Indian Horror Stories

Real Ghost Stories in Hindi Episode-252 Hindi Horror Stories #HHS #HorrorStories #HindiHorrorStories

ye kahani shayad aapko itni darwani na lage.. lekn ye baat wahi samajh sakta hai jiske saath ye beeti hai .. ye bahut sal pehle kee baat hai jab main 4-5 saal ka tha.. tab mere mummy papa haryana se punjab me shift huey they business ke chakkar me.. wahan shift hone ke baad sab kuch acha chal raha tha lekin fir kuch time baad ham ek dusre ghar me rehne chale gaye rent pe.. wo ghar bahut ajeeb sa tha.. wahan ek ped bhi laga tha jo maine kabhi hara nahi dekha.. wahan jane ke bad shuru me to sab kuch theek tha lekin fir kcuh time baad meri mumy ko kabhi kabhi ghar me se sade heuy maans kee badbu aane lagi lekin ye badbu kabhi kabhi aati thi.. fir dheere dheere mujhey bhu raat me bahut gande sapne dikhai dene lage.. sapne me mujhey mare heuy log dikhai dete .. maans sadta hua dikhai deta aur ek kaala saya dikhai deta tha.. ye baat maine apni mummy ko bhi batayi.. lekin unhone meri bat pe jyada dhyaan nahi diya.. lkein fir kuch time bad mummy ko bhi isi terah ke spane dikhai dene lage.. hamne papa ko bhi bataya lekin papa boltey kee ye sab bas tumhara weham hai.. fir ek raat main aur papa kamre me baithe tv dekh rahe they.. tabhi hamein mummy ke cheekhne kee awaz suani di.. ham jaldi se bhaag ke kitchen me gaye tod ekha kee mummy kitchen ke ek kone me dubak ke baithi hi.. aur bahut dari hui thi. hamein dkehtey hee mummy rone lagi aur aadhe ghante tak roti rahi.. fir mummy ne bataya kee khana banatey huey unko laga kee koi unke peechey khada hai.. aur tabhi ksii ne peechey se unke kandhe par haath rakh diya..aur unki cheekh nikal gayi.. bass wo uss ghar me hamari aakhiri raat thi.. hamne ek dusri society me ghar le liya aur wahan shift ho gaye.. uss ghar ke bare me batate they uss ghar me jo bhi rehne aata hai wo seedha apne ghar hee jata hai.. uss ghar me hamara bahut acha time nikla.. sab kuch theek tha bas kabhi kabhi mujhey darawne sapne aate they.. main mummy ko batata to mummy kehti kee horror movies dkehne kee wajah se hee aise sapne aate honge.. lekin ek aur ajeeb cheej jo mere sath hone lagi thi wo ye kee bahut bar mujhey aisa lagta tha kee jo kaam main kar raha hoon wo mere sath pehle bhi ho chuka hai.. mere sath ye bahut aam bat thi kee mujey future kee 1-2 second dikhai de jati thi..main inko visons bolta tha.. mujhey visoons aane lagi thi.. lekin fir ek time baad ye bhi band ho gaye.. fir jab main 11th class me pahcuha to dusre shehar me chala gaya padhai ke liye.. lekin fir pichle sal covid kee wajah se mujhey ghar wapis aana pada.. sab kuch theek chal raha tha.. fir ek shaam jab main so raha tha to mummy ne mujhey uthaya lekin main fir se so gaya.. tab maine sapna dekha kee koi aurat mere gharwalo ko marna chahti hai.. usne mujhse kaha kee inhone mere bacho ko mara hai.. main inhe nahi chorungi.. to main sapne me hee ussey haath jod ke mafi mangne laga.. itne me mummy ne mujhey utha diya.. main uth ke rone laga aur mummy ko spane ke bare me bataya.. meri baat sun ke sab chinta me pad gaye lekin fir 1-2 din bad sab iss bat ko bhul gaye.. lekin uss din ke bad se mujhey sab kuch ajeeb lagne laga.. kai bar jab maina pne kamre me akela baitha hota to mujhey lagta kee abhi koi aurat aaegi aur mere andar sama jaegi.. kai bar garmiyo ke time pe achanak mere kamre me bahut thand ho jaati.. lekin main in sab baato pe dhyaan na dete huey apni jindagi jee raha tha.. lekin fir dheere dheere hamare sab kuch kharab hone laga.. hamara kaam band ho gaya.. hamare par karja chadh gaya .. aur sbki sehat bhi kharab rehne lagi.. fir ek din papa ne apne bade bhai ko phone kiya jo ki janampatri wagera dekhtey hain to papa ke phone karte hee unke bade bhai bole kee aa gayi tujhey meri yaad.. papa bbole kee aise kyu bol rahe ho to unhone bataya kee ek din jab wo dhyaan kar rahe they to achanak unko unko hamare ghar me ho rahi sab cheejein dikhai de gayi..ye dekh ke wo bahut ghabra gaye.. papa ne unko bataya kee hamein ajeeb ajeeb sapne wagera aa rahe hain aur kaam bhi nahi chal raha hai.. to unhone kaha kee navratro me sahi muhurat dekh ke mahavidya ka paath karwao aur uske durga maa ek chaandi paath bhi karwana.. aur ek aur raksha paath bhi karwane ko kaha.. to hamne hamare yahan ke ek mashoor padit ji ko paath karne ke liye bulaya to wo navratri se pehle hamare ghar me sari tayyariyan kar ke chale gaye.. uss rat main uss kamre me so raha tha jahan tayyari kee gayi thi.. uss raat maine itna bhayanak sapna dekha jitna maine aajtak nahi dekha tha.. sapna kya wo to bilkul meri meri maut thi.. maine dkeha kee main apne ghar aaya to wahan sab kuch tehas nehas ho rakha tha.. or ek kaali billi mere gharwalo par hamla kar rahi thi.. maine uss billi ko gale se pakda aur bola kee chdiaal mere gharwalo ko chor ke chali ja yahan se.. to wo billi mujehy ek shaitaani smile dete huye wahan se gayab ho gayi.. tabhi meri aankh khul gayi.. main bed pe uta ho kar sota tha.. mujhey nahi pata wo kya tha.. lekin aankh khulte hee mujhey apne peeche kisi ke hone ka ehsas hua.. jiski surkh thandi saansein aur nakhun saaf karne kee aawaz mujhey saf saf aa rahi thi. uss time main thoda sa bhi hilta to meri jaan nikal jati.. main man hee man hanuman chalisa padhne laga. mujhey puri bhi nahi aati thi lekin main padhta raha.. apni kul devi ko bhi yaad kiya.. jitne bhi bhagwan mujhey yad they un sab ka dhyaan kiya.. kee bas aaj meri jaan bacha lo. aur tabhi achanak se mujhme pata nahi kaise himmat aayi main wahan se uth ke bhaaga aur seedha apni mummy papa ke room me chala gaya.. uss waqt rat ke 3 bajj rahe they.. apni maut ko maine itne kareeb se pehle kabhi nahi dekha tha..tabhi papa bhi uth gaye.. papa ko bhi waisa hee sapna aaya tha.. aur tabhi lagbhag 2 seconds ke liye pura ghar bahut jor se kaanpa or fir ek khoon jama dene wala sannata chaa gaya.. main uss waqt itna darr gaya tha kee darr ke mare behosh ho gaya.. fir subah 8 baje ke kareeb achanak meri aankh khul gayi.. usse pehle maine ek aur sapna dekha tha.. maine dekha kee ek safed dhadi wale baba mere paas aaye aur bole kee agar bachna chahta hai to bajrang baan ka paath apni jindagi ka hissa bana le.. mummy ka ro ro ke bura haal tha.. papa bhi bahut chinta me lagg rahe they.. iske baad hamne jaise taise saare paath pure karwaye.. aur fir aakhiri navratre hawan karte huey maas jalne kee bahut jyada smell aa rahi thi.. ham samajh gaye kee jo bhi cheej iss ghar me thi wo ab jall rahi hai.. sath hee uss path me ek kriya thi jisme laal mirch ko jalana hota hai.. aur aisa karte huey agar lal mirch kee dhasak uthe to matlab kee ghar me sab kuch thee hai.. lekin uss din 4 katori lal mirch jalane me baad bhi kisi ko ek cheenk bhi nahi aayi.. ham sabne darte darte kkisi terah hawan pura kiya .. aur uske bad papa ne apne bade bhai ko phone kiya aur unko uss rat ke bare me bataya to unke bhai ne kaha uss rat wo shakti mujhey lene ke liye aayi thi.. lekin main pooja wale kamre me soya hua tha.. aur mere nam japne kee wajah se wo mujhey maar nahi saki.. aur hawan pura hone ke sath hee wo shakti bhi jal gayi.. mere gharwalo ne mujhey ye bat nahi batai thi lekin fir 2 hafte baad mujhey sapne me wo dikhai diya.. usne mujhsey kaha kee main tujhey lene aaya tha lekin tu mujhey mila nahi .. maine apne gharwalo se pucha to wo bole kee ab sab theek hai ab kuch bura nahi hoga.. or abb se lekar abb tak main roj hanuman chalisa aur bajrang baan ka path karta hoon.. maine hanuman je ek locket bhi pehna hua hai.. uske bad mere sath aisa kabhi kuch nahi hua.. lekin aaj bhi kai bar jab maina kela hota hoon to mujhey bahut darr lagta hai.. lekin fir achanak se himmat bhi aa jati hai.. main kabhi bhagwan aur bhoot pret me vishwas nahi karta tha.. lekin uss rat ke baad mujhey in sab cheejo pe vishwas ho gaya..

=============================================
mera naam sunny hai.. main punjab ke nawashar elaake ka rehne wala hoon.. ye saal 20056 kee baat hai, jab main apne gaon ke school me 6th class me padhta tha.. hamare gaon mee hee ek aadmi tha jo kee pehle america me raha karta tha..batate hain kee wo aadmi pehle bahut ameer tha lekin gaon me aane ke baad achanak usey pata nahi kya hua.. wo bilkul pagal ho gaya tha.. usko kuch pata hee nahi hota tha kee wo kya harkatein kar raha hai.. bahut se doctoro ne bhi uska ilaaj kiya leki wo theek nahi ho saka. ek samay aisa aaya kee uske gharwalo ne bhi usko chor diya.. jab main 6th class me tha to usko ham galiyo me pagalo kee terah idhar udhar ghumta dekhte they.. school se aate huey main jiss gali se aata uss aadmi ka ghar usi gali me padta tha.. mera ek best freind bhi usi gali me rehta tha.. kai bar jab main apne frend se milne uske ghar jata tha to wo aadmi pata nahi kaise achanak se mere peechey aa jata tha.. aur kuch boltey huey mujhey marne ke liye daudta tha.. mujhey us aadmi se bahut darr lagta tha.. main kaise apne aap ko bacha ke apne ghar pahuchta tha ye main hee janta hoon.. main apne dost se bhi bolta kee mujhey uss aadmi se bahut darr lagta hai.. to wo bolta kee wo bas pagal aadmi hai usse darne kee jarurat nahi hai.. wo kisi ko nuksan nahi pahuchata.. uss gali me ghar bhi bas 3-4 hee they.. baaki sab ped aur eent pathhar hee pade rehte they.. din bhi wahan se jane me darr lagta tha.. ek baar mere chacha kee shadi hone wali thi.. to bahut se mehmaan hamare ghar aaye huey they.. ham sab bacche milke hide nad seek khel rahe they.. isi beech kheltey khltey main apni bua ke ladke ko leke ussi gali me chala gaya usko apne best frend se milwane ke liye.. main uss gali me waise to kabhi nahi jata tha.. lein uss din bua ke ladke ke stah hone s emujhey darr nahi lag raha tha.. ab main uss gali me ghusa hee tha kee mujhey kuch door gali me wo hee aadmi khada dikhai diya.. theek uss aadi ke samne koi aur bhi khada tha jisko dkeh kar ham dono itne jyada darr gaye kee ham wahan se hill bhi nahi paa rahe they.. maano hamari body ko kisi ne jakad liya ho.. wo cheej jo uss aadmi ke samne khadi thi wo pura shareer aisa tha jaise wo mitti ka bana ho.. aur uske pure shareer pe ajeeb se kate ke nishan bane they aur uska muh bhi bilkul kisa janwar ke jaisa tha.. wo pagal aadmi uske samne apna sir jhuka ke khada tha aur uss shaitaan ne apne ek hath se use pakda hua tha.. ye sab dekh ke mere dil ki dhadkan to itni tej ho gayi thi ki mujhey lagg raha tha kee main abhi mar jaunga.. main apni jagah se hil bhi nahi paa raha tha.. lekin meri bua ka ladka kisi terah mujhey pakad ke peechey kheech ke le gaya.. fir ham dono wahan se jor se bhaage aur apne ghar pahcuhe.. hamari halat dekh ke sab log uchne lage kee tumhe kya hua hai to hamne sabko puri baat batayi.. gharwalo ne hamare upar bahut ussa kiya kee itni dopahar me tum dono bahar kyu gaye they..uss din ke baad main uss gali me fir dubara kabhi nahi gaya..
=============================================
mera naam avi rawat hai.. main abhi 14 saal ka hoon.. ye baat saal 2018 kee hai.. jab main garmiyo kee chuttiyo me apne gaaon badopal gaya hua tha.. mere dada dadi gaon me hee rehtey they.. मै हर saal garmi की छुट्टियों में गांव जाया करता था क्योंकि मुझे दादा दादी के साथ रहना बहुत पसंद था .. mujhey गांव में खेतों में टहलना बहुत acha lagta tha.. शहरों में तो खेत होते नहीं है तो इसलिए मैं गांव में खेत में घूमा करता था.. तो aise hee 1 दिन गांव में घूम घूमते घूमते मैं अपने घर से थोड़ी दूर आ गया था.. तो मैंने देखा kee samne ek khet me एक बड़ा सा पीपल का पेड़ laga था जिसके चारों तरफ तारों से fencing kee hui thi aur uss fencing me माता की चुन्नी लगाई हुई थी… jisse kee koi bhi uss pepal ke ped ke paas na aa sake.. wo dkeh ke mujhey bahut hairaani hui kee kee iss peepal ke ped me aisa kya ho jo iske chaaro taraf fencing kee hui hai.. uss chunni me kuch likha bhi hua tha.. lekin samjah nahi aa raha tha kya likha hai.. मैंने सोचा कि क्यों ना अंदर जाकर dekha जाए लेकिन तब तक मेरी बहन bhi wahan aa gayi thi.. mere behan dada dadi ke sath gaon me hee rehti thi.. usne mujhey uss ped ke pas jane ko mana kiya.. lekin maine उसकी बात को टालते हुए उस लाल कलर की चुन्नी पर हाथ लगाया और तार के बीच से अंदर chala गया और उस पेड़ की टहनियों पर झूलने लगा aur jor jor se चिल्लाने लगा .. lekin kuch hee der baad mere sir me बहुत तेज दर्द होने लगा.. aisa lag raha tha jaise kee main pure din se phone chala raha hu aur उससे मेरा आंखों में और सर में दर्द होने लगा hai.. मैंने apni behan kko bataya kee mujhey bahut tej sir dard ho raha hai to wo boli kee ye uss ped kee wajah se hua hai.. ye bat maine apni behan ko batayi to wo boli kee ye sab usi ped ke pas jane kee wajah se hee hua hai.. main thoda sa ghabra gaya लेकिन मैंने उसकी बात टाल दी aur fir हम दोनों घर की ओर आने लगे.. lekin जब हम घर पहुंचने ही वाले थे तो main रास्ते में hee बेहोश हो गया.. wahan se hamara ghar paas he etha to meri behan jaldi se bhag ke ghar gayi aur dada को बुला कर laai.. दादा ने मेरे मुंह पर पानी छिड़क ke मुझे उठाया lekin मुझे kcuh yaad hee nahi tha kee mujhey kya hua hai.. main bas uth ke sedha ghar ke andar chala gaya.. mere dada ne dekha kee meri ankho ke neechey kaale nishan se pad gaye they jaise kee main kai dino se soya nahi hoon.. दादा ने सोचा कि shayad main khet me jane se thakk gaya hoon to दादा ने मुझे एक गिलास दूध दिया aur usko peeke main so gaya.. tab tak main bilkul normal tha..lekin raat hote hee mujhey 103 degree bukhaar ho gaya.. ghar me sab log ghabra gaye. मेरी दादी mere bagal me hee baithi mere sir pe thandi patti rakh rahi thi.. mera sir bahut chakra raha tha .. mujhey aisa lag raha tha जैसे किसी ने मुझे बहुत बहुत बुरी terah से मारा हो.. मेरे दादी इन चीजों पर विश्वास करती थी unko samajh aa gaya tha kee jarur mere upar koi upari cheej aa gayi h.. saath hee aapko bata doon kee ye sab cheejein yahan kheto me hona bahut aam baat hai.. aksar yahan kisi na kisi ke sath aisa hota rehta hai.. meri dadi mujhsey boli kee kahin tu khet me to nahi gaya tha.. maine kaha mujhey to kuch yaad nahi.. lekin meri behan ne dadi ko puri baat bata dii. kee main khet me uss peepal ke ped ke paas gay atha jiske pas koi nahi jata.. dadi samajjh gayi kee mujhey kya hua hai aur agli subah dadi mujhey pados kee ek aunty ke pas lekar gayi jinke upar devi aati thi.. lekin unke ghar jane se pehle hee main behosh ho gaya.. unke ghar jaa ke mujhsey hosh aaya तो मैंने देखा kee उन्होंने हाथ में thode चावल लिए हुए थे.. fir उन्होंने कुछ मंत्र पढ़े और wo chawal mere सर पर मारे तो aisa karte hee mujhey ais alaga जैसे मेरे अंदर se koi cheej bahar nikalne ke ekoshsih kar rahi hai.. fir unhone bagal me rakhi ek jhaadu jaisi koi cheej nikali aur usko मेरे सर पर दो-तीन बार मारा तो aisa karte hee mujhey aisa laga jaise main आजाद हो गया हूं.. main bilkul फ्री महसूस क कर रहा था.. uske baad un aunty ne मेरी दादी को एक काला धागा दिया और बोला kee ye dhaga isey ek saal tak pehnaye rakhna.. अगर 1 साल तक इसने ye पहन के रखा तो wo चीज इसको छोड़ कर चली जाएगी लेकिन अगर isne wo धागा 1 साल के अंदर तोड़ दिया तो इसकी जान bhi जा सकती है.. मेरी दादी boli ठीक है मैं इसका ध्यान रखूंगी.. उसके बाद से वह धागा abhi tak maine apne gale me bandha hua hai.. aaj bhi jab main gaon me ghumne jata hoon to uss peepal ke ped se hamesha door hee rehta hoon.. ..
==================================
Mera naam samina hain .. main Assam ke Nagaon me rehti hoon. main jo kanai aapko batane ja rahi hoon ye kahani mujhe meri mausi ne sunayi thi. Unka kehna hain ki ye kahani saalo purani aur bilkul sacchi hain. Kitni purani,ye to khud unko bhi nahi pata! To kahani kuch aisi hain ki, Mausi ke gaon me ek masjid thi jiske andar ek madarsa bhi bana tha.. Madrasa yani Islamic school jaha islamic shiksha di jati hain aur Quran padhna sikhate hain. To gaon ke sare sare bacche har subah uss madrasa me padhne jaya karte the. Unhi bacchon me ek choti ladki bhi bhi thi jo har raj madrase me padhne jaati thi.. Uski umr tab kareeb 9 ya 10 saal ki rahi hogi. fir Kuch saal baad jab wo ladki badi huyi to uske gharwalon ne ek ladke ke saath uski shaadi tay kar di. Wo ladki bhi shaadi se khush thi. Phir jald hi nikaah ki tarikh bhi pakki ho gayi. aur Aakhir me unki shaadi wala din bhi aa gaya.. lekin nikaah wale din janb unka nikah chal raha tha to wo ladki achanak se behosh hoke zameen par gir padi. Wo log purane khayalaaton wale the,isiliye ladke walo ne socha ki ladki ko shayad koyi bimari hai aur ye baat inhone hamse chupayi hai.. Wo shaadi todke wahan se jane hee wale they par ladki walo ne samjha bujha kar kisi tarah unko roke rakkha. un dino aaj ki tarah jyada doctors bhi nahi hua karte the. Hote bhi the to bohot door,shehro mein. to ladki ke gharwale jaldi se masjid me jakar ek acche molvi ko bula laaye. Unhone us ladki ko dekhte hi bola ki iske upar kisi jinn ka saya hain. aur fir Bina der kiye molvi sahab ne jhar phoonk shuru kar diya aur us jinn se poocha, kee bol,tu kaun hain? Is ladki ke peeche kyun pada hain?”. Jinn ne kaha,kee main iss ladki se pyaar karta hoon aur ye sirf meri hain”. Molvi bole nahi ye teri nahi hai.., iski shaadi hone ja rahi hain tu ise chod de”. To jinn bola Nahi, ye jab choti thi aur madrasa me padhne jaya karti thi tab main masjid ke paas hi ek ped pe rehta tha aur isko roz aate jaate huye dekhte tha, tab se hi main isse pyaar karta hu aur aaj tak iske saath hi rehta aaya hu. Main isise shaadi karna chahta hoon”. Molvi sahab bole ye tu kya bol raha hai.. tu ek jinn hai aur ye ladki insaan hain. Ek jinnat aur insaan ki shaadi kabhi nahi ho sakti.” Molvi ne phir se poocha , ek baat bata,kya tune kabhi isko bola tha ki tu isse pyaar karta hain aur shaadi karna chahta hain?”. jinn bola,” nahi, maine kabhi isko ye ehsaas bhi hone nahi diya ki main isse pyaar karta hu aur iske aas paas hi rehta hoon!” Ab molvi sahab ko us jinn ko bhagane ka ek rasta mil gaya tha. Unhone fir se uss jinn se kaha,” Agar usey ye pata hi nahi ki tu usko chahta hain to wo kaise tujhse pyaar kar sakti hain? Is hisab se tera us pe koyi haq nahi banta.Ye teri ghalti hain ki tuney usey kabhi nahi bataya aur ab wo kisi aur ki hone jaa rahi hain, tu usey chod de”. Ye baat sunke uss jinn ne apni galti maan lee.. wo uss lakdi ko chor ke jaana to nahi chahta tha lekin akahir me usey jaana hee pada..hamesha ke liye. Uske bad molvi shab ne us ladki ko ek tabeez bhi di taki wo jinn dubara us par havi na ho sake. Phir sab thik ho gaya aur wo shaadi bhi acche se ho gayi.

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!