Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Main hospital industry ke funeral care ke liye kaam karta hoon.. matlab kee main ek aisi company ke liye kaam karta hon jiska kaam hai hospitalo ya gharo se dead bodies ko ek jagah se dusri jagah lekar jaana.. mere paas aane wali jyadatar dead bodies aisi hoti hain jinko mujhey pehle dusre hospital me le jana hota hai.. jahan 1-2 din tak unko postmartem wagera ke liye rakha jata hai, aur uske bad wapi unke ghar unke pariwar walo ke pas bhej diya jata hai.. main iss kaam me naya nahi ho.. laasho ko dhote huey mujhey bahut saal ho gaye hain.. aur aapko shayad ajeeb lage.. mujhey iss kaam me bahut maja aata hai.. mera matlab ya kaam aisa hai jisme koi sirdardi nahi hai.. upar se iss baat kee khushi bhi hoti hai kee ham logo ke mushkil samay unke chahne walo kee dead bodies unke ghar tak pahuchaate hain.. kai baar jab ham kisi dead body ko leke uske ghar pahuchtey hain to wahan pehle se hee logo kee bahut bheed maujood hoti hai jisse pata chalta hai kee log usko kitna chhate honge.. lekin kai baar hamara samna kuch bahut hee buri laasho se bhi ho jaata hai.. jaise kee ek baar ham ek aurat kee lash uske ghar se nikalne ke liye pahuche to pata chala kee usko mare kai din ho chuke they.. aur laash me keede pad chuke they.. itne keede kee wo uss building ke har ek floor me fail gaye they.. iske alawa aur bhi kai baar aisi dardnaak laasho se hamara samna hota rehta hai.. lekin ye sab meri job ka hee ek parta hai.. mujhey in sab cheejo se koi problem nahi hoti .. na hee dar lagta hai.. lekin ek baar.. ek bar mere sath kuch aisa hua jiske baad se mujhey akele in lasho ke beech rehne se thoda thoda dar jarur lagne laga hai..
haah.. to hua aisa aisa tha kee jaise kee maine bataya mera jyadatar samay mortuary se lasshe laane le jaane me hee beetta hai.. to ek baar mujhey ek laash ko lekar jana tha.. wo kisi budhe aadmi ki lash thi.. jo ek old age home me rehta tha.. usi old age home me hee uski maut ho gayi thi.. to unhone usski lasho ko mortuary me bhijwa diya tha.. jisse kee baad me uske gharwale aake uski lash collect kar sakein.. to uss shaam mere paas mortuary se call aayi kee mujhey laas ko lekar ek adress par deliver karne jana hai.. jiss hospital ki mortuary se mujhey wo lash pick karni thi wahan main itni bar ja chuka tha kee wahan se sab security guards bhi mujhey jaane lage they.. mortuary uss hospital ke basement me bani thi.. jahan bahut si lasho ko ek sath freezer me rakha jata tha jisse wo sade na.. mujhey mortuary kee har ek jagah ka pata tha.. lekin fir bhi mere sath ek security guard jarur jata tha.. dead body ko freezer se nikal ke bahar van me rakhwane me meri help karne ke liye.. to uss shaam bhi hamesha kee terah jab main mortuary ke samne pahucha to wahan khade guards me se ek guard mere sath neechey jaane laga.. ham aram se baatein kartey huey seedhiyo se neechey jaa rahe they.. fir mortuary ke andar pahuch ke usne kuch paper formalities kee..wo ek bada sa hall tha.. jisme bahut si dead bodies freezer me rakhi gayi thi.. fir jis body ko main lene aaya tha usne usse freezer se nikal ke table par rakh dya.. main uspe lage tag ko check hee kar raha tha kee tabhi tabhi uske phone pe call aa gayi.. bahar parking me koi jgahda ho gaya tha.. usko turant wahan jana tha.. usne mujhsey kaha kee tum yahin ruko main abhi 10 minute me aata hoon.. aur itna keh ke wo wahan se chala gaya.. ab main uss pure floor par akela tha.. wo -2 basement tha.. matlab kee uss building ka sabse neechey wala floor.. jahan koi nahi aata tha.. itni dead bodies ke beech main ab wahan bilkul akela tha.. pure floor par bilkul sannata tha.. lekin mujhey kuch bhi ajeeb nahi lag raha tha.. main chupchaap wahan table pe baith ke pane register me entry karne laga.. aur tabhi. ek aawaz aayi.. aawaz aisi thi jaise koi body uspe lage plastic me se bahar sarki ho.. lekin aisa kaise ho sakta tha.. wahan mere alwa aur koi nahi tha.. aur koi murda lash plastic me se apne aap kaise sarak sakti thi. maine uth ke pure hall me dekha.. koi nahi tha.. mujhey laga mujhey hee koi weham hua hai.. main wapis se table par baith gaya.. lekin mere baithye hee fir se.. ek aawaz aayi.. aawaz bilkul aisi thi jaise koi plastic ke bag me se nikalne kee koshish kar raha ho.. wo bhi bilkul dheere dheere.. jaise kee wo nahi chahta tha kee mujhey wo awaz sunai de.. pakka kuch gadbad thi.. aur tabhi.. wahan ki lights jalne bujhne lagi.. aur fir kareeb 30 second jalne bujhne ke baad pure floor par andhera chaa gaya.. sab lights band ho gayi.. mere chaaro taraf ghupp andhera tha.. main man hee apne aap kismat ko koss raha tha kee ye sala aaj kahan fans gaya.. aur tabhi fir se ek awaz aayi.. wo chain khulne kee awaz thi.. body bag ki chain jiske andar dead bodies rakhi jati hain.. aur wo usi kamre ke ek kone se aayi thi.. main aapko ata nahi sakta kee uss waqt main kitna darr gaya tha.. mera dimaag mujhsey cheekh cheekh ke keh raha tha bhaag yahan se.. lekin mere pair.. mere pairo me to jaise jaan hee nahi thi.. man ye manne ko tayyar hee nahi ho raha tha kee yahan koi bhoot hai.. kahain koi mere sath prank to nahi kar raha .. kahin ye mera weham to nahi.. kamre me ghupp andhera tha.. kuch dikhai nahi de raha tha.. aur fir.. dhadam se ksii ke farsh ke girne kee awaz aayi.. koi mere taraf aa raha tha… main puri takat laga ke wahan se bhagne kee koshsih karne laga.. kamre me andhere to tha lekin mujhey andaja tha ki darwaja kis taraf hai.. lekin uss waqt to wo kamra aisa lag raha tha jaise na jane kitna bada ho.. wo kadam mere pas aate ja rahe they.. aur tabhi .. achanak kisi ne mere dono pairo ko pakad ke kheech diya.. main dhadam se neechey gir gaya.. mera sir jor se farsh pe ja laga.. sir chakrane laga.. ab wo kadmo kee awaz bhi band ho gayi thi.. lekin tabhi mujhey theek apne chehre ke samne kuch mehsoos hua.. jaise koi theek mere chehre ke samne mujhpe thandi saansein chor raha ho.. ek ajeeb si sadi hui badbu bhi aa rahi thi.. aaj pakka mara jaunga.. lag raha tha abhi heart attack aa jaega.. aur tabhi ek jor ki awaz ke sath kisi ne darwaja khol diya.. darwaja khultey hee hall kee lights bhi aa gayi.. ye wahi security guard tha.. mujhey farsh ar pada dekh wo bhaag ke mere pas aa gaya.. mere chehra to darr ke mare peela pada hua tha.. maine dekha samne ek kone me ek laash freezer me uske body bag se bahar farsh pe nikli padi thi.. usne mujhsey pucha ye lash bahar kaise aayi.. lekin maine usey kuch nahi bataya.. maine kaha main bas issey chechk kar raha tha aur light chali gayi .. isliye ye mere hath se choot ke neechey gir gayi.. main bahar jaa haee raha tha kee mera pair fisla aur main gir gaya.. meri bat sunke wo hansne laga.. jahir hai usko lag raha tha kee main andhere kee wajah se wahan se darr ke bhaag raha tha.. lekin main wahan ek pal aur nahi rukna chahta tha.. maine jaldi se mere le jane wali body ko strecther pe dala aur apni van me jaa ke uss hospital se nikal gaya.. floor se nikal gaya..
pata nahi uss shaam mere saath kya hua tha. kya wo koi dhokha tha ya uss din sach me mera saamne kisi jinda laash se hua tha.. main abhi lasho ko lane lejaane ka kam karta hoon.. lekin uss din ke bad se main kabhi kisi mortuary ke andar akela to bilkul pair bhi nahi rakhta hoon..
====================================
ek din main apne husband ke saath subah ke time hamare ghar se kuch door ek hospital me gayi thi.. asal me uss din mere husband kee kamar ki MRI hone thi jiske liye unhone appointmnent bhi le rakhi thi.. jab ham wahan pahuche to mere husband to MRi ke liye andar chale gaye.. lekin nurse ne mujhey bahar hee waiting room me baithne ko kaha.. baithey huey maine notice kiya kee uss pure hall me mere alawa aur koi nahi tha.. shayad log wahan shayaad sirf appointment se hee aate they.. isliye wahan mere alawa aur koi nahi tha.. main jis jagah baithi thi wahan mere peechey se sheesha laga tha.. jisse main dekh sakti thi kee peechey hallway me kya chal raha hai.. ajeeb bat thi kee wahan koi bhi najar nahi aa raha tha.. main wahan baithi hee thi kee tabhi.. wahan ki light flicker karne lagi.. maine dhyaan nahi diya.. mera matlab mujhey laga shayad light me hee koi problem hogi.. koi badi bbat nahi thi.. lekin fir tabhi.. mujhey samne side wale kamre se ek saya bahar nikalta dikhai diya.. uska koi chehra nahi tha bas kaale dhueen jaisa saaya tha.. usko aise achanak wahan dekh ke ek bar ke liye to mera dimaag hi hil gaya.. mujey aisa mehsoos ho raha tha jaise wo bahut gusse me aur dara hua ho.. mere samne left side pe kuch soor ek darwaja tha.. jispe tala laga hua tha.. shyaad bahut samay se. wo saya mere samne se hota hua seedha uss kamre kee taraf gaya aur uss band darwaje me sama gaya.. ye sab kuch mushkil se do ya teen second ke liye hee hua tha.. lekin meri to darr ke mare halat kharab ho gayi thi.. samajh nahi aa raha tha kya karu.. bhaagu yahan se.. lekin mere husband abhi andar hee they.. maine socha jaldi se phone me bhagwan ke kuch gaane laga leti hoon.. lekin mere phone nikalte hee uss taale lage darwaje ke peechey se ek tej aawaz aayi jaise kisi ne uspe jor se laat maari ho..
awaz itni tej thi ki mujhey laga ye darwaja abhi toot ke gir jaega.. lekin achanak se maine kiya kee mujhey ab darr nahi lag raha tha balki bahut dukh mehsoos ho raha tha.. jaise kee wo saya mujhsey kehna chahta ho ki wo bahut dukhi hai aur phansa hua hai.. jaise kee wo wahan se bhaag jana chahta ho. main wahan baithi hee thi ki tabhi dusri taraf se ek budhi aurat aayi aur mujhsey puchne lagi.. tumne bhi usey dekha na.. maine kuch kaha to nahi lekin mera dara hua chehra dekh kar wo jarur samajh gayi hogi.. fir usne mujhey ek aadmi ke bare me bataya jiski bahut saal pehle hospital ke iss hisse me maut hui thi.. asal me ye ek bahut purana hospital tha aur pehle patients ko isi hisse me rakha jata tha.. lekin bad me hospital kee nayi building bana di gayi.. aur yahan sirf tests hone lage.. uss aadmi ke dimaag me kuch problem thi.. aur uske gharwalo ne uski marji ke khilaaf usko yahan admit karwaya hua tha.. wo na to ksii se baat karta tha na hansta tha.. bas yahi kehta tha kee wo yahan se bahar jana chahta hai, uska yahan man nahi lagta.. uske heart me bhi kuch problem thi.. aur fir ek din uski yahin maut ho gayi.. batatae hain kee maut ke samay wo bilkul akela tha aur bahut gusse me tha.. gussa iss baat ka kee usko uski marji ke khilaf hospital me rakha gaya tha..
aur uss din se uski aatma aaj bhi yahan bhatak rahi hai.. uss budhi aurat ne bataya kee wo 30 sal se iss hospital me safai ka kaam kar rahi hai.. aur uss aadmi ki aatma ko un logo ne bahut bar dekha hai.. lekin wo kabhi kisi ko nuksan nahi pahcuhata.. bas apni maujoodgi ka ehsas karwata hai.. wo ye sab bata hee rahi thi kee mere husband room se bahar aa gaye.. main jaldi se uth ke apne husband ke pas chali gayi..maine palat ke uss aurat kee taraf dekha to.. to wo wahan nahi thi.. lekin aisa kaise ho sakta tha.. peechey kee taraf to sheeshe ke deewar thi.. wo kahan ja sakti thi.. mujey to samajh hee nahi aa raha tha ye sab kya ho raha hai.. lekin mujhey darr abhi bhi nahi lag raha tha.. bas man udaas tha.. mujhey un dono ke nam tak nahi pata they.. uss office se nikalne se pehle maine ek bar uss band darwaje kee taraf dekha aur awwaz di.. bhagwan aap logo ki aatma ko shanti de.. aur fir ham wahan se chale gaye.. mere husband ne mujhsey iss bare me pucha to maine unko bhi sari baat bata di.. uss din ke bad bhi main kai bar apne husband ke sath uss office me gayi hoon.. lekin un dono me se koi bhi mujhey fir kabhi dikhai nahi diya..mera manna hai hai ke is duniya me bhoot pret jaisi cheejein hoti to hain, lekin wo hamesha bure nahi hote..
==============================
Ye kahani aaj se 15 saal pehle kee hai… meri dadai ki umar kareeb 65 sal thi. aur unki tabiyat jyadatar kharab hee raha karti thi jiski wajah se hamara bhi hospital aana jana laga rehta tha.. hamare ghar kee halat bhi un dino jyada achi thi.. isliye ham dadi ko kisi naye hitech hospital me le jana afford nahi kar sakte they..hamare shehar me hee hospital tha.. jo waise to bada tha. lekin bahut purana tha.. hospital waise to acha tha.. lekin shehar ke log usko bhootiya hospital ke naam se bulate they.. batatae hain kee kai sal pehle uss hospital ke basement me ek mortuary hua karti thi jahan uss hospital me marne wale pateints ko rakha jata tha. log batate they kee unme se kuch laashein aaj bhi uss hospital kee mortuary me maujood hain.. jinke bhoot rat me bahar nikaltey hain aur logo ko dikhai dete hain.. ye sab baatein kitni sach thi aur kitni jhuth ye to mujhey nahi pata lekin mujhey uss hospital se bahut darr lagta tha.. main tab tab sirf 9 saal ka tha.. to ek baar jab meri dadi ki tabiyat kharab hui to papa ne unko usi hospital me admit karwane ka faisla kiya.. raat me mere papa hee dadi ke sath hospital me rukne wale they… lekin main nahi chahta tha kee mere papa rat me uss hospital me rukein.. isliye jaise taise maine apne papa ko rat me wahan na jane ko mana liya.. decide hua kee rat me dadi ke sath mere chacha rukenge.. shayad apko ye bat muri lage.. lekin main bilkul nahi chahta tha kee rat me mere papa uss bhootiya hospital me ruke aur koi bhoot nko pareshan kare.. mere chacha jo ki mere papa se 8 sal chote they wo raat me dadi ke pas rukne ke liye hospital pahcuh gaye.. aur fir din kam karne ke bahut thaka hua hone ke karan chacha rat me khana khate hee gehri neend me so gaye.. dadi bhi so rahi thi kee raat kareeb 2 baje achanak unko ajeeb si aawazein sunai dene lagi .. aur aisa lagne laga jaise koi unke pair ko choo raha hai..sath hee bata doon kee meri dadi ne bhi apni life me bahut se bhoot preto ka samna kiya hai isliye dadi in sab cheejo ko ache se samajhti thi.. to raat me jab dadi ko wo ajeeb awazein sunai dee to unhone himmat kar ke apni aankh khola ke dekha.. to dekha kee unke theem samne pairo ke paas ek aurat khadi thi.. wo aurat kam se kam 10 feet lambi thi..lekin bahut dhundli se najar aa rahi thi.. uske lambe lambe baal they aur wo bahut hee jyada patli thi..
aur wahan khadi wo itni itni jor jor se ro rahi thi kee chacha to kya uss hospital me maujood sab logo ki aankh khul jaye.. lekin ahirnai ki bat thi kee chacha ko to jaise koi fark hee nahi pad rtah atha jaise ke unko uski awz suani hee na de rahi ho.. meri dadi ka pura shareer dar ke maare jam gaya.. wo apni ek ungli tak nahi hila pa rahi thi.. wo aurat subah 6 baje tak dadi ke pas khadi rahi.. aur fir subah roshni hote hee wahan se gayab ho gayi..
fir jab chacha ki aankh khuli to unhone dekha kee dadi ke bed ke neechey bahut sara khoon pada tha.. chacha bahut darr gaye kee kahin dadi ko to kuch nahi ho gaya hai.. to wo uss khoon ko theek se dekhne ke liye neechey jhuke to .. to achank unke muh se cheekh nikal gayi.. dadi ke beed me neechey ek kenchi aur ek insani jeebh padi thi.. aur wo sara khoon usi jeebh se hee nikal raha tha.. wahan kisi terah ka ek liquid aur pada tha jisse bahut hee gandi badbu aa rahi thi.. chacha usi samay dadi ko leke uss hospital se nikal gaye.. ghar aake dadi ne sabko rat wali bat batayi to sab log bahut darr gaye.. sabne faisla kiya kee wo ab dadi ko uss hospital me nahi lekar jaenge. pata nahi uss rat wo aurat kon thi jo 4 ghante meri dadi ke bagal me khadi rahi.. lekin shukar hai kee wo bas wahan khadi thi.. usne dadi ko koi nuksan nahi pahcuhaya.. abhi pichle sal 2020 me meri dadi 80 ki umar me ye duniya chor ke chali gayi..
==================================
main jo baat apko batane ja rahi hoon ye bilkul sach hai.. ye february 2001 kee bat hai.. halaki aaj main ek dusri country me reh rahi hoon lekin mujhey aaj bhi us rat ka eke ek pal bahut ache se yad hai… meri beti tab paida hee hui thi.. aur ghar aane ke kuch hee din baad usko jaundice ke symptoms hone lage they.. isliye doctor ne usko 2 din ke liye hospital me admit rehne ko kaha tha..wo tab mushkil se ek maheene kee thi.. isliye raat me mujhey hee hospital me reri y icu me lamp ke neechey rakha gaya tha.. aur main bahar waiting area me thi.. main uss hospital me itni baar aa chuki thi kee mujhey uss hospital ka ek ek chappa ache se yaad ho gaya tha.. to uss raat bahar baithey baithey mujhey achanak kuch kahaane ka man karne laga.. uss floor par kai jagah vending machines lagi thi. to main uth ke kuch khane ke liye laane jane lagi.. mujhey pata tha ke samne oncology wing me ek vending mahcine lagi hai..isliye main seedha usi taraf jane lagi..uss rat rat ke kareeb 1 baje they.. hospital ki wo wing bilkul khaali aur sunsan thi.. normally hospitals me rat me bhi lights off naahi ki jati.. lekin mujhey hairaani thi uss wing me bilkul andhera tha.. na hee koi dusra aadmi najar aa raha tha.. bahut ajeeb bat thi.. main corriddor me chalti ja rahi thi.. pata nahi kyu wo corridoor mujhey ku jyada heelag raha tha.. beech beech me kai crossings aayi thi.. mujhey bahut confusion ho rahi thi.. lekin ye socha ke shayad andhere aur neend ke wajah se aisa lag raha hai.. mujhey bas kuch khane ke liye chahiye tha. aur fir bahut der chalte rehne ke baad main ek vending machine ke pas pahcuh gayi.. jahan lights on thi.. jahan tak mujhey yad hai maine wo area pehle kabhi nahi dekha tha.. jabki main uss hospital me bahut bar aa chuki thi..area bilkul normal tha.. side me ek badi si sheeshe ki deewar thi.. ek darwaja tha.. 2 venidng machine sthi a trashcan thi.. ek emergency exit door tha aur saamne ek badi si sheeshe ki khidki thi.. jisse samne wali road saaf najar aa rahi thi..
main jaa ke ek vending machine ke samne khadi ho gayi.. tabhi maine ek aur bahut ajeeb cheej notice ki.. uss machine ke andar jitne bhi chips aur bisuits wagera ke packet rakhe they.. unke naam bahut ajeeb they..matlab ki normal jo chips aur colddrinks wagera ke brand hote hain wo nahi they balki kuch aur hee they jo maine pehle kabhi nahi sune they.. khair.. maine ek chips aur coldrink i bottle nikali aur samne table par baith ke khane lagi.. table par baithi main uss sheeshe kee khidki se bahr hee dekh rahi thi.. hospiatl se bahar road par bahut sare ghar they.. maine uss road ko ache se janti thi.. kyuki meri wk freind uski road par rehti thi.. lekin uss waqt.. us waqt main jiss road ko dkeh rahi thi.. wo to koi aur hee road thi.. unn ghari ki banawat bhi mujhey kuch alag najar aa rahi thi..aur ye meri najro ka dhokha nahi tha.. ais alag raha tha jaise main kisi dusri hee jagah pe aa gayi hoon.. kisi dusri duniya me.. maine jaldi se chips khatam kiya aur khali packet ko trashcan me dal ke main uss darwaje se bahar nikal ke jane lagi.. lekin corridoor ke aakhir me jake pata laga kee kisi ne uss corridoor ke darwaje ko dusri taraf se band kar diya tha.. mujhye laga shyaad kisi securtiy guard ne wahan tala laga diya hoga.. ye soch ke kee yahan koi nahi hai.. wahan side me me deewar pe ek emergency phone laga tha.. maine uss phone se hospital ki emergency pe call kar ke unko apni location batayi to unko samajhmeri location samajh hee nahi aa rahi thi.. maine unko bataya kee yahan ek vending mahcine hai.. table aur chairs bhi rakhi hai.. lekin unke hisab se to aisi koi jagah uss hospital me nahi thi.. aakhir me hospita security ne decide kiya kee wo log har ek darwaje ko kholenge.. darwaja khultey hee unhone mujhey bahar aane ko kaha.. lekin kai der wait karne ke bad bhi wo darwaja nahi khula.. ab mujhey bahut ghabrahat hone lagi thi.. pata nahi main kahan pahcuh gayi thi.. dill me darr aane laga tha.. maine decide kiya kee main dusri taraf jaunga.. shayad wahan koi darwaja khula ho.. aur fir kareeb 20 minute chalte rehne ke bad maine ek band darwaje ke samne pahuchi.. aur khushkismati se mere kheechne par wo darwaja khul gaya.. lekin wahan se bahar aate hee maine peechey mud ke dekha to wahan koi darwaja nahi tha.. siwaye ek deewar ke.. lekin aisa kaise ho sakta tha.. main to bass abhi abhi us darwaje se nikal ke aayi thi.. main jaldi se bhaag ke hospital reception par pahuchi aur unko sari bat batayi.. lekin wo log meri bat manne ko tayyar hee nahi they.. bar bar yahi bol rahe they kee aapko jarur dhokha hua hoga.. maine jyada behas nahi ki.. main janti hu ki uss rat mujhey koi dhoikha nahi hua tha.. uske bad maine apni beti ke pahcuhi to wo aram se so rahi thi.. uske baad main puri rat nahi so saki.. agle din maine uss corridoor ko fir se dhunde kee koshish kee.. lekin wahan mujhey wo corridoor nahi mila jahan main rat me gayi thi.. na hee wo vending machine mili jisme me ajeeb se chips aur colddrinks rakhe they.. aaj bhi uss rat ke bare me sochti hoon to samajh nahi aata kee uss rat jo mere sath hua wo sab kya tha.. uss rat jo kuch maine dekha wo ksii aur ne kabhi dekha hoga ? internet par bhi maine iss bare me jaannee ke ebahut koshsih kee lekin aajtak mujhey koi jawab nahi mil saka.
======================

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

3 Comments

Leave a Reply

Your email address will not be published.

error: Get Lost !!