Indian Horror Stories

Real Ghost Stories in Hindi Episode-254 Hindi Horror Stories #HHS #HorrorStories #HindiHorrorStories

main jo kahani aapko batane jaa raha hoon ye aaj se 20 saal purani hai.. jab main school me padha karta tha. to hua aisa tha kee hamare school me ek maths teacher hua kartta tha.. jo unit test me fail hone par baccho ki class ke samne bahut buri terah pitai karta tha.. to aise hee ek bar jab hamara unit test hua to mera aur mere ek ek dost ka test me fail hona pkka tha.. hamein pata tha kee ham pakka fail honge aur fir hamein bahut maar padegi.. isliye maar ke dar ke hamne plan banaya kee ham raat me chori chupe staff room me ghusenge ke aur apne test ki copies ko badal denge.. ike liye hamne din me hee apni tayyari puri kar li thi. jaise kee staff room ke peeche ke darwaje kee kundi khol di aur upar chatt ke bhi sabhi darwajo ki kundi khol di thi.. staff room me aane ke waise to do darwaje they lekin unme se ek ko hee use kiya jata tha.. bas ab hamein rat me chatt ke raste school ke andar ghusna tha..to raat hotey hee main aur mera dost apni dusri test copy leke ghar se nikal gaye.. hamara school bahut bada tha.. aur pure school me bas 1 ya 2 caretakers hee rehte they.. jyadatar central schools aise hee hote hain.. school ke pas pahuch kar ham school ke chatt par chadne kee koshsih karne lage.. mera dost pahadi tha.. isliye wo toc hatt par gaya lekin bahut koshisho ke bad bhi main uar ahi chadh saka.. aakhir me hamne haar maan li aur ghar wapis jane ka faisla kiya.. fir jab ham ghar wapis aa rahe they to school ke campus me hee ek cycle stand tha jahan bacche apni cycle khadi kiya karte they.. raat ke samay wo pura area bilkul khaali tha.. wahan bahut sare sookhe patte pade rehtey they.. ham wahan se ja hee rahe they kee mujhey aisa mehsoos hua jaise hamare kadmo se patto kee aawaz ke sath sath koi aur awaz bhi wahan se aa rahi hai.. lekin wo awaz kadmo ki nahi thi.. maine peeche mud ke dekha tod ekha kee thodi door ek parchai jaisi koi cheej khadi thi jo apne pairo se patto ke beech kuch dhund rahi thi.. wo parchai bilkul kaali thi isliye rat ke andhere me uska chehra bilkul dikhai nahi pad raha tha.. wo dketey hee maine apne dost se kaha bhaag.. aur ham dono bhaagte huey gaye aur deewar kood ke par kar li.. wo deewar itni unchi thi ki hamein to yakeen hee nahi ho raha tha kee hamne ek hee baar me iss deewar ko kaise par kar liya.. ham ab school campus se bahar aa chuke they.. mere dost ne hairani se pucha kya hua bhaaga kyu.. to maine usko uss parchai ke bare me bataya.. wo bola wo bhi ek bar usko dekhna chahta hai.. to hamne kuch eenitein deewar ke sath ke khadi ki unke upar chad ke andar jhanka to wo parchai ab bilkul deewar ke pas aa chuki thi aur seedha hamari taraf dekh rahi thi.. iss bar mujhey uski aankhein bhi dikhai di.. uski aankhein bilkul laal thi.. ham dono usi waqt wahan se bhaag gaye hamne palat ke bhi nahi dekha.. uss din ke bad se hamne uss cycle stand ke pas jana hee chor diya.. ham din me bhi uss cycle stand ke aspas nahi jate they..
=======================================
mera naam usmaan hai.. main karnataka ke mysore ka rehne wala hoon.. waise to aapko batane ke liye mere pas bahut sari kahaniyaan hain lekin aaj main aapko 3 sachhi kahaniyo ke bare me batana chahta hoon.. ye pehli kahani jo main bata raha hoon ye khud mere sath hua tha.. ye saal 2005 ki baat hai. un dino main apni family ke sath bangalore me raha karta tha lkein har sal garmiyo ki chuttiyo me main apni nani ke yahan ghumne jata tha.. to aise hee uss sal jab main apni nani ke yahan gaya to mere meri maa ke dusre bhaai behan bhi apne baccho ke sath wahan aaye huey they… to ek din ham sabne chandravan naam kee ek jagah par ghumne jaane ka plan banaya.. ham sab logo ne uss jagah pahuch ke wahan paani me bahut masti kee aur fir aate huey wahin nadi ke paas ek aashram me lunch karne ke liye chale gaye. main aur mere cousions jaldi se apna lunch khatam kar ke paas hee bargad ke ek ped par chadhne lage.. mere mama ne hamein uss ped par chadne ko mana kiya to meri baki cousions to neeche aa gaye lekin main bahut ziddi tha.. main uss ped par chadhne kee koshsih karta raha.. lekin uss par chadna bahut mushkil tha.. aur fir chadtey chadtey main achanak neechey gir gaya.. main haar man li aur wahan se wapis aa gaya.. fir shaam ko ghar ke liye aatey huey hamein kafi der ho gayi thi.. andhera ho chuka tha.. main bahut thak gaya tha isliye car me hee so gaya.. fir kuch der bad meri ammi ne mujhey dinner ke liye uthaya to dekha kee mujhey bahut tej bukhaar tha.. ammi ne socha kee shayad din me pani me nahane kee wajah se bukhar ho gaya hai.. isliye unhone mujhey khana khila ke wapis sula diya.. lekin fir usi raat maine ek sapne dekha.. mujhey aaj bhi wo bahut ache se yaad hai.. mujhey nahi pata wo spana tha ya hakikat.. lekin raat me sote huey achanak meri aankh khul gayi.. aankh khulne par maine dekha kee ek kaali parchaayi jo kisi aadmi ki najar aa rahi thi wo theek mere samne khada mujhey dekh raha tha.. wo dekhtey hee mere muh se cheekh nikal gayi.. saath me soye meri maa aur abba ne mujhsey pucha to maine unko bhi uss saye ke bare ke bataya.. lekin unhone jyada dhyaan nahi idya .. bola koi bura sapna dekh liya hoga.. aur mujhe wapis se sula diya.. agli subah mera bukhaar to utar gaya tha lekin uss din ke bad se har rat mujhey darawne sapne aane lage.. kuch din bad jab meri chuttiya khatam hone wali thi to ham bangalore wapis aa gaye.. bangalore aane ke kuch din bad ek din main apne ek dost junaid ke sath jab chatt pe khel raha tha to achanak mujhey aisa feel hua jaise mere kandhe bahut bhaari ho gaye hain.. dheere dheere aisa mujhey har waqt feel hone laga.. jaise mere upar bahut sara weight rakha hai. wazan itna jyada hota tha kee main seedha khada bhi nahi ho pata tha.. lekin jab bhi azaan ki aawaz aati to main kuch der ke liye bilkul normal ho jata. mere gharwalo ne mujhey doctor ko bhi dikhaya lekin xray report me bhi sab kuch normal aata tha.. dheere dheere ye sab kuch aur jyada hone laga.. mujhey rat me bahut hee darawne sapne aane lage.. aur jo sapne mujhey dikhai dete they wahi sapne meri ammi ko bhi aane lage.. hamein har samay ghar me kisi ke hone ka ehsas hota rehta.. aksar raat me mere abba ko koi ammi ki awaz me ghar se bahar bulata to kai bar koi meri ammi ki aawaz me mere abba ko kitchen me bulata.. kai bar jab main apne kamre me akela hota to wo cheej achanak se bhaag ke mere paas aati aur mere pas aate hee gayab ho jaati.. wo ek aadmi ka saaya tha jo kee bahut hee lamba aur dubla tha.. uska chehra bilkul kaala tha… sabko sanajh aa gaya tha kee ye kisi upari takat ka kaam hai.. to mere abba ne apne ek dost ke saath milkar ek bahut bade maulana ka pata lagaya.. wo bahut hee pahuche huey maulana they.. unhone mujhey unke yahan lekar aane ko kaha.. lekin jab mere gharwale mujhey leke nikalne wale they tabhi meri tabiyat bahut jyada kharab ho gayi.. main jor jor se cheekhne laga gandi gandi gaaliya dene laga.. un teeno ne milke mujhey uthane kee koshsih bhi ki lekin mera pura shareer uss waqt bilkul lohe jaise sakht ho gaya tha,.. wo log mujhey hila bhi nahi paa rahe they.. maine un teeno ko dhakka diya aur bhaag ke apne kamre me jaa ke chup gaya.. maine apne abba ko itni jor se dhakka diya tha kee unki naak se khoon nikalne laga tha. fir mere abba ne maulana ke pas jake bataya kee wo log mujhey unke pas nahi laa pa rahe hain.. to maulana khud hamare ghar aane ko tayyar ho gaye.. lekin uss cheej ko ye bat pata chal gayi kee wo maulana khud hamare ghar aa ahe hain to bahut cheekhne chillane laga aur ghar kee cheejein todne laga.. maualana jab ghar aaye to main unko dekhkar gaaliya dene laga..maulana mere pas aaye aur mera haath pakad ke mujhey apne saamne bithaya.. uske baad main kisi bade mard ke aawaz me jor jor se rone laga.. maualna ne ussey pcuha to pata chala kee wo ek pisach tha aur wo usi bargad ke ped par raha karta tha jispar main uss din chadne kee koshsih kar raha tha.. pisach ne bataya ke emujhey dkehtey hee wo meri taraf attract hone laga tha isliye jab main uss ped se gira to wo mere shareer ke andar ghus gaya.. lekin usne bataya kee mere shareer me ghusne me usey bahut waqt laga kyuki meri rooh bahut takatwar hai.. uske baad maulana ne mera utara kiya aur mujhey ek taweej pehanne ko diya.. aur uss taweej ko 40 dino tak na utarne ko kaha.. jatey huey maulana ne mere abbu se kaha kee 19 sal ki umar tak isey kisi bhi paani kee jagah ya kisi veeran ilake me mat jane dena kyuki jinn pischach jaisi upari takatein meri taraf attract hoti hain.. usske bad main theek to ho gaya.,.. lekin aaj bhi kai bar jab main kisi sunsan raste se niklata hoon to mujhey apne sath kisi ke hone ka ehsas hota hai.. lekin mujhey darr nahi lagta kyuki main 5 waqt ka namaji hoon.. main abb dusre logo par se utara karna bhi seekh liya hai..
ye dusri story jo main bata raha hoon ye meri ammi ke sath bachpan me ghati thi.. darasal meri naani ek government shcool me teacher hua karti thi.. to ek baar unka priyapatan naam kee ek jagah ar transfer ho gaya.. meri maa tab 15-16 sal ki thi.. rehne ke liye naani ko ek colny me ek ghar bhi mila tha jahan hindu muslim sab milke raha karte the.. lekin uss ilake me ek problem ye thi kee wahan gharo me toilet nahi they.. toilet karne ke liye colony se door ek jungle me jana hota tha.. saath hee wahan ke log shaam ko jaldi so jaate they. kyuki wahan light ki bhi bahut problem rehti thi.. meri nani bhi sham ko school se aakar kaam khatam kar ke jaldi hi so jaya karti thi.. to aise hee ek raat meri ammi ka pet kharab ho gaya.. to wo toilet ke liye apni choti behan asima ko leke jangle me chali gayi.. jangle me pahuch ke unki behan kuch door khadi ho gayi.. aur ammi andar chali gayi.. fir kuch der bad jab wo toilet kar ke aage badhi to achana unko aisa laga jaise koi unke peechey khada hai.. ammi ne palat ke dekha to dkeha kee ek kinnar laal sari pehne unke peechey khada tha aur aankhein fad fad ke unki taraf dekh raha tha.. ammi batati hain kee wo kinnar itna darawna tha kee usko dekhkar ek bar ke liye to unki jan hi nikal gayi.. uska kad bahut lamba tha.. moti moti aankehin aur maathey pe laal sindoor bhar ke lagaya hua tha.. usko dkehtey hee ammi seedha apni behan ka haath pakad ke wahan se bhaagne lagi.. lekin wo kinnar bhi unke peechey aa raha tha.. bhaagtey huey wo dono ghar ke andar aaye aur jaldi se kundi laga li.. ammi batati hain kee agle hee din unhe bahut tej fever aa gaya tha.. naani bhi bahut pareshan ho rahi thi. to ammi ne unko rat kee baat bata di.. to nani ne aaspas ke logo se pucha to pata chala kee kuch time pehle uss jagah ek kinnar ka katal hua tha..aur uska huliya bhi bilkul wais atha jaisa nani ne bataya tha.. .. kuch dino bad ammi ki tabiyat to theek ho gayi lekin unko aur meri khala ko usi kinnar ke sapne aane lage they. sath he batau kee wahan pados me ek hindu family raha karti thi.. jinki bahu ke andar aksar uss kinnar ke aatma ati thi.. jab bhi wo aatma uske andar aati to wo lal sari pehan ke unke aangan me nachne gaane lagti thi.. to wo meri nani ko unhe ke bula ke le jate kyuki meri nani bahut religius thi.. meri nani unke yahan jaake ayat padh ke use upar foonk maar ke aa jati.. jisse wo shant ho jati thi.. lekin kuch time unki bahut kee maut ho gayi..uski maut ke baad wo kinnar meri nani ke sapne me aane lagi .. unse kehti kee ab main teri beti ko lekar jaungi.. nani bahut pareshan ho gayi.. fir ek din nani ammi ko mysore me ek maulana ke pas lekar gayi aur unka jhaad foonk karwaya.. uske baad se sab kuch theek ho gaya.. meri ammi batati hain kee aaj bhi unko agar wo manjar yaad aata hai to wo raat me so nahi paati..
ye teesri kahani jo main bata raha hoon ye mere sabse bade mama ke saath aaj se kareeb 21 sal pehle hua tha.. to hua aisa tha kee ek bar mere nana kee achanak tabiyat kharab ho gayi thi.. wo heart patient they.. isliye ek bar unko minor heart attack aane kee wajah se hospital me admit karna pada.. raat me unke sath mere mama hospital me hee ruke they.. sath hee bata doon ke mere mama smoke bahut kiya karte they.. to raat me sote sote achanak mama ko smoke karne ka man kiya to wo uth ke hospital ke pichle gate ke bahar chale gaye.. uss gate ke dusri taraf ek jungle hua karta tha.. to wahan khade mama smoke kar hee rahe they kee tabhi unko samne se ek bahut hee khoobsurat nurse unki taraf aati dikhai di..usko dekhke pehle to mama ko bahut hairani hui lekin fir mama ne usko smile karke haath hilaya to wo unke pas aa gayi..mama tab jawan they aur unki shadi bhi nahi hui thi.. to wahan khade mama uss nurse baatein karne lage. pehle to sab kuch theek tha lekin dheere dheere uss nurse kee aawaz badalne lagi.. tabhi mama ne notice kiya kee uss nurse ke baal bahut lambe they.. mama batate hain kee uske baal ek aam ke ped se bhi jyada lambe they.. wo dkehke mama bahut darr gaye aur apni ciggrate wahin fenkk ke hospital ke andar bhaag aaye..mama itna darr gayue they kee agle din unhe usi hospital me admit hona pada.. bad me jab ye bat wahan faili to pata chala kee wo ladki asal me ek mohini thi.. jo ke ehle bhi bahut se logo kee jaan le chuki thi.. lekin shayaad mere mama kee kismat achi thi jo uss rat unki jaan bach gayi..
===================================
mera naam sorajit hai.. lekin ghar me mujhey jeet nam se bulate hain.. main 23 sal ka hoon aur orissa ke bhubneshwar ka rehne wla hoon.. main jo baat aapko batane ja raha hoon ye hamari family ke sath abhi kuch mahine pehle hee hua tha.. ye sab kuch itna khauffnaak tha kee ham log aaj bhi rat me chatt par jane se darte hain.. ye isi saal june mahine kee baat hai.. meri badi didi kee nanad kee shadi hone wali thi.. lekin didi hosiptal me job karti thi.. aur covid ki wajah se unko chuttiyo nahi mil rahi thi.. milti bhi to bas 1 ya do din ki.. un dino meri beech wali sister bhi hamare ghar ghumne aayi hui thi.. jo kee bangalore me rehti hain.. meri badi sister ka sasural mayurbhanj aur chattisgarh ke beech me padta hai. aur hamare ghar se wahan pahuchne me 6-7 ghante lagg jate hain. aur wo pura rasta ghane jangle se hokar jaata hai.. meri didi ka sasural bhi ghane jangle wale area me padta hai.. ham logo ne uss din subah subah nikalne ka plan banaya tha.. lekin meri didi ko hospital me kuch emergency padne kee wajah se ham din me nahi nikal paaye.. hamari car ko ham booking pe bhi chalate they.. aur agle din se hamari car agle 5 dino tak ke liye booked thi.. aur uski advance payment bhi ham le chuke they.. isliye hamein har haal me usi din hee nikalna tha.. nikalte nikaltey hamein shaam ke 8 bajj gaye.. mera jiju uss raaste ke bare me ache se jaante they. isliye niklatey huey jiju thoda pareshan lagg rahe they.. didi ne pucha to jiju bole kee hamein jald se jald uss jangle ko paar karna hoga.. nahi to kuch bhi ho sakta hai.. lekin maine dhyaan nahi diya aur ham sab nikal gaye..
jahan se jungle shuru hota tha uss jagah pahuchne me hee hamein 3 ghante lagg gaye.. hamein pata tha kee aage koi hotelk bhi nahi milega.. isliye hamein ek chote se restraunt pe rukkee thoda bahut kha bhi liya tha..
jangle ka rasta 2 ghante ka tha.. uske baadi ghaati shuru ho jati hai… gaadi hamare driver ajju bhai chala rahe they.. to unko thodi der aram dene ke liye maine car drive karne ka faisla kiya aur car chalane laga.. barish bhi hone lagi thi.. isliye jyada speed me chalana bhi possible nahi tha.. raat ke kareeb pone bara baje.. barish tham chuki thi.. to meri beech wali behan jungle kee fresh hawa khane ke liye suv ki sunroof khol ke khadi ho gayi.. main aram se car chala raha tha.. usko khade huey 5 minute hee hui thi kee achanak wo neechey baith gayi aur jaldi se sunroof band kar di.. usne ye sab aise achanak se kiya jaise koi uske upar jhapat pada ho.. wo bahut dari hui lagg rahi thi.. badi didi ne pucha bhi.. kii kya hua aise achanak se kyu baith gayi.. lekin usne kuch ahi bataya… bas boli ki mujhey thand lagg rahi thi isliye baith gayi.. lekin ham sab samajh rahe they kee kuch to gadbad hai.. fir didi ne jaldi se apne aur badi didi ke baachho ko beech me bithaya aur khud khidki ki side baith gayi.. ab theek rat ke 12 bajj chuke they..
lockdown ki wajah se road bilkul sunsan thi.. kahin koi car najar nahi aa rahi thi.. bas jungle me ghustey huey ek truck dikhai diya tha.. ab main car hala hee raha tha kee tabhi.. achanak se car ka engine band ho gaya. sid eme baithey jiju ki bhi aankh khul gaye.. bole kya hua car kyu rok di.. maine kaha car apne ap band ho gayi.. lag raha tha jaise jeeju pehle se hee iske liye ready ho.. wo bahar chaaro taraf dekhne lage.. fir main aur ajju bhai bahar nikalne wale they kee jiju ne mujhey bahar jaane ko mana kiya.. bole jeet tu bahar nahi niklega.. uske baad jiju aur ajju bhai bahar nikle aur car khol ke check karne lage..jiju ajju bhai ko flashlight dikha rahe they.. tabhi meri behan aage aayi aur hanuman ji ka gana chala diya aur sare glass neechey karne ko bola.. aur kasam se hanuman chalisa lagatey hee car fir se start ho gayi.. mere liye ye bahut shocking tha.. main usi waqt samajh gaya kee yahan jarur koi buri shakti maujood hai jo hamein yahan se jane nahi dena chahti.. hamein jitna jaldi ho sake wahan se nikalna tha.. jiju aur ajju bhai jaldis ecar me baithey aur main car chalane laga.. jiju bahut dare huey lagg rahe they.. asal me jab wo bahar gayet they to unko ek aurat kee awaz sunai di thi.. koi aurat bahut hee khauffak tareeke se hans rahi thi.. wo awaz car ke peechey se aati lag rahi thi.. aur hansi ke sath jiju ko uski bas ek baat sunai di.. usne jiju se kaha.. main bhi aa rahi hoon.. ye bat sirf jiju ko sunai di thi..
wahan kai kilometer tak koi ghar nahi tha.. tha bhi to wo BH 10 se 10 km andar kee taraf.. aur hamare pas bahut sare paise aur jewllery wagera bhi thi.. isliye ham kisi anjaan ke ghar bhi nahi jaa sakte they.. hamne bas usi raste pe chalte rehne ka faisla kiya..
hamein ye bhi yakeen tha kee ye jo bhi buri shakti hai hamari car ke andar nahi aa sakti.. bas bahar se hee hamein dara sakti hai.. isliye hamne failsa kiya kee chahe kuch bhi ho koi bhi car se bahar nahi niklega… raat ke 1 bajj gaye they.. main kareeb 100 ki speed me car chala raha tha.. tabhi achanak aage raste ke beech pata nahi kahan se kuch patthar aa gaye..unse bachne ke liye maine steering right me ghumaya to pata nahi kya cheej peechey wale tyre se takra gayi.. aur tyre puncture ho gaya.. itni speed me achanak puncture hone se car ka balance bigad gaya to maine car ko road ke side me ghaas me ghusa diya jisse kee car ki speed kam ho aur wo ruk jaye.. aakhir me car rukk gayi.. jiss jagah cra ruki thi wahan se agar 10 metre aur aage car chali jati to ham dhalan se neechey gir jaate.. 2 minute tak ham sab darr ke mare chupp baithe rahe.. samajh hee nahi aa raha tha ab kya karein.. ham wahan ruke nahi reh sakte they.. isliye meri dodno behne aur unke bacche andar car me hee hanuman chalisa laga ke baithe rahe aur ham teeno neechey utar ke car ka tyre change karne kee koshish karne lage.. hamein pata tha yahan bahut khatra ho sakta hai.. isliye hamne pas ke 2 pedo ko aag laga di.. wo pura khaali maidaan tha isliye aag failne ka bhi koi darr nahi tha.. aag se koi jangli janwar ya koi buri shakti bhi hamare paas nahi aa sakti thi.. isliye ab ham thoda safe mehsoos kar rahe they..
meri badi didi bahar aayi aur mere pas aake khadi ho gayi.. bahur bahut thand thi.. aur fir 15 minute baad hamne tyre change kar liya.. lekin ek cheej jo ham sabne bahar khade notice kee thi wo ye kee ham sabne wahan ek bahut hee dardnaak cheekh suni thi.. jaise koi bahut gusse aur frustration me ho.. awaz suntey hee ham sab chonk gaye aur ek dusre kee taraf dkehne lage.. ye aawaz khaai ke neechey nadi me se aayi thi.. lekin iske bad jo hua wo to aur bhi ajeeb tha.. ham sabko ek he baat alag alag direction se sunai di.. matlab ki mujhey wo nadi ki side se suni thi to ajju bhai ko pedo kee taraf se.. aur jiju ko peechey kee taraf se.. lekin awaz ham sabne suni thi.. wo koi aurat thi.. usne hamse kaha– mujhsye bhi chicken khila aur laal saree dke jaa..
saath hee bata du kee meri didi ke sasural me ek riwaj hota hai jisme hone wali dulhan se pucha jata hai kee use kya chahiye.. to meri didi kee nanad ne meri mummy se dulhan ki ek saree.. unke hath ka kakora peetha aur chicken laane ko kaha tha.. fir ham sab jaldi se gadi me baithey aur wahan se jane lage.. lekin kuch door jate hee hamne jo dekha wo dkeh ke to hamare hosh hee udd gaye.. hamne dekha kee 2 aurtein raste ke beech me khadi thi.. unme se ek aurat ne apni god me ek chota sa baccha liya hua tha jo shayad mara hua lag raha tha.. aur uske sath me ek choti ladki bhi khadi thi.. un dono aurtao ne bahut purane kapde pehne they. lekin uss choti ladki ne nayi frock pehni hui thi.. unme se ek aurat bilkul jali hui lag rahi thi.. uske si pe baal bhi nahi they. aur dusri aurat kee gardan bhi toooti hui lag rahi thi.. matlab ki uska sir uske kandhe ke upar rakha lagg raha tha… gaadi ab ajju bhai chala rahe they.. wo dkeh ke ham sab bahut jyada darr gaye.. ek baar ke liye mera to man kiya kee main bhaag ke jangle me chala jau.. lekin maine chilla ke ajju bhai se kaha kee car mat rokna.. inke upar chada do.. agar ye insan huey to jail main jaunga..
ajju bhai ne waisa hee kiya.. lekin car un aurto me se aarpar ho gayi.. wo koi insan nahi thi.. darr ke mare hamare aansu nikalne lage.. dimaag me na jane kaise kaise khayal aane lage they.. satah hee aapko batau kee iss terah kee cheejein aapko bhramhit karti hain.. ye aapko kuch ka kuch dikhati hain.. kuch door bad ek dhalan thi.. car 110 ki speed me thi.. kee tabhi achanak pata nahi kahan se kaali billiyo ka ek bada sa jhund road ke samne aa gaya.. ham jantey they kee ye bhi inhi aatmao ka hee khel hai.. isliye ajju bhai ne speed aurtej kar di.. lekin maine chilla ke kaha brake karo..aju bhai ne turant brake laga di.. car ek jhatke se slow ho gayi.. samne speed breaker tha.. bahut uncha .. car speed breaker pe kood gayi.. acha hua uss waqt car ki speed kam ho gayi thi isliye breaker pe car jyada nahi uchli.. nahi to uss waqt hamari car ka accident jarur ho jata.. speed braker ke smane hee ek toota hua ped pada tha jo shayad yash cyclone me toota tha.. agar car ke speed tej hoti to car seedha uss ped se ja takrati.. hamare liye ye sab kuch kisi bure spane se kam nahi tha. tabhi meri badi didi jor jor se rone lagi.. boli meri behan aur hamari betiya peechey hain.. unko bhi le lo.. nahi to uska pati usko maar dega..
ye boltey huey wo jor jor se glaas pe marne lagi.. ham usi waqt samajh gaye kee didi un aatmao ke kabje me aa gayi hain.. meri dusri sister ne jaldi se dono bacho ko apni god me le liya aur unke chehro ko scarf se dhak liya.. jija hanuman chalisa padhne lage to didi ek bahut hee darawni awaz me unke upar chillane lagi.. didi kuch bol rahi thi.. jyada to samajh nahi aaya bas itna samajh aaya– tujhey lagta hai tu bach jaega..
aur fir didi ajju bhai ke upar jahapt padi.. jisse ke car ka accident ho ajye.. jiju ne badi mushkil se ksii terah didi ko control kiya.. iske bad hamko wo tuti gardan wali aurat fir se road ke bagal me khadi idkhai di.. uske sath wo choti bachi bhi thi lekin wo dusri aurat nahi thi.. wahan khadi wo dono ek kali billi kha rahi thi bahut hee ghinone tareeke se..
uss raste par ghati shuru hone se pehle ek mandir padta tha.. jiju ne kaha tha kee ham uss mandir pe hokar hee jaenege.. aur fir kuch der bad ham log uss mandir ke samne pahuch gaye.. sabki jan me jaan aayi.. ham log car se utare aur mandir me jaake mathe pe tilak lagaya aur mannat maang ke aage badh gaye.. ab ham ghati me ghus chuke they.. jangle khatam ho gaya tha.. lekin hamein abhi bhi 61 kilometer aur jana tha.. badi didi behosh ho chuki thi.. aage raste me ek shamshan ghaat padta tha.. jiju uss shamsahn ghat ke bare me mujhey aksar bataya karte they.. jate huey maine jiju s epucha kee wo area kab aaega jiske bare me aap batate they to jiju bole kee bas abhi bridge ke bad aane wala hai.. hamne bridge paar kiya to dkeha kee aage ek judwa bargad ka ped tha.. tabhi ajju bhai bole.. are ye kya cheej hai. to jiju bole.. chupp… uss taraf bilkul mat dkeho.. dusre side se gadi le jao.. asal me wo ek pret tha.. jo kee itna lamba tha kee bargad ke ped ke upar baithe huey bhi uske pair neechey jameen tak pahuch rahe they.. uske shareer par kisi bhaalu ke jaise baal they.. fir jaise taise ham logo didi ke sasural pahcuhe.. jiju ne pehle hee ghar me call kar ke bata diya tha kee ham log pahcuh rahe hain ojha ko bula lena. jiju ke gaon ke pas hee ek bahu bada ojha rehta tha.. fir jab ham ghar pahcuhe to ojha ne ham sabke upar jhada kiya.. ojha ne bataya kee agar iss gadi me kali mata ki pooja nahi hoti to tum log aaj jinda nahi bachtey,.. fir subah 6 baje ajju bhai gadi leke bubhneshwar wapis chale gaye.. ekin unko tej bukhaar ho gaya tha.. isliye booking par bhi dusre driver ko hee jana pada.. fir shaadi se ek din pehle ham sab log unke yahan chattke upar baithe baatein kar rahe they… tabhi ek ladki ne dkeha kee kuch door ek imli ke ped ke upar koi baitha hua tha… usne dheere se hamse kaha .. wo dkeha.. wo kya hai wahan uss ped ke upar.. ham sabne jaldi se bina awaz kiya uss taraf dekha to dkeha kee ek bahut hee lambi aurat safed sari pehne uss ped ke upar baithi thi.. aur hamari taraf dekh rahi thi.. wo dekhtey hee ham sab jaldi se neechey aa gaye aur aake so gaye. fir shaadi ke 5 din baad ek sham achana wo aatma meri didi ke andar aa gayi.. boli main iske bete ko leke jaungi meri beti ka koi dost nahi hai.. to jaldi se ojha ko bulaya gaya.. lekin wo aatma itni takatwar thi kee usne ojha ke baal pakad ke usko ek jor ka thppaad laga diya.. to ojha ne jaldi se kuch mala didi ke gale me daali aur ek gola bana ke didi ko uss gole me bithaya.. tab jake didi thodi shant hui.. uss aatma ne kaha kee main 3 amavas aur ek purnima baad issko aur iske bete ko le jaungi.. ye sunke didi kee saas rone lagi.. fir ojha ne didi aur unke bete ko 7 taveej diye aur kaha kee 21 din se pehle tum inko nahi utarogi.. fir teen bad ham bhi apne ghar bhubneshwar aa gaye.. lekin iss bar ham uss jangle wale raste s enahi aaye they balki west bengal balasore hoke aaye they..didi bhi hamare sath aayi thi lekin abhi bhi sab kuch theek nahi hua tha… hamein kai bar rat me chatt ke upar ksii ke bhaagne kee aawaz aati.. kabi upar pani ke tank me koi uthal puthal karne lagta.. to kabhi koi seedhiyo se bhagta hua second floor tak aata aur fir chala jata.. ek chote bacche ke rone kee bhi aawaz aati..kai bar aisa lagta jaise koi aurat jaltey huye help mang rahi ho.. to kabhi koi darwaje pe aanke doodh mangta. aur bhi na jne kya kya hone laga tha.. ham log itna pareshan ho gaye they kee ek ek raat ham jag kar bitate they..ham sab ek hee kamre me sote they.. aur fir 21 din baad ham sabko ek sapna aaya.. sapne me jaise koi hamare kaan me bol kar gaya ho.. tera naseeb acha hai.. jo bach gayi.. agli bar nahi bachegi..
agle din didi ke sausral se call aayi.. unhone bataya kee ab vidhi samapt ho gayi hai.. vidhi matlab kee 6 laal murge aur ek bakre kee bali.. jo ojha ke kehne par di gayi thi.. bad me hamein pata chala kee wo aurtein asal me do behney they.. jisme badi wali behan ke ek 19 sal ki beti thi.. jsika uski behan ke pati ne rape kar diya tha.. aur dusri uski choti behan kee 8 sal ke beti thi.. jab uss aurat ko pata chala kee uske pati ne uski behan ki beti ka rape kiya hai to usne suicide kar liya aur apni beti ko apni behan ke pas bhej diya.. jab gaon ke logo ko ye bat pata chali.. to unhone uss aadmi ko pakad ke bahut maara aur usko jangle me janwaro ke hawale kar diya.. lekin wo admi jaise taise bach gaya..aur usne uske wife ki badi behan ke ghar aag laga di.. jisme un teeno kee dardnaak maut ho gayi..
usske bad se unn teeno ki aatmaye usi ped pe rehti hain jahan uss aurat ne suicde kiya tha.. aur jahan hamari car band hui thi.. jab meri behan gadi ki sunroof me khadi thi to usne uss aurat ko peechey bhaagta aata dekh liya tha.. uss surat ka kad 12 feet se bhi jyada tha.. sabse pehle meri behan ne he eusey dkeha tha isliye wo meri behan ke upar hee aayi thi.. aur dusra pret jo uss bargad ke ped ke upar pair latka ke baitha tha usey hamare yahan basuli kehtey hain.. lekin usne hamein koi nuksan nahi pahcuhaya balki hamein unn 4 aatmao se bachaya tha unka rasta rok ke.. nahi to shayad wo ham sabke andar hee aa jati.. abb sab kuch normal ho chuka hai.. lekin aaj bhi hamein rat me chatt pe jane se darr lagta hai..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!