Indian Horror Stories

Horror Stories in Hindi. Episode-260. Hindi Horror Stories.

main jo kuch aapko batane ja raha ahoon.. ye sab itni achanak se hua aur itna unexpected tha kee mere liye ye sab abhi tak bilkul ek sapne jaisa hai.. main america ke mississipi state me apne husband ke sath rehti hoon.. sath hee bata doon ke mississipi ek aisa state hai jahan sabse jyada hurrucanes tornado aur baad wagera aati hain.. ye sab kuch ham logo ke liye itna normal ho chuka hai kee jin tufaano se bade bade shehar hil jate hain .. ham logo ke liye wo aaye din ki baat hai.. khair.. har roj kee terah uss din bhi jab main subah uthi to din ki shuruwaat ultiyo se hui.. jaise kee pregnance me normally hota hai. .. mujhey bahut ultiya lagti thi.. mere husband bahar lawn me kuch kaam kar rrahhe they.. wo beech me mujhey dekhne aaye kee kahin meri tabiyat jyada to nahi bigad rahi.. aur fir mujhey check kar ke wo wapis bahar chale gaye.. main bed pe leti hee thi kee samne dressing table par rakha mera phone bajne laga.. hello.. maine kaha.. mujhey thodi hairani thi kee sunady ke din subah subah kon call kar raha hoga.. call bhi kisi unknwn number se thi.. hi. aap catherine bol rahi hain.. samne se ek bhaari se awaz me kisi aadmi ne pucha..
han.. han main katerine bol rahi hoon. aap kon..?
wo main.. forest serach and rescue team se ranger jim baat kar raha hoon.. kya aap kisi kevin smith ko jaanti hain.. kevin.. kevin to mere bade bhaai ka nam hain.. han han main kevin ko janti hoon.. wo mera bada bhai hai.. kya hua usko.. sab theek to h na..
achanak mere dil me ghabrahat badh gayi..
wo mam.. asal me ham geegar lake se baat kar rahe hain.. ham aapko bhai ko dhunde kee koshsih kar rahe hain.. hamein darr hai kee aapka bhai kahin kho gaya hai.. kya aap kuch paper formalities kee liye thodi der ke liye yahan aaengi..
mera bhai kevin.. mujhsey 8 saal bada tha.. kuch hee sal pehle usko divorce bhi hua tha.. jsike bad se wo jyadatar akela hee rehne laga tha.. mummy papa ki maut ke bad ham dono kee ek dusre ka khayal rakhte aaye they.. main janti thi kee kevin ko jangle me ghumne jana aur fishing karna bahut acha lagta tha.. wo aksar geiger lake par apni khud ki motor boat me fishing ke liye jata rehta tha..
apne bhai ke khone kee baat sunke main aapko bata nahi sakti mere dil me kitna darr aa gaya ..
jee haan.. main aapke paas pahuch rahi hoon.. lekin kevin ko hua kya hai.. ye to bataiye..
meri aankho se aansu nikal rahe the…
fir uss ranger ne aaram se mujhey kuch details batayi.. wo actually mama yahan geiger lake par kuch machuaro ko ek khaali motor boat paani me gol gol tairti mili thi.. rangers ne jab uss boat ko check kiya to uske andar koi nahi tha.. hamne kisi terah boat ka engine band kiya aur uski checking karne par hamein uske andar to machli pakadne ke 2 ne aur life saving jacket mili.. hamne nadi ke aspas usko dhune kee koshsih bhi kee lekin hameinw o nahi mila.. boat ke andar hee hamein ek diary me aapka number mila to aako call kiya.. kya aap thodi der ke liye yahan aaengi.. hamein kuch paperwork sign karwana hai..
han han.. main abhi wahan aa rahi hoon.. please aap mere bhai ko dhundte rahiye.. maine usi waqt jaldi se apni almari kholi aur jaldi se kapde change kiye aur pana phone apne bag me dal ke bahar nikal gayi.. bahar mere husband lawn me hee kam kar rahe they.. mujhey aisa jaldi me aur pareshan dekhke mere husband ne mera hath pakad liya.. hey honey.. kya hua tumko.. aisa kahan bhaag ke ja rahi ho.. sab theek to hai na.. wo mere pet kee taraf dkehtey huey bola.. unko lag raha tah kee shayad mujhey bacche ki koi problem hui hai.. lekin main uss waqt bahut jaldi me thi.. maine jaldbaji me apne husband ko uss ranger ki call ke bare me bataya.. mere husband bahut samajhdar aur majbut insan hain.. meri bat sunke wo bina ghabraye mujhey shaant karne ki koshsih karne lage.. han ham wahan chaltey hain. lekin tum thoda aram se raho.. itni jaldibaji karna tumhare aur bacche ke liye theek nahi hai.. chalo tum car me bathi main drive karta hoon.. aur fir ham jaldi se ghar me tala laga ke uss jagah jane ke liye nikla gaye.. wahan jate huey maine apne ek uncle ko bhi call kar ke iss bare me bataya diya tha.. man me bure bure khayal aa rahe they.. mera bhai ek bahut acha insan tha. bachpan se parents ke bad wo hee mera khayal rakhta aaya tha.. uka koi baccha bhi nahi tha.. divorce ke bad se wo apna jyadatar khali samay apni boat me hee bitata tha.. uske kuch dost bhi they jo kai bar uske sath fishing pe aate they.. lekin jyadatar wo akela hee jata tha.. lekin ek bat jo mujhey sabse jyada pareshan kar rahi thi kee wo kho kaise sakta hai.. wo koi chota baacha nahi tha.. na hee koi nosikhiya tha.. wo bahut samajhdar insan tha…. khaskar safety ke mamle me wo apna bahut dhyaan rakhta tha.. pichle kuch mahino se pregnancy ki wajah se main usse jyada baat bhi nahi kar pati thi.. bar bar uss ranger kee batein mere dimaag me ghume jaa rahi thi.. aakhir mera bhai pani ke beech apni boat chor ke aisa gaya to gaya kahan.. upar se uss ranger ne ye bhi batayya kee uski life saving jacket bhi boot ke andar hee rakhi thi.. jo ke apne aap me bahut hee ajeeb bat thi.. mera bhai hamesha pani ke beech jatey huey apni jacket pehan ke rakhta tha.. ek bar ke liye ye maan bhi liya jaye ki wo bina life saving jacket pehney fishing kar raha hoga aur by chance pani me gir gaya hoga.. lekin for bbhi.. wo gayab kaise ho sakta tha.. wo ek bahut acha swimmer bhi tha.. upar se wo nadi bhi koi bahut jyada gehri aur badi nahi thi.. kee mera bhai usse bahar nikal hee na paya ho..
na jane kitne khayal mere dimaag me aa rahe they.. ham kab us jangle me pahuch gaye hamein pata hee nahi chala.. wo nadi jangle ke bilkul sath sath padti thi.. uss jagah pahcuhe to wahan rangers ke sath sath kuch police wale bhi kahde dikhai diye.. wo dekhke ti mera dil ekdam se hee baith gaya… fir unme se ek mota sa ranger hamare pas aaya.. aap kevin ke sisiter hain na jisse meri phone par baat hui thi.. uski moti awaz suntey hee main samajh gayi kee isi ne mujhey call kar ke yahan bulaya tha.. jee han.. wo main hee hoon.. main kevin kee choti behan hoon.. aapko kevin ka kuch pata chala kya.. main kisi terah ani ghabrahat ko control me rakhti huey usse bat kar rahi thi..
actullay abhi tak to ham usey dhund nahi payein hain.. lekin abhi hamara operation jaari hai.. ummeed hai ham jaldi hee usey dhund lenge.. aap fikar na karein.. wo mere pet kee taraf dkehtey huey bola.. mere husband side me khad ephone pe baat kar rahe they.. sab rishteydaro ko kevin ke khone ka pata chal gaya tha..
hamari search party aage door tak nadi ke sath sath usko dhundne kee koshsih kar rahi hai. itna keh ke wo wahan se chala gaya.. uske jane ke baad wahan se smart si lady lady ranger hamare pas aayi.. aap chahe to ye rescue operation kahatam honey hamare base par hee ruk sakte hain.. shayad usne meri condition dekh ke aisa kaha tha.. mere husband bole jee jarur.. ham aaj rat yahin ruk jaenge.. wo boli theek hai. fir usne mujhsey kuch papers fil karwaye.. aur ham nadi ke pas hee bane unke office me operation khatam hone ka wait karne lage.. ham jis cabin me they wahan se samne wo lake saf dikhai de rahi thi.. fir kai der wait karne ke bad mujhsey raha nahi gaya.. maine apne husband se kaha kee main bahar ja rahi hoon kevin ko dhunde ke liye.. mere husband ne naraj hotey huey bola.. nahi.. aisi halat me tum kahan jaogi.. itney log dhund to rahe h usko .. please.. mere husband me mujhey gale lagatey huey kaha.. tum yahin aram karo main bahar jata hu kevin ko dhunde ke liye.. aur fir mere husband bhi bahar chale gaye.. main khidki ke sath hee baihi aankhein fad fad ke dekhti rahi.. 4 ghnate beet gaye.. lekin kevin kee koi khabar nahi aayi.. rat bhi hone lagi thi.. main cabin se bahar nikal ke bahar porch pe ja ke baith gayi.. wahan baithey mujhey 5 minute hee hui thi kee mere phone pe ek call aayi.. hello.. maine kaha..
lekin dusri taraf se koi jawab nahi aaya.. bas ek ajeeb se static si awaz aa rahi thi.. jaise samne wala aadmi pani ke neechey ho.. hello kon bol raha hai.. maine fir se pucha..
lekin koi jawab nahi aaya.. ab main phone katne hee wali thi.. kee uss static ke beech mujhey ek bahut ajeeb awaz sunai dee.. aur ye awaz kisi aur ki nahi mere bhai kevin ki thi.. kevin..kevin.. ye tum ho kya.. kahan ho tum.. main ekdam se bahut excited ho gayi..
mera bhai jinda tha.. tum kahan pe ho kevin..maine fir se pucha. mujhey uski bas ek hee baat sunai dee.. jangale ke andar.. jangle ke andar.. ? tum theek to ho na.. tum tum wahin ruko.. ham tumko dhunde aa rahe hain. aur bas fir wo call kat gayi.. itni der me mere husband bhi wahan pahcuh gaye they. main unko samne se aata dekh rahi thi.. aur tabhi wahan tej hawaein chalne lagi.. jaahir tha tufaan aane wala hai.. lekin mujhey tufaan ki fikar nahi thi.. main jaldi se apne husband ke pas ayi aur usko bataya kee mujhey kevin ka pata chal gaya hai.. wo jagle ke andar hai.. kya jangle ke andar. lekin tumko kaise pata.. mere husband ne hairani se pucha.. are kevin ne khud mujhey call kiya tha.. hamein jaldi se rangers ko inform karna chahiye.. maine kaha.. theek hai theek hai main unko inform kar dunga lekin tum andar to chalo.. bahar tufaaan aane wala hai.. main andar jane lagi.. jatey heuy main apna phone check kar rahi thi kevin ki call ko dkehne ke liye.. lekin ye kya.. tabhi maine ek bahut ajeeb cheej notice kee.. abhi abhi mere as jo call aayi thi wo to call list me show hee nahi ho rahi thi… jaise kee mere pas koi call aayi hee na ho.. lekin aisa kaise ho sakta tha.. abhi abhi to maine usse baat kee thi.. ye mera weham to bilkul nahi tha. usne sach me mujhey call kiya tha.. fir kuch der bad mere husband wapis aaye bole.. aaj rat jangle me operation nahi chalaya ja skata.. aaj rat ko tufaan aane ka andesha hai.. tum kevin ko fir se call kar ke pucha kee wo exactly kahan pe hai.. main fir se apne phone ki call list check karne lagi.. lekin uski call nahi thi.. pakka mere hee phone me kuch gadbad ho gayi hai.. maine socha.. subah se hamne jyada kuch khaya bhi nhi tha.. khate bhi kaise.. mera bhai subah se gayab tha.. aise me kisko bhook lagni thi.. fir ham dono me halka fula khana khaya aur rest karne ke liye let gaye.. lekin neend kisko aani thi.. lete lete achanak meri usko dhundne jane kee bahut tej iccha hone lagi.. pata nahi kyu mere dil ye keh aha tha kee main usko dhund lungi.. lekin main janti thi mere husband mujhey bahar nahi jane denge.. isi kashmakash me kab meri aankh lag gayi mujhey pata hee nahi chala.. lekin sote huey maine ek bahut ajeeb sapna dekha.. maine dekha kee main uss nadi ke niare kinare chalti hui jaa rahi hoon.. aur kcuh door aage jake mujhey jangle me mera bhai pada dikhai deta hai.. uski ek tang toot gayi hai.. aur wo beech jangle me barish me bheegta hua apne liye madad kee beekh maang raha hai… ek jhatke se meri aankh khul gayi.. ye sapna itna darawna aur pareshan kar dene wala tha kee main ab so bhi nahi pa rahi thi.. mere husband gehri neend me they.. lekin mera man maan hee nahi raha tha.. main bas ek bar bahar jaake apni bhai ko dhundan chahti thi.. aur fir bina apne husband ko bataye main cabin se bahar nikal gayi.. nadi ke sath sath chlatey heuy main aage jangle kee tara jane lagi.. normally main ais akarne kee himmat kabhi nahi juta sakti thi.. lekin shayad apne bhai ko khone ke uss kahayl ne mujhey wo ajeeb si takat de di thi.. mere dimag me wahi sapna bar bar aa raha tha. mera bhai jangle ke beech pada madad kee beekh mangta hua.. lekin achanak mere pet me dard hone laga.. ab mujhey apni aur apne bacche ki fikar hone lagi thi.. desperation me main apne bhai ko awazein lagane lagi.. kevin.. kahan ho tum kevin.. mujhey ummeed thi kevin meri awaz jarur sunega.. lekin kai der awazein lagane ke bad bhi jab mujhey uske wahan hone ka koi sign nahi mila to mayus hoke main wahan se jane ke liye palti hee thi kee tabhi.. mujhey ek halki si awaz sunai dee.. cathy. main yahan hoon.. mujhey chot lagi hai..
wo awaz.. wo awaz lag to mere bhai ke jaisi rahi thi.. lekin uski nahi thi.. mere as sochne samajhne ka samay nahi tha.. main teji se jangle ke andar jane lagi jiss taraf se wo awaz aayi thi.. aur fir kareeb 20 kadam chalne ke bad. acnahanak se mujhey bahut tej darr lagne laga.. jangle bilkul shaant tha.. mere dimag me jaise khatre ka horn bajne laga tha.. lekin kyu.. aur tabhi.. samne pedo ke beech se ek saya nikal ke bahar aaya.. wo lag to kisi insan ke jaisa raha tha.. lekin insan nahi tha.. uske lambe lambe haath they.. jo ajeeb he etareeke se uske kandho se latak rahe they.. aur uske chehre ar ek bahut ajeeb se smile thi.. jaise joker movie me joker ke face par hoti hai.. aur sabse ajeeb thi uski aankhein.. uski ek aankh to bilkul insnao jaisi thi.. lekin dusri aankh bilkul kaali thi.. wo cheej 2 minute tak wahin khadi mujhey dkehti rahi.. pehle usne meri chehre kee taraf dekha aur fir wo mere pet kee taraf dkehne laga.. aur fir wo meri taraf badhne laga.. darr ke mare meri puri body jam gayi.. mere pair.. jaise lohe ke ban gaye they.. main chah ke bhi unko hila nahi pa rahi thi.. aur fir uss cheej ne mujhsey baat kee.. muh se nahi.. bas aise kee jaise uski baat seedha mere dimag tak pahuch rahi ho.. wo mujhsey kuch bol raha tha. lekin mujhey kuch samajh nahi aa raha tha. aur tabhi.. ek tej bijli chamki.. us aawaz ke sath hee main jaise apne trance se bahar nikli.. wo abhi bhi mere samne khada muskura raha tha.. main wahan se bhaagi.. jitna tej bhaag sakti thi utna tej.. pedo ke patli nukili tehniya aur jhaddiya mere dono haatho par lag rahi thi.. hataho se khoon bhi nikalne laga tha.. lekin main nahi ruki.. main abhi bhi apne dimaag me feel kar rahi thi wo shaitaan mere upar hans raha hai.. kisi terah main jangle se nikal nadi kinare pahuchi. wo shaitan chahta to mujhey asani se pakad sakta tha.. lekin wo to jaise bas mujhsey khelna chahta tha.. kisi khilone ke terah.. main bhagti rahi.. aur fir ek jagah pahuch ke mera pair fisla aur main neechey gir gayi.. ab wo shaitaan theek mere smane aake khada ho gaya.. main kuch nahi kar sakti thi.. siwaye usse reham ki bheekh maangne ke.. lekin iss shiatn ko kya reham ka matlab bhi pata tha.. ye ye to na koi insan tha na koi janwar.. aur tabhi mujhey kuch door flashlights jalti dikhai di.. kuch log mujhye dhundntey huey mujhey awaz laga rahe they jinme se ek mere husband bhi they.. mere pet me bhayankar dard hone laga tha.. bas uske bad mujhey kuch yaad nahi.. mere husband aur baki ke rangers mujhsey puche ja raha tha kee tumhare sath kya hua hai.. behoshi me main bas unko ek hee bat baar bar bole ja rahi thi.. jangle ke andar.. jangle ke andar.. teen din bad mujhey hosh aaya.. main apne upar bahut sharminda thi.. kee maine aisi halat me apni aur apne bacche kee jaan jokhim me dali.. mere husband bhi thode naraj they.. lekin ganimat ki bat thi kee bacha theek tha.. doctors ne ultrasound kiya to baccha theek tha.. mujhey abhi tak samajh nahi aa raha tha kee wo sab kya tha.. wo shaitan kon tha.. koi meri bat yakeen nahi karta.. rangers mujhse puch rahe they kee aapko ye chote kaise lagi.. maine kaha main kevin ko dhuntey huey jangle me chali gayi thi.. aur wahan rasta bhul gayi.. aur ghabrahat me bhaagtey huey mujhey ye chote lag gayi.. main hospital me hee admit thi.. kee hamein kevin ke mil jane ke khabar mili.. lekin wo jinda nahi tha.. uski laash mili thi.. bad me mujhey pata laga kee jis jagah maine uss shaitaan ko dkeha tha.. usi jagah se kuch door aage kevin kee laash mili thi.. uske bhi dono haath aur pair buri terah chil gaye they.. shayad wo apni boat se nadi me gir gaya tha.. aur kisi terah rengety huey jangle me pahcuh gaya.. lekin ek bahut ajeeb cheej jo doctors ne notice ki thi wo tha uske muh pe bana wo nishan.. same waisa nishan jaisa uss shaitaan ke muh pe tha.. jaise kee uska pura muh kaat diya gaya ho.. police ki theory thi ki shayad apni boat se girne ke bad jab wo nadi me tairta hua ja raha hoga to kisi dusri motor boat ke proepeller ke chapet me aa gaya hoga.. aur usi se uska muh kat gaya hoga.. uska mobile phone bhi us ki pocket me mila tha.. lekin usse koi details recover nahi ki jaa saki.. sach batau to apne bhai ki maut ki khabar se mujhey jitna shock lagna tha utna laga nahi.. shayad isliye kee main pehle se hee iss cheej ke liye mentally prepared ho chuki thi.. pata nahi wo kya tha.. jisko uss rat jangle me maine dekha tha.. lekin mujhey pura yakeen tha kee mere bhai ki maut pani me doobne se nahi balki usi shaitan ki wajah se hui hai..
=================================================
main america ke grand canyon national park nam ke jungle me ranger ka kaam karta hoon.. meri job mujhey bahut pasand hai.. kyuki is job me mujhye har roj naye naye logo se milne ka moka milta hai. upar se iss khoobsurat jangle me nokri karne ka ek alag hi maja hai.. lekin iss khoobsurat jangle ke peechey kuch aisi cheejein bhi chupi hain jinse agar aapka samna na ho to hee aapke liye behtar hai..
sath hee apako bata du kee iss jangle ki boundary novaho naamak ek kabeele se mili hui hai.. ham aksar uss taraf patrolling ke liye jate rehtey hain.. aap me se jo log nahi jante unko batadu novaho naam ke liye kabeela wendigo nam ke shaitan ke liye jana jaata hai.. batate hain kee iss kabeele me saikdo saal pehle kisi shraap se ye wendigo nam ka shaitaan paisa hua tha.. jangle me ghumne aane wale tourists aksar mujhseye k hee sawal puchtey hain.. aapne bhi kabhi koi wnedigo dekha kya.. mera na to aisi kisi shiataan se kabhi koi samna hua tha aur na he emain aisi bachkani baato par yakeen karta tha.. lekin main galat tha.. ek din aise hee jangle me patrolling karte huey jab main uss kabeele kee taraf wale ilake me pahcuha to mujhey wahan ek budha aadmi mila.. 70 ke aaspas umar hogi hogi.. jhuki hui kamar.. aur jo kapde usne pehne they dekhne se pata chal raha tha kee wo wahan ke local tribe se belong karta hai.. mujhey laga shayad ye budha aadmi kahin rasta to nahi bhul gaya.. to main jaldi se uske pas gaya aur usse puchne laga.. aap.. theek to hain.. kahan jana hai aapko..
lekin mere uske pas jate hee.. usne mere hath pakad liya.. bahut jor se.. matlab kee ek budha aadmi itni jor se pakad sakta tha maine ummeed nahi ki thi.. hath pakad ke wo seedha meri aankho me dkehta hua halki si awaz me mujhse bola.. main tumhe subah se dhund raha hoon.. lekin tum mujhey ab mile ho.. uski bat sunke mujhey bahut confusion hui.. subah se dhund rahe ho.. kyu..? aap mujhye jante ho kya ? usne bola iss baat se koi fark nahi padta.. lekin uske baad usne jo mujhsey kaha wo sun ke main bhi hairat me pad gaya.. usne mujhsey kaha kee aaj raat tum marne wale ho.. .. aur wo mujhey meri maut ki chetwani dene aaya tha.. uski baat sunke meri to bolti hee band ho gayi.. mujhey samajh nahi aa raha tha main isse kya bolu.. kya matlab hai aapka.. kon hain aap.. maine usse pucha.. usne bataya kee wo sath ke kabeele me rehta hai.. aur unke kabeele me ek aadmi kale jadu kee siddhi kartey heuy buri takato kee bhent chadh gaya.. aur ab wo aadmi ek skinwalker ban chuka hai.. jaise ke miane bataya main ye to janta tha kee ye log skinwalkera ur wendigo jaise shaitano ko mante hain lekin main khud inke upar yakeen nahi karta tha.. mujhey laga shyaad ye budha aadmi pagal ho gaya hai.. jo aisi behki behki baatein kar raha hai.. main uska haath pakad ke unke tribe kee taraf leke jane laga.. pure raste wo bas ek hee baat mujhsey bar bar bole ja raha tha.. kee aaj raat main apne office se bilkul bhi bahar na niklu.. chahe kuch bhi ho jaye.. main bahar jangle me na jaau.. fir kuch der chalne ke bad main unke ilake ke gate pe pahcuh gaya. jahan unke kabeele ke kuch log pehle se khade they.. shayad usi ko dhund rahe they.. hamein wahan dekhtey hee bhaag ke mhamare pas aaye aur uss budhe ko pakad ke apne sath le gaye….main bhi apne office me wapis aa gaya aur apni normal duty karne laga.. baki ka pura din bhi bilkul normal hee gujar gaya.. han ek baccha jarur kho gaya tha.. jo kee khsukismati se hamein andhera hone se pehle hee jangle me mil gaya tha.. khair fir shaam ko andhera hone ke baad main wapis apni unit me chal agaya aur khana kha ke rest karne laga.. apne bed pe leta main ek book padh hee raha tha kee achanak se mujhey baharse ek bahut hee bhayanak cheekh sunai dee.. awaz jyada tej to nahi thi lekin maine usko saf saf suna tha.. main jaldi se apna radio phone uthaya ye dekhne ke liye kee shayad kisi dusre ranger ne bhi wo cheekh suni ho aur wo radio par bataye.. lekin aisa kuch nahi hua.. kuch der radio hath me lene ke bad maine bhi jyada dhyan nahi diya.. aur radio side me rkah ke wpais se let ke apni book padhne laga.. lekin fir thdoi der bad wahi cheek mujhey fir se sunai thi.. antar bas itna tha kee iss bar wo mujhey bahut paas se aayi lag rahi thi.. mujhey hairani thi kee mere alawa kisi aur ne wo awaz nahi suni thi.. main utha uar apne boots pehan ke bahar nikal gaya.. lekin maine ek galti kar di.. main apni pistol lana bhool gaya.. jangle bilkul shaant tha.. jiski wajah se door jaadiyo me hoti uss halchal ko bhi sun paa raha tha.. abb main kuch hee kadam door gaya tha kee mujhey wahi cheekh fir se sunai dee.. is bar maine usko saf saf suna tha. awaz aisi thi jaise koi janwar dard me cheekh raha ho.. aur wo awaz samne ek ped ke peechey se aayi thi.. main dheere dheere uss ped kee taraf badh hee raha tha kee achanak se mere kadam ruk gaye.. kyuki us sped ke peechey se koi cheej samne aa gayi thi.. mujhey nahi pata wo kya tha.. lekin wo apne chaaro pairo par khada ajeeb hee tareeke se gurra raha tha.. uske mooh se jhaag nikal rahe they. usko theek se dekhne ke liye maine apni flashlight uske upar mari.. lekin ye meri bahut badi galti thi.. kyuki aisa karte hee gurrate huey seedha meri taraf dekhne laga.. mujhey pata tha ye jo kuch bhi hai bahut hee khatarnaak hai.. mere pas apne aap ko bachan ke liye koi hathiyar bhi nahi tha.. main usi waqt palta aur wahan se bhaagne laga.. khushkismati se hamara station wahan se jyada door nahi tha.. main bhagta hua station ke andar gaya aur andar se darwaja lock kar diya.. fir main seedha apne security room me gaya jahan se sare cctv cameras dekhe ja sakte they.. gate par lage camere me maine dekha kee wo janwar gate ke samne khada kuch chaba raha tha.. lekin wo kya tha aur kya chaba raha tha ye samajh nahi aa raha tha.. aur fir kuch minute wahin kahde rehne ke bad wo palta aur wahan se wapis chala gaya.. agli subah maine apne sathiyo ko iss bare me bataya to rat ki video footage dekh ke wo sab bhi hairaan reh gaye.. kisi ko nahi pata tha kee wo kya cheej hai..uss raat ke bad se main apni duty par aur jyada sambhal ke rehne laga tha khaskaar raat ke samay.. halaki uss rat ke bad maine aisi kisi cheej ko fir kabhi nahi dekha.. lekin uss budhe aadmi kee baat aaj bhi mujhey yad hai raat ke samay iss jangle me shaitaan ghumta hai..
================================
main jo kahani aapko batane ja raha hoon ye mujhey mere ek uncle ne batai thi..mere uncle canada ke ek bahut bade jangle me ranger ka kaam karte hain.. picle do salo se jab se corona aaya hai tab se jangle me ghumne aane wale log kam to huey hain lekin fir bhi unko apni routine duty ke liye jangle me patrolling ke liye jana hee padta hai.. to ek baar mere uncle jangle ke bahut andar ke hisse me patrolling ke liye gaye they.. asal me jangle ghumne aane wale kuch logo ne ye complaint kee thi kee unhonhe jangle me kkuch ajeeb se logo ko ghumtey dkeha hai.. jo janwaro ki khodiya pehne huey they.. sath hee bata doon kee in jangalo me kuch bahut purane tribes bhi rehtey hain jahan log iss terah kee ajeeb cheejein karte hain.. mere uncle batate hain ke ye log waise to shehr se aane wale logo se door hee rehte hain.. lekin kabhikabhi ye bahut khatarnaak bhi ho jate hain.. uncle batate hain kee us din teen ghante jangle me paidal chalne ke baad wo uss jagah pahcuhe to pehli najar me to sab kuch normal lag raha tha.. lekin wahan se thoda aur aage jane par unhone notice kiya kee wahan pedo par ajeeb he terah ke nishaan bane they.. jaise kee unpe kuch likha ho.. kisi ajeeb si hee language me..
lekin unhe aisa kuch nahi mila jo ke khatarnaak ho.. ya jis se kisi ko koi khatra ho.. wo sardiyo ka tima tha.. aur inn ghane jangalo me andhera bahut jaldi hee ho jata hai.. uss area ko check karte karte unko sham ho gayi.. uncle ne apne base par call karke bataya kee wo log wapis aa rahe hain unko kuch bhi suspicious nahi mila. ab mere uncle aur unke dono ek dusre se baatein karte a ahee rahe thye kee ek jagah unke sathi ko toilet jane kee jarrat mehsoos hui to thodi side me toilet karne chale gaye.. uncle wahin khade unke aana ka wait kar rahe they..lekin kareeb 15 minute baad bhi unka sathi wapis nahi aaya to uncle usko aawazein lagane lage.. lekin tabhi uncle ne ek ajeeb si cheej notice kee. pura jangle bilkul shaant ho chuka tha.. yahan tak kee hawa aur patto kee awazein bhi nahi aa rahi thi.. uncle ko laga ke kahin unka dost unke sath prank to nahi kar raha.. wo waise bhi thoda majakiya tyepe ka tha.. lekin aisa nahi tha.. aur uncle ko ye smajhte der nahi lagi kee yahan pakka kuch gadbad hai.. aur tabhi mere uncle ko apne side se ek ajeeb si awaz aati sunai dee.. uncle ne dhyaan suna to wo unke dost ki awaz thi.. john idhar aao.. mujhey tumhari jarurat hai.. apne dost ki awaz sunke mere uncle teji se uss taraf jane lage jahan se wo awaz aa rahi thi. lekin kareeb 20 kadam door jane ke baad unhone ek cheej notice kee.. wo unke dost kee awaz nahi thi.. mera matlab agar koi kisi musibat me ho to apni puri takat se awaz lagegea.. aur uski tone bhi alag hogi.. lekin ye awaz aisi thi jaise koi tape recorder chal raha ho.. mere uncle ke pas unki rifle bhi thi.. unhone hat se apni rifle taan li aur torch light ke madad se aage badhne lage.. aur fir kcuh he kadam chalne ke bad unko wo dikhai diya.. samne bade bade pedo ke beech bani ek choti si gufa ke bahar khada tha.. wo itna lamba tha ke koi insan to ho hee nahi sakta tha.. na hee uska koi gender tha.. bilkul patla .. aur sir par bade bade seengh they.. ek bar ke liye uncle ko laga kee ye shayad jangle ke kisi tribe ka koi aadmi hai jo kisi heeran ka sir apne sir pe rakh ke ghum raha hai.. lekin aisa nahi tha.. wo koi insan nahi tha.. unka romrom khada ho gaya.. aur fir wo uncle kee taraf badhne laga.. uncle uspe chillaye.. ruk jaao.. nahi to goli maar dunga.. lekin tabhi wo shiataan unke dost kee awaz me unse bola.. john.. idhar aao.. mujheytumhari jarurat hai..
ab mere uncle ko samjahtey der nahi lagi kee ye to kuchaur hee bala hai.. uncle me hawa me ek fire kee..aur apni puri takat se wahan se bhaagne lage.. uncle batate han kee unko pata hee nahi tha kee wo kiss taraf bhaag rahe hain.. unhe apni disha ka koi andaja nahi tha.. lekin bahut der bhaagne ke bad jab unhe yakeen ho gaya kee wo shaitan ab unke peechey nahi hain.. wo ek jagah jake ruk gaye aur puri raat wahin bitayi.. fir agli subah wo apne base par wapis pahcuhe to unka dost john pehle se hee base par maujood tha.. sune bataya ke usne uncle ko awazein lagate suna tha.. lekin wo unko dhund nahi paaya.. khuskismati se uss rat wo dono sahi salamt bach gaye they.. mere uncle ko pura yakeen hai kee uss raat jis shaitaan ko unhone dkeha tha wo koi aur nahi balki ek wendigo tha..
—————————-

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!