Indian Horror Stories

Horror Story in Hindi Episode245 Real Ghost Stories in Hindi #HHS #HorrorStories #HindiHorrorStories

mera naam priyanka hai.. main maharashtra me rehti hoon.. main aapko apne nana nani ke sath ghati ek bahut badi tragedy ke baare me batana chahta hoon.. ye 1988 kee baat hai.. jab meri mummy 8 saal ki thi aur mere chote mama 3 sal ke they.. un dino mere nanaji ek bahut bade thekedaar hua karte they.. aur apne kaam ke liye apni family aur apne workers ke saath apne gaon se door gujrat me ek dam ke paas jungle me rehte they.. Main aapko uss dam ka nam to nhi bata sakti. lekin uss dam ki construction ka kam mere nanaji ne hi kiya tha. Nanaji ne usi jangle me hee apne workers ke saath milke ek puri basti bana li thi.. jisme sabse bada ghar mere nanaji kaa hee tha.. unke aangan me 1 bohot bada bargat ka ped tha jiski chao pure aangan me rehti thi. nanaji usi ped ke neechey baith ke har monday ko apne workers ko salary diya karte they.. sab kuch theek thak chal raha tha.. fir ek din nani jab dudhwale ke yahan dudhlene gayi to usne bataya kee yahan jangl me ek bengali aghori rehta hai jo terah kee aghori vidyaye janta hai.. wo hamse hamare asli paise leke unke badle me nakli paisa de deta hai jo kuch time bad apne aap gayab ho jate hain.. usne kaha kee agar wo aapse bhi paise mangne aaye to usko bilkul mat dena.. lekin fir kuch hee din bad ek din wo aghori meri nani ke pas paise mangne aa gaya… darwaje pe aake usne aawaz di– maayi pese dede..
meri nani ghar me aaye kisi ko gkhali haath nahi jaane deti thi.. lekin uss din jab unhone apni kamar me bandhi paiso kee potli khol ke dekhi to unke paas paise nahi they.. nani ne usse kaha mujhye maaf karna.. aaj mere pas paise nahi hai.. aur khali potli us aghori ke hath me pakda di.. usne wo potli khol ke dkehi aur uspe haath kar ke jor se hcillaya.. -tari– tari ka matlab hota hai khaali..
uske bad wo wahan se chala gaya.,.. lein uss din ke bad se hee meri nani ki tabiyat kharab rehne lagi.. unko har samay tej sirdard rehne laga tha itna tej jaise unka sir abhi fat jaega.. bahut sare vaidh aur doctors ko bhi dikhaya lekin koi asar nahi hua.. aakhir me nanaji ek din unko ek dargah par lekar gaye.. uss dargah ke baba ne nani ko apne samne bithaya aur aankhe band karke dhyan kiya aur bola ki muze aapka ghar dikh raha he aapke ghar ke samne 1 bada bargad ka ped bhi dikh raha hai.. mere nana nani uski baat sunke chauk gaye ki isse kese pata hamare ghar ke samne bargad ka ped he.. fir usne bola ki kisine aapke ghar ke upar kala jadu kiya he. kala jadu uss bargad ke ped par aur nani ke upar kiya gaya tha.. Ye sunke mere nana nani darr gaye to usne bola kee m abhi aapka utara kar deta hu aapko kuch dino ke liye rahat mil jaegi.. lekin aapke upar bahut hee kathin kala jadu kiya gaya hai.. jisko pura katne ke liye muze aapke ghar aana padega… filhal me aapka utara kar deta hu… fir jese hee usne nani ke dono hath pakad ke niche kiye aur khiche to nani ke hath se hare rang ka pani nikal ke girne laga.. aesa usne 4-5 bar kiya aur fir nana nani ghar wapis aa gaye.. utara karne ke baad meri nani ke sir ka dard to theek ho gaya tha.. lekin ab unhe ghar me ajeeb ajeeb aawazein sunai dene lagi thi.. jese koi kitchen me bartan rakh raha ho ..kitchen me aake dekhti to koi nhi hota tha.. kai bar unhe dusre kamre se aisi aawaz aati jaise koi lakdi tod raha ho.. jab wo dekhne jati to waha koi nhi hota tha .. aur ye aawajein sirf nani ko hi nhi balki ghar me mojud sab logo ko sunai deti thi.. fir kuch dino bad nanai ko fir se sir dard hone laga.. lekin abb nani ko jab bhi sir dard hota to unhe ghar me ek kida udta hua dikhai deta tha.. jisko hamare yahan bhingota kehte hain.. aur uss keede ke gayab hote hee unka sir dard bhi khatam ho jata tha.. lekin nanai ke alwa wo keeda kisi ko dikhai nahi deta tha.. aangan me laga wo itna bada bargad ka ped bhi apne aap sukhne laga tha.. to din nani ko firse uss dargah par lekar gaye.. to baba ne bataya kee tumhare upar mudat ka jaadu karwaya gaya hai.. jiska matlab tha kee tum ek samay tak hee jinda reh sakte ho.. aur samay pura ho jane ke tumhari jaan chali jaegi.. uski bad sunke mere mama rone lage.. usne bataya kee usne uss keede ko jadu ke roop me tumhare upar chora hua hai..fir usne fir se nani ke upar utara kiya to is bar bhi pehle kee terah nani ke haatho se hara pani nikla.. baba ne kaha kkee main amavasya kee raat aapke ghar aake pure ghar ka utara kar dunga.. Fir amawasya ke 2 din pehle wo dargah wale baba nana ke ghar aaye aur nani ki tabiyat ke bare me puchne lage to nani boli ki ab wo bilkul thik h.. baba ne kaha ki amawasya ke din jo pooja karani he uske liye kuch saman lana padega wohi batane ke liye aaj me yaha aaya hu.. to nana ne unse sab saman ki list le li aur fir wo baba chale gaye… lekin unke jane ke kuch hee der baad meri nani ki tabiyat bohot jada kharab hogai itni ki unse bed se utha bhi nhi ja raha tha.. aur aakhir mee ussi din meri nani ne uss kale jadu se har manli aur mere mama , mummy aur nana ke samne uss din sham 4 baje meri nani ne dum tod diya.. Fir jab meri nani ka antim sankar kiya ja raha tha to sabko waha 1 bhingota udta hua dikhai diya.. fir usi raat nani meri mummy aur chote mama ke sapne me aai aur boli “accha mere baccho me chalti hu” ye sunke mama aur meri mummy rote hue nind me hi uth ke bhagne lage aur nani ko pakad ke bole “maa hame chhod kr matt jao” lekin fir jaise hee unki aankh khuli to dekha ki wo mere nana ko pakad ke ro rahe the.. Meri mummy batati hain kee uss din wo koi sapna nhi tha kyuki 1 hi time pe hum dono 1 hi sapna kese dekh sakte he.. shayad uss rat hamari maa hamse aakhri bar milne aai thi. Fir nani ke tervi ke baad nana ne kaha ki mera sabkuch to yahi chala gaya ab me yaha kaise rahunga.. m wapas apne gao chala jaunga.. uss din wo baba bhi nanaji ke ghar aaye bole ke muze bhi agle din aapke logo se khabar mili thi ki aapki patni ki maut hogai he… shayad uss kaala jadu karne wale ko ye pata chal gaya tha kee hum uske jadu ko khandit karne wale he isiliye usne aapki patni ko amawasya tak ka bhi wakt nhi diya.. wo jo bhi he sirf aapke ghar aur pese ke piche hi pada tha.. isiliye aap yaha se jaoge to ye ghar bhi tod ke jana warna wo firse aapke liye koi musibat khadi kar dega.. nana ne wesa hi kiya jane se pehle uss ghar ko puri tarah tudwa diya..wo bargad ka ped bhi apne aap pura sookh gaya tha.. fir bahut saalo bad 2015 me jab mere nana nani ke sath uss basti me rehne wale 1 worker ki biwi jo meri mummy kee koi relative bhi lagti thi wo hamare ghar aai to usne mama ko bataya ki aap logo ke jane ke bad waha har amawasya ki raat ko 1 aurat uss sukhe hue bargad ke ped ke niche beth ke roti thi bolti.. mere bacche kaha gaye.. wo aurat aur koi nhi balki tumhari maa thi.. aap logo ke jane ke baad waha kisi worker ka ka bhi mann nhi lagta tha ham sab bhi wo jagah chor ke apne apne gao chale gaye.
Ye kahani bilkul sach he aur meri mummy aaj bhi iss baat ko yaad karke ro padti he kyu ki unhone apni maa ko 8 saal ki umar me hi kho diya tha..
===========================
Main aapko apne gaon me abhi kuch din pehle ek bahut hee dardnaak aur hairaan kar dene wale haadse ke bare me batana chahti hoon.. jisme hamare gaon ka 7 saal ka ek baccha talab me doob ke marr gaya tha.. uske ghar wale waise to kabhi nadi pe nahi jaate they.. lkin uss din pata nahi kyu uss ladke mee mummy aur usi choti behan wo teeno gaon ke hee ek talab me nahane ke liye chale gaye..
wo talab aise bana hai kee usme jane ke liye seedhiyo se thoda neechey utarna hota hota hai.. jab wo log talab ke pas pahcuhe to wahan unki mummy ko raste me pados kee ek aurat mil gayi , to wo usi ke saath batein karne lagi.. lekin wo dono bache seedhey uss taalab ke pas chale gaye.. wo choti ladki ko bahar hee khadi thi.. lekin wo ladka sabse neechey wali seedhi par pani me pair latka ke baitha tha..
wahan baithe uss bache ko bas 2 minute hee hui thi kee achanak se uski behan jor jor se chillane lagi ki koi uske bhai ko paani me kheech ke le jaa raha hai.. bhai doob gaya bhai doob gaya.. ladki jor jor se chillaye jaa rahi thi..awaz sunke bache kee maa aur aspas ke kuch log bhi talab me kood gaye usko bachane ke liye.. lekin kai der dhundne ke baad bhi unko bacha nahi mila.. tab tak wo choti bacchi bhi rote huey short machati apne ghar tak pahuch gayi to uss bache ke paapa aur aaspados ke log jaldi se bhaagte huey talab ke pas pahuche.. lekin talab me bahut der dhundne ke baad bhi unko bache kee body nahi mili.. to aakhir me unlogo ne socha kee hamein neechey aur gehrai me dekhna chahiye.. to wo talab ke sabse gehraai me dhundne gaye to unhe neechey kuch naram naram sa mehsoos hua.. theek se dekha to wo usi bache kee lash thi.. un logo ne dekha kee neechey bache kee body bilkul seedhi padi thi.. jaise kee ham rat me sote huey sseedha lette hain.. lekin uska sir neechey daldal mee issni buri terah fansa hua tha kee wo ek aadmi se nikal bhi nahi paa raha tha.. bahut mushkil se 2-3 aadmiyo ne milke uski lash ko bahar nikaala.. bahar nikal ke jab unhone paani nikalne ke liye uska pet dabaya to uske pet se bas kuch hee boond pani nikla tha.. jaldi se usko hospital lekar gaye.. lekin bache kee jan nahi bachai ja saki.. lekin hairaani kee baat thi kee postmartem me doctor ko samajh hee nahi aa raha tha kee maut kis wajah se hui hai.. wo talab me dooba to tha.. lekin lag nahi raha tha kee uski maut pani me doobne se hui hai.. pani me doobne ke 2-3 minute bad hee log usko bachane ke liye pani me kood gaye they.. lekin wo kisi ko nahi mila.. naa hee uski body me ksii chot ya kharoch ka koi nishan tha.. uski body dekh kar lag raha tha kee wo abhi uth ke baith jaega.. wo to jaise bas bina kisi wajah ke hee marr gaya tha.. bad me jab uss bacche kee behan se pucha gaya to usne bataya kee ek badi si cheej paani me se nikali aur bas 2 second me hee usko kheech ke pani ke andar le gayi.. pata nahi wo kya cheej thi lekin wo kisi machli kee terah ekdam se pani se bahar nilli aur usko kheech ne andar le gayi.. naho to aisa ho hee nahi sakta tha kee wo bacha iyni jaldi pani kee itni gehrayi me chala jaye.. aur neechey itni buri terah dhans jaye.. upar se uske shareer par koi nishaan tak nahi bana tha.. kisi ko samajh nahi aaya kee aisa hua to hua kaise.. pani me wo kya cheej thi.. agar aap logo me se kisi ko pata ho to jarur bataiye..
=====================================
Mera naam Abhinay Pandey hai.. Aaj jo kahani main aapko batane jaa raha hu ye kahani ek jaakhan ki hai.. jaakhan ek aisi pret aatma hoti hai jisme 10 chudailo ke baraabar takat hoti hai. Puraane time me bahut se log iski sidhhi kiya karte the . Jaakhan ,Divalan, Chetkin jaisi naamo ki inn pretaatmao ki siddhhi kisi kaam ko anjaam dene jaise dhan prapti, ya Shatru samhaar ke lie ki jaati hai. Baaki pretaatmao ke mukaable jaakhan ki siddhi bahot hi durlabh siddhhi mani jaati hai.. lekin is sidhi ko karne wala insaan agli koi galti kar de to uska anjaam bahot hi bhayankar hota hai.. iske alawa jakhan ke bare me aur bhi kai baatein hain jinke gyan ko gupt rakhne ke kaaran maine aapko nahi bata sakta.
Main aapko aisi hee ek jakhan kee sachi kahani ke bare me batane ja raha hoon jo mujey mere nanaji ne batayi thi..
To hua ais atha kee ek gaon me prakash naam ka ek kisaan raha karta tha.. wo apni patni, beta beti, bhai bhabhi aur mata pita ke satah raha karta tha. wo log gareeb to they lekin hamesha mil jul ke khushi khushi rahte the.. lekin prakash itne me khush nahi tha use jyada dhan chahie tha… isilie wo khet me dugni mehnat karta tha.. unlogo ki fasal bhi achhi ugti thi lekin angrejo ke tax bharne aur market me aadhe daamo me fashal bechne ke baad jo kuch use milta tha usi se unka gujara chalta tha. Aise hee ek shaam wo kisi seth ke yahan dhaan bechne kee baat karne ke liye gaya tha.. wahan usska sauda pakka ho gaya .. fir der raat wo apne ghar wapis aane laga.. lekin ghar door tha or raat ke thandi hawa ke kaaran neend bhi sir pe charhi thi to ghar jaldi pahuchne ke liye usne nadi ke sath wala rasta le liya.. Raste me chalte chalte neend ka jhatka aane se wo ladkhada ke gir gaya.. neechey gira to usko jameen par ek kitaab padi dikhai dee.. wo uss kitaab ko utha ke apne ghar le aaya.. haalanki wo ek kishan tha lekin usne chathi class tak padhai kee hui thi.. isliye usko padhna aata tha.. Fir ghar pahoch ke wo hath pair dho ke seedha sone ke liye chale gaya.. agle din uth ke usne wo kitab padhi to uske andar kai saari gupt saadhnao ke baare likha hua tha.. unme se ek vichitra saadhna thi Jaakhan ki.. kitab me likha tha kee ye sadhana siddh karne se bahut sara dhan prapt kiya ja sakta hai.. ye saadhna kisi puraane bargad ke per ke neeche karni thi lekin shart ye thi ki us bargad ke per ke door door tak koi ghar nahi hona chahiya tha.. aur na hee aaspas koi dusra aadmi hona chahiye.. wo sadhna kisi khaas tareekh ko chandni raat ke teeshre pahar se shuru kee jaani thi.. aur 11 dino tak chalni thi.. To prakash ne kisi pandit se uss tareekh ke bare pe puchkar wo saadhna ke lie bargad ka per dhoondhne lage… fir bahut dhundne ke baad usko ek ghane jangal me ek bargad ka ped mil gaya.. uss sadhna suru kar di.. usne apne gharwalo ko bhi uss sadhna ke bare me nnahi batay tha.. har raat wo ghar se koi bahana laga ke nikal jata ayur jangle me jaake sadhna karta aur fir subah 4 baje wapas aa jata… is tarah 11 din beet gae lekin 11we din ki subah jab wo wapas nahi aaya to ghar ke sab log usko dhundne lage.. kuch logo ne bataya kee unhone usey rat me jangle kee taraf jate dekha tha.. to uske gharwale kuch gao wale ke sath jangle me gaye to bahut dhundne ke bad unko wo uss bargad ke ped ke neechey behosh pada mila.. wo log usko utha ke ghar le aaye.. hosh aane ke bad sab log ussey iss bare me puchne lage.. lekin sabke laakh puchne par bhi usne kisi ko kuch nahi bataya.. heere dheeetne laga.. sba log bhi iss bare me bhool gaye they.. fir kareeb 1 mahine baad Prakash dhaan kee fashal le kar usi seth ke paas bechne gaya to seth ne usey paise dene se inkaar kar diya.. dheere dheere unki fasal ki bikri bhi kam hone lagi, koi adhe daam me bhi unki fasal nahi khareedna chahta tha.. isi beech achanak uske pitaji ko lakwa maar gaya or uske bhai ne bhi daaru peena shuru kar diya.. Pehle unke ghar jo khushi ka mahol rehta tha .. dheere dheere wo pura ladai jhagde me badal gaya.. Raat me chat par kai saari awrato ke fusfusane kee aawazein sunai dene lagi thi.. aaspados ke logo ko aksar unke ghar ke chatt par koi aurat nachti hui dikhai deti.. Ek raat unki beti baathroom jaane ke lie ghar se nikli hi thi kisi ne use utha ke aangan me fek diya lekin dhan ki dheri me girne ke kaaran use koi chot nahi lagi.. lekin wo darr ke mare jor jor se chillane lagi.. uss rat ke bad se wo bacchi rat me uth uth kar jor jor se kabhi hasti to kabhi rone lagti.. Dheere Dheere poore gharwaalo ko bhi wo dust shakti parchhai ke roop me dikhai dene lagi.
Ek saal beet gaya . Shrawan ka mahina aagaya tha .. To somwar ke ek din achanak Prakash ki patni ko bahar se Har Har mahadev ki aawaj sunaai di.. wo bahar dkehne gayi to bahar ek aghori khada tha.. uski patni ko laga kee shayad koi bhikari hoga.. to usne ek aana nikal ke unhe diya to aghori ne kaha kee beti main kuch lene nahi balki dene aaya hoon.. aghori ne kaha kee ghar ke sab logo ko bahar bulao.. sab aankh band kar ke baithe huey hain.. ghar ke sab log bahar nikal ke aaye.. hairani ki bat thi ki prakash ke pita jinko lakwa ho gaya tha wo bhi bahar chal ke aaye they.. Fir Prakash ne puri baat un aghoriu baba ko bata di.. to wo bole kee ye koi aur nahi balki ek jakhan hai.. aur issey peecha churane ke liye unhe aaj rat jaakhraaj kee ek pooja karni hogi jisse wo jaakhan bhi wash me aa jaaegi. Aghori ne unhe kuchh saamagri laane ko kaha jo unhe asani se mil gayi.. Fir Usi raat unka poora pareewaar us bargad ke per ke neeche gaya or anusthan suru hua.. Aghori ne prakash ko kaha kee bachha chahe kuch bhi ho jaae yaha se bhagna mat. Aur fir kareeb aadhe ghante baad us per se ek bahot hi sundar larki utri or prakash ko apne moh jaal me fashne ki koshish karne lagi.. dheere dheere wahan aur bhi bahut sari aurtein aa gayi.. aur Prakash ko fansane kee koshsih karne lagi.. lekin jab prakash ka man nahi dola to wo bahut hee vibhats roop lene lagi… kisi ka chehra jala hua tha to kisi ka kuchla hua… Aur fir achanak se wo sab aurtein chillane lagi aur idhar udhar patkane lagi jaise koi unhe bori ki tarah utha kar patak raha ho.. Aur chillate chillate hee wo sab kee sab hawan kund me kood gai.. sab kuch shaant ho gaya.. ye dkehkar prakash ka pariwar jakhraj ki jai karne laga.. to aghori gusse me unse bole kee uski jaikaar kyo karte ho.. bolo har har mahadev. Mahadev ne hi tum sab ki raksha ki. To Prakash ne bola ki aapne to kaha tha ki jakhraj ki pooja hogi. To Aghori ne kaha ki ye to uss jaakhan ko murkh banane ke lie kaha tha.. Aisa karne ke baad un sabhi ko us jakhan or unn chudailo se mukti mili.. mere nanaji bataate hai ki us per me pahle se hi jakhan ka waas tha or uspe 1000 chudal rahti thi jo roj prakash ka khoon peeti thi.. lekin uski kismat achi thi kee uski jaan bach gayi..
===============================
mera naam tadar soni hai.. main arunachal pradesh ke yupia me rehta hoon… main aapko apne sath ghato 2 sachi ghatnao ke bare me batana chahta hoon.. ye pehli ghatna 2003 kee hai.. jab mei padhai kar raha tha aur akela ek kiraye ke ghar me rehta tha.. ek shaam main apne kuch dosto ke saath ek park me ghumne gaya tha.. raat ke 8 ka time tha.. garmi bahut jyada thi.. ham sab dost park me baithe bhooto ki batein karke hansi majak kar hee rahe they keee tabhi mera ek dost bola kee kee kisi ne larki kee awaz suni kya.. mujhey laga mera dost majak kar raha hai to main bhi majak majak me jor jor se chillane laga.. bhoot chudail aaja.. mere paas aajao.. aur mujhsey pyaar karo.. lekin mere aisa kehne ke kuch hee der baad achanak waha sabkuch shant ho gaya.. aur tabhi hamein kisi ke bhaag ke hamare paas aane kee awaz sunai dee.. ham sab dost ne wo kadmo ki awaz suni thi.. ham sab idhar udhar bhaagne lage. main bhi bhaagtey bhaatey jaldi se apne room par aa gaya.. aur kuch der bad khana kha ke so gaya.. lekin uss rat mujhey ek sapna aaya.. sapne me maine dkeha kee mere pairo ke paas do ladkiya khadi hain.. wo dono bahut hee jyada sundar thi.. mujhey dkeh kar wo boli kee tumne hamein apne pas bulaya hai.. isliye ham tumhare paas aa gayi.. hamein tumse pyaar chahiye.. fir unme se ek ladki bed pe mere bagal me baith gayi aur mere paas aane lagi.. main bahut darr gaya aur darr ke mare god ko yaad karne laga.. lekin wo ladki boli kee main teri prayer se nahi darti aur usne wahan rakhi bible utha ke fenk di..uske aisa karte hee main behosh ho gaya.. fir subah utha to dkeha kee mere haath par ek lamba ladki ka baal bandha hua tha.,.. maine usi waqt apne gharwalo ko call karke sab kuch bataya to mere gharwale ek priest ko wahan lekar aaye aur holywater pure room me chirak ke prayer kar ke wahan se chale gaye.. lekin ussi rat fir se mujhey wo ladki spane me dikhai dee.. iss bar wo bahut gusse me thi. uski aankhen bilkul laal thi.. aur baal bhi bikhre huey they.. wo mujhsey bahut gusse me boli kee ye tune acha nahi kiya.. tune mujhey prayer karwa ke yahan se bhaga diya.. lekin main abhi to yahan se jaa rahi hoon lekin wapis jarur aaungi..
ye dusri ghatna mere sath 2015 me ghati thi.. ek shaam main apne ek uncle ke yahan film dkehne gaya tha.. film dekhte dekhtey raat ke 12 bajj gaye.. uncle ke ghar se mera ghar ghar pas me hee padta tha.. isliye main raat me hee apne ghar wapis jane laga.. main paidal chalta hua apne ghar jaa hee raha tha kee tabhi mujhey kalbat bridge ke samne ek aurat kale kapde pehne baithi dikhai dee..uske baal uske ghutno tak aa rahe they.. wahan wo chupchap baithi thi.. bilkul bhi hil nahi rahi thi.. maine socha aaspas kee koi aunty hogi..

isleye main bina dare uss raste par aage badhne laga.. lekin uske sath se nikalne ke bad maine dekha kee wo bhi mere peechey aane lagi .. main ruka to wo bhi ruk gayi.. tabhi meri najar upar asman me chand par padi to dekha kee wo purnima ke chand tha.. bilkul laal.. wo dkeh ke main bahut darr gaya.. uss aurat ne kale kapde pehne they.. aur uske baal bilkul chipkali kee poonch jaise hill rahe they.. usme se bahut gandi badbu bhi aa rahi thi.. main god ko yaad karte huey teji se wahan se bhaane laga aur sath ke jungle me jaa ke chip gaya.. main chup chup ke uss aurat ko dekh raha tha kee agar wo koi insaan hogi to wahan se chali jaegi lekin wo aurat mere pas aate aate achanak wahan se gayab ho gayi.. main usi waqt jor jor se chillata hua apne ghar bhaag ke aa gaya.. aur sabko iss bare me bataya.. lekin kisi ne bhi meri bat par yakeen nahi kiya..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!