Fiction Horror StoriesWendigo & Humanoids

My Secretary- Horror Stories in Hindi. Episode-250. Hindi Horror Stories. #HHS #HorrorStories #Bhoot

ye sab batane se pehle main aapko apne bare me bata dena chahta hoon..meri umar 25 sal hai.. mere pitaji ek bsinessman hua karte they.. hamara apna ek office hai.. jispe pehle mere papa baitha karte they… lekin 3 sal pehle unki death hone ke baad ab sara business main hee dekhta hoon.. mera koi bhai bhi nahi hai.. isliye sara kam mujhey hee dkehna hota hai.. mere pas kisi cheej ki kami nahi hai.. siwaye rohni ke.. meri aankho me roshni nahi hai.. main dekh nahi sakta.. bachpan se hee.. lekin andha hone ke bawjood aisa koi kaam nahi hai jo main na kar saku.. bas kisi kam ko karne ka mera tareeka alag jarur ho sakta hai.. apne andhepan ko maine kabhi apni kamjori nahi banne diya.. lekin office me kam karte huey mujhey kai baar mujhey ek assistant kee jarurat bahut mehsoos hoti thi.. to ek din maine local newspaper me pane iye ek assistant hire karne kee ad di.. ad me likha tha– andhe aadmi ke liye ek personal assistant ki jarurat hai.. full time job.
sath hee bata doon ki jiss shehar me ham rehtey hain ye jyada bada nahi hai..shayad isliye ad dene ke 2 hafte bad tak bhi kisi ne iss job ke liye apply nahi kiya.. aur fir 2 hafte bad ek din ek ladki ki call aayi.. wo puch rahi thi ki kya wo personal assistant wali vacancy abhi bhi avialable hai ya nahi..
maine kaha han vacancy abhi bhi avialable hai lekin aapko ek bar interview ke liye aana hoga.. maine usey address bataya aur wo aane ke liye tayyar ho gayi..
mujhey ek assistant chahiye hee chahiye thi.. isliye isliye kuch basic se sawal puch ke maine ussey job ke final kar liya.. maine usse bataya mainly aapka kaam hoga mere appointments ka dhyaan rakhna, meri office calls ka jawab dena, mere liye coffee banana.. aur bas yahi sab..
wo boli.. theek hai.. main tayyar hoon..
maine notice kiya kee uska bolne ka lehja bahut alag tha.. matlab ki uski boli hamare shehar kee to nahi lag rahi thi..
maine usse pucha.. kee aap iss shehar kee to nahi lagti..wo boli haan.. haan.. main bahar se hoon.. maine pehle kaam kiya hua hai..
shayad wo batana nahi chahti ki wo kahan se rehne wali hai.. maine bhi jyada jor nahi diya.
aur haan ek baat aur.. tumhe mujhey newspaper padh ke sunana hoga.. maine kaha..
wo boli– main padh dunga..
uski bat sunke ek bar ke liye mujhey hansi hee aa gayi.. pata nahi ye kaisa kaam karegi.. sambhal bhi paegi ya nahi.. main man hee man soch raha tha.. lekin mere pas koi option bhi nahi tha.. mujhey assistan har hal me chahiye thi..maine usey wahin hire kar liya aur agle din se aane ko bol diya..
hamare office sheahr se thoda bahar kee taraf ek choti si buildning me tha.. usko mainly andar reception par baith ke filo ka kaam karna tha aur office me aane wali calls ko answer karna tha.. aur fir sham ko jane se pehle wo mujhey newspaper padh ke sunati thi.. kai bar mujhey office aane me thodi der ho jati thi.. isliye meri gairhaajiri me wo office ka kaam sabhal sake.. iske liye maine usey office kee chaabiyo ka ek set bhi de diya tha..
2 hafte beet gaye.. ab ek baat to mujey samajh aa gayi thi ye bahut hee kharab assistat hai.. kitni bar jab main subah office aata to office me se bahut hee gandi badbu aai milti.. jaise meat ki sadi hui badbu ho.. maine usko kai bar toka bhi tum table par apna khana chor ke mat jaya karo.. sorry.. abse aisa nahi hoga.. har bar wo ye keh ke bat tal deti.. abhi tak 6 bar to wo ye mujhsey keh chuki thi.. mujhey gussa to bahut aata lekin main usko nikal bhi nahi sakta tha..
kai bar wo mujhsey bina puchey office ka saman bhi idhar udhar kar deti thi.. mujhey hamare office ke layout ka chapa chappa pata tha.. konse room me jane ke liye kitni seedhiya chadhni hai. konsi table konsi chair kahan aur kis room me rakhi hai.. mujhey sab pata tha.. jab aap aankho se dekh nahi sakte.. to aap inn choti choti cheejo ko bahut ache se notice karne lagte ho.. mujhey yahan tak pata tha ki konse farsh ke farsh par kadam rakhne se kaisi awaz aati hai.. mujhey har cheej ki pehchan thi.. isliye main usse koi bhi cheej mujsey bina puche dhar udhar karne ko mana karta tha..
fir kuch din ek din jab main sham ko apne ghar me diner kar raha tha to maine news me dekha kee hamare shehar me pichle kuch dino se bacche gayab hote ja rahe they.. abhi tak 4 bacche gayab ho chuke they.. bacho ke aise gayab hone se pure shehar me khalbali si mach gayi thi.. meri mumy bhi khabar sun ke bahut ghabra gayi thi.. mummy mujhsey boli ki tum sambhal ke office jaya karo.. mummy ki bat sun ke main hansne laga.. kya mummy.. main koi chota bacha thodi na hoon..
han tum chote bacche nahi ho.. lekin inn criminals ke liye tum ek asan target ho sakte ho.. mujhey tumhari bahut fikar hoti hai..
are mummy.. aap bilkul fikar mat karo.. main apna har tareeke se khayal rakhne ke kaabil hoon.. maine kaha..
meri mummy ko nahi pata tha lekin main hamesha apne sath ke hunting knife rakhta tha .. apni safety ke liye.. aaj toak to mujhe iss knife ko use karne ki jarurat nahi padi thi.. aur ummed hi ki aage bhi nahi padegi..
aise hee dheere dheere 2 mahine beet gaye.. garmiya aa chuki thi.. ek din office me light nahi aa rahi thi.. line me kuch problem ho gayi thi.. ac band tha jiski wajah se pura office bilkul kisi oven ke jaisa tapne laga tha.. main 2-3 ghante office me baitha lekin garmi ki wajah se baitha nahi ja raha tha.. akhir me maine decide kiya kee ab ghar hee nikal jata hoon.. yahan aur nahi baith paunga..
Main uth ke bahar reception ki taraf jane laga.. apni assistant ko batane ke liye ki main ghar ja raha hoon.. wo bhi ghar nikal sakti hai..
wo apni seat par nahi thi.. shayad bathroom gayi hogi.. maine socha.. fir main jane se pehle hanger pe tangi apni hat ko nikalne laga to apne hath me maine kisi aur kapde ko mehsoos kiya.. ajeeb sa hi koi kapda tha.. mujey nahi pata wo kya tha..
lekin agle hee pal bathroom ka darwaja khula.. aur wo ajeeb hee tareeke se chillati hui bathroom se bahar bhaagi.. usne mere hath se wo kapda bhi kheech liya tha..
shayad wo kapda uska blouse tha.. jisko wo bahar utar ke bathroom me nahane ke liye gayi hogi.. garmi ki wajah se.. usko pata tha office me koi nahi aane wala aur main.. main usko nahate huey dekh nahi sakta tha..
fir maine office ko tala lagaya aur ghar ke liye nikal gaya.. main abhi bhi ye soch ke man hee man hans raha tha kee wo kaise bina kapde ke bathroom se bahar nikal ke bhaagi hogi..
lekin fir maine ek cheej notice kee.. muujhey dhyaan aaya kee jab wo bathroom se nikal ke bhaagi thi to farsh par uske kadmo kee aawaz bahut ajeeb sunai pad rahi thi.. mera matlab koi insan farsh par bhaagta hai to uske kadmo ki alag aawaz hoti hai.. main uss awaz ko bahut ache se pehchanta tha.. lekin uske kado kee awaz bahut ajeeb thi.. jaise kisi kutte ke pairo se aati hai.. pata nahi aisi awaz kyu aayi thi.. shyaad isliye kee uske par geele they.. aur kya karan ho sakta tha.. maine jyada dhyaan nahi diya.. aur is bat ko bhoola diya..
agle din office jate huey main yahi soch raha tha kee kahin wo mujhsey naraj na ho.. iss terah achanak bathroom me usko nahatey huey disturn karne ke liye.. kahin ye job chor ke na bhaag jaye.. badi problem ho jaegi.. isliye usko thoda khush karne ke liye maine usko apne pas bulaya aur kaha kee main tumhare kaam se kaam se bahut khush hoon.. agar tumhe ksii cheej ki jarurat ho to mujhey bata dena..
wo boli.. thank you..
kya main tumhare chehre ko choo ke dekh sakta hoon. maine kaha..
actually mere kai clients ne mujhsey kaha tha kee tumhari assistant ka chehra bahut ajeeb hai.. main usey dekh to nahi sakta tha lekin mere dimag me uski jo mental image thi.. mujhey lagta tha wo dikhne me bahut simple type hogi.. aur apne aap ko hamesha cover kar ke rakhti hogi..

usne koi jawab nahi diya..
wo.. kuch galat nahi samajhna.. bas main ye mehsoos karna chahta tha kee tum kaisi dikhti ho..
usne abhi bhi koi jawab nahi diya..
shayad usko meri bat theek nahi lagi..
chalo koi bat nahi… choro isey. itna keh ke main apni cabin me chala gaya..
fir agle din saturday ko subah subah.. jab main ane ghar pe hee tha.. mere ek client ki call aayi.. usne bataya kee last week ko orders hamne liye they.. usme se ek order ka paperwork reh gaya hai.. aur agar aaj hee uska paperwork pura nahi kiya gaya to hamare upar penalty padegi..
main kaha nahi.. aap mujhey 1 ghante ka time do main abhi office pahuch ke aapko call karta hoon..
saturday aur sunday ko hamara office band rehta tha.. lekin ab mera office jana jaruri tha.. business me clients ko har halat me khush rakhna padta hai. main office ke liye nikal pada.. office jate huey maine train me kuch logo ko baatein karte suna kee ek raat pehle ek aur baccha shehar se gayab ho gaya hai. wo ane dosto ke sath cricket khelne gaya tha.. aur wahin se gayab ho gaya..
main office pahucha aur jaldi se tala khol ke andar ghus gaya.. aur andar pair rakhtey hee ek bahut hee gandi badbu meri naak mee aa ghusi. sade huey meat kee badbu.. pakka meri uss assistant ne iss bar bhi apne khana table par hee chor diya tha.. lekin iss baar ye badbu bahut hee jyada aa rahi thi.. maine man bana liya tha kee iss bar usko strict hoke bol dunga iss baare me..
ab maine reception se nikal ke corrdioor me kadam hee rakha tha kee tabhi..

ek bahut halki see awaz sunai dee.. awaz suntey hee main wahin ruk gaya..
hello..kon hai..
maine awaaz deke pucha..

aur tabhi wo awaz fir se aayi.. bahut halki ghunti ghunti si aawaz. jaise koi kuch bolna chah raha ho lekin bol na pa raha hoo.. aawaz mere peechey left side se aayi thi.. main dheere dheere uss taraf badhne laga..
humph…. humph..
ksii ke halke halke sans lene kee aawaz aa rahi thi..theek mere samne farsh pe se..
mere mathe se paseena nikal raha tha..
kon..kon hai yahan.. maine firse pucha..
lekin koi jawab nahi aaya..
aur fir apne puri himmmat kar ke maine neechey jhuka aur hath laga ke mehsoos karne laga ki wahan kon baitha hai..
meri body ka rong rong khada ho gaya tha.. aur tabhi mujhey kuch mehsoos hua..kuch naram .. aur mere hath lagate hee fir se aawaz aayi..
kjhjh..
maine ke jhatke se peechey hata aur bas darwaja khol ke wahan se bhaagne hee wala tha kee ..fir se awaz aayi. iss bar mujhey samajh aaya ki wo awaz kya keh rahi thi..
help me..
ye samajh aate hee maine apne aap ko sambhala aur usske pas jaa ke fir se usko choo ke mehoss karne laga..
sir ke baalo se hote huey maine uske chehre ko mehsoos kiya to pata chala kee ye koi chota baccha hai.. aur uske chehre par kuch laga tha.. kuch sookha. sookha khoon..
ye shayad wahi baccha tha jo kal rat shehar se gayab ho gaya tha..
usne apne ek haath mere kandhe pe rakh diya.. wo kuch bolne kee koshsih kar raha tha lekn bol nahi paa raha tha..
kya hua bacche tumko.. tum yahan kaise pahuche.. ghar kahan hai tumhara. maine kaha..
wo halki si aawaz me mujhsey bola..
bhaag jao yahan se..
bhaag jau. kyu.. kon h yahan pee.. maine hairani se usse pucha..
usne meri collar pakad ke mujhey apne paas kkheecha aur dheere se bola.. shaitaan.. wo shaitaan yahin hai..
shaitaan.. kon shaitaan…
aur isse pehle kee main aage kuch bol pata.. mujhey theek apne peechey deewar ke pas koi cheej saans leti hui mehooss hui.. mujhey bahut jyada khatra mehsoos hone laga..
main dheere se khada hua.. aur uss cheej ki ,ovement ko samajhne kee koshsih karne laga..
wo jo kuch bhi tha.. uss waqt shayad soya hua tha… mere pas yahi moka tha.. wahan se bhaagne ka.. main dheere se khada hua.. aur aaspas rakhi cheejo ka andaja lagate huey main samajh gaya kee mujhey bas 10 kadam bhaagna haia ur main darwaje tak pahcuh jaunga.. maine uss bache ko uthaya aur usi waqt teji se bhaagne laga..
lekin tabhi.. mera mobile phone bajne laga.. mobile ke bajne kee awaz pure haal me gunj uthi..
aur tabhi.. wahi.. ajeeb se kadmo mee aawaz aayi..meri taraf aati hui.. lekin main tab tak darwaje ke bilkul pas pahuch chuka tha.. maine ek jhatke se darwaje ka handle ghumaya.. lekin ye kya.. darwaja locked tha..
oh shit..
kadmo kee wo aawaz mere paas aayi aur ruk gayi.. wo cheej ab theek mere samne thi..
“ohh boss.. tumko aaj office nahi aana chahiye tha..tumko dikhta nahi kya mere pas kitna kaam hai..”
yee awaz . ye awaz to meri assistant ki thi.. mujhey to yakeen hee nahi ho raha tha kee shitaan koi aur nahi khud meri assistant hai..
aur tabhi.. koi cheej jor se mere sir se aa takrayi.. jaise koi hunter chala ho.. 2 minute ke liye to mera mere dimaag hee chakra gaya.. main ane hosh khone laga.. main puri takat laga raha tha aponi body ko control karne kee lekin nahi kar paa raha tha.. aur fir 3-4 minute aise hee pade rehne ke baad maine puri takat laga ke apne aap ko uthaya to mujhey haddiya and maans ke chabane ke aawaz aayi.. jaise koi haddiyo se maans noch noch ke khaa raha ho.. ye pakka wahi thi jo shayad uss masoom kee lash ko khaa rahi thi..
meri aankho me aansu to nahi they .. lekin main andar se ro raha tha.. aaj ye meri jindagi ka aakhri din hone wala tha.. maine kisi terah ladkhate huey khada hua tha kee —
“ooo.. badi jaldi uth gaye tum.. lagta hai mere jehar kee takat kam ho gayi hai.. “
wo boli..jehar..wo aakhir thi kya.. koi insan to pakka nahi thi..
“soch rahi hu tumko maarne se pehle thanks to bol du.. itna to banta hai.. tumne mujhey apne yahan job di.. tum insano ko kareeb se janne ka janne ka moka diya.. fikar mat karo.. main tumko ek jhatke se khatam kar dungi.. jyada dard nahi karungi.. waise bhi ab mera yahan rehne theek nahi hai.. logo ko shak hone laga hai.. ab main door dusre state me jaake apna shikaar karungi.. “
tum.. tum ye kya bol rahi ho riley.. tum aisa kyu kar rahi ho. kon ho tum.. tumne uss bache ko kyu maara..
main mushkil se apne pairo par khada hone kee koshish kar raha tha lekin bar bar gir ja raha tha.. pata nahi kyu lekin mere dono pair jaise bilkul thande padd gaye they.. shayad uske zehar kee wajah se..
“meri baat sunke wo jor jor se hansne lagi.. “main tumhari duniya kee nahi hoon.. main dusri duniya se yahan aayi hoon.. lekin ab mujhey yahan se jana hoga.. yahan se 400 kilometer door dusre shehar me.. suna hai wahan bahut sara khana hai.. haha.. aur lunch ke liye main tumko maar ke le jaungi apne saath” wo dheere se mere kan ke pas jhuk ke boli..
chalo ab marne ke liye tayyar ho jao..
aur bas .. uske tna kehtey hee do patli rassiyo jaisi koi cheej meri dono kalaiyo me lipat gayi.. aur mere haatho ko aage kheenchne lage.. uske chehre kee taraf..
wo mere hatho ko apne chehre par touch karana chahti thi..
darr ke mare meri to jaan mere halak me hee fans gayi..
tum chahte they na mujhey dkehna… main kaisi dikhti hoon..lo dkeho ab..
meri ungliya abb uske chehre ko mehsoos kar rahi thi.. uska chehra bahut bada sa tha.. lekin uske honth nahi they.. kuch ajeeb sa tha.. lekin honth nahi hey.. aur uski aankhein bahut badi badi thi..
mujhey pata tha agli kuch hee seconds me meri jaan jane wali hai.. lekin main itni asani se nahi marna chahta tha.. “tumhari aankhein.. tumhari aankhein bahut gandi hai.. tum bahut ghatiya assistant thi.. ” maine chillaya aur apne dono anguthey uski aankho me ghused ke uski aankhein fod di..
wo buri terah dard me cheekhne lagi.. mere dono hath choot chuke they.. lekin main mehsoos kar raha tha ke wo cheekhti hui gusse me mujhpe waar karne kee koshsih kar rahi thi.. lekin ab wo mujhey dekh nahi sakti thi.. maine uss kameeni ko andha kar diya tha.. lekin mujhey pata hee nahi tha kee main abhi kamre ke konse kone me maujood hoon.. aur darwaja kiss taraf hai.. main badhawasi me kis terah ladkhata hua wahan se nikalne kee koshsih kar rah tha. lekin sir itna chakra raha tha kee main seedha khada bhi nahi ho pa raha tha.
aur tabhi uska ek tantacle mere pair pe lipat gaya.. usne mujhey fir se pakad liya tha. “main tujhey nahi chorungi.. tujhey aisi dardnaak maut dungi.. jo tune sapne me bhi nahi sochi hogi..tadpa tadpa ke marungi tujhe”
aur itna keh ke usne pata nahi kya cheej mere pet me ghusa di.. main dard ke mare chatpatane laga.. kash iss waqt mere pas koi hathiyar hota.. to main apne aap ko bacha sakta tha.. tabhi mujhey yaad aaya kee mera hunting knife to abhi mere joote me laga hua hai.. jisey main hamesha apne sath apni safety ke liye rakhta hoon.. bas yahi moka tha.. main uski waqt apne joote ke side se apna knife kheecha ke nikala
aur andhadhund uske upar waaqr karne laga.. wo buri terah cheekhti hui mujhse door hone lagi.. tab tak mujhey andaja nahi tha kee wo kitni lambi hai.. lekin main uchal ke uski peeth ke upar chadh gaya aur usko peeth me ek ke bad ek lagatar kai war kar diye.. wo itni lambi thi ki uska sir jarur upar chatt tak takra raha hoga. aur fir wo neechey gir gayi.. mere bhi pet se khoon nikal raha tha.. aur kuch der bad main bhi chakkar kha ke neechey gir gaya..
shayad khoon jyada beh jane ke wajah se meri aankho ke samne andhera chaata ja raha tha.. mujhey nahi pata uske baad kya hua.. lekin behosh hone se pehle main uske kadmo ki awaz jarur suni thi. pata nahi itnni waar karne ke bad bhi wo kaise chal paa rahi thi..
fir jab aankh khuli to main hospital ke ICU me tha.. ek bar ke liye apne aap ko jinda pa ke mujhey to uyakeen hee nahi hua..lekin fir pata chala kee mera wo client jiski
wajah se mujhey office jana pada tha.. usi kee wjahah se meri jaan bhi bach gayi.. uske lagatar call karne ke bad bhi jab maine phone nahi uthaya to wo mujhsey milne mere office aaya tha tab usne mujhey office me khoon me lathpath pade dkeha to jaldi se police ko call kiya aur mujhsey hospital pahcuhaya..
hairaani kee baat thi office me uss shaitaan aur uss bacche ka koi namonishan nahi mila tha.. pata nahi wo wahan se gayab hone me kaise safal ho gayi..
sab mujhsey puch rahe they kee tumko itni chot kaise lagi.. maine police ko aur doctors ko bhi sari baat batayi.. lekin koi bhi meri baat par yakeen hee nahi kar raha tha.. sab bar bar ba syahi puch rahe they kee kahin aapne koi nasha to nahi kiya tha.. un sabko lag raha tha kee main pagal hoon.. yahan tak kee meri mummy ne bhi meri bat par yakeen nahi kiya..
ahh.. khair.. mujhey iss baat ka sukoon tha kee meri jaan bach gayi.. unek yakeen karne na karne se koi fark nahi padne wala tha..
fir kareeb 10 din hospital me admit rehne ke bad mujhey chutti mil gayi.. aur kuch din ghar rehne ke bad maine fir se office jana shuru kiya…
kai mahine beet gaye.. iss beech maine ek ek new assistant bhi hire kar li thi.. fir ek din aise hee dopahar me meri assitant mujhey newspaper padh ke suna rahi thi.. newspaper me likha tha kee kaise hamare bagal wale state se pichle kuch hafto se chote bacche rahasyamyi halato me gayab hote jaa rahe hain.. pichle teen mahino me abhi tak 9 bacche gayab ho chuke they.. governemnt authorities ko lagta hai kee iske beechey kisi bade manav taskarri karne wale gang ka haath hai..
lekin main janta tha iske peechey kon hai.. iske peechey kisi gang ka nahi balki uski shaitaan ka hath hai.. jo teen mahine mere sath mere hee office me rahi thi..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!