Indian Horror Stories

Real Horror Stories in Hindi Episode255 Hindi Horror Stories #HHS #HorrorStories #HindiHorrorStories

main jo bat aapko aapko batane ja raha hoon ye jyada purani nahi hai.. ye abhi kuch hee mahine pehle lockdown me mere ek cousion ke sath hua tha.. mera ye cousion flood control department me naukri karta hai.. to hua aisa tha kee ek shaam wo apne dosto ke sath party kar ke raat kareeb 10 baje apne ghar wapis aa raha tha.. car chalate huey wo halka halka nashe me bhi tha.. tabhi pata nahi kahan se uski car se samne ek kali billi aa gayi aur usne car uss billi ke upar chadha di.. wo jaldi se neechey utra to dekha kee billi mar gayi thi.. sadak pe uska khoon faila hua tha.. ye dekh ke wo gusse me chillate huey bola.. tujhey marne ke liye meri hee car mili thi kya.. aur itna keh ke usne uss billi ko laat marke road ke side me naali me fenk diya aur apne ghar aa gaya.. uske baad 3-4 dino tak to sab kuch normal raha .. lekin fir 3-4 din bad har rat uske gharwalo ko uske kamre se billi ke rone kee aawazein aane lagi.. lekin gharwalo ne jyada dhyaan nahi diya.. unko laga shayad bahar kisi billi kee aawaz hogi.. lekin fir ek raat uski mummy paani peene ke liye uthi to unko apne pairo me kuch geela geela sa mehsoos hua .. unhone jaldi se light jalai to dekha kee wo khoon tha.. wo shor machaya to sab log uth gaye .. fir sabne jake dekha to wo mere cousion ke kamre se aa raha tha.. unhone uske kamre ka darwaja khol ke dekha to unki cheekh nikal gayi.. unhone dekha kee unke bete ke muh se khane aur khoon ki ulti nikal rahi thi.. jo neechey pure farsh par faili hui thi.. fir jaldi se usko hospital lekar gaye to doctor ne usko admit kar liya.. hospital me jane ke baad uski bleeding to band ho gayi lekin agle din doctor ne bataya kee wo raat billi kee aawzein nikale ja raha tha.. ham logo ne tab bhi iss bat pe jyada dhyaan nahi diya.. lekin ye hamari bhool thi.. kuch time bad usko hospital se chutti mil gayi aur usne office jana bhi shuru kar diya.. sab kuch normal chal raha tha.. lekin fir kuch din baad ek raat jab ham sab ghar me they to hamein bahar se billi ke rone kee awaz aane lagi.. to meri badi maa uth ke gayi aur jaise hee unhone darwaja khol ke dekha to dekha kee mera cousion bilkul nanga darwaje ke bahar apne chaaro hath pairo par baitha billi kee terah awaz nikal raha tha.. usko dekhke mere bade papa jaldi se usko pakadne gaye to hamari aankho ke samne wo bilkul kisi billi kee terah uchalta hua apne chaaro hath pairo se deewar pe chadh gaya aur upar chhat pe jake usne neechey chalang maar di.. jisse uske pair kee haddi toot gayi asur wo behsosh ho gaya.. ham jaldi se usko hospital lekar gaye to doctor ne uske pair ka operation kiya.. ab ham sab log samajh gaye they kee iske sath koi upari pareshani hai… to hamne hamare gurudev ko ghar me bulaya.. ghar aake guruji ne hamare ghar me hawan kiya aur fir mere cousion ne unko uss rat kee puri baat batayi.. to guruji ne mangalwar kee rat uss jagah jahan wo billi mari thi wahan jaa ke pooja kee.. aur unse kaha kee ek sone kee billi banake ghar ke samne gad dena aur uske bad nadi me jaa ke pooja karna aur uss billi kee aatma se maafi magna.. mere cousion ne wo sab kiya.. jiske bad uske sath wo sab hona band to ho gaya lekin wo aaj bhi wheelchair se hee chalta hai..
=============================================
mera nam manish hai.. main rajsthan jaipur ka rehne wala hoon..मे जो कहानी आपको बताने जा रहा हु। ये मेरे साथ मेरे अपने गाँव मे हुआ था। ये tab की बात है जब main गर्मियों की chittiyo me apne दादा – दादी के पास आया हुआ था। un dino मेरे दादाजी खेतों me ही सोया करते थे। aur rat me dadi unka khana khet me hee dene jaati thi..। lekin ek din dadi ke tabiyat theek nahi thi.. तो दादाजी को खाना देने मुझे जाना पड़ा। to rat ke samay khana leke main dadaji ke as khet me pahcuh gaya.. दादाजी khana khane lage.. maine socha kee dadaji khana khane me bahut time lagagenge kyuki unke muh me 1-2 hee dant they.. to main aage खेत me ghumne चला गया। fir kuch der bad main ghum ke aaya to dadaji khana kha chuke they.. aur fir main unko bol ke ghar wapis aane laga.. main lheto ke raste se aa hee raha tha kee tabhi achanak mere kaano me ek halki si awaz aayi.. wo kisi aurat ki awaz thi.. usne halki si awaz me mujhsey kaha– ruk jaa bacche.. wo awaz aisi thi jaise 2 aurtein ek sath bol rahi ho.. main thoda sa darr to gaya lekin jyada dhyan na dete huey aage chalta raha.. lekin fir kuch der bad fir se mere kano me awaz aayi.. ruk ja.. nahi to tere liye acha nahi hoga.. iss baar main bahut darr gaya.. main kaha kyu ruku,,,, kon ho aap.. itna keh ke main wahan se bhaagne laga..lekin tabhi do lambe lambe safed haath jinme lambe lambe nakhun they.. pata nahi kahan se nikal ke aye aur mere pairo ko pakad ke mujhey ghaseetey huey le jane lage.. main usse gidgida raha tha kee mujhey chor do.. lekin usne mujhey gale se pakad liya.. mera dam ghutne laga.. tabhi main man hee man apni kuldevi ko yaad karne laga.. aur kuldevta ka dhyaan karte hee usne ekdam se mujhey chor diya aur wahan se peechey ho gayi.. uske baad main behsosh ho gaya.. fir jab mujhey hosh aaya to main apne ghar me tha.. maine sab se pucha kee mujhey ghar kon lekar aaya lekin kisi ko nahi pata tha.. mujhey lagta hai uss rat hamari kuldevi hee mujhey mere ghar tak chor ke gayi thi..
=============================================
ye meri teesri kahani hai.. isse pehle main aapko apni do kahaniya bhej chuka hoon.. ye 2016 kee bat hai.. main tab btech kar raha tha.. jahan hamara college tha wahan thodi hee durri par national highway 55 padta tha aur usko paar karte hee uss area ka mazar aur gaon padta hai.. uss area ka nam to main apko nahi bata sakta lekin uss area me hindi muslim sab ek sath rehte hain.. wahan ek jagah par mandir aur msjid sath sath bane huey hain.. to hua aisa tha kee ek college me padhtey heuy jab bhi ham logo ko free time milta tha to ham masti karne ke liye uss bazaar me ghumne chale jaate they.. hamare college me hamare state ke alawa dusre states se bhi students padhne aate they..to aise hee ek baar ham kuch dost milke railway line ke uss par ghumne ke liye gaye they.. wo saturday ka din tha.. sath hee hamara semester bhi khatam ho chuka tha.. aur semester khatam hone ke bad ham sab apne apne ghar jaaya karte they.. isliye ghar jane se pehle ham sabne daaru party ka plan banaya tha.. ham sab shaam kareeb 7 baje beer aur daaru khareed ke wahi ek ek jagah baith ke peene lage.. hamare beech ek muslim ladka bhi tha .. jiska naam sarfaraz tha. wo ek dusre state ka rehne wala tha.. ham sab ek sath baith ke daru pe rahe they.. fir kareeb 8.30 baje sarafaraz ko toilet lagi to wo toilet karne ke liye thoda door chala gaya.. lekin fir jab wo wapis aaya to badla badla sa lag raha tha..wapis aane ke bad wo 5 beer bottle 5 minute ke andar hee akela pee gaya.. ye dekh ke ham sabko bahut hairaani hui lekin ham sabko nasha chadh chuka tha.. to hamne hostel me wapis chalne ka faisla kiya.. wapis aate huey bhi main bas yahi soch raha tah kee usne akele 5 bottle itni jaldi kaise pee li.. khair maine jyada na sochtye huey seedha apne hostel me aana hee behtar samjha.. agle din mujyhe ghar ke liye nikala tha.. isliye hostel aake main apna bag pack karne laga.. fir 9.30 baje ham sabne canteen me ja ke khana khaya aur fir wahan se aake main apne kamre me aake so gaya.. main abhi theek se soya bhi nahi tha ke tabhi mera ek dost mere darwaje pe jor jor se knock karne laga.. maine jaldi se darwaja khola to wo pura paseena paseena ho rakha tha.. usne bataya kee sarfaraj ajeeb ajeeb aawazein nikaal raha hai.. aur uski aankhein bhi safed pad chuki hain.. maine jaldi se uske sath uske room me gaya to jo maine dkeha wo bahut hee bhayanak tha.. sarfaraz neechey farsh par reng raha tha.. uski aankhein bilkul upar ghum chuki thi.. wo urdu me me bas ek hee bat bole jaa raha tha.. isne mere upar peshab kar ke mujhey napaak bana diya,, ab main isko iski saza jarur dunga..
sath hee main aapko bata du kee main in sab cheejo me pura yakeen karta hoon.. mera manna hai kee iss duniya agar bhagwan kee satta yani postive energy hai to bhoot pret yani kee negative energy bhi jarur hai.. usko dekhke mujhey samajhtey der nahi lagi kee ye koi upari cheej hai .. main jaldi se apne ek dusre muslim dost ko wahan bulaya aur use ayatul kursi padhne ko bola.. lekin koi bhi uske kamre me jane ko tayyar nahi tha.. main hindu relision se belong karta hu.. to jab koi bhi uske pas jane ko tayyar nahi hua to main khud hee uske kamre me chala gaya.. mujhey urdu ya arabic padhni to nahi aati lekin bachan se hee main bahut kuch sun sun ke yad rakh leta hoon.. aur mujhey alag alag religions ke upar research karna bhi acha lagta hai.. isliye main kai bar internet par ayatul kursi ka translation bhi padta rehta tha.. lekin uska uccharan arabic me hee hota hai.. bas arabic ki jagah hindi me likha hota hai.. to aakhir me maine hee uske kamre me ghuske ayatul kursi padhna start kar diya.. andar jane se pehle maine apne 4 dosto ko pas ki masjid se maulana ko wahan lekar aane ko bhej diya tha.. jab main uske kamre me ayat padh raha tha to uski harkatein aur tej hone lagi.. maine apne dosto se kaha kee chahe kuch bhi ho tum log kamre ka darwaja khula hee rakhna.. meri himmat ko dekhtey huey un sabne bhi mere saath diya.. aur fir kareeb aadhe ghnate bad maulana wahan aa gaye.. sarfaraz ko dekhtey hee maulana bole kee isne kisi dafnaye huey murde ke upar peshab kiya hai.. isliye iss ruh ne ise wahin pakad liya tha.. hamne pucha ab iska koi upay hai kya.. wo bole ki issey masjid me lekar jana hoga. to fir ham log ek auto rickshaw ki madad se usko kisi terah masjid tak lekar gaye.. maulana bhi hamare sath they.. masjid me jane ke bad unhone uska utara kiya.. lekin wo rooh bahut takatwar thi..lekin masjid ke andar uski ek na chali..aur fir kareeb 1 ghante bad safaraz behosh hokar jammen pe gir gaya.. fir maualana aaye aur bola kee ab sab theek hai..tum isey le ja sakte ho..sath hee unhone mujhey shukriya kaha aur meri himmat kee tareef bhi ki.. rat ke 2.30 baje ham sab wahan se hostel aa gaye.. fir agle din maine din bhar rest kiya aur sham ko apne ghar ke liye rawana ho gaya.. aaj iss baat ko beete 5 sal ho chuke hain.. lekin aaj bhi wo kissa yad aate hee dil baith jata hai..
=============================================
main jo kahani aapko batane ja raha hoon ye jyada darawni to nahi hai lekin bilkul sach hai.. ye ghatna mere ek dost kee dadi ke saath aaj se bahut saal pehle ghati thi..uski dadi jiss gaon me raha karti thi wahan ek bahut bada kuaan tha.. gaon ke log usi kuwin se paani bhara karte they.. lekin log batate they kee wo kuan bahut purana hai.. angrejo ke time ka.. aur angrej logo ko maar ke usi kuwin me daal diya karte they.. abb ye baat kitni sach thi ye to koi nahi janta tha lekin raat ke samay log uss kuwin pe nahi jaate they.. lekin ek baar aisa hua kee uski dadi ke ghar ka paani khatam ho gaya tha.. to wo paani lane ke liye raat me hee uss kwieun ke paas chali gayi.. uss waqt kwien ke aspas koi nahi tha.. lekin wahan pahuchtey huey unki bahut ajeeb se manhoosiyat ka ehsas wahan ho raha tha.. wo bilkul akeli thi.. isliye jaldi se kuwin se paani nikal ke wo jaise hee jane ke liye palti.. unko kuein ke andar se kisi ladki ke rone kee awaz sunai dene lagi.. aawaz sunke usi dadi palti aur uss kuien ke andar jhankne lagi to unhone dekha kee kuein ke andar se ek jala hua haath achanak se bahar nikal ke aane laga.. wo dekh ke usi dadi bahut darr gayi.. aur usi waqt bhaag ke seedha apne ghar aayi aur darwaja band kar liya.. usi dadi ne ye bat uske dada ko bhi batayi.. lekin uske dada ne ye sirf unka weham samajh ke taal diya.. uss din ke bad se uski dadi shaam hone ke bad uss kuein ke aspas bhi nahi jati thi..
=============================================
mera naam lavi singh hai.. main delhi kee rehne wali hoon.. main jo baat aapko bata rahi ye 6 sal pehle ki bat hai jab main apni nani ke ghar gayi thi.. jo ki up ke mainpuri district me padta hai.. hamare ghar se nani ke yahan pahuchne me 8 ghante lag jate they aur un dino ham bus se hee travel karte they.. isliye nani ke yahan pahcutey pahuctey main bahut thak gayi thi.. ghar pahuch ke main jaldi hee sone ke liye let gayi.. wo garmiyo ka mosam tha isliye ghar ke sab log chatt par ya aangan me hee soya kartte they..
rat me mami ne hamare liye chatt pe hee bistar laga diya tha lekin main neechey hee so gayi thi to meri mummy mujhey utha ke chatt pe le gayi aur wahan lita diya..
fir kuch ghante baad raat 11 baje ke kareeb meri aankh khul gayi.. thandi thandi hawa chal rahi thi.. pados ke ghar se dholak bajne kee aawaz aa rahi thi.. shayad wahan k program tha..mujhey halki halki thand bhi lagg rahi thi.. mere mama kee 3 betiya hain.. tabhi unme se dusre number wali beti chatt ke upar a agayi.. unhone bahut ajeeb se black aur red color ke kapde pehne heuy they. maine unko inn kapdo me pehle kabhi nahi dekha tha.. andhera to tha lekin chaand ki roshni me sab kuch dikhai de raha tha.. wo upar chatt pe aayi aur mere bagal me upar aasman kee taraf muh kar ke let gayi.. maine unse kaha didi mujhey thand lag rahi hai.. lekin unhone mujhsey kuch nahi bola.. bas 5 second tak meri taraf dekhti rahi.. unki aankhein chamak rahi thi.. mujhey bahut ajeeb sa mehsoos hone laga.. lekin maine socha kee main faltu me hee darr rahi hoon.. ye to meri didi hain..
fir unhone mere chote bhai ko god me uthaya jo kee dusre bistar pe so raha tha aur mere bagal me lita diya.. aur ham dono ko ek he kambal uda diya..
unhone hamare face bhi kambal se dhak diye they..main chehre se kambal hataya to dekha kee didi seedhiyo se neechey jaa rahi thi.. tabhi mujhey yaad aaya kee wo to dusre wale ghar me soya karti thi.. to itni raat ko wahan kya kar rahi hain. main bhaag ke neechey jane lagi.. neechey seedhiyo ke gate par hee meri mummy aur nani khaat pe ek saath leti hui thi.. mujhey dkeh ke mummy boli kya hua.. maine pucha didi kahan so rahi hain.. mummy boli wo to dusre ghar pe hongi.. maine kaha nahi wo to abhi abhi mere pas aayi thi.. mummy boli aisa kaise ho sakta hai.. ham to yahin gate pe hee lete huey they… agar yahan se koi upar jaega to pehle hamari khaat hatani padegi.. mummy boli tune jarur koi sapna dkeh liya hoga.. jao ab so jao. main bhi chupchap upar ja ke so gayi.. subah uthi to sabse pehle maine unhi didi ke pas jake pucha kee kya ap kal rat chatt pe aayi thi to wo boli nahi.. wo to dusre wale ghar me so rahi thi..maine unse pucha kee apne rat me konse kapde pehne they.. wo boli ki unhone to apni purani school dress pehni hui thi.. mujhye laga shayad koi dusri didi aayi hogi.. lekin sabne mana kar diya..
main tabb bahut darr gayi.. badi mushkil s emaine wo din kaata.. main kehna chahta hoon kee ye sab jab aapke sath hota hai to itna darwna bhi feel nahi hota jaise filmo me dikhatey hain. sab bilkul normal sa dikhatey hain..
pata nahi uss raat wo kya ajeeb cheej thi jo wo ajeeb se kapde pehna ke mere pas aayi thi.
=============================================
mera naam waqas hai.. main pakistan ke lahore ka rehne wala hoon.. abhi kareeb 9 mahine pehle hee meri shaadi hui hai. aur mere in laws karachi ke rehne wale hain.. to ek bar meri wife ki tabiyat kharab chal rahi thi to maine uske check up ke liye apne in laws ke yahan aaya hua tha.. ham har cheej try kar rahe they lekin uski tabiyat theek nahi ho rahi thi.. to maine ussey kaha kee tum hijama yani kee cupping try karo.. cupping me hamari body se waste blood ko bahar nikaal diya jata hai.. main khud ye regularly use karta tha.. wo tayyar ho gayi.. lekin hamein ek lady ki jarurat thi jo ye theek se kar sake.. fir kuch din pata karne ke bad hamein ek lady ke bare me pata chala to hamne usey phone kar ke ghar me bula liya..lekin wo lady jaise he mere in laws ke ghar me ghusi to unka dog jor jor se bhonkne laga.. bilkul pagalo jaisi harkatein karne laga.. lekin hamne jyada dhyaan nahi diya.. fir usne meri wife ko dekha to boli kee tumhari upar koi upari problem bhi hai.. isliye main cupping ke stah sath tumhe kuch padh kar bhi dungi.. uske baad usne jahan jahan meri wif eki body me dard tha wahan cups lagane start kar diye.. main room ke bahar hee wait kar raha tha.. sath hee apko batau ki iss pure kaam me maximum 20 minute lagti hain.. lekin 40 minute baad bhi wo bahar nahi aayi.. maine darwaja knock diya.. aur andar jaa ke dekha tod ekha kee meri wife ki body pe jarurat se jyada cups lage huey they.. maine usse pucha to wo boli kee inki problem cups se theek nahi hone wali.. inke sath koi aur cheej lagi hui hai.. fir unhone ek cup hata ke dikahya to meri wife ki body par ajeeb sa blood ka nishan bana tha.. jaise kisi ka face bana ho.. aur kisi ki jubaan bani ho.. uss lady ne kaha kee apko mujhey har hafte bulana hoga tabhi ye theek ho paegi.. aur itna keh ke wo wahan se chali gayi. uske jane ke baad mujhey bhi wapis jana tha .. lekin blood nikalne kee wajah se maine apni wife ko rest rakne ko kaha .. aur bola kee iss aurat kee baato me mat aana.. ye bas paise kamane ke liye ye sab bol rahi hai..cupping ek therapy hoti hai iska in sab cheejo se koi lena dena nahi hai.. lekin uss aurat ne meri wife ke dimaag me pata nahi kya bhar diya tha ki wo bahut jyada darr gayi thi.. fir main kisi terah usko chup karwa ke wahan se nikal gaya.. mujhey apne dosto ke paas ek dusre apartment me jana tha jo thodi hee door padta tha.. main speed me car chalata hua ja raha tha.. lekin tabhi achanak car ke sab lights band ho gayi.. ac bhi band ho gayi.. lekin car abhi bhi chal rahi thi.. raat ka time tha.. main car rok ke check nahi karna chahta tha.. kee kahin car fir start hee na ho.. main bas dheere dheere bina light ke hee car drive karta hua apartmnt tak pahcuh gaya.. apartment me pane dosto ke sath maine ek drink hee ki thi kee mujhey bahut ajeeb se visions aane lage.. wahan baithey mujhey mushkil se 20 minute hee hui thi maine 3 drinks hee pee thi kee mujhey bahut ajeeb sa feel hone laga.. maine apne dosto se kaha kee mujhye theek nahi lag raha main ab chlata hoon.. car bhi check karni hai.. aur fir main wahan se nikal gaya.. car bhi aram se start ho gayi.. lekin iss bar bhi main jaise hee uss road par pahcuha to car fir se waise hee karne lagi.. ab mujhye darr lagne laga tha.. ye pakka car ki problem nahi thi.. wo road bilkul dark thi.. door door tak koi light nahi thi.. aur aise me meri car bhi lights bhi band ho gayi..mujey aage kuch nahi dikhai de raha tha.. main dheere dheere drive kar hee raha tha kee tabhi pata nahi kis cheej se takra kar achanak meri car ruk gayi.. ab main bahut patreshan ho gaya.. mujhey aur koi dar to nahi tha bas uss road par lootpat bahut hoti thi.. mujhey dar tha kee kahin aisa kuch na ho jaye..
khair tabhi mujhey ek allah ka banda wahan se bike pe aata hua dikhai diya.. maine usey ruka ke kaha kee meri car kharab ho gayi hai.. aap mujhye thodi door tak drop kar do.. wo to mujhey chorne ko tayyar ho gaya.. wahan se ghar bas 5 minute kee doori par tha.. main uski bike pe baith ke jaa hee raha tha kee tabhi ek kaala sa saaya teji se samne se nikal ke gaya.. wo dekh ke main bahut darr gaya. maine ussey pucha bhai ye kya tha.. wo bola kuch nahi.. aap pareshan mat ho.. kisi terah allah ka nam lete lete main ghar tak pahuch gaya.. ab main ghar ke andar ghusa hee tha kee mere in laws ka dog fir se waise hee bhonkne laga jaise uss aurat ko dekh ke bhonk raha tha.. main ghar me ghusa to dkeha kee wo aurat pehle se ghar me thi. mujhey bahut ajeeb laga.. maine kaha are aap itni der raat yahan kaise.. wo boli main tumhari beewi ka ilaaj karne aayi thi.. aur uske khoon me uss uss cheej ko nikal rahi thi lekin tune mujhey hee ganda bol raha tha. ab wo cheej tere upar aa gayi hai.. itna kehtey hee wo aurat wahan se gayab ho gayi.. aur usi waqt meri body me tej dard hone laga.. itna tej kee main behosh ho gaya..fir subah 7 baje meri aankh khuli to main apne bed pe tha.. meri wife mere bagal me thi.. meri wife ne kaha kee tumne uss aurat ko tok diya tha.. isliye usne wo cheej mere khoon se nikal ke tumhare andar dal di hai.. pehle jab meri wife ki body me dard hota tha to maine ye uska natak samajhta tha.. lekin ab wo dard meri body me aa gaya tha.. mere ek hath aur ek pair ne kaam karna band kar diya tha.. main man hee man allah se maafi mang raha tha kee maine usko galat bola.. maine socha kee main uss aurat se maafi mang lunga.. lekin uss aurat ka kuch pata hee nahi chal raha tha.. upar se meri body me dard itna tha ke emain chal bhi nahi pata tha.. doctors ki dawaiyan bhi kam nahi kar rahi thi.. din me agar mushkil se thodi der sota bhi to aisa lagta jaise koi mujhye maar ke utha raha hai.. koi kaala saya.. mujhey aksar dikhai dene laga.. dard itna tha ki kai bar to man karta kee main suicide kar lu.. lekin fir 2 mahine baad ek banda jo kee ek maulana tha maine usko ye sab bataya.. wo bola kee ye jo kuch bhi hai ye sirf wahi aurat hee theek kar sakti hai.. main bas tumhare liye itna kar sakta hoon kee uss aurat ko kisi terah yahan tak bula sakta hoon.. usne kaha kee tum mujhey 2 din ka time do main apne jinn ko bolta hoon wo usey dhund kar laaega.. lekin uske 5 din bad tak bhi uss aurat ki koi khabar nahi mili.. main to bas ummeed hee haar gaya tha kee ek din wo aurat achanak hamare ghar aa gayi.. meri wife usko mere room me le aayi..usko dekhte hee main dard ke mare rone laga.. maine usse kaha kee mujhsey galti ho gayi jo aapke liye galat bol diya mujhey maaf kar do.. wo boli main teri beewi ka ilaaj kar rahi thi aur tu mere jane ke baad mujhye kya kya bol raha tha.. ab pata chala teri biwi me kya tha.. usne 2 sal uska mukabla kiya aur tu 2 mahine me hee marne ki soch raha hai.. meri biwi uske pairo me pad gayi.. hamne usey allah ka wasta diya aur usse bahut request kee.. to aakhir me wo boli thee hai main tumhara ilaaj kar dungi.. lekin isme 1-2 hafte lagenge.. usko tere khoon se nikalna hoga.. khair.. uske baad usne mera ilaaj kiya.. jisee main bilkul theek ho gaya.. meri biwi se aakhiri mulakat me usne bataya kee wo asal me ekk nek jinn hai aur logo ko ilaaj karti hai.. usne bataya kee usne jiss cheej ko meri wife k shareere se nikala tha wo tab hamare ghar me thi.. aur jab main usske bare me ulta seedha bol raha tha tab uss cheej ke sahare usne wo sari baatein sun li.. lekin ab sab kuch theek hai.. iss baat ko beete ab 7 maheene ho chuke hain.. main ab theek to hoon lekin beech beech me kabhi kabhi wahi dard mehsoos hota hai.. main aap logo se bhi bas yahi kehna chahta hoon kee aap logo ko kabhi bhi in sab cheejo ka majak nahi udana chahiye..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!