Site icon Hindi Horror Stories

Horror Story in Hindi- Episode-230. Real Ghost Stories in Hindi.

Mera naam Rajesh patre Hai… mai Chhattisgarh ke Bilaspur mein rahata hun.. aaj main aapko apne sath ghati ek bilkul sachi ghatna ke baare me batana chahta hoon.. hamara ghar rail kee patri ke bahut pass padta hai.. itna pas kee hamare ghar se rail ki patriya saf saf najar aati hain.. ham log raat me ane ghar kee chatt pe soya karta tha.. to aise hee ek raat maine dekha kee ek aurat ne patri pe chalti hui train ke samne kood ke aatmhatya kar li.. wo dekh ke to mere hosh hee udd gaye.. pata nahi usne kyu apni jaan li thi.. uske baad 3-4 dino tak to sab kuch theek raha lekin fir ek raat jab ham sab log rat me chatt par so rahe they to raat kareeb 2 baje meri aankh khul gayi.. aankh khuli to maine dekha kee ek aurat uss patri ke beech me baithi hui thi.. andhera hone ke bawjood bhi wo aurat bahut chamakti hui najar aa rahi thi..jisse main usse ache se dekhpa raha tha.. maine use dekh hee raha tha kee tabhi uski najar mere upar padi.. uska chehra bahut hee darawna najar aa raha tha.. maine jaldi se apna sir neechey kar liya aur chup gaya.. lekin wo aurat tabhi wahan se uchal ke hamare ghar ke bagal me lage ek ped ke upar aa gayi.. darr ke mare mere muh se to aawaz bhi nahi nikal rahi thi.. fir wo aurat uss ped se kood ke seedha hamari chatt pe a gayi.. aur mujhsey gusse me boili.. main tujhey nahi chorungi. uss din tu mujhey dekh kar hans raha tha na.. uske itna kehtey hee main behosh ho gaya.. jab hosh aaya to mujhey kuch bhi yaad nahi tha kee mere sath kya hua hai.. mujhey lag raha tha kee maine rat me sapna dekha tha.. lekin fir usi din se meri tabiyat kharab hone lagi.. ek hee hafte ke andar main bahut kamjor ho gaya.. doctor se dawaiya bhi li. lekin meri halat theek nahi hui.. fir kisi ne hamein ek baba ke baare me bataya.. ab main regular unn baba ke pas jata hoon.. abb meri tabiyat me bhi sudhaar hne laga hai..
=================================
Mera naa shabd jha hai. main jharkhand ke deoghar me rehta hoon.. to hua aisa tha kee hamne apna naya ghar banwaya tha.. ham uss ghar me naye baye gaye they.. ek din mere mummy papa kisi kaam se bahar gaye huey they … main ghar pe akela tv dekh raha tha.. tabhi kitchen se achanak bartan girne kee aawaz aayi.. main jaldi se bhaag ke gaya to dekha kee ek bartan jissme laal rang ka koi nishaan laga tha wo neechey pada tha. maine uss bartan ko uthaya aur usey dho ke upar rakh diya.. fir thodi der bad jab mere mummy papa wapis aaye to maine unko sari baat batai.. lekin unhone jyada dhyaan nahi diya aur mujhey sone ke liye bole.. main chupchap apne room me chala gaya.. lekin uss raat mujhey bahut ajeeb sa lagg raha tha iliye main light jala ke hee let gaya.. fir rat me sote sote achanak 1 bajj ke 47 minute pe meri aankh khul gayi aankh khuli to dekha kee mere kamre kee light band thi.. main jaldi se utha aur mummy papa ke room me jaake unko uthane laga.. lekin wo log shayad bahut gehri neend me soye they.. wo nahi uthey.. main bahut darr gaya aur jaldi se apne kamre kee taraf jaane laga.. lekin haall se jaatey huey maine jo dekha wo dkeh ke meri to jaan hee nikal gayi.. mine dekha kee ek aurat hall me deewar par ulti latki hui thi aur usne apne muh me ek khopdi pakdi hui thi.. wo dekhtey hee mere muh se jor ki cheekh nikli aur main wahin behosh ho gaya.. jab meri aankh khuli to main hospital me tha.. mere mummy papa bhi mere sath they.. maine unko sari bat bata di.. to agle hee din papa ne ek pandit ji ko ghar me bula ke hawan karwaya.. jab pandit ji hall me hawan kar rahe they to pure hall me ajeeb ajeeb aawazein gunjne lagi.. un pandit ji ne bataya kee iss jagah par kisi ladki ka khoon hua tha jiski laash ko issi hall me neechey dabaya gaya tha.. usi ladki kee aatma aaj bhi iss jagah par bhatak rahi h aur wahi tumko pareshan kar rahi hai.. unki baat sunke hamne pure riti riwaz ke saath uss ladki ka antim sanskar karwaya.. jiske baad uski aatma hamare ghar se chali gayi..
========================================
ye kahani mere fufaji ki hai.. mere fufaji shaadi se pehle ahmedabad me ek jagah job karte they.. aur wahin ke ek chote se gaon me akele kiraye pe raha karte they.. jiss ghar me wo rehtye they batate h ki wo uiss gaon ka sabse purana ghar tha.. sath hee mere fufaji ko sharab peene ke bhi aadat thi.. har sham wo sharab peeke ghar aate aur aa ke so jate.. pehle to uss ghar me sab kuch theek tha.. lekin kuch dino baad raat me fufaji ko har roj kisi ke chalne kee aawazein aane lagi.. fufa nashe me hote they isliey un aawazo ko apna weham samajh ke taal dete.. lekin fir dheere dheere unko rat me kisi aurat ke gungunane aur paayal ki aawaz bhi aane lagi.. lekin wo in sab cheejo par dhyaan nahi dete.. dheere heere unko in cheejo ki adat si pad gayi thi.. fir kuch time baad unki shaadi hui to wo meri bua ke bhi usi ghar me le gaye.. lekin shaadi ke baad unko wo aawazein din me bhi aane lagi thi.. dheere dheere mere fufa ji ka dimagi santulan kharab hone laga.. wo pagal hone lage they.. to unhone wo ghar khali kar diya aur ek dusre ghar me jaa ke rehne lage.. lekin wo aawazein naye ghar me bhi fufaji ko sunai dene lagi thi.. dheere dheere unki halat kharab hoti jaa rahi thi.. fir ek din wo log ek tantrik ko apne ghar me leke aaye.. wo tantrik ghar mee aaya to usne sabse pehle sharab pee.. aur fir uss aatma ko apne shareer me hee haazir kiya aur usse pucha kee tu kyu in logo ko pareshan kar rahi hai.. to usne bataya kee mujhey iss aadmi kee maa ne hee issko pagal karne ke liye yahan bheja hai.. kyuki wo isski sari daulat ar kabja karna chahti hai. ye baat sunke sab logo ke hosh udd gaye.. fir taantrik kee bahut koshishey karne ke baad mere fufa ache to ho gaye lekin aaj bhi unko apna dimaag theek rakhne ke liye goliya khani padti hain.. mere fufa abhi bhi unki maa ke wash me hai.. uss tantrik ne bataya hai kee wo inko maar ke hee choregi.. mere fufa aaj jinda to hai lekin unki dimagi halat theek nahi hai.. unki nokri bhi choot chuki hai.. aur aaj bhi kai bar wo achanak ajeeb ajeeb harkatein karne lagtey hain..
=============================================
mera naam pintu hai.. main odisha ke balangir jile ka rehne wala hoon.. ye aaj se 3 saal pehle kee baat hai.. jab hamne ek nayi car khareedi thi.. car ghar lane ke baad papa ne mujhsey aur mere bhai se kaha kee car ko mandir me le jaa ke pooja kar aao.. hamien jiss mandir me jana tha wo harishankar naam kee jagah par padta tha jo hamare gaon se 40 kilometer door thi.. to agle hee din subah 10 bajje main aur mera bhaai car leke mandir ke liye nikal gaye.. fir 11-11.30 baje tak mandir me pahuch ke hamne pooja kee aur fir ham thodi der wahin mandir me hee rest karne ke liye rukk gaye.. rest karne ke baad ham logo ne socha kee thodi der aaspas ghum lete hain.. lekin ghumtey ghumtey hamein shaam ke 7 bajj gaye.. fir ham jaldi se car leke ghar ke liye aane lage.. fir kareeeb aadhe ghantey baad mere papa ko toilet lagi to usne mujhey car side me rokne ko kaha.. maine car side me laga di.. fir kuch der bad wo toilet karke wapis aaya to mujhsey bolne laga kee hatt car main chalaunga. maine usko mana kiya kyuki usko car ache se chalani nahi aati thi.. lekin wo nahi maan raha tha..car chalane kee jidd kare ja raha tha.. to aakhir me maine usko car chalane ko de di.. maine usse dheere dheere car chalane ko kaha. lekin wo car aise chala raha tha jaise kee wo koi expert driver ho.. maine usse pucha bhi ki tu itni achi driving kaise kar raha hai to wo kisi ladki ki awaz me bola kee main to 50 saal se car chala rahi hu.. uski aawaz sunke main bahut darr gaya aur hanuman chalisa padhne laga.. lekin wo bahut tej car chalaye ja raha tha.. aur fir usne ek ped me car thok di. main jaldi se car se utra aur apne bhai ke pas gaya to dekha kee uski aankhein bilkul laal ho rakhi thi.. tabhi wo car se utra aur mera gala dabane laga.. main kisi terah apne ko chura ke wahan se bhaagane laga.. wahan thoda sa door hee raste me ek mandir bana tha.. main bhaagta hua uss mandir me chala gaya aur uske pujari ko sari baat batayi..to wo pujari mere sath bahar aaya aur mere bhaai ke maathey par babhoot laga di.. babhoot lagatey he mera bhai wahin behosh ho gya.. uss pujari ne bataya kee iss road par ek ladki ki aatma ghumti hai jiski yahan accident me maut ho gayi thi.. wahin ladki aane jane wale logo ko pareshan karti hai.. pujari ne kaha kee aaj rat tum log yahin ruk jao.. to ham uss rat wahin mandir me hee ruk gaye.. agle din mera bhai bilkul normal tha.. ghar pahcuh ke hamne sabko ye baat batayi to sab log parehsan ho gaye.. lekin mere bhai ne waisi koi aurat fir nahi kee..
===================================
mera naam adyasha hai.. main odisha ke cuttack kee rehne wali hoon.. main aapko apne papa ke sath ghati ek sachhi ghatna batana chahti hoon.. ye tabb kee bat hai jab mere papa 12 saal ke they.. papa apni dadi se bahut pyaar karte they.. to ek raat papa washroom ke liye bahar nikle to wapis aate huey unko apni dadi bahar khadi dikhai dee.. papa ne hairani se unse pucha kee dadi aap abhi tak soyi nahi kya.. dadi boli nahi neend nahi aa rahi.. to papa apni dadi ke saath hee baith gaye aur unse baatein karne lage.. baatein karte karte raat ke 2 bajj gaye fir papa apni dadi se bole kee dadi ab main sone ja raha hoon.. aur itna keh ke papa andar apne kamre me jane lage.. lekin andar jaatey hee papa ne dekha kee unki dadi to apne bed pe leti so rahi thi.. wo dekhtey hee papa darr ke mare wahin behosh ho gaye..jab papa ko hosh aaya to unke mummy papa aur unki 4 behne unke paas hee baithe they.. papa ne sari baat apne gharwalo ko batayi.. to unki mummy unko ek baba ke pas lekar gayi.. baba ne unko ek tabeez diya.. uske baad papa ko wo saaya fir kabhi dikhai nahi diya.. mere papa ki dadi aaj to iss duniya me nahi hain lekin wo aaj bhi unko bahut yaad karte hain..
===================================
mera naam rohit kumar jha hai.. main jharkhand ke jamshedpur ka rehne wala hoon.. main jo kahani aapko batane ja raha hoon ye tabb ki hai jab main 13 saal ka tha.. un dino main grmiyo ki chuttiyo me apne gaon gaya hua tha jo kee bihar ke bhagalpur me padta hai.. gaon me ham log raat me 9 baje tak so jaya karte they isiye subah 4 baje tak hamari aankh bhi khul jati thi.. lekin ek din main bahut thaka hua tha isliye uss sham 7 baje hee mujhey neend aa gayi.. sath he bata du kee ham sab log chatt pe hee soya kartte they.. to uss rat jaldi so jane ke bad meri aankh raat me hee khul gayi.. maine apni wrist watch me time dekha to raat ke 3 bajj rahe the.. baki sab log so rahe they.. maine bhi fir se sone kee bahut koshish kee lekin mujjhe neend nahi aa rahi thi.. to main uth ke apni chatt ke samne jaake khee khada ho gaya aur saamne kheto kee taraf dekhne laga.. hamnare ghar ke samne ek road thi.. jiske dusri taraf ek khet padta tha.. us khet ke aage ek aur sadak thi jiske dusri taraf aam ke bagaan they..
chatt pe khada main andhere me unn kheto kee taraf ekh hee raha tha kee tabhi meri najar uss aam ke bagaan wali road par padi.. road par light lagi thi… jise road halki halki najar aa rahi thi.. maine dekha kee uss road par kisi gaai jaisa koi janwar chal raha hai.. lekin mere kuch der dekhne ke baad wo gaai ek kutte ke roop me badal gayi.. mujhey nahi pata wo kutta tha ya kuch aur kyuki uski body bahut ajeeb si lagg rahi thi.. lekin uska kadd jisi kutte ke jitna hee tha.. aur fir kuch der bad wo achanak kisi insaan ke roop me badal gaya.. ye sab dekh ke mera to pura shareer hee sunn padd gaya tha.. main baki logo ko bhi utha ke wo sab dikhana chahta tha lekin main itna darr gaya tha kee main kuch nahi bol pa raha tha.. aur fir mere dkehtey hee dkehtey wo insaan ke roop meapne chaaro haath pairo par chalne laga.. aur fir bhaagtey huey wo uss aam ke bageeche me ja ghus gaya aur meri najaro se ojhal ho gaya.. ye sab dekh kar main bahut jyada darr gaya tha.. lekin uske gayab hone ke baad main kisi terah apni khatiya tak chal ke aaya aur so gaya.. fir meri aankh seedha 7 bajje khuli.. utha to mujhey tejj bukhaar aaya hua tha.. maine uthey hee sari baat apne gharwalo ko batayi to meri dedi ne bataya kee unn aam ke bagaano me ek chudail rehti hai.. j alag alag janwaro ka roop leke bahar aati hai.. lekin wo kabhi hamare kheto ko paar karke gaon ke andar nahi aa sakti kyuki mere papa ke dadaji ne hamare gaon ko chaaro taraf se pavitra kiya hua hai.. usske bad mera bukhar fir 2-3 din baad apne aap utar gaya.. lekin uss chduail ne mujhey uss rat bahut dara diya tha..

Exit mobile version