Search & Rescue

Forest Ranger Horror Stories in Hindi- Episode-240. Hindi Horror Stories. #HHS #HorrorStories #Bhoot

Jangalo me saalo park ranger ka kaam arte huey main bahut si ajeeb ajeeb cheejo ka samna kiya hai.. ajeeb aur darawni cheejein.. lekin kahaniyaan batate huye main koshish karunga kee apni identity chupa ke rakhu.. jinn jangalo me maine kaam kiya hai.. un jangalo ke naamo se ekar jagaho ke naam tak main aapko nahi bata sakta.. kyuki aisa karne se mere depratment ke aur mere sath kam karne wale log mere bare me jaan sakte hain..
apne bare me batau to maine america ke colarado state me 20 saalo tak park ranger ka kaam kiya hai.. in 20 saalo me main iss state ke kai alag alag jangalo me kaam kiya hain.. ab main ye to nahi kahunga kee maine in jangalo me bhoot ya shaitano ko dkeha hai.. lekin jiss terah kee ghatnaon ka maine samna kiya hai wo bhooto aur shaitaano se kam darawni nahi h..
ye sabse pehla case jomain bata raha hon ye asal me mere career ka bhi pehla aisa ajeeb case tha.. main aapko uss nadi ka nam to nahi bata sakta lekin ye nadi hamare state kee sabse badi nadi hai.. to hua aisa tha kee ek baar ek aadmi hiking karne ke liye jangle me gaya tha aur wappis nahi aaya tha.. tio usko dhundne ke liye jangle me search and rescue mission chalaya gaya.. lekin kai dino kee khoj ke baad bhi uss hiker ka kuch pata nahi chal saka..usse judi koi bhi cheej yahan tak ki uski laash bhi nahi mil saki thi.. wo to bas jaise gayab ho gaya tha.. ye january ke mahine kee baat hai.. fir kareeb 7 ya 8 mahine baad matlab ki july ya august ke mahine me hamein jangle me ek ajeeb se aadmi ke ghumta dekhe janee ke reports mili.. ye aadmi aksar shaam ko ya raat me hee ghumta dikhai deta tha.. aur ye hamesha upar se nechey takkaale kapde pehne rehta tha.. park me ghumne aane wale kai logo ne usko dekha tha..lekin kisi ne bhi usko rok ke usse koi bat nahi kee thi.. pehle to hamein isme aisa kuch ajeeb nahi laga.. kyuki wo bhi jangle me ghumne aaya koi aadmi bhi ho skata tha.. lekin fir wo 3-4 bar mujhey bhi najar aaya..har baar wo mujhey andhere me hee dikhai deta tha.. maine usko rokne kee koshish bhi karta lekin mere awaz dete hee wo pata nahi kahan gayab ho jata tha.. kai bar lagta kee kahin najar ka koi dhokha to nahi hua.. shayad andhere me hee main kuch aur dekha ho.. kyuki aise achanak se koi kaise gayab ho sakta tha.. lekin uski shape bilkul kisi insaan ke jaisi thi.. ab uss hiking par gaye aadmi ka iss kale kapde wale aadmi se kya sambandh hai ye main aapko batata hu. asal me ek din shaam ke time main uss nadi ke sath sath patrolling kar raha tha.. tabhi mujhey aage pedo ke beech wahi kale kapdo wali aadmi dikhai diya.. wo jiss jagah mujhey jaata dikh raha tha.. wo rasta aam logo ke liye bilkul band tha.. matlab ki ghumne ane wale tourists uss raste par nahi ja sakte they..lkein ham rangers ja sakte they.. ham sab rangers kai dino uss aadmi ko pakadne kee firaak me they.. wo hamko sabko hee chakma diye ja rahha tha.. to uss sham jab maine usko jate dekha.. to maine man bana liya tha kee aaj to iske thikane ka pata laga ke hee rahunga.. main janta tha kee agar maine isey awaz dee to hamesha kee terah kahin gayab ho jaega.. isliye main bina usey awaz diye dheere dheere uske peechey peechey jane laga.. aage ek jagah pahadi ilaka bhi padta tha.. lekin wo un bade bade pattharo ko bilkul asani se paar karta ja raha tha.. maine bhi haar nahi maani.. bas kisi terah uska peecha karta raha.. uske peeechey main kareeb 2 kilometer door tak gaya tha kee ek jagah mujhey ek bag pada dikhai diya.. maine uss bag ko dkehne ke liye 2 second ke liye apni najar ghumai hee thi kee wo kale kapde wala aadmi wahan se gayab ho gaya.. pata nahi achanak se kahan chala gaya tha.. maine uss bag ko check kiya to uski halat bahut kharab thi.. buri terah kata fata hua tha.. bad me pata chala kee wo bag asal meusi aadmi ka tha jo january me jangle se gayab ho gaya tha.. tab to uske dhundne ke kaam ko band kar diya gaya tha.. lekin wo bag milne ke baad fir se uss ilake kee chaanbeen shuru kee gayi.. to jis jagah mujhey wo bag mila tha.. us se kareeb 50 kadam door ek jagah par hamein bahut sari haddiya dabi mili..wo haddiya usi aadmi ki thi.. uss aadmi ko jameen me gad diya gaya tha.. lekin sabse ajeeb bat ye thi.. kee wo aadmi january me gayab hua tha.. jabki uski haddiyo ki halat aisi thi ki wo saikdo saalo se wahan daba hua hai.. haddiya galne lagi thi..uske kapdo aur baki cheejo ka to koi nishan bhi nahi bacha tha.. lekin dna analysis se ye saaf tha kee ye usi aadmi ki haddiya hain.. iss pure wakye me ye to saf tha kee us aadmi ka khoon kiya gaya hai.. kyuki w apne aap to wahan dab nahi sakta tha.. to ab agla sawal ye tha kee aisa kiya kisne.. seedha seedha shak us kale kapde wale aadmi ke upar tha.. lekin agar usne wo khoon kiya tha usne mujhey usski laash tak kyu pahuchaya.. khair iss ghatna ke bad agle kai dino tak hamari puri team ko high alert par rakha gaya.. aane jane wale logo ko bhi bata diya gaya kee jangle me kaale kapde pehne koi aami ghumta dikhai de to bilkul uske pas na jaye aur jaldi se hamein call karein.. lekin ye sab kuch yahin nahi ruka.. agle kuch hafto me.. ye kale kapdo wala aadmi hamare state ke almost sabhi janglao me dekha jane laga..jiska matlab tha kee ye koi akela aadmi nahi hai.. balki inka pura group hai.. lekin fir kareeb ek ded mahine baad inko dkehe jane kee ghatnaiye apne aap ruk gayi.. matlab ki jaise achanak se sab shuru hua tha waise hee achanak se band ho gaya.. hamein aakhir tak pata nahi chal saka kee wo log kon they jo pure state ke jangalo me ghum rahe they.. uss aadmi ke katl me unka haath tha.. ye to main pakke taur par nahi keh sakta lekin jahan takmera khayal hai.. ye log shayad kisi bahut bade cult yani ki ksii panth se jude they.. jo shayad logo ko utha ke unki bali dene kakam karte they.. aur jangalo me ayab hone wale bahut se logo ke gayab hone ke peechey bhi jarur inhi logo ka hath hoga..
ek aur ajeeb case ke bare me batau to ye 1999 ki garmiyo kee baat hai.. Chris nam ke ek aadmi jo peshe se ek machuara tha.. aur jangle me aksar ghumne aate rehta tha.. wo jangle me ajeeb hee tareeke se gayab ho gaya.. hamare state ke ek bahut bade jangle me wo apni puri family ke saath camping ke liye aaya tha.. ek suabh wo log so ke uthey to dkeha kee wo admi apne tent me nahi tha.. uska sleeping bag khali tha.. aaspas uski sab cheejein bhi padi thi.. bas wo aadmi wahan nahi tha.. hamnein uske khone ka pata chala to search operation chalaya gaya.. lekin uska milna to door uske tent se bahar jane tak ka koi nishan nahi mila.. jameen par kadmo ke koi nishan nahi they.. khoji kutto ko operation me lagaya gaya.. kutte uski gandh ka kuch door tak to peecha karte lekin fir jangle ke andar ek 300 feet unchi paahadi ke neecehy jaate hee wo uski gandh kho dete.. jaise kee wo aadmi uss pahadi ke upar hee gaya ho.. jo ki bilkul impossible tha.. ek akele aadmi ke liye bina kisi hiking gear ke uss pahadi ke upar jana impossible tha.. fir kareeb ek mahine baad mujjhey mere ek sathi ne bataya kee jangle me ek jagah ek insani panja ped me ek chaaku se tanga hua mila hai.. matlab ki uss panje ke hatheli me kisi ne chaaku ghused ke usko ped ke tane me latka diya tha.. aap samajh rahe ho.. jab hamein iss bat ka pata chala to hamara kya reaction raha hoga.. kon vehshi darinda ye kam kar skata tha.. khair dna analysis se saf ho gaya ki ye usi aadmi ka hatah hai jo ek mahine pehle gayab hua tha.. lekina jeeb bat ye thi ki ye haath uske gayab hone walijagah se kareeb 10 kilometer door mila tha.. jangle me hiking ke liye aaye ek tourist ne uss hath ko dekha tha aur tab usne hamein report kiya tha.. case ko fir se khola gaya.. aaspas ke area kee janch ki gayi.. lekin aaspas kahin bhi khoon ka koi nishan nahi mila. yahan tak kee kutee bhi uss ped ke 100 metre aage bilkul jaane se hee mana kar dete they.. jo kee bahut ajeeb bat thi.. jo chaaku uss panje me gada mila tha uska bhi test karwaya gaya lekin uspar koi finger prints ya dna sampla nahi the.. ye bhi ek aisa case tha jisme marne wale ke maut ka raz hamesha raaz hee raha.. ek aur cheej iss case ke bare me jo main aapko batana bhool gaya tha wo ye kee .. jab ye case hua tab hamaare yahan dayligt saving time chal raha tha.. simple shabdo me batau to un dino andhera shaam 7.30 baje se pehle nahi hota tha.. lekin uss din jab wo hath jangle me mila tha tab sham kareeb 6 baje ka time tha lekin jangle ke uss ilake me tab tak jaise bilkul andhera cha gaya tha.. jaise kee jaise kee koi cheej hamein uss ilakeme age jane se rok rahi ho.. aapko ye sab batein ho sakta hai sach nalage.. lekin main jo kuch aapko bata raha hoo ye sab mere aur mere saathiyo kee aankho ke samne hua hai..
apne teesre case ke bare me batau to ye 2007 ki baat hai. hamehsa kee terah wo bhi ek bilkul normal din tha.. shaam ke time main akela jangle ke ek ilake me patrolling kar raha tha.. ki tabhi achanak mujhey ek bahut hee ajeeb se smell aane lagi.. smell bahut ajeeb thi.. agar aapne kabhi misi muchli hui laash ko dkeh ho to uske khoon me se ek alag hee smeel aati hai.. bilkul waisi smell thi.. khoon ki.. mujhey laga shyaad aaspas jangali kutto ne kisi heeran ka shikka kar liya hoga.. lekin fir dheere dheere wo smell tej hone lagi..aur tabhi mujhey aisa lagne laga jaie koi mujhye chup chup ke dekh raha hai.. jaise kee mere aaspas koi bahut khatarnaak cheej maujood hai.. main jhat se apni pistol nikal lee kee kahin koi peeche se mujhpe halma bhi kar de to main apne aap ko bacha skau.. jangle me kam karne se pehle hamein self defence ki achi trainig di jaati hai.. main dheere dheere aage badhene laga.. aur tabhi.. mujhey kuch door pedo ke beech brown color ka koi saaya khada dikhai diya.. main ussko saya hee kahunga.. kyuki mujhe nahi pata wo kya tha.. lekin wo jo kuch bhi tha uska kadd kam se kam 8-9 feet lag raha tha.. aur uska pura shareer baalo se bhara hua tha.. wo door se do pedo ke beech me se jaise mujhey chup ke dekh raha tha.. jhaadiyo aur pedo ke beech uske chehre ko samajhne me mujhey 2-3 second lag gayi.. uska chahra bahut ganda tha. jaise lakadbagghe ka muh hota hai bilkul waisa..lekin ye do pairo par kaise khada tha.. aage batane se pehle main aapko bata doon kee maine apne saathoyo se jangalo me bigfoot dekhne jane ke bhi bahut se kisse kisse sune they.. batate they kee bigfoot ka muh kisi bandar ya gorille jaisa hota tha… lekin ye cheej jo mujhey kareeb 30 kadam door thi.. iska muh waisa nahi tha.. iske to muh me na jaane jaise kitne daant bhare lag rahe they.. jinse laar tapak rahi thi.. jaise kutte ke muh se tapakti h..aankhien surkh laal.. woe k haath se ek ped ko pakad ke khada tha.. haath me lambe lambe naakhun they.. jiss terah se wo wahan khada tha.. lag nahi raha tha kee wo gusse me hai.. ya mujhpe hamla karne wala hai.. wo to bas bilkul chupchap wahan khada tha.. jaise koi insan khada hota hai.. jaise wo chahta tha kee main usey dekhu.. lekin ye uski chaal bhi ho sakti thi mujhey phansane kee.. meri ungli pistol ke trigger par sati thi.. main koi chance nahi lena chahta tha… aur fir kareeb 20 second wahan kahde rehne ke baad wo ped ke peechey hua aur wahan se gayab ho gaya.. matlab ki wahan se shayad chala gaya.. mujhey lag raha tha ee kahin ye ghum ke mere peechey se aake mujkhpe hamla na kar de.. jab aap aisi kisi situatin me hote hain jahan aapki jaan ko khatra hota hai to ek ek second apko ek gante kee terah lagti hai..main 5 minute tak bilkul alert position me wahan chaaro taraf dkehta raha.. ab wo smell bhi wahan se jaa chuki thi.. mujhey yakeen ho gaya kee wo wahan se chala gaya hai.. to main jaldi se uss ped ke peechey gaya jahan maine usey kahada dekha tha.. mujhey laga shayad koi surag milega kee ye kya cheej thi.. lekin wahan aisa kuch nahi mila.. na koi baal.. na aur kuch.. andhera hone laga tha.. main apne base par wapis aa gaya.. lekin jatey huey main uss route se wapis nahi gaya jisse main wahan aaya tha.. trainibg me hamein sikhaya gaya tha kee agar kabhi kisi ke pecha karne ka shak ho to aap apna rasta badal lo.. maine bhi waisa hee kiya.. main theek thak base par pahuch gya..
in teen cases ke alawa bhi maine apne career me bahut si ajeeb situations ka samna kiya hai..jinke bare me apako fir kabhi bataunga.. normally hamare department kelog iss terah ki cheejo ko kabhi kisi ko nahi batate kyuki ye cheejein aisi hain kee koi hamari baato par yakeen hee nahi karta… sabko lagta hai kee ham jhuth bol rahe hain.. aur log hamara majak udane lagtey hain.. lekin log chahe kuch bhi kahe.. sakido kilometer me faile in jangalo me ham saalo sal kam karte hain.. aur in jangalo me kaise kaise raaj bhare pade hain.. ye sirf ham hee jaante hain..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

1 Comment

Leave a Reply

Your email address will not be published.

error: Get Lost !!