha sake.. aur fir uss jagah pahuchke hamne pani ke andar dubki laga di..
iss baar maine usko upar se dhyaan se dekha to uska design kisi teer ke aage wale hisse ke jaisa tha.. kisi f117 plane ke jaisa.. main manhee man soch raha tha kee ye pakka koi alien aircraft hai.. fir ham dono uss plane ke pas pahcuhe aur usko bahar se check karne lage..
fir kareeb 20 minute usko bahar se check karne ke bad John ko plane ke left side me darwaja mil gaya jisko khola ja sakta tha.. usne mujhey usske andar aane ka ishara kar diya.. lekin maine mana kar diya.. mere cylinder me ab thodi si hee oxygen bachi thi.. andhera bhi hone laga tha.. maine usko upar aane ka ishara kiya.. Ham upar pahcuhe to maine uusey bataya kee ham abhi wapis chalte hain. andhera bhi hone laga hai.. kal subah subah cylinder badal ke ham yahan wapis aa jaenge..
john meri bat maan gaya.. ham wapis apne camp me chale gaye.. hamne gary aur david ko bhi uss plane ke bare me bataya.. ufo ke bare me suntey hee gary ghabra gaya .. usne kaha kee agar wo sach me koi alein ufo hai to uske paas bilkul nahi jana chhiye.,. aisa karne se ham mushkil me phans sakte hain.. ho saktey hee governmnet ke log hee hamare peechey pad jaaye..
john bola kaiis baccho wali baat kar rahe ho.. government ko iss bare me pata hota to wo hamse pehle yahan tak pahcuh gaye hotey..
gary bola haan.. ho skata hai government ko iss bare me pata na ho.. lekin fir bhi hamein uske andar nahi jana chahiye.. kya pata uske andar koi alien phansa ho .. aur hamare jane se wo bahar aa jaye.. fir to hamari maut pakki hai..
haah.. gary hamesha se hee thoda darpok type ka thaa.. ham rat bhar gary ko cherk ke uska majak udatey rahe..
agli subah maine aur john ne decide kiya kee ham fir se uss ufo ko check karne jaenge..
ham dono plane ke usi hisse me pahuche jahan john ne wo gate dekha tha. gate ke sath me handle laga tha.. john ne uss handle ko jor se jhtaka diya to wo gate khul gaya.. gate k andar itni jagah thi ki ham dono ek sath uske andar ghus sakte they.. sath hee bata doon kee wo pura plane kisi metal ka to bana lag raha tha lekin ye batana mushkil tha kee wo konsa metal hai.. ek aur bahut ajeeb cheej ye thi kee bahar se dkehne par wo plane bilkul naya lag raha tha. uske upar kahin koi gandagi yahan tak ki jang bhi nahi laga tha.. aisa lg raha tha kee iss plane ko yahan phanse jyada time nahi hua hai.. shayad ye kuch hee din pehle yahan aaya hai.. iss khayal ne mujhey thoda aur bechain jarur kar diya tha..
andar jane se pehle hamne bahar ek rassi band di thi.. jisse ki agar ham andar jaake rasta bhool jaye iss rassi kee madad se bahar nikal sake..
fir ham andar pahcuhe to andar ka najara to bilkul hee alag tha.. andar se dkehne me aisa lag raha tha jaise wo plane na jane kitne hafto ya mahino se wahan phansa ho.. har jagah kaai lagi hui thi.. ham tairtey huey uss palne kee ek ek jagah check karne lage. thoda aur aage jaake hamein ek seedhi latki dikhai di.. upar jati hui ham dono uss seedhi se upar gaye to upar ek compartment tha.. jo kee shayad uss plane ka main cockpit area tha.. lekin uska agte bad tha.. sate ke sath me hee ek lever laga tha.. john apne hunting knife kee madad se uss lever ko ghumne kee koshsih karne laga.. lekin wo lever buri terah phansa tha.. aakhir me john ka knife ek jhatke se toot gaya. lekin tootne se pehle usne lever ko halka sa ghuma tha.. ab ham apni ungliya daal ke uss darwaje ko khol sakte they.. aur fir maine aur john ne apni puri takat laga ke uss darwaje ko khol diya..
ham dono andar gaye to mujhey wahi tooti hui khidki dikhai di jo maine bahar se dekhi thi.. aage ek badi si chair jaisi lagi dikhai de rahi thi.. john nee uss taraf ja ke check kiya to wo achanak aage badhtey badhety ruk gaya. achanak se usko to jaise saano soongh gaya tha.. maine pucha kya hua.. to wo mujey chair kee taraf ishara karne laga..
main samajh gaya kee wo kya kehna chah raha hai.. maine bhi aage jake check kiya to mere bhi pairo tale jameen khisak gayi.. iss plane ke alien plane hone ka jo bhi thoda bahut shak mere dil me bacha tha ab wo bhi door ho gaya.. uss plane kee seat par uske ilot kee dead body phansi thi.. ek alien ki body.. uski body ki shae thoid thodi thi to insano jaisi.. lekin wo kisi bhi angle se insan najar nahi aa raha tha.. uska kad mushkil se 4 feet tha.. ekin uska sir bahut bada tha bilkul kisi football jaisa.. seatbelt me phanse uske bejaan shareer se latke uske haath panai me tair rahe they… aur pani me phanse hone ke baad bhi uski body kahin se gali ya sadti hui nahi dikh rahi thi.. ek alien ko aise apne samne dkeh ke jahir tha kee hamare dimag ne kam karna band kar diya tha.. samajh hee nahi aa rah tha kee ab hamein kya karna chaiye.. john ne kaha kee hamein yahan se chale jana chahiye… lekin main chahta tha kee ham uss body ko nikal ke apne sath le jaye.. john uss alien ko haath lagane ko bilkul bhi tayyar nahi tha.. lekin aakhir me wo maan gaya.. asal me main uss alien ko apni lab me le jaake uska post martem karna chahta tha.. aur uski body ko study karna chhata tha.. fir darte darte hamne uski body ko wahan se nikala aur apni naaw kee madad se ukso apne camp me leke pahuche..
aur jaise hamne socha tha.. alien ki body ko dkeh ke dary aur david ke to hosh udd gay.. david ke to chehra ka rang hee udd gaya tha jaise kee usne koi bhoot dekh liya ho.. uske muh se awaz bhi nahi nikal rahi thi.. fir kuch der bad jab sab thoda normal huey to maine unko apna plan bataya.. maine kaha kee ham iss body ko apni boat ke sath lapet kar apne sath seedha lab me le jaenge.. kisi ko shak bhi nahi hoga.. aur ek bar lab me pahuch jane ke bad to waise bhi koi problem nahi hone wali..

lab. konis lab ke bare me aap bat kar rahe hain professor.. aapki college lab ke bare me ?? maine pucha..

nahi.. college lab nahi.. hamari personal lab.. ham chaaro ne ek kiraye kee jagah pe apni ek personal lab bana rakhi hai.. jise ham apni personal research aur students ko assignments wagera dene ke liye use karte they.

lekin gary manne ko tayyar nahi ho raha tha.. bola agar police ne hamein pakad liya aur hamara saman check karne lage to ham pakde jaenge.. kisi ko bhi shak ho skata hai.. david bola nahi.. ais akuch nahi hone wala. agar police ne hamein roka bhi to hamein bas normal act karna hai.. kisi ko shak nahi hoga.. ham chaaro 20 minute tak behas karte rahe. aur fir sab tayyar ho gaye..
hamne apna sara saman pack kiya aur nikal pade.. teen ghante kee drive me ham bas ek bar petrol bharwane ke liye ruke they.. kisi ko hamp shak nahi hua.. lekin fir bhi petrol dalwate huey mera dil dhad dhad bajj raha tha.. fir 2.30 bajje ke kareeb ham apni lab me pahuch gaye.. hamne garage me car park kee aur fir jaldi se lab me main room me pahuche.. uss alien kee body ko lekar..
iss lab me aajtak hamne na jane kitni bodies ko kaat ke unpar research ki thi.. lekin aisa karte huey kabhi dil me koi darr nahi aaya tha.. lekin iss baar.. iss bar sab kuch alag tha..
lekin ab ham kuch kar bhi nahi sakte they.. ham bahut aage aa chuke they.. aur yahan se peeche jana mumkin nahi tha.. ham ek alien ki deadbody ka post martem karne ja rahe they.. ss baat ke pure pure chance they kee der saver sarkar ko aur sarlari agencies ko iss baare me pata chal jaega.. aur fir hamare sath kuch bhi ho skata tha. hamein raatorat
gayab kiya ja sakta tha.. iss duniya se gayab.. kisi ko pata bhi nahi chalta kee hamein kahan gayab kar diya gaya hai.. ye alien aur iska sara raaj.. sab kuch hamare duniya se gayab ho jata.. isliye hamne faisla kiya.. kee ham is pure postmartem ka video banaenge..
shuruwati postmartem me maine dekha kee uski body bahar se to insano jaisi thi lekin andar se nahi.. uski chest ke dono side me 2 haddiya thi.. jinke beech me ek bahut narm jagah thi.. maine sabse pehle usi pe cheera lagaya.. uski body ke andar insano jaise hee organs they.. lekin alag alag jagaho par.. uske fefde bhi they.. lekin unki shae kuch alag thi.. hamne andaja lagaya kee ye fefde hee ho skate hain..kyuki unme pani bhara hua tha.. iss alien kee maut pani me doobne se hui thi.. iske alawa puri body par kahin koi chot ka nishan nahi tha..
fir hamne uske sir ko check karna start kiya. uska dimaag billkul insano ke jaisa tha. bas antar itna tha kee wo traingle shape me tha.. jaise kee uske sir ke upar koi pyramid rakha hua ho.. lekin fir hamne ek ajeeb cheej notice kee.. uske dimag ke neechey ek organ aur tha.. usko dkeh ke hamein bahut confusin hui.. kyuki insnao me aisa koi organ nahi hota.. lekin tabhi David ne notice kiya kee wo chota sa organ dhadak raha tha.. lekin ye kaise ho sakta tha.. kyuki ham to uss jeev ko abhi tak mara hua samjah rahe they.. lekin shayad aisa nahi tha.. maine uske upar apna haath rakhne me mehsoos kiya to wo sach me dhadak raha tha. jaise hamara dil dhadkata hai..
aur tabhi uski body me pata nahi kahan se ek ajeeb sa liquid niklane laga.. bilkul aisa jaise thermometer ka mercury hota hai.. safed.. chamakdaar.. maine jaldi se uss liquid ko ek testtube me dal liya.. uspe reserach karne ke liye..
hamne uss liquid ko panch ke saaf kar diya.

wo liquid tha kya.. usska khoon tha ??

mujhey nahi pata.. lekin agle din uss liquid ne jo kuch kiya wo dekh ke ham sab hairaan they..

acha.. aisa kya hua agle din.

post martem karne ke baad hamne sari cheejon ko note kiya aur fir khana kha ke sone ke liye let gaye.. hamne apni families ko bhi kuch nahi bataya… lekin agle din jab hamne fir se uss alien ko body check kee to hamein apni aankhon par yakeen hee nahi hua.. abhi 15 ghante pehle hee to hamne uski body ko upar se lekar neechey tak cheera tha.. lekin ab .. ab to uska wo pura jhakam 80% tak theek ho chuka tha.. hamein to apni aankhon par yakeen hee nahi hua.. tab tak hamein nahi pata nahi tha kee ye sab usi liquid kee wajah se hua hai.. fir hamne uss liquid ko reserach akrne ka faisla kiya.. maine usey testube me store karke rakha tha.. sabse pehle hamne uss liquid ko teen chucho ke andar dala.. ye dekhne ke liye kee isse unki body kaise react karti hai..
lekin teeno chuhe wo liquid dalne ke 3-4 minute ke andar hee marr gaye.. aisa hamein laga tha.. lekin wo mare nahi they.. mera matlab clinically ham unko mara hua maan chuke they.. kyuki unki bodies me koi movement nahi tha.. lekin fir kareeb 20 minute baad achanak unme se do ki bodies me movemen hone laga.. hamne unko dusre chucho ke sath pinjre me rakha tha.. aur hamare dekhtey hee dekhtey wo chuhe jaise pagal ho gaye.. aur dusre chucho ke upar jhapatne lage.. pata nahi unme itni takat kahan se aa gayi thi.. dekhte hee dekhey un dono chuho ne pinjre ke baki sab chucho ko maar diya.. aur na sirf unko maara.. balki maar ke unko khaane bhi lage..
hamne iss terah ke reaction kee ummeed hee nahi ki thi.. david bola hamein inko abhi ke abhi khatam kar dena chahiye.. tto hamne syringe me posion bharke un teeno chucho ke andar daal diya.. labs me aksar iss
poison ka use kiya karte they.. aur itne saalo me maine aajtak aisa koi janwar nahi dekha jispe iss poison ne asar na kiya ho.. lekin un teeno chucho par usska koi asar nahi hua.. to hamne fir se posion ka double dose unki body me ghused diya… clinically unko 3- second ke andar mar jana chahiye tha.. lekin wo pehle ke jaise idhar udhar bhaagte rahe.. itne tej jehar ka bhi un chucho par koi asar nahi ho raha tha. hamare liye ye bahut hairaani ki baat thi.. ab david gusse me bola kee ye aise nahi marenge.. usne ek tong liya un chucho ko ek ek kar pakad ke unki khopdiyo me syringe ghused di.. aur tab jaa ke un teeno chuho ko ham maar sake..

Lekin abhi hamien iss experiment ke aur tehh me jana tha.. John bola kee hamein kuch aur chuho ke andar iss liquid ko dalna chahiye.. lekin iss bar ham inko alag alag rakhenge.. aur dekhne kee ye kaise react karte hain.. ham sab tayyar ho gaye.. Hamne uss alien ki body me uske dimag ke neechey jo hissa tha jahan se wo liquid nikla tha.. wahan se wo pura organ hee nikal liya.. aur fir hamne teen aur chuho ke andar wo liquid inject kar diya..
abb tak hamien ye to samajh aa gaya tha kee woo ajeeb sa liquid jo alien kee khopdi se nikla tha.. usi kisi terah ki koi chamatkari shakti thi.. wo kisi bhi body ko bahut takatvar bana sakta tha.. aur jiss body ke andar wo liquid chala jaye usko khatam karne ka sirf ek hee tareeka hai wo hai uski khopdi fod dena.. shareer ke choto ko wo liquid bahut asani se theek kar de raha tha.. aur jaisa hamne umeed ki thi.. alien ki body se wo sara liquid nikalne ke body uski body theek hona band ho gayi.. ab uska shareer theek nahi ho raha tha..
uss alien ki maut doobne se hui thi.. iska matlab tha kee wo rahasyamayee liquid vhoto ko to theek kar sakta tha lekin mare huey ko jinda nahi kar sakta tha..

un teeno chuho ka kya hua..

ahhh.. hamein ye nahi karna chaiye tha.. lekin honi ko kon taal saka hai.. wo teeno chuche bhi pehle walo kee terah bahut jyada aggressive ho gaye.. pinjre me akele band hone kee wajah jab unko attack karne ke liye koi nahi mila to wo hamari taraf hee jhapatne lage.. fir hamne unme se do chucho ko to maar diya.. lekin teesre chuhe ko pakadne ke liye john ne jaise hee pinjre me apna haath daala.. usne john kee ungli pe kaat liya.. chuhe ne itni jor se kaata tha jee gloubes ke andar tab uske daant john kee ungli me ghus gaye they.. john ne ekdam se apna haath jhatke se bahar kheecha tow o pinjra neechey gir gaya. aur wo chuhe bahar nikal ke bhaag gaya.. hamne usi waqt puri lab ko chaan mara.. lekin wo kameena chuha nahi mila.. pata nahi kahan bhaag gay atha..
hamne john se kaha ki tumhe hospital jana chahie.. lekin wo bola nahi.. uski jarurat nahi hai.. abhi hamein pehle iss experoment ko khatam karna chahiye..
ham agle kai ghanto tak apne experiment ki ek ek finding ko note karte rahe.. lekin fir 2 ghante baad achanak John ko daura jaise aane laga.. john ka shareer bhi peela padne laga tha.. ham jante they ye sirf us chuhe ke kaatne kee wajah se hua hai.. jiss jagah uss chuhe ne kata tha wo ungli to bilkul sadne jaise lagi thi..
ham chaaro university ke professors they.. biologists they. pata nahi hamne itni badi galti kaise kar di… hamein ye sab kuch wahin rok dena chahiye tha.. hamein uss alien ko body ko nikaal ke lana hee nahi chahiye tha.. lekin ab bahut der ho chuki thi.. Hamne gary ko kaha ke tum john ko hospital lekar jaao.. Jihn ki halat kharab hoti jaa rahi thi.. Gary john ko apne saath le gaya.. ab lab me bas main aur david hee they.. john ko maine fir kabhi nahi dekha..

Un dono ke jane ke bad David bola kee hamari ye discovery medical field me duniya kee sabse badi discovery sabit ho sakti hai.. iss liquid kee madad se ham na jane kitni jindagiya bacha sakte hain.. logo kee beemariyan door kar sakte hain.. unki chotein theek kar sakte hain.. lekin iske liye hamm iss liquid ko chuhe ke alawa kisi insan pe test karna hoga..
mane john ko samjhaya nahi.. hamein ye sab yahin rok dena chahiye.. lekin wo nahi mana.. usne jidd pakad li thi.. maine kaha to test karne ke liye tum kisi insan ko laoge kahan se.. aur agar experiment me uski maut ho gayi to kya karoge.. meri baat maano.. hamein abhi ke abhi ye sab band kar dena chahiye.. ham iss bare me behas kar hee rahe the kee gary wapis aa gaya.. Gary ne bataya kee John kee halat bahut jyada kharab ho rahi thi.. uske muh se jhaag nikalne lage they.. Gary ne bhi mujhsey kaha kee hamein ye sab yahin band kar dena chahiye.. main aur gary baat kkar hee rahe they kee tabhi hamein andar lab s ekuch girne kee awaz sunai di.. ham dono bhaag ke andar gaye tod ekha kee andar David khada tha.. aur uske ek haath me injection tha.. main dekhtey hee samajh gaya. jiss bat ka mujhey dar tha wahi hua.. usne wo liquid apni body me daal liya tha..
main aur gary david ko daantne lage.. kee tumhe aisa karne kee kya jarurat thi.. david bola.. fikar karne kee jarurat nahi hai.. meri body iss cheej ko sambhal legi..
sach batau to uss waqt mere dil ne mujhey batay diya tha kee maine bahut badi galti kar di hai.. iss alien ki body ko yahan laake.. aur ab hamare sath bahut bura hone wala hai..
main apna sir pakad ke baith gaya..
gar bola ab hamein sabse pehle iss alien ki body ko thikane lagana chahiye. isko yahan rakhna theek nahi hai.. mere to kuch samajh hee nahi aa raha tha. uss waqt main Alein ki body ke bare me to soch hee nahi raha tha… mere dimag me sirf ek hee bat aa rahi thi.. kee David ki body uss liquid se kiss terah se reach karegi.. dil baithe ja raha tha.. kabhi aapne aisi koi galti ki hai.. jo aapki jindagi ki sabse badi galti ho.. aur aap jante ho aap uss galti ko theek nahi kar sakte.. man kar raha tha kee bas kisi terah main samay m epeechey chala jau aur sab kuch theek kar doon..
lekin aisa to ho hee nahi sakta tha na..
2 ghante beet gaye. aur tab hamein david kee body me pehla change najar aaya.. davd ki height kam se kam 2 feet badh gayi thi.. aur uski body ki bahut muscular hone lagi thi.. uski muscles kapdo ko faad ke bahar aane lagi thi.. lekin uska dimaag abhi bhi theek kam kar raha tha..
Ham teeno ko hee shak tha kee halat kaabu se bahar ho sakte hain.. isliye david ne kaha kee tum mujhey bed pe lita ke mere haath pair band do.. ek baar ke liye agar meri haal un chuho kee terah hua to main tumpe attack nahi kar paunga.. hamne waisa hee kiya.. hamari lab me sab terah ke quipments they.. hamne usey bed pe litaya aur uske hath pair bandh diye.. uske hath pair bandhtey huey hee maine notice kiya ke uski body ki shape bahut teji se bigadti ja rahi thi.. matlab wo kisi danav jaisa hota jaa raha tha.. uske nakhun bade hone lage they.. hamein pata tha kee aisi halat me ham usey hospital bhi nahi le ja saktey..
usey bed pe baand ke ham bhi room se bahar aa gaye.. raat ho chuki thi.. mera shareer thakan ke maare toote ja raha tha.. main aram karna chahta tha.. lekin mujhy andaja hee nahi tha kee ye meri jindagi ke sabse manhoos raat raat hone wali hai.. ya shayad tha..
Kareeb 1 ghante bad meri aankh khuli to maine dekha kee Gary room me nahi tha..
Main check karne utha to dkeha kee wo John ke bagal me khada uski body ko check kar raha tha..
Yahan kya kar rahe ho Gary.. tumhe David ke itna paas nahi aana chahiye..
Meri awaz sunke gary bola.. David mar gaya hai..
Bas usne itna hee bola tha kee Peechey se david jisko hamne bed pe bandha hua tha.. wo ek jhatke se utha aur uske usno gary ka gala daboch liya.. Hamne david ko nylon ki majbut rassiyo se bandha hua tha.. lekin wo bhi uski takat ke aage nahi thehar saki.. David ne gary ko daboch ke pechey se uske kandhe par itni jor se kaata kee uska pura maans kheech ke bahar nikaal liya..
Mujhey pata tha main David ka samna nahi kar paunga.. isliye main usi waqt bahar bhaag ke seedha store room me gaya aur wahan rakhi shotgun nikal li… wo shotgun hamne aise hee kisi manhoos din ke liye wahan rakhi thi.. lekin maine kabhi socha nahi tha kee ek din ye mujhey apne hee sathi ke upar chalani padegi..
shotgun leke main lab kee ek table ke neechey chup gaya.. lights band thi.. aur fir mujhey david ke bhaari kadmo kee awaz sunai di.. wo kisi kuttein kee terah jor jor se saans le raha tha.. mujhey pata tha wo mujhey hee dhund raha hai.. dil dhad dhad bajj raha tha.. uske kadam bahar kee taraf jane lage.. mujey laga shayad ab wo wahan se chala jaega.. aur uske jate hee mian peeche ke darwaje se bhaag niklunga..
lekin tabhi.. bahar jate jate uske kadam ruk gaye.. shayad usko mere wahan hone ka pata chal gaya tha.. shayad use meri gandh mil gayi thi.. aur tabhi wo bhaagta hua aaya aur uss bhari bharkam table ko ek jhatke se utha ke fenk diya..
ab main kya karta.. david mera dost tha.. bahut acha dost.. main uske upar goli nahi chalana chahta tha.. lekin main aur karta bhi kya.. wo mujhey faad ke rakh dene wala tha.. ek bar ke liye apni jaan kee fikar chor bhi deta to mujhey maar ke wo na jane aur kitne logo kee jaan le leta.. usko kaabu nahi kiya ja sakta tha.. bas mara ja sakta tha.. meri shotgun me 7 goliya thi..
maine usi pal bina socha samjhe uski khopdi me 3 goliya chala di.. uske sir ke parkacche udd gaye.. dhadam se uska bhaari shareer jameen pe aa gira.. david mar chuka tha..
Fir main utha aur jaldi se gary ko dekhne ke liye gaya kee uski kaisi halat hai.. lekin Gary ki halat to aur jyada buri thi.. wo bed ke upar sir jhuka ke baitha tha.. uske muh se jhaag nikal rahe they.. main dekhtey hee samajh gaya kee david ke katne kee wajah se gary bhi ab shaitaan banta ja raha hai.. lekin iska asar uspe itni jaldi ho jaega.. maine ummeed nahi ki thi..
mujhey darwaje pe khada dekh gary ksii pagal janwar kee terah meri taraf jhapta.. main itna tej kabhi nahi bhaag sakta tha.. lekin shayad apni jaan bachane ke uss khayal ne mujhey wo takat de di thi.. main bhaagta hua seedha bahar nikal gaya.. gary bhi mere peechey peechey aa gaya.. aur uske bahar nikalte hee maine ek ke bad ek chaaro bachi goliya uski khopdi me utaar di..
goliyo ki aawaz sunke aaspas ke log bahar nikal aaye.. aur unhi me se shayad ksii ne police ko call kar kiya.. uske bad jo hua wo aapko pata hai..
————————————

ye sab kuch professor ne mujhey interview me bataya tha.. ab main aapko batata hoon kee mujhey aisa kyu lagta hai ki usne jo kuch mujhey bataya wo jhuth nahi tha.. sabse pehle main aapko bata doon kee ye ek bahut hee highly educated aadmi tha.. lekin educated hone ke sath sath wo bahut tej bhi tha.. wo jaanta tha kee agar sarkari agencies ko alien ke bare me pata chal gaya to wo bahut badi musibat me fans sakta hai.. sarkar iss terah kee cheejo kabhi public ke samne nahi lekar aati.. aur wo janta tha kee ye baat khulne par usko bhi gayab kiya ja sakta hai.. aur hua bhi aisa bhi..
iske 2-3 din baad ek din jab main station me hee kaam kar raha tha to pata nahi kahan se 3 lambe tagde aadmi wahan aaye.. FBI se hee honge paka.. unhone mujhsey kaha kee abb iss case me meri jarurat nahi hai.. iske case ko abb wo log handle karenge.. unhone mujhey case se related har ek cheej un logo ko
sonp dene ko kaha.. mujhey shuru se pata tha kee iss case me aisa kuch jarur ho sakta hai.. isliye maine uss interview wale tape ko ek jagah pehle heesave kar liya tha.. maine wo tape unko de diya.. Jo police wale iss case ko investigate kar rahe maine unse pata kiya to unhone bhi bataya ki unko iss case se hata diya gaya hai.. case ko ab kon dekh raha hai ye bhi kisi ko nahi pata tha bas sabko itna hee pata chala tha kee case ko ab bahar ke log dekh rahe hain.. lkin main issko itni asani se nahi chor sakta tha.. maine faisla kiya kee mian khud apne level par thoda bahut pata lagne kee koshsih karunga.. sabse pehle main uss lab me gaya jahan wo pura experiment kiya gaya tha.. Lekin wahan jaake pata chala kee lab kee taraf jane wale puri road hee band kar di gayi thi. To maine apni car door hee khadi kar di andar se hee dekhne laga kee ab yahan kya chal raha hai.. Un dono murders ko huey 7 din beet chuke they.. lekin mujhey wahan kai cars aati dikhai dikhai di.. badi badi.. SUV cars jinke andar waise hee lmabe lambe black suits pehle log they..wo log lab ke andar jate aur fir bahar aa jatey.. fir thodi der baad koi aur SUV wahan aati aur usme se waise hee log nikaltey.. wo koi mamuli log to bilkul nahi lag rahe they.. main wahan jyada der nahi ruka..
uske baad main seedha uss hospital me gaya jahan John ko le jaya gaya tha.. uss hospital me kai doctors they jinse meri achi jaan pehchaan thi.. unme se ek doctor uss waqt emergency ward mee tha jab John ko wahan laaya gaya.. usne bataya kee usne aisa case apni jindagi me pehle kabhi nahi dekha tha.. John ko wahan laate hee usey kuch hee minto me admit karke upar wale ward me bhej diya gaya.. maine uske treating doctor se baat ki to usne bataya kee unko iss case ke bare me bilkul muh kholne se mana kiya gaya hai.. wo phone pe iss bare me koi bat nahi kar sakta.. to main khud personally usse milne gaya.. doctor ne bataya kee John ko admit karne ke kuch der bad hee uski maut ho gayi thi.. usne khud uski maut declare kee thi.. lekin jab uski dead body ko body bag me dala ja raha tha to achanak se uski body me movement hone lagi.. wo buri terah gurrane laga aur cheejein idhar idhar fenkne laga.
staff ne usko rokne kee bhi koshish kee lekin usne ek nurse ke haath pe kaat liya.. jaldi se security ko wahan bulaya gaya. police ko bhi call kar di gayi.. ekk dead body ko aise jinda hotey dekh ke security guard ne aapa kho diya aur usne ek fire extinguisher john ke sir pe jor se maar diya.. Sir pe chot lagtey hee john fir se marr gaya..
agle din jiss nurse ke hath pe john ne kaata tha.. uss nurse ne email se apna resination de diya.. uss din ke bad uss nurse ko maine fir nahi dekha..
firr uss doctor ne mujhey ek bahut ajeeb baat batayi..
usne bataya kee agle hee din hospital ke sare records se john ka naam gayab kar diya gaya tha.. naa sirf uski files aur papers.. balki uska electronic record bhi.. hospital ke software se hee uda diya gaya tha.. ye kaam hospital ka koi staff nahi kar sakta tha. ye bahut upar se hee kiya ja sakta tha..
Yahan tak kee kuch ghanto baad jab John ki dead body ko lene ke liye jo van wahan pahuchi.. uska pickup driver bhi koi aur hee tha.. naa hee uss van ke upar koi number plate thi.. lekin usko police clearance mila hua tha.. pata nahi wo konsi company ki pickup van thi..
Na to uss lab me aur na hospital me mujhey jyada kuch pata chal saka .. isliye ab mere pas bas ek hee jagah bachi thi jahan jaa ke main kuch pata laga sakta tha.. wo jagah thi wo jagnle jahan nadi me unko wo plane mila tha.. mere pas uss jagah ke GPS coordinates they.. lekin wahan pahucha to dekha kee jangle me jane wale raste ko bhi bilkul band kiya ja chuka tha.. har jagah police ke no entry ke board lage they.. sirf no entry hi nahi. balki wahan warning signs bhi lage they.. kee yahan aane wale ko shoot kiya ja sakta hai..
aisa to maine pehle kabhi nahi dekha tha..
abb mujhey ye samajh aa gaya tha kee mera iss case se door rehna hee behtar hai.. isliye main bhi iss baare me bhool gaya.. kai mahino tak.. jab tak ki mamla thanda na ho jaye.. fir kuch mahino bad jab mujhey yakeen ho gaya kee ab sab iss bare me bhool chuke honge to maine fir se ek bar uss Professor se milne kee koshsih kee.. lekin hairaani kee baat thi ki uska kuch ata pata nahi tha.. hamare office ke recorrds me, filo me, computer me.. har jagah se uska naam gayab kiya ja chuka tha.. police ke records se iss terah koi record delete karna.. yee bahut upar se hee kiya ja sakta tha. yahan tak kee google search par bhi jab main michael naam se search kiya.. to bhi mujhey uss professor ke bare me kuch nahi mia.. wo university me professor tha.. google pe uske bare me kuch to milna chahiye tha.. lekin kuch nahi mila.. na koi facebook.. na koi aur social media profile.. usko bhi uske baki dosto kee terah gayab kiya ja chuka tha.. jaise kee wo chaaro iss duniya me kabhi aaye hee na ho.. usne passports se lekar driving license tak.. sab kuch mita diya gaya tha..
aapka to mujhey nahi pata lekin mujhey to saf saf dikh raha hai kee iss pure case me koi bahut badi sazijsh kee gayi hai.. jaise michael ne kaha tha.. kee government ko iss bare me pata chalte hee unko naamonishan gayab kar diya jaega.. bilkul waisa hee hua..
mujhey yakeen hai na sirf un chaaro professors ko balki uss nurse ko bhi jiske haath pe john ne kaata tha usko bhi jarur gayab kar diya hoga.. lekin uss chuhe ka kya hua hoga.. jiske andar unhone wo liquid dala tha aur jo unki lab se bhaag gaya tha.. kya usko bhi pakad liya gaya hoga.. ya wo abhi bhi ek super chucha banke iss shehar kee galiya me ghoom raha hoga..aaj tak iss duniya me jitni bhi mahamariya aayi hain wo sab chuho aur chamkadar jaisi cheejo se hee aayi hain.. aur agar uss chuhe ke nahi pakda gaya hoga to kya ye duniya ek aur bhayankar mahamaari kee taraf badh rahi hai.. aisi mahamaari jiski duniya ne kabhi kalpana bhi na ki ho.

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!