Indian Horror Stories

Hindi Horror Stories. Episode-269. Indian Horror Stories

Hindi Horror Stories

Mai Jharkhand ke Giridih ki rehne wali hoon. maine pehle bhi aapko kuch kahaniya bheji thi.. aaj main kuch auri sacchi kahaniyo ke bare me batana chahti hoon.. ye pehli kahani tab ki hai jab meri maa bahut choti thi.. unka gaon bihar ke samastipur me padta hai.. to hua aisa tha kee ek baar unke gaon me ek shaadi thi.. gaon ke sab aadmi barat me gaye huey they.. lekin aurtain baraat me nahi jaya karti thi.. to barat jane ke baad kuch aurtein nadi me nahane ke liye gayi thi.. unhi aurto me ek family kee 3 choi ladkiya bhi nadi me khel rahi thi.. nahane ke baad sab aurtein nadi se bahar nikalne lagi.. aurto ne unn teeno ko bhi bahar nikalne ke liye aawaz di. lekin wo teeno nadi me aur thodi der khelne kee jidd karne lagi.. to sab aurtein nadi ke bahar hee khadi hoke baatein karne lagi.. lekin tabhi nadi me khelte kheltey wo teeno behne pani me beh gayi.. ume se sabse badi ka naam gudiya. aur baki do ka naam kanchan aur raani tha.. rani sabse choti thi.. gudiya aur raani sabse aage thi aur kanchan piche.. unko behta dekh aurtein chillane lagi.. to ek aurat ne nadi me kood ke kanchan ko pakad liya.. wo purnima kee rat thi.. isi beech ek baba bhi wahan se puja karke wapis jaa raha tha.. to aurto ke chillane kee awaz sun ke wo baba nadi me kood gaye aur raani aur gudiya ko pakadne kee koshsih karne lagi.. lekin uss waqt unko neechey se shayad koi budhwa kheech rahi thi.. buddhwa ek aisi aatma hoti hai jinki maut pani me dubne se hoti hai.. bahut koshsih karne par baba ne kisi terah raani ke baal pakad ke usko bacha liya… lekin wo gudiya ko nahi bacha paye.. gudiya nadi me hee beh gayi.. uss baba ne rani ko to bacha liya tha lekin log batate hain kee iske baad rani ko kuch ho gaya tha.. uska dimaag theek se kam nahi karta tha.. wo din bhar soti aur fir achanak se uthke jor jor se gudiya kaa nam leke chillane lagti.. jabki gudiya jo ki doob ke mar gayi thi .. wo ab ek budhwa ban chuki thi.. rat me jo bhi aadmi toilet ke liye nadi ke pas jata usko wo pakka nadi ke upar khadi dikhai deti.. logo ko dkehke uski aatma jor se chillati.. bolti maai. hamko bhi apne sath le chalo.. hamko kahe nahi bachaye.. hamko bhi jeena hai.. rani ke sath khelna hai.. ye kehtey heuy wo bahut roti thi… jab uske maa bap ko iss bare me pata chala to unhone gaya me uska pind daan karwaya jiske kuch din baad wo dikhna band ho gayi.. lekin rani ka bahut ilaaj karwane ke baad bhi aaj tak uski halat theek nahi ho saki hai..

hamare yahan giridih me bahut pehle ek cinema hall hua karta tha.. jisme har night show me ek muder pakka hota tha.. murder hone ke kuch din bad tak to hall band rehta lekin fir uska malik police ko paise khila deta aur hall fir se chalu ho jata.. fir ek din ek taantrik ek aam admi ke bhesh me uss hall me gaya ye dekhne ke liye kee wahan aisa kya hai.. hall me pura house full tha.. lekin hall me jake usne dekha kee hall me kuch sir hawa me ghoom rahe they.. wo samajh gaya kee iss jagah jarur kuch gadbad hai.. to usne uss hall ke malik se baat kee aur uss jameen kee janch partaal ki to pata chala kee pehle wahan ek khet padta tha.. angrejo ke jamane me angrejo ne wahna bahut se logo ko maar ke gaada tha.. fir baad me uss jagah industry bana di gayi.. aur fir kuch time bad wo cinema hall wahan banaya gaya.. uss tantrik ne uss jagah apni tantrik kriya karke unn aatmao se baat kee to aatmao ne wahan apne liye ek alag jagah banane ko kaha.. uss maalik ne waisa hee kiya.. jiske baad wo aatmayein shaant ho gayi.. aur wo sab cheejein wahan hona band ho gaya.. lekin aaspaas ke sab logo ko iss bare me pata chal gaya kee wo jagah bhootiya hai.. logo ne wahan jana band kar diya aur aakhir me wo hall band ho gaya.. fir usske malik ne uss cinema hall ko tudwa ke wahan ek bangla banwaya.. lekin wo bangla hamesha band rehta hai.

ye agli kahani meri ek frend Tina kee hai.. tina ke papa engineer hai.. to hua ais atha kee ek bar uske papa kee posting ek chote se shehar me hui thi.. wahan rehne ke liye unko shehar kee taraf ek sasta se ghar ki jarurat thi.. kyuki tab unke paas jyada paise nahi hote they.. fir thoda dhundne par unko shehar me ek acha sa ghar mil gaya.. wo ghar kafi bada tha aur unko bahut saste me mil gaya tha.. tina kee mummy ko wo ghar bahut pasand tha.. un logo ko uss ghar me bas 6 mahine tak hee rehna tha.. uske baad wo log apna ghar lene wwale they.. tina kee ek choti behan thi jo tab bas 3 saal ki thi.. wo theek se bol bhi nahi paati thi.. unke ghar ka aanan khula tha.. to aksar jab uski choti behan aangan me khel rahi hoti to upar chatt kee taraf dekhne hansne lagti.. uski mummy usse puchti to wo bolti kee usey baaba dekhte hain.. suru shuru me to uski mummy ne iss baat ko ignroe kiya lekin fir wo hamesha idhar udhar dekh ke hansne lagti.. jab uski mummy usey khana khilati to wo bolti kee baba bhi khana khaega.. fir ek din wo boli kee baba mujhey khelne ke liye bulata hai.. dheere dheere wo beemar padne lagi. doctors ko bhi dikhaya.. lekin dawaiyon ka koi asar nahi hua.. fir un aunty ko aspas ke logo se pata chala kee uss ghar me kareeb 45 sal ke ek aadmi ne phaansi laga li thi.. jiske baad uske bete ne wo ghar kisi aur ko bech diya.. ye bat pata chaltey hee aunty samajh gayi aur apne dono baccho ko lekar ane maike chali gayi.. unke hubsnad bhi raat me apne dosto ke yahin sone chale jate they.. mayke jaatey hee unki beti kee tabiyat thek hone lagi.. fir kuch time unhone ek dusre area apna khud ka makan khareed liya.. fir aakhir baar jab wo saman lene ke liye uss ghar me gaye to ghar me tala lagatey huey unke husband ko ghar me aangan me ek aadmi hansta hua khada dikhai diya.. wo unko ek jhalak dikha aur fir wahan se gayab ho gaya..

ye agli kahani mujhey meri frend sahita ne batayi thi.. sahita ke papa kee nayi nayi posting ajastha ke ek gaon me hui thi.. uss waqt sahita bahut choti thi.. uska ek chota bhai bhi tha.. rehne ke liye uske papa ko company ki taraf se ek ghar bhi mila tha.. aur uss ghar ke theek samne ek kila tha.. wo kila asal me wahan ke raja ke darbar kee nritkiyo ka nivaas tha.. jab wo uss ghar me rehne gaye to uss gaon ke sarpanch ne uske papa ko wahan rehne ko mana bhi kiya thaaur kaha tha kee agar aapko yahan rehna hee hai to aap uss kile kee taraf wali khidki to bilkul bhi mat kholna.. lekin unke uss ghar me aane se pehle hee unki company ne ghar kee sab khidkiya khol di thi.. unke ghar kee jo khidki uss kile ke theek samne padti thi usse wo kamra saaf dikhai padta tha jisme wo nritaki raha karti thi.. unke papa kee night shift me duty lagti thi.. isliye raat me sahita aur uska bhai apni mummy ke sath hee soya karte they.. leki fir kuch dino bad achaanak uska bhai beemar pad gaya.. dawaiyo ka bhi koi asar nahi ho raha tha.. fir kuch dino bad ek raat uski mummy ki aankh khuli to unhone dkeha kee unak beta khidki se bahar dekh raha tha aur ajeeb hee tareh se muskura raha tha.. uski mummy ne bahar dekha to samne uss kile ke kamre se ghungru se aawazein aa rahi thi.. aur kisi ladki ka ek dhundla sa saya najar aa raha tha.. jaise kee wo wahan naach rahi ho.. nachtey nachtey wo beech beech me unke bete kee taraf dekhti.. ye dkeh ke uski mummy ne jaldi s ekhidki band kee aur uske bhaai ko sula diya.. lekin fir agli subah jab unki aankh khuli to dekha kee unke bete kee maut ho chuki thi.. aur wo khidki bhi khuli hui thi jo raat me unhone band ki thi.. uski mumy bahut royi.. fir iske 3-4 din baad sahita kee bhi tabiyat kharab hone lagi.. wo bahut patli ho gayi thi.. uske gharwalo ne uska ilaaj karwane kee har terah se koshish kee lekin koi usko theek nahi kar paya.. fir ek din achanak uske papa kee company ne nki posting giridih me kar di.. lekin uss ghar se aate huey sahita wo ghar chor ke jaane ko bilkul tayyar nahi ho rahi thi.. to unhone kisi terah usko neend ka injection lagaya aur tab jaake wo usey uss ghar se laa paye.. nayi jagah jane ke baad uski tabiyat bhi apne aap theek hone lagi.. uski mummy aaj bhi apne bete ko yad kar ke roti hain.. sahita aaj bhi baki logo se bahut patli aur kamjor hai.. koi bhi viral bacterial disease sabse pehle uske upar asar karti hai.. lekin itni ganimat hai ki wo aaj bhi jinda hai..

ye wali kahani mujhey mere ek frend Rishhi ne batayi thi.. Rishi ke gaon ke ghar ke aage ek mandir hai.. jisse thoda door ek talab padta hai.. gao ke log batate hain kee wo talab shraapit hai.. isliye andera hone ke baad koi uss talaab ke pas nahi jata.. lekin fir bhi har mahine koi na koi uss talab me maara jaata hai.. to hua aisa kee ek baar rishi ke papa raat ke samay kuch saman lekar gaaon wapis laut rahe they.. wo amavas ki raat thi.. aasman me badal bhi chaaye huey they.. to jab wo uss talab ke samne se aane lage to unko ek aadmi kee awaz sunai di.. jo unhe madad ke liye bula raha tha.. aawaz sun ke wo uss taraf jane lage lekin tabhi kisi ne unka haath pakad ke unhe peechey kheech liya.. wo tabhi apne hosh mee aaye to dekha kee wo bas ek kadam hee uss talab se door they.. jiss aadmi ne unhe bachaya tha wo usi gaon ka aadmi tha.. usne bataya kee ye talab asal me ek rakshas hai.. jo aajtak na jane kitno logo ko khaa chuka hai.. uss din to rishi ke papa kee jaan bach gayi.. lekin fir kuch din baad gaon ke ek dhobi kee laash us talab ke paas padi mili.. gaon ke log bole kee iss rakshas ne apna iss mahine ka quota pura liya hai..
ham sabhi dosto aapas me horror stories sunane me bahut maja aata tha.. ham daily ek dusre ko horror stories sunaya karte they.. free time milta nahi ki ham start ho jate.. lekin ye hamari bahut badi bhool thi.. dosto main aapko bata doon kee in sab shakitiyo ka ek alag aura hota hai.. jaise agar hm din bhar positive affirmations bolte hai to universe hme positive energy deta hai waise hi iska opposite side bhi hota hai. karib 1 hafta beet gaya aur ab hm sab ke sath ajeeb ajeeb chize hone lgi.. bure bure sapne aana, toilet ke liy raat me jane pr bulb ka apne aap on off hona.. ajeeb sa mehsus hona. sayad aplogo ko ye bat ajeeb lage lge par hm log in cheejo se bahut disturb ho gye they aur aakhir me hamne bhooto kee kahaniya sunna sunana band kar diya.. aur aise karte hee jaise ye sb start hua tha waise hi sb band hogya. Dosto main aap logo se yahi kahungi kee aap kabhi bhi in shaktiyo ka majak na banaye.. warna agar ye shaktiya aapke sath majak karne lagengi to aapki jaan bhi ja sakti hai..
===================================
ye kai saal pehle kee baat hai.. hamare school me ek competition hone wala tha jisme hamein martial arts sikha rahe they.. uss comptetion kee tayyari ke liye hamein har shaam 5-8 baje kee beech school jana hota tha.. martial arts trainign ke liye. to ek din jab ham aakhri bar trainign ke liye school pahuche to hamein pata chala kee aaj hamare sir ko aane me der hogi to ham sab dosto ne decide kiya kee ham school ke chatt par jaake masti karenge.. aur fir peechey church me jaenge aur fir wahan jo kabristaan padta hai usme bhi ghum ke aaenge.. fir ham sab ikattha huey aur school kee chatt par chale gaye.. chatt pe ham sab dost idhar udhar ghoom ke neechey dekh hee rahe they kee tabhi hamare ek dost rishabbh ko kisi ne dhakka de diya.. wo neechey girte girtey bacha.. rishabh gusse me bola kee mujhey dhakka kisne diya.. main neechey girte girte bacha hoon.. fir ham sab dost chatt se utarke school kee church me chale gaye.. aur fir wahan kuch der ghumne ke bad ham pechey kabrsitan me chale gaye.. ham kabrsitan me gay ehe ethey kee pata chala sir school me aa gaye hain.. to fir ham sab trainign ke liye school me chale gaye.. lekin traning start karne se pehle sir ne music system on kiya to music 2-3 minute tak to theek chala lekin fir usme ajeeb ajeeb aawazein aane lagi.. to sir ne pareshan hoke music system band kar diya.. fir traning khatam hone ke baad ham dosto ne kuch der baatein kee aur fir ham sab ghar jane ke liye nikalne lage.. cycle stand se ham apni cycle lekar nikal rahe they to mera ek dost divyanshu wahi kada tha.. usne hamein bye bola to maine usse pucha kee tu ghar nahi ja raha kya .. wo bola nahi.. tum sab jao. meri mummy mujhey lene aa rahi hain main unhi ke sath jaunga.. to hamne usse kaha theek hai.. tu ghar pahuch ke hamein phone kar diyo.. usne kaha theek hai.. aur fir ham sab apne apne ghar jane ke liye nikal gaye.. hamare sir bhi usi time apni bike se nikal gaye they.. fir ghar pahuch ke maine apne dost divyanshu ko phone karke pucha ki tu ghar pahucha ya nahi to usne jo bataya wo sunke to mere hosh hee udd gaye.. usne bataya kee wo to aaj trainig ke liye aaya hee nahi tha.. kyuki dopahar me school se aate samay uske pair me chot chot lag gayi thi. isliye wo trainign ke liye nahi aa saka.. lekin hamne to divyanshu ko apni aankho se dekha tha.. pata nahi wo kya cheej thi jo hamare dost ka roop lekar hamare beech aaya tha..
===============================================
mera naam gaurav hai.. main gwalior ka rehne wala hoon.. ye 2012 kee baat hai.. jab ye afwahein chal rahi thi kee ab duniya khatam hone wali hai.. hamin bachpan se he bhooto aur chudailo kee kahnaiyaan sunta aaya hoon aur in sab cheejo par pura vishwas karta tha.. hamare gwalior me log kehtey hain kee hamein kabhi bhi aag paani andhere aur unchai ko gaur se nahi dekhna chahiye… mujhey aaj bhi wo din bahut ache se yaad hai jab mera pehli baar iss terah ki cheej se samna hua tha.. mere papa bsnl me job karte they aur hamein rehne ke liye hamein thatipur kee p and t me ek flat mila hua tha.. hamara flat third floor par tha aur theek hamari balcony ke samne bahut sare ped they.. peepal aur bargad ke.. paas me hee ek mandir bhi padta tha. to uss raat mera mummy papa se jgahda ho gaya tha.. jiske baad main balcony me jaake baith gaya aur andhere kee taraf dekh ke rota raha… raat ka time tha.. main bilkul akela tha.. tabhi mujhey samne ped ke upar se ek bahut hee ajeeb se aawaz aato sunai di.. awaz aisi thi ki main bata nahi sakta.. lekn mere dhyaan uss taraf nahi gaya.. main bas gusse me roye ja raha tha.. lekin fir kuch de rbad maine mehsoos kiya kee koi mere paas chal raha hai.. mujhey laga shayad papa mujhey manane aaye honge.. to maine apni aankhein band kar li.. wo aawaz aisi thi jaise koi apne pairo ko ghaseet ke chal raha ho.. maine uss taraf dekha bhi.. lekin wahan koi nahi tha.. fir kuch der bad 1 baj ke 20 minute pe mera gussa shant hua to main uth ke andar kee taraf jane laga.. lekn tabhi maine dkeha kee hamari balcony kee chatt pe ek safed kapda latak raha tha.. mujhey laga shaya mummy ne chatt pe kapde sukhane ke liye daale honge .. unhe me se koi kapda neechey latak gaya hoga.. maine uss safed kapde ke pas jaa ke ussko neechey kheecha to wo ekdam se upar kee taraf jane laga.. jaise koi usey upar kheech raha ho.. fir wo kapda pura upar chala gaya aur ek kata hua sir jiski bahut badi badi aankhein thi aur bade bade baal they wo achanak se seedha mere samne aake latak gaya. wo sirf ek sir tha uska koi shareer nahi tha.. wo dekh ke main bahut darr gaya aur bhaag ke sedha apne bistar me chala gaya.. wo pehli baar tha jab maine pani life me aisi kisi cheej ka samna kiya tha.. lekin maine iss bare me kisi ko kuch nahi batyaa.. kyuki mujhey ata ki koi meri bat par yakeen nahi karega.. 2 din gujar gaye.. main bhi iss bare me bhool gaya tha.. lekin fir teesri raat jab main akele apne room me computer me movie dkeh raha tha to mujhey wahi same aawaz fir se aati mehsoos hui.. main room me akela tha.. aur time wahi 1 bajj ke 20 minute ho rakha tha. maine socha jo koi bhi ghar ke bahar hee hai ghar ke andar to nahi aa sakta.. aur fir maine tej volume me music on kar diya.. lekin wo aawaz mujhey abhi bhi aaye ja rahi thi. aisa lag raha tha jais ekoi balcony ke gate pe khada hoke jor jor se saanein le rah ahai.. wo jo kuch bhi tha mujhey wahan apni maujoodgi ka ehsaas karwana chahta tha.. sardiyo ke mausam me bhi mujhey paseena nikalne laga tha.. main har aawaz ko dhyaan se sun raha tha.. aur tabhi usne balcony ke darwaje ko halke halke bajana shuru kar diya.. mujhey bahut darr lag raha tha.. samajh hee nahi aa raha tha ki kya karun.. mere papa Balaji sarkar ki pooja karte h .. aur hanumanji ji ke bahut bade bhakt h …. to maine balaji ka naam liya aur sari lights on kar di.. balkani ka balb bhi jala diya.. fir Jab mene apni khidki se bahar dekha toh meri jaan hi nikal gayi .. Khidki ke pas cooler rakha thaa .. wahi uske pas ek lamba sa admi khada thaa jo bar bar cooler ko hilaye ja raha thaa.. yea dekh main bahut jada darr gaya.. bulb ki roshni me main usko saf saf dekh pa raha tha.. wo aisa lag raha tha jaise saudi arabia se aaya ho.. usne safed kapde pehne huey they.. ye dekh ke main seedha bhaagtey huey apne papa ke kamre me gaya aur sabko utha diya. meri halat dekh ke papa samajh gaye kee pakka kuch gadbad hai.. lekin papa bole kee tune jarur koi bura sapna dekh liya hoga.. jaake apne chote bhai behan ke sath so ja.. fir mummy papa ne balcony me jaa ke check bhi kiya.. lekin wahan koi nahi tha.. Sach batau to ye meri life k aise pal they jike bare me maine aajtak kisi ko nahi bataya.. lekin Tab se lekar aaj tak mere saath tak aisa kuch na kuch hota chala aa raha h. lekin ab mujhey inn cheejo ki adat si ho gayi hai.. abb mujhey in cheejo se darr nahi lagta.. Magar ab inn sab ki adat ho gayi h ab darr nahi lagta .. aaj mere papa bhi hamare sath nahi hai.. 5 mahine pehle unki cancer se maut ho gayi.. lekin wo abhi bhi mujhey mere aaspas mehsoos hotey hain.. ye sach hai kee maine aag paani andhere aur unchai ko kabhi gaur se nahi dekhna chahiye.. kyuki ye cheejein insaan ko apni taraf kheech ke maar dete hain..
===============================================
main jo baat aapko batane ja raha hoon ye sab mere chachaji ke saath aaj se kareeb 25 saal pehle hua tha.. unn dino mere chacha jharkhand ke dhanbaad me raha karte they.. to ek din mere chacha ke ek dost kee maut ho gayi thi.. wo mere chacha ke bahut ache dost they.. aur chacha usi ke antim sanskaar me gaye huey they.. chacha bahut dukhi they.. fir unke ghar pahuch ke sab log unki lash ka daah sanskar ke liye shamshan me le jane lage.. mere chacha bhi unn logo ke sath chale gaye.. shamshaan ghaat me jane ke baad un logo un unki chita jalayi aur fir sab log nadi me utar ke nahane lage.. mere chacha bhi nadi me nahane gaye aur fir bahar aake apne kapde sukhane ke liye daal diye.. isi beech dhoop me baithe baithey chacha ji ki aankh lag gayi.. wo gehri neend me so gaye.. baki sab log jo unke sath aaye they wo sab wahan se chale gaye.. kisi ka dhyaan chacha ji kee taraf nahi gaya.. sote sote raat ke 7 bajj gaye.. andhera ho chuka tha.. tabhi achanak chaha ko koi jor jor se jhakjhor ke unhe uthane laga.. chacha kee aankh khuli to dekha kee ye unka wahi dost tha jiski aaj maut h gayi thi aur jiski chita ko khud unhone thoid der pehle jalaya tha.. unke dost chacha ko jor se hilakakr uthaya aur bole yahan kya kar rahe ho.. apne dost ko aise dekh ke chacha bahut darr gaye.. aur uth ke khade ho gaye.. unhone apne chaaro taraf dekha to dekha kee pure shamshaan me bahut sari parchaiiyan idhar udhar ghum rahi thi.. and nadi ke kindare bilkul patle patle aur 15 feel lambe bahut sare aadmi khade they..
ye sab dekhne ke baad chachi ki halat kharab ho gayi.. unhone jaldi se apne kapde samete aur wahan se jane lage.. unka wo dost abhi bhi unke samne khada tha aur unki taraf dekh raha tha.. uski aankho me ajeeb sa sunapan tha.. aur uska chehra bilkul safed pad chuka tha.. और चाचा के देखते ही देखते उसका सर एक तरफ झूक गया.. chacha ne socha kee agar abhi unhone himmat nahi kee to wo yahin phans jaenge aur pakka mare jaenge.. wahan se bahar jane ke liye ek 100 meter patla sankra rasta tha.. chacha dheere se mudke usi gali se chupchaap bahar nikalne lage..जब वो बाहर निकल रहे थे तो पीछे से बच्चों और औरतों की रोने और चीखने चिल्लाने की आवाज आ रही थी , लेकिन चाचाजी बिना ध्यान दिए हुए वहां से बाहर निकल आए .. बाहर थोड़ी दूर आने के बाद एक फैक्टरी thi.. जब चाचाजी वहां पहुंचे तो वहां कुछ सिक्योरिटी गार्ड khade थे.. unko देख ke chacha kee जान में जान आई .. सिक्योरिटी वालों ने unse पूछा kee तुम इस तरह कहां से आ रहे हो तो चाचाजी ने उन्हें sari baat batayi.. chacha ki baat sunke wo bole kee tumhari kismat achi hai jo tum bach gaye.. itni raat iss terah kee jagaho par kabhi nahi rukna chahiye.. फिर चाचाजी ने वही पर अपने कपड़े बदले और घर चले gaye.. fir agle din wo subah subah उठ कर मेरे दादाजी के एक दोस्त जो की बहुत बड़े तांत्रिक भी थे उनके पास गए और unko raat kee sari baat batayi.. unki baat sunke वो चाचा पर bahut गुस्सा हुए.. फिर उनको chacha ko एक धागा diya aur kaha kee apne dost ka shraadh pura hone tak isko apne hath se mat utarna.. unhone bataya kee tumhare upar tumhari kuldevi kee kripa hai.. aur isi wajah se तुम्हे koi नुकसान नही हुआ ।
===============================================         

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!