Indian Horror Stories

Real Horror Stories in Hindi. Ghost Stories. Episode 239. Hindi Horror Stories.

Mera naam parchurya hai.. main jo bat apko bata rahi hoon ye abhi kuch hee din pehle mere saath ghati thi. aap logo ko shayad ye baat itni darwni na lage.. lekin mere liye ye sab bahut dara dene wala tha.. kyuki mere sath pehli baar aisa kuch hua tha. ye 16 may 2021 ki bat hai. main inn sab cheejo par kabhi vishwas nahi karti thi.. lekin uss din maine jo kuch apni aankho se dkeha wo main jhthla nahi sakti.. to hua aisa ha kee uss din ham bengal ke murshidabad se berahampore me kisi kam se gaye they.. fir sunday ko kaam niptane ke baad ham car se pane mama ke ghar jaane lage.. car me main meri mummy aur driver they.. shaam ke 7 baje ka time tha.. baarish bhi ho rahi thi.. pure west bengal me lockdown chal raha tha.. isliye raasta bilkul khaali tha.. kahin koi aadmi nahi tha.. beeche beech me bas 2-4 log hee najar aa rahe they.. to jiss raste se ham log aa rahe they wahan aage jaa ke ek shamshan ghat padta tha.. lekin hamare driver ne theek uss shamshan ghat ke sath me hee jake car rok di.. wo wahan se kuch kapde kharidne ki soch raha tha.. lekin humne kaha ki yaha se chalo yeh jagah thik nahi hain…
Aur phir hum log woha se nikal lage..lekin wahan ke chalneke baad se hee baar baar mujhse aisa lag raha tha ki jaise main jiss taraf baithi thi.. us side kee khirki ke paas koi chal raha hain..mujhey bar bar aisa lage ja raha tha.. bahut ajeeb sa mehsoos ho raha tha.. darr bhi lagne laga tha.. car se jate huey mujhey kai bar mujhey aisa lagta jaise aage raste par koi aadmi khada hai.. lekin jaisi hee car uske paas pahuchti to wahan koi nahi milta.. aise mnere sath bahut baar hua. kuch der baad ham mama ke ghar pahcuh gaye.. fir raat kareeb 9 baje jab ham mama ke ghar se nikalne ki tayyari kar rahe they to main tabb balcony me khadi bahar ki taraf dekh rahi thi.. tabhi achanak neechey khaddi hamari car ki lights apne aap jalne bujhne lagi.. mujhey ye dekh ke bahut hairaani hui.. kyuki bina car ki chaabi ke aisa ho hi nahi sakta tha.. chaabi uss waqt driver ke pas thi.. maine apne driver se pucha to wo bola ekee usne aisa nahi kiya tha.. mujhey nahi pata aisa kaise hua.. jab ham wahan se wapis aa rahe they to mere mama ka chota beta bhi hamare sath tha.. usko bhi car me bahut darr lagg raha tha.. mujhey lagta hai uss din pakka uss shamshan ghat se koi aatma hamari car ke sath aa gayi thi.. aur usi ne wo sab kiya tha.. uss din ke bad to waisa fir kabhi kuch nahi hua.. lekin uske bare me sochke aaj bhi darr lagta hai..
===================================
Mera naam gurwinder singh hai.. main punjab ke kahnuan gurdaspur ka rehne wala hon.. main aapko apne sath ghati ek sachi bhootiya ghatna ke bare me batana chahta hoon.. to hua aisa tha kee ek bar jab main 5 saal ka tha.. to maina pni family aur kuch rishteydaro ke sath baba wadhbhag singh ji ke darshan karne gaye they.. jinko nahi pata kee baba wadhbhag singh kon hain unko us jagah ke bare me bata doon kee wahan pe veer nahar singh jo ki bhooto ke raja kahe jate hain wo wahan baba wadhbhag singh ji ke hukum se logo ke andar se bhoot pret wagera niklatey hain. jab ham wahan pahcuhe to mujhey wahan nehative aur positive dono hee shaktiyo ke hone ka ehsaas ho raha tha.. ham sab wahan ek tractor me gaye they.. Tractor ke peechey ek trolley lagi thi.. aur rat me hamein uss trolley me hee ruknna tha..
ttrolly khuli thi uske koi chatt nahi thi.. baba ji ki jagah par tractor khadi karne kee koi jagah nahi thi.. aur bahar bahut sari gaadiya bhi khadi thi.. isliye tractor hamne uss jagah se bahut door ek bargad ke ped ke neechey khada kar diya tha.. uss jagah aur koi ped nahi tha.. bas wahi ek bargad ka ped tha..chaar taraf sannata tha..koi light bhi nahi lagi thi.. lekin chaand taaro ki roshni se aspas sab kuch najar aa raha tha.. saamne ek bahut bada khali maidaan tha.. rat me ham sab log so gaye.. lekin sote sote achanak rat me meri aaankh khul gayi.. aankh khuli to maine dkeha kee ek bahut hee darawna bade bade daanto wala koi danav.. jo ki bilkul kisi jinn kee terah lagg raha tha.. wo hamare tractor ke samne khada tha.. uske chehre par ek shaitani hansi thi.. jaise kee wo meri taraf dekh ke hans raha ho..usska chhra itna darawna tha kee aaj 26 saal bad bhi main usko bhoolnahi saka hoon.. usko dekh ke mere aawaz tak band ho gayi thi.. shayad bhagwan ki hi kripa thi jo uss ko dkeh ke bhi main jinda bach gaya.. fir kuch bahut koshish karne ke baad mere muh se jor ki cheekh nikli.. to sath me so rahe baki log bhi ekdam se uth gaye.. lekin tab tak wo danav wahan se gayab ho chuka tha.. uske baad main puri rat apni mummy se sat kar hee soya..
=======================


मेरा नाम अन्नपूर्णा है । मैं छत्तीसगढ़ के बस्तर जिले ke rehne wali हूं। यह घटना जो मैं आप को बता रही हूं। यह मेरी मां के साथ उनके बच्चन मे घटी थी। मेरी मां का नाम हेमलता है । wo ओडिशा के नवरंगपुर के एक छोटे से गांव kee rehne wali है। मेरी मां शुरू से ही बहुत होनहार और हिम्मत वाली लड़की थी।
मां ने बताया kee जब वो 11 साल की थी । तब उनके स्कूल में एक बाल नाटक का आयोजन किया गया था। मेरी मां ने भी उस नाटक में भाग लिया था । natak sham ko shuru hona tha aur der raat tak chalne wala tha.. to नाटक वाले दिन meri maa shaam kareeb 5 baje ही घर से स्कूल के लिए निकल गई ।। मेरे मां के घर से स्कूल की दूरी लगभग आधा किलोमीटर kee thi। isliye 10–15 मिनट paidal chalne ke baad hee wo स्कूल me पहुंच गई। school me pahcuh ke फिर मां ने नाटक में भाग लिया ।। ओर रात के करीब 11: 30बजे नाटक खत्म ho gya । raat kaafi ho gayi thi .. मेरी मां ने देखा ki इतना टाइम हो गया है to apne sahlio se boli ki wo abb ja rahi hain..bahut der ho gayi hai.. lekin unke kuch dosto ne teachers ne kaha kee थोड़ा der aur रुक जाओ.. हमारे साथ चले जाना । lekin मां ने कहा nahi.. ।। मुझे अभी जाना होगा bahut der ho gayi hai.. घर में परिवार के लोग नाराज़ होंगे ।। aur itna kehkar कह कर मेरी मां अकेले ही बिना किसी डर के स्कूल से घर की ओर chali गई।। रात के करीब 12 बजे ka time hoga.. सुनसान raaste पर मेरी मां bilkul अकेली घर की taraf आ रही थीं। tabhi unko door sadak ke paas safed sari pehne ek aurat khadi dikhai dee.. maa apne ghar ke pas ke ilake me pahcuh chuki thi..to unka laga kee wo shayad aaspas kee he koi aurat hogi. to maa ne wahin se usko aawaz lagayi.. chachi.. ohh chachi itni raat ko yahan kya kar rahi ho.. lekin uss aurat ne koi jawab nahi diya.. to मां ने फिर से उसको आवाज़ लगाई पर इस बार भी उसने कुछ नही बोला ।। tabhi मां ने देखा kee उनके गांव का एक आदमी jo ki unke pados me hee rehta tha उनके पास दौड़ते हुए आया और bola.. are तू यहा इतनी रात को क्या कर रही है। फिर मेरी मां ने कहा ये कौन औरत है। इसको मैं इतने देर से आवाज़ लगा रही हूं। lekin यह कुछ बोल ही नहीं रही .. फिर उस आदमी ने मेरी मां से कहा are tu kisse baat kar rahi hai.. jara peechey mud ke tod ekh le.. aur फिर jaie hee मेरी मां ने peechey mud ke dekha.. to unka to pura shareer hee darr ke maare akad gaya.. meri maa ne dekha kee abhi abhi jiss aurat se wo bt kar rahi thi.. wo achanak se ek नारियल के पेड़ ke jitni lambi ho gayi thi.. uska rang bilkul safed tha.. wo dekh ke maa hil bhi nahi paa rahi thi.. lekin kisi terah wo aadmi meri maa kheech ke unke ghar le gaya.. aur unke gharwalo ko sari baat batayi.. ussasadmi ne bataya kee wo aal me ek भ्रमराक्षस हैं।। जो अपना भेष बदल कर हर रात वहा आता हैं ।। aur जो bhi लोग रात me wahan se gujarte hain.. wo un logo ko pareshan karta hi.. bahut se logoko wo ya to pagal kar chuka hai ya unko jan se mar chuka hai.. wo to acha ua kee ye uske jyada kareeb nahi gayi.. aur main theek samay par iske paas pachuch gaya.. ye sab hone ke baad meri maa ki taboyat 2-3 mahine tak kharab rahi lekin fir समय के साथ सब ठीक हो गया।। मां कहती है उस दिन भगवान ने ही उस आदमी को meri jaan बचाने के लिए wahan भेजा था।।
======================
mera naam aditya dash hai.. main odisha ke rayagada ditrict ka rehne walahoon.. main aapko teen sachi kahaniya batana chhta hoon.. ye pehli 2013 kee baat hai.. jab main +2 me padhta tha… hamari colonyt me durga pooja bahut dhoomdham se manayijaati thi.. ham caste se brahmain hain.. lekin tab tak mera brat nahi hua tha.. too uss din meri girlf aur uske gharwale bhi hamare yahan pooja ke liye they.. fir Jab wo log Darshan karke chale gaye to main bhi apni gf ki piche piche uski ghar tak Cycle se chala gaya.. unka ghar ke liye ek Christian Graveyard se hoke gujrana hota tha.. raat kareeb 9 baje ka time tha…main dur se hee apni gf ko bye kiya aur wahan se wapis aane laga.. uss Graveyard ke samne se gujarte huey main khusi se Gana gun gunate hue ja raha tha. Lkein Tabhi maine notice kiya kee saamne ek Peepal ke ped pe kuch latak raha tha.. jaise kee koi shirt ya sari latak rahi ho.. aur tabhi achanak mere dekhtey hee dkehtey ek budhi aurat .. jiske safed baal aur badi badi peeli aankhein thi.. wo mere samne se nikli aur seedha uss ped pe ja ke ulti latak gayi.. aur lataktey hee usne mujhey kaha. abb main tujhey nahi chorungi… tumhe maar ke khaa jaungi ..
uski baat suntey hee main bahut darr gaya..main teji se cycle chalane laga.. lekin wo budhi aurat itni teji se bhaag rahi thi kee agle hee pal bilkul mere peechey pahuch gayi.. aur meri cycle ko dhakka de ke mujey neeche gira diya.. main man hee man maa durga aur hanuman ji ko yad karne laga aur teji se bhaagta raha.. fir kuch der baad main kisi terah haanfte huey apne ghar pahucha aur ja ke seedha ghar ke mandir me jaa ke baith gaya..maujhey apne upar ek ajeeb sa baripan mehsoos ho raha tha.. maine apne garwalo ko bhi sari baat bata di.. fir durga maaa ke ek pandit ko hamare bulaya gaya.. unhone bataya kee wo ek dayan thi.. wo aapke bete ko maar ke apne saath le jaegi.. kyuki wo iski khusbu le chuki hai.. fir unhone mere upar kuch mantra padhe aur mujhey gangajal se nehlaya…jiske bnaad wo bhaaripan achanak se door gaya.. uke baad mere papa aur unek dost uss raste pe jaa ke meri cycle utha ke laaye.. 2 din tak mujhey bahut tej bukhaar raha tha.. sapne me bhi wo dayan aake mujhey boli ki iss bar to tu bach gaya lekin agli bar mere pas aaya to tujhey maar dalungi.. fir kuch din bad meri mummy mujhey ek dusre pandit ke pas lakar gayi to unhone mujhey durga maa ek locket diya aur jald se jald mera brat karwane ko kaha.. uss din ke bad se mere sath koi bhi paranormal activity nahi hui.. lekin aaj main uss dayan ke chehre ko yad karke bahut darr jata hon..

ye dusri ghatna jo main ab bata raha hoon ye mere best frend sai shankar patnayak ke sath ghati thi.. ham bachpan se bahut ache dosthain… uske papa ka real estate ka business hai uski maa bhi ek goverment lecturer thi. uski badi didi banglore me raha karti thi.. to ek baar uske mummy papa banglore me uski dii ke yahan gaye huey they. sai ghar me akela tha.. to raat me jab wo so raha tha to 2.15 minute pe achanak uski aankh khul gayi. neend me hee usne dkeha kee uske paas 3 kaale saye khade they.. unme se do kaale saye uske andar ghusne kee koshsih kar rahe they.. jabki teesra saaye unko aisa karne se rok raha tha.. lekin mere dost ka hareer to uss waqt jaisa pura paralyse ho gaya tha.. usko bahut ghutan se mehsoos ho rahi thi. darr ke maare wo rone laga.. wo teeno saaye aapas me baat kar rahe they kee ham to yahan iske pure pariwar ko maarne ke liye aaye they lekin abhi isi ko maar dete hain.. uske gharwale shiridi aai baba aur binayak ke bhakt they… to sai baba aur binayak ji ko yaad karne laga.. to wo ssaye bole kee agle teen dino ke andar ham tere pure pariwar ko maar denge.. aur itna keh ke wo wahan se gayab ho gaye.. unke gayab hone ke baad sai ne kiisi terah apne aap ko sambhaltey huey sabse pehle rat 3 baje hee apni naani ko call kiya aur unko sari baat batayi… to unki nani boli ki tu abhi ke abhi iss ghar se nikal ke mere yahan aa ja.. to rat me hee 3.15 baje sai mere ghar aaya uar meri ma ko sari baat batayi.. main tab so raha tha tow o mere bagal me hee aake let gaya.. agli subah maine usko apne bagalme leta dkeha to usne mujhey raat ki sari baat batayi..raat me uska bahut bura haal ho chuka tha… uski peeth par aur neechey pairo me bhi bade bade haatho ke nishaan chapp gaye they.. fir usi din tripathi ji jo ki wahan ke ek bahut bade pandit they wo unke ghar aaye aur ujhey aur sai ko unke ghar kee mitti utha kar aur kuch kapde unke paas lane ko bola.. us miiti aur un kapdo ko dekhtey hee wo samajh gaye ke kisi ne inke upar kaala jadu kiya hai inke pure pariwar ko marne ke liye. unhone bataya kee ye kam kisi aur ne nahi balki tumhare pados me rehne wali hee ek aurat ne karwaya hai.. usne tumhare pariwar ke upar teen pischach churwaye hain….fir unhone usi din sai ke gharwalo se baat ki aur raat me shamshan me jakar koi pooja ki.. fir agle din unhone bataya kee jo kala jadu karke teen piscach tumhare upar chore gaye they wo maine ulta usi aurat ke upar chor diye hain.. lekin maine unko ussko marne ke liye nahi bheja hai. baas aaj ke bad wo aurat fir kabhi tumhare pariwar ko koi nuksan nahi pahucha sakegi.. fir iske kuch dino baad hamein pata chala kee uss aurat ka pura shareer paralyse ho gaya hai.. jabki usko aisi koi beemari nahi thi.. uss aurat ke pati ka bhi business mebahut loss ho gaya tha.. aur fir teen mahine baad hee wo log wo ghar chor ke chale gaye..

ye teesri ghatna jo main ab bata raha hoon .. ye mere saath 2019 me bangalor eme hua tha.. un dino mei aur sai ki nayi nayi job lagi thi.. main conginant me tha aur sai cerner naamki company me .. ham dono bangalore me ek sath ek flat me raha karte they.. wo flat hamne itni jaldbaji me liye thakee lene se pehle hamne koi puctach bhi nahi ki thi.. aur pehli hee raat jab ham uss flat me so rahe they to payal ki awaz se sai ki aankh khul gayi.. sai ki neend bahut kachi hai.. lekin uss waqt wo bahut thaka hua tha.. isliye usne jyada dhyan nahi diya aur chupchap so gaya..
agle dinmujhey office se aane me der hone wali thi.. to maine sai se bol diya kee tu zomato se kuch khane ke liye manga le aur so ja.. agar mujjhey jyada der hui to main deepak ke flat pe hee ruk jaunga.. lekin fir usi raat… jab sai so raha tha to achanak usko kamre me ksii ladki ke gungunane kee aawaz sunai di.. awaz sunke sai ki aankh khul gayi.. usne dhyn ne se woo aawaz sunne ke koshish kee to pata chala kee koi ladki mahut hee meethi aawaz me usse kuch bol rahi thi.. tabhi uske samne rakhi ek cheej apne aap hil gayi.. wo samajh gaya kee yahan pakka kuch gadbad hai. lekin wo fir se one kee koshsih karne laga.. lekin tabhi achanak.. jor se bulb fatne kee aawaz sunai di.. awaz bathroom se aayi thi.. lekin wo to bulb band kar ke soya tha.. to wo bulb fata kaise.. aur tabhi usko apne peechey se payal kee aawaz sunai di.. usne peechey mud ke dekha to ek ladki jaisi kioi aakriti uske peechey khadi thi. usne jaldi se pure ghar ki lighety on kar di aur mujhey call kar ke sari bat batayi.. maine kaha tune jaruir koi sapna dekha hoga.. fir se sone ke ekoshsih kar.. towo pure ghar kee lighte jala ke sone ke liye let gaya.. agle din saturday tha.. hamare office ki chutti thi.. to uss raat main der rat tak phone me pubg khel raha tha.. lekin tabhi mujhey aisa laga jaise koi bilkul mere chehre ke paas saans le raha ho.. main usi waqt sai ko aawaz lagayi… wo dusre kamre me apni gf se phnone par bat kar rha tha.. uske baad wo bhi kamre me a gaya aur ham dono sone ke liye let gaye.. lekin lete lete ham dono ko hee aisa lag raha tha jais ekoi hamare aaspas hai jo hamein dkeh raha hai… lekin hamein kuch dikhai nahi de raha tha.. uss flat me ham jab bhi rehtey they ek ajeeb si manhoosiyat mehsoos hoti thi.. aise hee kcuh dino baad ek din main bathroom me jaa raha tha… ki tabhi achanak mujhe kitchen ke ek kone me ek roti hui ladki baithi dikhai di. wo dkeh ke main to hairan reh gaya . mujhey apni aankho par yakeen hee nahi ho raha tha kee ye maine kuya dekh liya hai.. maine sai ko bataya to wo bola ki usko to wo bahut bar dikhai de chuki hai.. usne mujhey batane kee koshsih bhi ki.. elekin main uski bat par yakeen nahi karta tha.. fir hamne apne padosiyo se pucha to unme se ek ne bataya kee iss flat me pehle ek ladki rehti thi jisne suiscide kar liya tha.. uske bad se jo bhi iss ghar me aata hai wo yahan reh nahi paata.. hamne usi waqt ye faisla kar liya kee ham ye flat khadi kar denge.. lekin ussi raat us lakdi kee aatma sai ke andar aa gayi aur mujhey pakad ke nochne lagi.. wo kannada language me kuch bole jaa rahi thi. maine jaldi se pane paosi ko wahna bulaya to usne bataya kee ye kannada me keh rahi hai kee ye dono mere ghar pe kyu aaye hain.. chale jao chale jao yahan se.. to ham dono agle hee din. wo flat khali kar ke dost ke pg me chale gaye…

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!