Indian Horror Stories

Real Horror Stories in Hindi- Episode-244. Hindi Horror Stories. #HHS #HorrorStories #Bhoot

Main jo kahani aapko batane jaa raha hu ye sab mere ek dost Nikhil ke sath hua tha, jab wo pehli bar job ke liye Delhi aaya tha. wo sardiyo ka tima tha.. aur mera dost pehli baar delhi aa raha tha.. main bhi delhi me hee job karta tha aur ek kiraye ke makan me rehta tha.. to pehli rat jab wo aaya to maine use railway station se pick kiya aur apne room me le aaya.. uss din se wo mere hee saath rehne laga.. Fir kuch dino baad ek din jab main office me tha to subah 11 baje ke kareeb uska phone aaya.. usne bataya kee uska interview me selection ho gaya hai.. aur agle hafte se uski joining hai..
ye khabar suntey hee main bahut khush ho gaya.. aur hamne raat me party karne ka plan banaya.. shaam ko 7 baje jab main ghar pahucha aur fir ham naha dho ke market se chicken aur daaru laane ke liye chale gaye.. fir ghar aake hamne parti kee aur kareeb 11 baje main sone ke liye let gaya.. lekin Nikhil bola kee uska bahar ghumne jane ka man kar raha hai.. mine usey kaha kee itni thand me bahar kahan jaega lekin wo nahi maana.. subah mujhey office bhi jaana tha aur muhey neend bhi bahut aa rahi thi.. maine usko bahar jane ko mana kar diya.. to wo akela hee bahar chala gaya.. fir subah meri aankh khuli to dekha kee Nikhil mere saamne udaas sa baitha hua tha.. maine usse ucha bhi ki kya hua tujhey.. lekin usne kuch nahi kaha.. mujhey laga shayad rat me jyada peene kee wajah se use hangover ho gaya hoga..
fir maine nashta banaya aur apne office ke lie chala gaya.. fir sham ko jab main waapis aaya to dkeha kee wo soya hua tha.. maine usko uthane ke ekoshsih kee lekin wo nahi utha.. Mujhey laga shyaad iski tabiyat kharab ho gayi hai.. Nikhil bachpanm se hee ek athelete tha aur normally beemar nahi padta tha.. lkein fir rat me khana banane ke baad jab main usey uthane laga to wo tab bhi so hee raha tha. maine notice kiya kee sote sote wo kuch kuch badbadaye jaa raha tha.. Mujhye laga shyaad iski sach me jyada tabiyat kharab hai to maine use jabardasti uthaya aur ghar ke pas hee ek clinic me lekar gaya.. doctor ne usey check kiya t pata chala kee usey 103 degree bukhaar tha.. wo dkeh ke main bhi ghabra gaya. doctor ne kuch davaiyan deee aur araam karne ko bola.. ghar aake usne 1 roti khaai aur davai leke so gaya.. uske baad main bhi pana kaam nipta ke so gaya.. lekin fir agle din jab maine nikhil ko check kiya to use abhi bhi bahut tej bukhaar tha.. maine hamare liye khana banaya aur fir usey nashta karwa ke main office ke liye nikal gaya.. lekin aadhe raste jane ke bad bhi mera man nahi maan raha tha kee itni tej bukhaar me bhi main apne dost ko akela chor ke aa gaya hoon.. maine usi waqt apne office me call kar ke chutti le li aur apne room pe wapis aa gaya.. apnr room pe pahuch ke main darwaja kholne hee wala tha kee maine andar se kuch ajeeb se aawazien aati notice kee. aawazein asi thi jaise andar koi janwar gurra raha ho..main jaldi se darwaja khol ke andar gaya to dekha kee Nikhil farsh ko apne nakhuno se noch raha tha. uski ungliyo se khoon bhi nikal raha tha.. ye dekh ke meri aankehin fati ki fati reh gayi.. maine aisa kuch na kabhi pehle dekha tha na suna tha.. main wahan khada hee tha kee tabhi Nikhil kee najar mere upar padi.. wo tedhi najro se meri taraf dekhta hua bengali me kuch bolne laga.. mujhey theek se samajh to nahi aa raha tah kee wo kya bol raha hai lekin itna jarur samajh aaya kee wo keh raha tha ki tu abhi yahan kyu aa gaya..
uski bat sun ke main bola.. nikhil ye tu kya kar raha hai.. tu theek to hai na.. maine ityna bola hee tha kee Nikhil itni teji se meri taraf jhapta kee main aapko bata nahi sakta.. palak jhapaktey hee wo mere samne aa gaya aur gurrate huey bola.. main tujhey jind anahi chorunga..
Ye sunte hee main darr ke mare kamre se bahar bhaag gaya..aur jaldi se apne office ke ek dost ko call kar ke sari baat batayi.. Mera dost bola kee tu room bahar se lock kar de.. main thodi der me hee tere pas pahuch raha hoon..
M jaise hi room band krne gaya toh mujhe yaad aaya ki lock toh ghar ke ander hi hai aur mujme ander jaane ki himmat nahi thi… toh maine bahar se hee darwaje ki kundli lagi aur wahan se chala gaya aur apne dost ka wait krne laga. fir Karib 1 ghante baad jab mera dost aaya toh vo mujse bola ki jarur ispe koi bhoot aa gaya hai.. main kaha haan mujhey bhi aisa hee lag raha hai.. mere dost ne kaha kee wo ek pandit ji ko janta h.. syad vo hamri kuch madad kar sakte h.. maine usko pandit ji ko call karke wahan bulane ko kaha to Usne apne kisi relative ko phone krke pandit ji ka number liya aur unko call krke sari baat batai toh panditji ne kaha ko vo to abhi noida kisi kaam se gaye hai.. aate aate unhe sham ke 6-7 baj jayenge.. unhone kaha kee tab tak tum log ghar ke bahar hi raho. Khair sardiyo ke din the… toh hum bahar ek park me jake baith gaye aur pandit ji ke aane ka wait krne lage. fir Karib 2 baje panditji ka phone aaya.. wo bole kee unka kaam jaldi ho gaya hai isliye wo abhi aa rahe hai.. unhone mera address manga.. lekin jab maine unko address diya toh vo ekdum se gusse me bole ki kya tumhre ghar ke pas kahi koi khali sunsan ghar hai jo salo se band pada hai… uss waqt mujhe to kuch samj nahi aaya.. maine kaha mujhey to nahi pata maine kabhi dhyan nahi diya… pandit ji ne kaha ki m 1-2 ghante m wahan pahuch jaunga tab tak tum kuch jaruri saman le aao .. unhone mujhe whatsapp me kuch saman ki list di aur fir hum bhi jaldi se market se wo sara saman le aaye.. thodi der baad pandit ji bhi pahuch gaye .. fir hum mere flat ki traf badne lage… mera flat 3rd fllor pe tha .. aur ham jaise hi darwaje ke pas pahuche to ander se hee Nikhil darwaja pitne laga aur chilate huve bola ki ise yaha se bhaga de varna main is ladke ko mar dunga. Fir pandit ji ne kuch mantr pade toh Nikhil chilane laga … shayad vo tab darwaja se dur ho gaya tha.. fir jab maine darwja khola toh dehka ki andar pure ghar ka saman faila hua tha.. sara saman yaha tak ki kitchen me rakha sara saman aata dal yaha tak ki tail bhi farsh pe pada hua tha.. pandit ji ne bola ki ise ek chair se band do aur jo saman maine mangya tha vo mujhe do.
Lekin Nikhil ko padkhna aur fir chair pe bandhne kee baat sunke hee meri to halat kharab ho gai.. maine jaise taise apne dost ke sath milke Nikhil ko pakad ke bedsheet se usko chair pe band diya aur pandji apne pooja path me lag gaye… tabhi Nikhil jor jor se chilane laga aur apne aap ko churane kee kosis karne laga. Lekin fir karib aadhe ghante ki pooja ke baad Nikhil bilkul shant ho gaya aur kuch hee second bad behsosh ho gaya. to humne use chair se hata ke bed pe leta diya.. maine pandji se pucha kee ye sab kya tha.
Tab pandit ji bole ki jis raat tumhara dost 1 baje ke as pas bahar ghum raha tha tab wo ghumte ghumte wahan khali pade ek ghar ke pas jake baith gaya.. aur wahin se ek pret uske piche pad gaya tha.
maine unse iss bare me aur puchna chaha to unhone kuch bhi batane ko mana kar diya.. bole kee tum jitna jaldi ho sake iss jagah ko chod ke kahi dur chale jao.. unhone humare hath par ek dhaga bhi bandha aur kaha ki kam se kam 6 mahine se pehle is dhage ko apne haat se dur mat jaane dena varna agli baar sayad tum dono hi nahi bach paoge.
unki baat sun ke to meri halat aur kharab ho gai.
fir uske bad 2 din ke ander hi hamne wo flat khali kar diya. aaj iss baat ko beete karib 3 sal ho chuke hai.. vo dhaga aaj bhi hum dono ke pas hai aur hum bina kisi paresani ke apni jindagi ji rahe hai. Lekin ek baat mere dimag me aaj bhi chalti rahti hai ki us din pandit ne ne gusse me phone pe mujse yeh kyun pucha ki tumhre aas pas koi band pada ghar hai aur kyun unhone mere puchne par bhi puri baat kyun nahi batai.agar aap logo me se koi mujhey iss bare me kuch bata sakta hai to jarur bataye..
============================================
Mera nam Nitikesh hai .. me Maharashtra ke Mumbai se belong karta hu..
Hamare yahan sab log bhut preto ko manate hai aur inpar vishwas karte hain..
vaise to mere pas aapko batane ko bhot sare kisse aise he jo mere sath ho chuke he lekin aaj main aapko ye sab batane ke liye nahi balki help mangne ke liye apni kahani likh raha hoon..
meri story sun ke agar koi meri help kar sakta hai to jarur kare..
Meri umar 24 saal he or me hindi horro stories channel ka bhot bada fan fu.. me har waqt aapki horror stories sunta rehta hu.. subhe utane se le ke sote wakt tak.. main headphones laga ke bas kahaniya sunta rehta hoon…
To aise hee ek din main aapke channel par demons ki stories sun raha tha.. uss story me mujhey Lilith naam ke ek demon ke bare me pata chala to maine socha kee main bhi kisi terahg usko apne pas bulane kee koshsih karunga.. lekin ye meri bahut badi bhool thi.. maine iss demon ke bare me research karnaa shuru kar diya.. main din bhar isi ke bare me poadhta rehta.. jiski wajah se mujhe rat me bhi isi ke sapne aane lage they.. mere man me bhi bar bar isi demon ka naam aane laga tha.. me iss nam ko abhi iss wajah se nahi le raha hoon kyuki main nahi chahta kee jo mere sath hua hai wo apke sath bhi ho..
To bar bar demon ko yad karne kee wajah se dheere dheere mere sath sab kuch bura hone laga..har roj bina ki wajah ke hee mere sath kuch na kuch galat ho jaata.. mujhey shuru se akele sone kee aadat thi.. to aise hee ek raat jab main apne bed pe earphones laga ke leta tha to 12 baje ke kareeb mujhey aisa laga jaise koi mere bagal me leta hai.. ye ahsaas hote hee mujhey bahut darr lagne laga.. main earphone nikale aur side me rakh ke sone kee koshsih karne laga.. fir aadhe ghante bad mujhey halki halki neend aane lagi.. lekin need aate hee mujhey aisa laga jaise kisi ladki ne apna haath mere upar rakha ho.. wo pakka kisi ladki ka haath tha.. kyuki uss hath me chudiya pehni hui thi.. main ekdam se uth gaya aur jaldi se kamre kee lights on kar di.. aur phone dkehne laga.. lekin ujhey abhi bhi bahut darr lag raha tha.. lekin fir baithe baithe meri fir se aankh lag gayi.. kamre ki lights abhi bhi on thi.. lekin fir dhaai baje ke kareeb fir se mujhey aisa laga jaise koi mere pas hai.. maine aankh khol ke dekha to ek ladki ka saya mujhey bed ke bagal me khada dikhai diya.. wo dkehtey hee main usi waqt kamre se bhaag gaya aur neechey apne mummy papa ke pas jaa ke so gaya.. lekin uss din ke bad se mere sath ye har roj hone laga.. har rat wo ladki mere pas aati aur mere sath jabardasti karne kee koshsih karti.. main bahut sare mandiro aur masjido me bhi gaya lekin koi fayda nahi hua.. aaj 13 july 2021 hai.. aur main bahut jyada pareshan ho chuka hoon.. agar aap me se koi meri madad kar sakta hai to please mujhey contact karein.
============================
mera naam vipul hai.. main aapko apne aur apne dosto ke sath ghati ek sachi ghatna ke bare me batana chahta hoon.. ye hamare sath 2019 december me hua tha .. to hua ais atha kee apni bhaagdaud bhari jindagi se thoda break lene ke liye ham kkuch dosto ne Goa ghumne jane ka plan banaya tha.. aap log jaante hee hain kee 25 december se lekar 2 january tak Goa me kaisa mahool hota hai.. yahi sochkar main mera dost ankit aur Riya aur in dono ke bf aur gf.. ham total 5 log lucknow se Goa pahuche.. wahan pahuch ke ham logo ne calangute bagha road par Grand resort me booking kar li thi.. shuru ke 3 din sab kuch theek raha ham logo ne party karne me hee teeno din gujar diye.. Fir 30 december ko hamne south Goa ghumne jane ka plan banaya.. Aap logo ko bata doon kee Goa ka area bahut uneven hain.. jahan bahut sare jangle bhi padte hain.. shaam 5 baje ka time tha.. ham sab log caar se jaa hee rahe the ki achanak Riya ke boyfrend Raav ne bahar kuch dekha aur hamein car rokne ko kaha.. hamne jaldi se car roki to Raav bina kuch bole hee car se utar gaya aur peechey kee taraf jane laga.. Ham car reverse kar ke peechey lekar gaye to dekha kee Raav jangle andar kee taraf dekh raha tha.. hamne usse awaz mar ke pucha to usne hamein jangle ke etaraf ishara kar ke apne paas aane ko kaha.. ham log jaldi se utar kar ke gaye to dkeha kee samne ke lake me ek chota ladka kamar tak paani me duba hua khada tha.. aur wahan khada wo ham logo kee taraf hee dkeh raha tha.. usko dkeh ke hamein bahut hairaani hui.. kee 10-12 sal ka bacha akele yahan jangle ke beech lake me kya kar raha hai.. wahan khade ham log usko dekh hee rahe they kee tabhi wo lake se nikal ke hamari taraf badhne laga.. hamein laga shayad uss ladke ko madad ki jarurat hai .. to ham usko aawaz dekar apne pas bulane lage.. wo bahar aake lake ke kinare pe aake khada ho gaya.. wo ladka lag to bilkul kisi insan ke jaisa hee raha tha.. lekin wo bahut ajeeb tha.. uska chehraa bahut sundar tha.. aur usne apne shareer par koi kapda nahi pehna tha. lekin uske face par hee bahut hee jyada gussa jhalak raha tha.. jaise kee wo abhi hamein maar ke khaa jaega.. ham log samajh gaye kee yahan pakka kuch gadbad hai.. aur tabhi uss ladke nee peechey lake kee taraf muh kar ke jor se ek aawaz lagayi.. aur tabhi uss lake me se 50-60 waise hee 10 se 16 saal kee umar ke baacche bahar aane lage.. aur hamari taraf badhne lage.. ham log usi waqt bhaag ke apni car me pahuche aur car bhagane lage.. lekin wo sab 500 meter trak hamare peechey bhaagte rahe aur fir achanak se wahan se gayab ho gaye.. Iss ghatna se Riya bahut darr gayi thi.. fir kisi terah ham log sahi salamat resort pahuche aur wahan ke manager ko ye sari baat batayi.. usne bataya kee Goa jitni khoobsurat jagah hai utni hee darawni cheejein bhi yahan maujood hain.. lekin iss terah kee baat usne bhi pehle kabhi nahi suni thi.. khair.. isske baad kee hamari puri trip bahut ache se gujri.. hamne bahut masti ki.. lekin uss shaam wo sab log kon they.. ye ham log nahi jaante.. agar aap logo me se kisi ko iss baare me pata ho to jarur bataiyee..
==================================
mera naam sagar hai.. main ghaziabad vijay nagar me rehta hoon.. main jo baat aapko batane jaa raha hoon ye mere saath bhi kuch hee din pehle hua tha.. ye 10 june 2021 ki bat hai.. to hua aisa tha kee 11 june ko meri first marraighe anniversary thi.. jiske liye meri wife ke ghar pe ek party rakhi gayi thi..
lekin office se chutti na milne kee wajah se mujhey raat me hee nikalna pada.. subah mujhey office bhi jana tha.. mujhey bulandsheahr jana tha. to main shaam 7 bajee hee apni bike pe ghar se nikal gaya.. highway par to mujhey koi problem nahi hui kyuki wahan acha traffic chal raha tha lekin jab main apne sasuraal jane ke liye dusre highway par muda to wo highway bilkul sunsaan tha.. jahan mujhey jana tha wahan wo single highway tha.. aur wahan se mujhey 40 kilometer aur aage jana tha.. raat ke 9 bajj chuke they.. door door tak road par na koi gadiu thi na koi light lagi thi.. maine apni bike ke speed kam kar li aur helmet utar ke dheere dheere bike chalane laga.. lekin helmet utartey hee mujhey aage road ke side me kheto se aurat bahar aati dikhai di.. maine usko dekhkar ignore kar diya.. mujhey laga aaspas kee koi aurat hogi.. lekin thodi si door aage jaake mujhye dhyaan aaya kee yahan se ek gaon to 10 kilometer peechey hai aur agla gaon 20 kilometer aage hai jiska naam guylabti hai.. to fir ye aurat itni raat yahan kya kar rahi hai.. mujhey bahut ajeeb laga.. maine bike rok lee.. aur ghuma ke fir se uski taraf jaane laga.. jab main uske pas pahucha to wo wahan khadi meri hee taraf dekh rahi thi.. main apni bike usse kareeb 20 meter door rok li aur aur usko aawaz laga ke kaha– kahan jaana hai aapko..
lekin usne jawab nahi diya..
aap yahan kho gayi ho kya..main daulatpur ja raha hoon.. main aapko chor dunga.. maine fir se pucha.. lekin usne koi jawab nahi diya..
lekin tabhi mujhey bahut ajeeb sa lagne laga.. mere man me ekdam se aawaz aayi kee bike ghuma aur yahan se bhaag jaa.. aur itne me hee wo aurat cheekhtey huey meri taraf bhaag ke aane lagi.. wo dkehtey hee maine bike ghumayi aur wahan se bhaga di.. uss waqt main 140 ki speed me apni bike bhaga raha tha..lekin fir bhi mujhey pasena aa raha tha.. wo abhi bhi bilkul mere peechey thi.. mujhey yaad aaya kee meri chest par bholenath ka ek tattoo bana hai.. ye yad aate hee maine wahi pe apni bike roki aur peechey mud ke dekha.. wo aurat bhaagti hui aa rahi thi… maine apni tshirt utar di aur jor se chillaya– aaja tujhko dekh hee leta hu tu kya karegi.. lekin mere itna kehtey hee wo gayab ho gayi..
fir maine apni tshirt pehni aur bike start kar ke kisi terah apne sasural pahuch gaya.. lekin maine ye bat kisi ko nahi batayi nahi tow o log bhi faltu me pareshan ho jate aaur aage se mujhey rat me aane se bhi mana kar dete.. mujhey raat me bike par lamba safar arna bahut acha lagta hai.. aap sab logo se bhi main ye kehna chahta hoon kee agar aap kabhi raat me long drive par jao apne bhagwan ko yad kar ke hee niklo aur apni mummy ya behan ke haath se paani peekar he niklo..
=========================
mera naam parvez miya hai. main nepal ka rehne wala hoon.. main jo baat aapko bata raha hoon ye sab meri bua ke ladke ke saath hua tha.. to hua aisa tha kee un dino meri bua ka ladka hamare yahan padhai karne ke liye aaya tha.. jab wo hamare ghar aaya to pehle din se hee khoya khoya sa rehta tha.. kisi se jyada baat bhi nahi karta tha.. lekin fir kareeb 2 hafte baad usne ajeeb ajeeb harkatein bhi karna shuru kar diya.. wo raat rat bhar jaagta rehta .. aur akela baitha kuch kuch badbadata rehta.. ye sab maine apni mummy ko bataya to unhone usse iss bare me pucha. lekin unke puchtey hee wo bahut gussa ho gaya.. usne kuch nahi bataya… agle kai dino tak aisa hee chalta raha.. fir ek din meri mummy jab rat me toilet ke liye uthi to dekha kee wo apne bed pe baitha kuch badbada raha tha aur ajeeb si paglo jaisi harkatein kar raha tha..to mummy ne usko daanta aur sone ke liye kaha.. lekin mummy ko ye samajh aa gaya tha kee iske sath jarur koi upari samasya hai.. to agle din mummy ek molvi ko ghar lekar aayi aur usko dikhaya.. molvi ne ghar aake usko apne samne bitha ke pucha.. — tum kkon ho..–
to uske andar kee aatma ne jawab diya.– mera naam rahul hai.. mujhey iske upar bheja gaya hai.. “
molvi ne pucha kisne.. kisne bheja hai tujhey ispe– to rahul bola— isi ke ek rishteydaar ne bheja hai iski life kharab karne ke liye..”
iske baad molvi ne kisi terah uss aatma ko ek bakre ke badle uska shareer chor ke jaane ko mana liya..
iske bad 4-5 dino tak to wo bilkul theek raha… lekin 4-5 din baad fir se uske andar koi aur aatma aa gayi.. aur ye aatma pehle se bahut takatwar thi..
wo din bhar ek kamre me band rehta tha.. aur wahan rakhi cheejo se kuch kuch banata rehta tha.. ek din usne mere kharab laptop ko bhi dvd player ka saman daal ke theek kar diya.. maine ussey pucha kee tune ye kaise kiya.. ye laptop to kharab tha.. tune isey kaise theek kar diya.. to wo bola kee iss sceince kee shuruwat hamse hee hui hai..
uski baat sunke main bahut darr gaya.. maine jaldi se pani maa ko bataya to meri maa ne uss aatma se uska shareer chor dene kee vinti kee.. boli iss ladke ne tumhara kya bigada hai…t o wo aatma uska shatreer chor ke jane ko tayyar ho gayi.. lekin fir wo aatma har 2-3 din baad fir se aa jati thi.. aakhir me bahut pareshan hokar meri maa ne ek bade molvi ko dikhan ek afaisla kiya.. jab ham log iss bare me baatein kar rahe they.. tow ow hamare paas aake bola.. mujhey iske upar se oi nahi hata sakta.. aur itna keh ke wo jor jor se hansne laga..
fir kuch din bad ham usko ek bad emolvi ke pas lekar gaye.. to unhone kuch padhke rahul kee ankho me foonk maari.. uske baad rahul bole.. kee mujhey ek aurat dikhai de rahi hai.. wo ek bargad ke ped ke neechey baith ke kaala jadu kar rahi hai..
molvi ne pucha.. konsa ped.. tum jante ho wo ped kahan hai.. to wo bola kee wo ped mere ghar ke bagal me hai… to ham log jaldi se uss ped ke paas pahcuhe to dkeha kee ek aurat wahan baithi kaala jadu kar rahi thi.. molvi ne usko pakad liya aur uski sadhna bhang kar di.. aur uske kaale jadu ka sara gyaan bhi khatam kar diya..
aaj meri bua ka ladka bilkul theek hai.. aur apni padhai puri kar ke job kar raha hai..
=============================

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!