Indian Horror Stories

Bhoot Story. Horror Stories in HIndi. भूतो की कहानियां. Episode-238. Hindi Horror Stories.

mera naam arya patel hai.. main nepal ke birgunj ka rehne wala hoon.. main jiss ghatna ke bare me aapko bata raha hoon ye mere ek dost ke sth kuch sal pehle hua tha..to hua aisa tha kee ek shaam mera ye dost apni dukaan band ka ke ghar wapis aa raha tha..lekin aate aate usko road ke side me koi khada hua dikhai diya. mera dost ne bataya kee wo juch bhi tha dikh to insan ke jaisa hee raha tha.. lekin wo bahut jeeb sa tha.. wo mere dost ko rok ke unse surti mangne aga.. lekin mera dost surti nahi khata tha.. usne kaha mere pas surti nahi hai.. to wo admi fir se bola.. nahi mujhey suti chahiye.. tu mujhsey surti de.. mera dost bola min surti khata hee nahi hu. tujhey kahan se doon.. lekin uss aadmi ko ye baat samajkh hee nahi a arahi thi.. wo bar bar mere dost se surti ki jidd kiye jaa raha tha.. to aakhir me mere dost gusse me use gaaliya dene laga. bola. challa ja yahan se.. nahi to abhi apne bhayya ko yahan bula dunga.. aur wo teri bahut pitayi karenge.. uske itna kehtey hee wo admi wahan se pata nahi kahan gayab ho gaya.. uske baad mea ye dost har wapis aa gaya.. uss waqt usske mummy papa aur bhai wagera sab tv dekh rahe they.. lekin ghar me aate hee wo kuch kuch badbadane laga.. halki halki aawaz me.. fir usne apni mummy se kaha ki mummy mera sir bahut bhaari ho raha hai.. dard bhi raha hai.. to uski mummy boili kee tu ja ke so ja.. to wo apne kamre me jaate huey bhi kuch kuch badabadate heuy jaa raha tha.. aur tabhi boltey boltey hee wo jameen pe gir pada.. uske bade bhai jaldi se usko uthane gaye to wo usko hila bhi nahi paa rahe they.. uska wajan bahut jyada ho aya tha jabki wo dubla patla sa tha.. aur fir wo sab gharwalo ko gaaliyan dene laga.. bola.. main isko nahi chorunga… main iski jaan leke rahunga..
ye bat sun ke sab gharwale darr gaye.. aur usse puchne lage ke bol tu kon hai.. aur tujhey kya chahiye.. to pehle to wo kuch nahi bola.. lekin fir jab sab gharwale usne puchne lage.. to usne bataya kee maine to bas isse surti maangi thi.. lekin isne mujhey surti nahi di.. balki mujhey aliya dene laga aur bola kee mere bhai ko bol ke tujhey bahut mar padwaunga.. isne mujhey bahut gussa dilwaya isliye maine issey hee pakad liya.. ye sun ke sab log usse maafi magne lage.. bole isey chor do.. ye to bacha hai.. lekin wo manne ko tayyar hee nahi ho raha tha.. bas yahi bole jaa raha tha kee main isko maar ke apne sath le jaunga.. uske bhayya ne yahan tak kaha kee tu isey chor de aur mujhey apne sath le jaa.. lekin wo nahi maana.. isi beech mere dost ke ghar pe uske bade papa aa gaye.. batate hain kee uske bade papa ke upar shankar ji aate hain.. to unke wahan aate hee wo unko dekh ke rone laga.. uske bade ne usse pucha.. tu kon hai.. aur tujhey kya chahiye.. to jo jawab usne diya.. usey sun kar sab hairan reh gaye.. usne kaha kee main ek nahi balki ham do log hain. main aur mera chota bhai.. ek shaam main aur mera chota bhai uss raste se kahin jaa rahe they. tabhi kuch logo ne pakad ke hamein loot liya aur hamko maar ke bori me band kar ke fenk diya.. hamko marne wale wo wo 4 log they.. unme se 3 logo ko to hamne dhund ke maar diya.. lekin 1 abhi tak nahi mila.. ham og usi ko dhund rahe they.. kee ye ladka hamein raste se jata dikhai diya.. mera surti khane ka man tha to maine issey maang li.. lekin ye mujhey gaaliya dene laga.. to main isi ke upar sawar ho gaya.. main isko chor dunga.. lekin isi shart par ki tum log mujhey aur mere bhai ko kahin bandh ke nahi rakhoge.. uske gharwale maan gaye.. aur fir ek ojha ko bulwa ke unhone un dono ki aatmaye ko mere dost ke uar se hatwa diya.. ojha ne usko ek taweej bhi pehnanne ko diya tha.. kaha tha kee isko ek hafte bad kisi nadi me nikaal ke fenk dena.. aaj iss baat ko beete 3 sal ho chuke hai . aur ab wo bilkul theek h.
========================================
Mera naam Bishal hai.. Waise to main kolkata ka rehne wala hoon.. Lekin meri shaadi tripura me hui thi.. Meri shadi ko 9 saal ho chuke hain.. Main jo kuch aapko batane ja raha hoon ye sab mere sath tripura me mere sasuraal me hee hua tha,.. Ye meri shadi hone ke kuch time baad ki hi baat hai. Shadi ke baad jab main pehli baar sasuraal gaya to mujhey pata chala kee unke yahan ye riwaz hta hai kee kisi ghar me agar kisi ki maut hoti hai to laash ko shamshan ghat me na jala ke unhi ki jameeen me hee jalaya jaata hai. Mere sasur ki maut bhi meri shadi se pehle hee ho gayi thi.. Aur unki lash ko bhi unhone ghar ke peechey hee jalaya tha.. Mujhey ye baat thodi ajeeb lagi.. Lekin ye wahan ka reewaz tha.. Khai.. to hau aisa tha kee ek baar jab main apne sasural gaya tha to maine apne sale ke saath sharab peene ka program banaya tha.. Mere sale ka ek dost tha jiska ghar wahan se kareeb 9 kilometer dor padta tha.. Hamne wahin jaake sharab peene ka plan banaya tha.. Sath hee bata du jiss jagah mere sale ke dost ka ghar tha wo pura jangle ka ilaka tha.. To uss din shaam ko main apne sale ke dost uske dost ke yahan chala gaya.. Saath me uske dost ke kuch aur dost bhi aa gaye they.. Ab ham total 6 log ho gaye they.. Uske ghar ke peechey hee ek jangle tha.. Aur hamara usi jangle me hee jaa ke sharab peene ka plan tha.. Wo december ka mahina tha.. Aur jangal ka ilaka hone ke wajah se thand bhi bahut ho gayi thi.. Ghar se nikaltey huey usske dost ke papa ne kaha tha kee tum jangle ke jyada andar mat jaana.. Hamne kaha theek hai.. Aur fir kareeb 6 baje ham jangle me pahcuh gaye.. Wahan pahcuhtey hee hamne jaldi se aag jalane lage.. Aaspas se bahut bahut sari sooki lakdiya aur patte wagera ikattha kiye.. Aur aag jalane ke liye jaise hee machis jalayi tabhi hamein aisa laga jaise koi teji se hamare peechey se bhaag ke gaya ho. Mera sala bola jarur koi janwar hoga.. Lekin mujhey man hee man bahut ajeeb sa lagg raha tha.. Andhera bhi ho gaya tha.. Door jangle me andhere ke beech. Ahm 6 log aag jala ke daaru pee rahe they.. Ye bilkul kisi horror film ke jaisa tha.. Lekin fir 3-4 peg agane ke baad mera sara darr nikal gaya.. Nasha chadhne laga tha.. Peete peete 9 bajj gaye.. Ham 4 bottle lekar aaye they.. Jsime se ham dhaai bottle pee chuke they.. Lekin tabhi ek ladka jiska naam ravi tha.. Wo utha aur thodi door ek ped ke paas jakar ulti karne laga. Wo 5 minute tak ulti hee karta raha… aur fir seedha hamare paas aaya aur sharab kee wo aadhi bachi bottle utha ke neat peene laga.. Lekin ajeeb baat ye thi kee wo kisi chote bacche kee terah apne haath pairo par chalta hua hamare paas aaya tha.. Wo dekh ke ham sab hairaan reh gaye.. Maine pucha ravi.. Ye kya kar rahe ho.. Lekin mere itna kehtey hee usne wo bottle utha ke meri taraf fenk ke maari.. Main bal bal bacha tha.. Sab log gusse se usse bole Ravi ye kya kar rahe ho tum.. Lekin fir ravi ne jo bola wo sun ke to hamara pura nasha ee utar gaya. Ravi ek bhaari si aawaz me bola– “ isne meri jagah ko ulti kar ke ganda kar diya hai.. Main isey nahi chorunga.. “
Mere sale ka ek dost tha jiska naam birbal tha.. Tabhi birbal usse bola.. Aap ravi ko maaf kar do.. Isne janbujh ke aisa nahi kiya.. Issey ye galti anjane me hui hai..
To ravi ke andar wo aatma boli .. nahi.. Main isko nahi chorunga.. Isne meri jagah par ulti ki hai..
Ham paancho me se birbal sabse jyada tagda tha.. Aur ravi bilkul patla sa tha.. Birbal ravi ko pakadne gaya.. Lekin ravi ne usko utha ke patak diya.. Sab log darr ke maare uth khade huey.. Mera sala bola.. Jeeju aag ko aur tej karo.. Wo sab ravi ko pakad ke aag ke samne lekar aaye lekin aag tej ho hi nahi rahi thi.. To maine jaldi se ek sharab ki bottlekholi aur puri ki puri uss aag ke andar khali kar di.. Aag ekdam se bahut tejj ho gayi.. Aur aisa hote hee ravi behosh ho ke neechey gir pada.. Fir ham logo ne bilkul der nahi ki aur jaldi se ravi ko utha ke mere sale ke dost ke ghar le gaye.. Bribal ne hee ravi ko uthaya hua tha.. Lekin jaate jaate ravi ne birbal ke haath pe itni jor se kaat liya ki uske hatah se khoon bhi nikalne laga tha.. Kisi terah ham usko utha ke ghar ke andar le gaye aur usko ek kamre me band kar diya. Aapas ke log bhi ikattha ho gaye they… fir jaldi se gaon ke ek baba ko wahan bulaya gaya.. Kamre ke andar ravi ham sabko gandi gandi gaaliya diye jaa raha tha.. Uske muh se kabhi kisi budhe admi to kabhi kisi aurat kee aawaz aati.. Fir jab wo baba ghar aaye to unhoen kuch mantra padhe aur ek dhaaga uske haath par baandh diya.. Uske baad ravi bilkul shaant ho gaya.. Raat me ravi ko uske dost ke yahin sula diya gaya.. Lekin hamne uska kamra abhi bhi band kiya hua tha.. Aurtabhi. Uske kamre se bakre kee aawaz aane lagi.. Jabki wahan to aspas koi bakra tha hee nahi.. Hamne darwaja kohl ke dkeha to wo aawaz ravi ke muh se hee aa rahi thi.. 3 baje tak aisa hee chalta raha.. Hamne uss baba ko fir se bulaya.. Lekin wo bola kee main isko kaabu me nahi kar paunga.. Unhone hamein paas ke ek gaon me ek maulana ke baare me bataya.. To subah hotey hee ham uss maulana ko wahan lekar aaye.. Ghar aake maulana ne ravi se pucha.. Bata kon hai tu.. ravi bola– nahi bataunga.. Mualan ne fir se pcuah. Lekin ravi ne jawab nahi diya.. To fir naulana ne apne jhole se ek bottle nikali aur thoda sa pani ravi ke chehre par maara.. To ravi jor jor se chillane laga.. Bola chor do mujhey.. Maulana ne fir se pucha.. Bata tu kon hai.. Tow o bola. Mera naam santosh hai.. Isne meri jagah k ulti kar kar ke ganda kiya hai.. Isliye main iske upar aa gaya hoon..
Maualana bole.. Isse galti ho gyi. Tu isse chor de.. Lekin wo aatma maan hee nahi rahi thi.. To aakhir me maulana ne gusse me usse bola kee iss bar tu nahi gaya to maine tujhey hamesha ke liye gulam bana ke apne sath le jaunga.. To wo aatma boli.. Theek hai.. Main chala jaunga.. Lekin jane se pehle mujhey paani peena hai..maulana bole isko ek glaas paani de do. Aur paani peete hee ravi ekdam se behosh hoke gir gaya.. Maulana bola.. Ab sab theek hai. Aur fir unhone usko ek tabeej diya.. Bole isko tum mat utarna ..kuch time bad ye taweej apne aap utar jaega..
Baad me hamein pata chala kee jsis jagah ravi ne ulti ki thi wahan gaon ke hee ek santosh naam ke aaadmi ko jalaya gaya tha.. Aur marne se pehle usne bhi paani maanga tha.. Uss maulana ke paas ek jinn tha.. Jisko uss din usne apne upar bulaya tha.. Aur tab ja ke wo aatma ravi ke shareer se nikalne ko tayyar hui thi.. Jo kuch maine apko bataya ye bilkul sach hai. Aur ye meri aankhoke saamne hee hua tha..
======================================
Mera naam Rudra he. Mein Odisha ke Jagatsinghpur district ka rehene wala hun. main aapkoapne sath ghati ek sacchi ghatna ke bare me batana chahta hoon.. ye saal 2010 ki baat hai.. main tab school me padhta tha. tohua ais atha kee ek bar hamare school ki taraf se kuch bacche scout camp me gaye they.. scout camp ek dusre school me organise kiya gaya tha jo ki hamare school se kareeb 9 kilometer oor padta tha… camp me dusre schools se bhi bacche aaye huey they..
camp 3 din ka tha. ham sab bahut khush they. lekin camp me pahcuhane ke baad maine wahan kuch logo ko baatein karte suna.. kuch bacche bata rahe they kee iss school me camp organise nahi karna chahiye tha.. kyuki ye puri jagah haunted hai.. asal me angrejon ke jamane me us jagahpar angrej apni ek haweli me raha karte they. main aapko school ka nam to nahi bata sakta lekin ye school jiss naam se hai wo angrejo ke jamane me yahan cuttack distrrict ka SP hua karta tha..
uss SP ne bahut se krantikariyo ko maut ke ghaat utara tha. uss time par jo bhi angrejo kii wafadari kartatha usko wo inaam ke taur pe jameeney de diyakarte they.. school kijameen bhi angrejo ne usi sp ko hi inam ke taur par de di thi.. batate hain ke yahan school ke peechey jo brgad keped hain wahan bahut se krantikariyo ko phansi par latka ke mara gaya tha.. fir azaadi ke baad yahan ye school banwa diya gaya.. lekin ye sab baatein tab hamein pata nahi thi.. ye sab hamein bad me pata chala tha.. batatein hain kee jab ye school banwaya ja raha tha tab yahan bahut si mushkilein aati thi.. majduro ko yahan aateime dikhai deti thi.. jaise taise school pura banaya gaya.. schol ke sath me hee ek hostel bhi banaya gaya tha.. fir jab uss hostel me baache aake rehne lage.. tab wahan ajeeb ajeeb cheejein hona shuru ho gayi.. halakikisi kee jaan to nahi gayi.. lekin hostel me rehne se sab bacche darne lage they.. roj roj wahan bacho ko aatemine dikhai dena. ajeeb ajeeb awazein sunai dene lagi thi.. dheere dhheere sab bache no school chor diya.. aur wo hostel khaali ho gaya… ab wahan koi nahi rehta tha.. uss school ko ab sirf functions wagera ke liye hee use kiya jata tha..
khair.. to uss din ham subah subah uss school me pahuch gaye they. din me hamne wahan apni reporting attendance wagera lagwayi aur thoda bahut time paas kiya.. rat me rukne ke liye hamein hostel ka hee ek room diya gaya tha.. raat me ham sab dost khana ke hostel wale apne room me so gaye.. pehli raat kuch bhi ajeeb nahi hua.. fir agle din hamara ek cultural program hona tha jisme mujhey singing karni thi.. shaam ko program khatam hone ke baad main apne room me wapis aa gaya.. tab mere sath mera aur koi dost nahi tha.. lekin room me jane ke bad muje bahut hee ajeeb lagne laga.. aisa lagg raha tha jaise koi bilkul mere pas hai.. aur mujhey ghoore ja raha hai.. lekin kamre me to koi bhi nahi tha.. mujhey laga shayad main nayi jagah pa aaya hoon isliye aisa weham ho raha hoga.. maine jyada dhyaan nahi diya aur usko weham samajh ke bhula diya.. lekin fir ussi raat.. rat me ham sab dost khana khake ke sone ke liye let gaye they.. lekin lete lete mere kuch dost ko toilet lagi to hams ab hostel ke peechey unn bargad ke pedo ke paas chale gaye .. wo sab unn pedo se kareeb 8-10 kadam door khade ho ke toilet karne lage.. bahar koi light nahi lagi thi.. lekin chaand kee roshni itni thi ki sab kuch dikhai de raha tha.. main ek bargad ke ped ke paas jaa ke khada ho gaya.. mere dost toilet kar ke wahin khade ho ke baatein karne lage. wo masti karne ke mood me they.. lekin mujhey neend aa rahi thi tomainw wahin ped ke neechey hee khada raha.. main bilkul uss ped ke neechey khada tha. aur tabhi. mujhey aisa laga jaise mere sir ke upar kuch hil raha hai.. maine pehle to dhyaan nahi diya.. lekin mujye baar bar aisa lag raha tha jaise mere upar kuch hai.. aakhir me maine upar sir kar ke dkeha.. aur maine jo dekha..wo main aaj tak bhul nahi ssaka hoon. maine dekha kee mere upar ek laash fansi ke fande se latki hui thi.. uska chehra bilkul safed tha.. usne jo kapde pehne they.. wo bhi aise lagg rahe they jaise purane jamane me pehne jaate they.. wo dekh ke mere to jaise dil ki dhadkan hee ruk gayi.. maine usi waqt apne dosto ko aawaz lagayi.. bhaago yahan se.. aur ham sab teji se wahan se bhaagne lage. mera ek dost aisa tha jisko fits yani ki daude bhi padte they.. agar usko uss waqt daure padd jate to hamara wahan se aana bahut mushkil ho jata.. lekin aisa nahi hua.. ham jaise taise apne room tak wpais aa gaye.. room me aate hee maine jaldi se khidki khol ke sabko uss ped ke bare me bataya to hamne dkeha kee wo lash abhi bhi wahan latki hui thi.. aur hamre dkehtey hee dkehtey wo rassi toot gayi aur wo lashneechey gir gayi.. neechey girte hee wo wahan se gayab ho gayi.. ye dkeh ke ham sab bahut darr gaye they.. aur agle din camp khatam hote hee hams ab apne apne ghar wapis aa gaye..
================================
Meraa naam diksha daas hai.. Main aapko apne papa ke sath ghati ek sachi kahani batana chahti hoon.. Mera papa tabb 9th clas me padhtey they aur alagpur naam ke ek gaon me raha karte they.. Papa ke gaon ke paas har saal ek kirtan hua karta tha.. Jiss jagah wo kirtan hota tha wo unke yahan se kareeb do kilometer door thi…aur wahan jane ke raaste ke beech me kai khet padte they.. To aise hee ek saal jab wo kirtan ho raha tha to papa apne gaon ke kuch logo ke saath wahan kirtan dekhne gaye they.. Papa ke sath unke ek chaha bhi they..
Fir raat kareeb 11 baje wahan kirtan me announcement hui ki unke gaon se jo koi bhi hai wo bahar aa jaye .. gaaon ke log wapis jaa rahe hain.. To papa ne apne chacha kee taraf dekha to unke chacha wahin baithey they.. papa ne socha kee unke chacha to abhi yahin hain.. To main bhi yahin baitha rehta hoon.. Unhone apne chacha se bol bhi diya tha kee agar aap gaon jao to mujhey bhi bata dena main bhi sath chal padunga.. Unke chacha bole theek hai.. Aur fir ppa kirtan dekhte rahe.. Fir raat kareeb 12 baje ppa ne apne chacha ko idhar udhar dekha to wo unko dikhai nahi diye.. Unko laga kee shayad unke chacha chale gaye hain. To wo jaldi se kirtan se bahar nikle to thodi door unko unke chacha jaate dikhai diye… wo jyada door nahi they. Papa ne unko bahut aawaazein mari.. Lekin unke chacha nahi ruke.. Naa hee unhone koi jawab diya.. Papa unke peechey peechey hee bhaag rahe they… apne chacha ke bilkul paas pahuch jaane ke baad bhi unke chacha unki aawaz nahi sun rahe they. Ye dkeh ke papa ko thoda darr lagne laga.. Unko samajh aa gaya kee ye unke chacha nahi balki kuch aur hee h.. Papa fir se jaldi se bhaag kekirtan me pahuche to dkeha kee unke chachato wahin kirtan me hee baithey they.. Papa ne unse pucha kee aap mujhey chor ke kahan chale gaye they.. To wo bole kee main to bas 5 minute ke liye peechey toilet karne ke liye gaya tha.. Papa ne unko sai baat bata di.. Uske baad wo dono jaldi se apne gaon wapis chale gaye.. Ghar jaa ke unhone ye baat apne gharwalo ko bhi batayi.. Uss waqt to papa theekthak ghar pahcuh gaye they.. Lekin agle hee din papa kee tabiyat bahut kharab ho gayi.. Unki halat itni kharab ho gayi thi ki wo bistar se uth bhi nahi paa rahe they.. Agle din un logo ne gaon ke ek tantruik ko ghar bulaya aur papa ke upar jhaadfonk karwaya. Jiske baad papa ki tabiyat bilkul theek ho gayi.. Ye mere papa ke sath ghati bilkul sacchi kahani hai..
============================
?Mera Naam Devender Ha.. Ma Rajasthan ke Raigarh Ka Rahne Wala Hu. main jo baat apko bata raha hon ye sab mere ek chacha ke sath hua tha. to kahani aisi hai keee hamare gaon ke aaspaas bahut sare pahan hain jinke andar se neela patthar nikalta hai.. Is wajah se wahan neele pathhar ki bahut sari khadaien bhi hain.. Mere chacha bhi ek aisi hee khadan me excavator operator ka kaam kiya karte they.. Unki duty kakoi fixed time nahi tha.. Unki kisi bhi time kam pe bula liya jata tha. Saath hee bata doon kee kai baar khatam me kaam karte huey khadan ke gehrayi jyada ho jane se khadan me neechey se paani bharne lagta tha.. Jisk bad me pump se nikala jata tha.. To ek baar mere chacha duty par apna kaam kar hee rahe they kee unki najar samne pahad ke upar khadi ek ladki par padi.. Wahan khadi wo ladki neechey khadan me bhare paani kee taraf dekh rahi thi.. Chacha ko laga kee shayad aaspas ki koi laki hogi jo wahan khada ka kaam dekhne ayi hogi.. Chacha dhyaan na deke wapis apne kaam me ag gay..lekin tabhi unhone dkeha kee wo ladki upar se kood gayi.. Aur chapaak se neechey paani me ja giri. Khadan me paani to bhara tha lekin wo jyada gehra nahi hota tha.. Chacha ko pata tha ki ladki jinda nahi bachi hogi.. Aur hua bhi aisa hee tha.. Chacha ne jaldi se wahan jaa ke dekha to dkeha kee sara pani khoon se laal ho chuka tha.. Wo ladki neechey tali se takrakar bahut buri terah mar gayi thi.. Uske haath pair sab toot gaye they.. Jaldi se khadan ke maalik ko wahan bulaya gaya aur kuch logo ki madad se ladki ki lash ko bahar nikala gaya.. Lash ki halat bahut kharab thi.. Uska sara khoon nikal gaya tha.. Khadan me kam karne wale ek aadmi ne bataya kee ye ladki to unhi ke gaon ki hai.. Usne kaha kee jaldi se iske gharwalo ko bata dete hain.. Lekin khadan ke mail ne kaha kee aisa nahi kar sakte.. Kyuki kuch hee mahine pehle usko khadan ki fencing karne ka order sarkar se mila tha.. Lekin usne aisa nahi karwaya tha.. Ab agar ye case police me chala jata to wo bhi phans jata.. Aur fir khadan malik ne us laash ko wahin ek jagah par jameen me gadwa diya.. Usne sab majduro ko bhi kcuh paise de diey they apne muh band karne ko.. Iss ghatna ke bad kuch dino tak to sab kuch theek raha.. Lekin fir achanak se wahan ajeeb ajeeb cheejein hone lagi.. Kam karte huey kabhi kisi ko koi dhakka de deta to kabhi unki machine kaam karna band kar deti.. Lkein yahan tak to fir bhi theekl tha… kyuki iske baad wo log ek ek kar ke marne lage.. Jo bhi log uss din us ladki ki lash ko dabane me shamil me wo sab ek ek karne maare jane lage.. Kisi ka pahad se pair fisal gaya to koi machine se accident me maara gaya.. Chacha ko bhi samajh aa gaya tha kee wo bhi ab bachne wale nahi hai.. To unhone kisi terah uss ladki ke gaon ka pata kiya aur uske ghar jaa ke unko sai baat bata di.. Jiske baad sab gaon walo ne milkar uss ladki ki laash ko bahar nikala aur uska antim sanskaar kiya.. Gaon walo ne khadanke malik par bhi case kar diya.. Jiske baad police ne usey pakad liya.. Lekin uske kuch dino baad hee uss khadan malik ki bhi heart attack se maut ho gayi.. Chacha ko lag raha tah kee wo bhi maare jaenge.. Lekin fir ek din wo ladki unko sapne me dikhai dee.. Uss laki ne unko bataya kee main upar se khud nahi giri thi balki ujhey kisi nee dhakka de ke maara tha.. Tumhare malik ko aur baki sab logo lo maine hee maara hai.. Lekin main tujhey nahi marungi. Kyuki tune mera antim sanskar karwaya hai.. Itna keh ke wo ladki unke sapne se chali gayi.. Iske baad wo sab ajeeb cheejein bhi apne aap hona band ho gayi..
======================================
mera naam deba hai.. main assam ka rehne wala hoon.. waisey to hamare yahan laghbhag har kisi ke muh se koi na koi bhutiya ghatna sunne ko mil jaati hai.. lekin main jo baat aapko bata raha hoon ye sab mere ek mama ke sath hua tha.. unke sath aur bhi bahut sari bhutiya gatnaien ho chuki hain.. lkein ye ghatna aisi thi jisme unki jaan jati jati bachi thi.. to hua aisa tha kee unn dino mere mama roj subah khet me kaam karne jaaya karte they.. lekin khet me jane ke liye unko ek nadi paar karni hoti thi.. wo hamesha apni naav lekar jate they aur usi se hee aana jana karte they.. to aise hee ek din mama subah bahut jaldi uthh gaye they.. aur uthtey hee apni nao lekar khet ke liye nikal gaye.. bahar bilkul andhera tha.. fir jab mama nao me baithne lage to unko apne gaon ka ek aadmi aata dikhai diya. uss aadmi ka khet bhi mama ke khet ke paas hee padta tha aur wo aksar mama ke sath he jaya karta tha. to uske aata dekh mama ne uss admi ko aawaz di aur usko bhi apne sath naon me bitha liya.. lekin us din wo aadmi ajeeb hee terah se bartaw kar raha tha.. bahut hee khoya khoya lagg raha tha.. kisi baat ka jawab bhi nahi de raha tha. ab wo kuch hee door gaye thy kee tabhi wo aadmi mama ke upar jhapat pada aur unko maarne laga.. pehle to mama ko samajh hee nahi ki ye aisa kyu kar raha hai lekin uska roop dekhkar mama samajh gaye kee ye koiinsan nahi balki kuch aur hee cheej hai.. wo mama ko paani me girane kee koshsih kar raha tha.. mama usko door karne kee koshsih kar rahe they..lekin karr nahi paa rahe they.. tabhi mama ke haath me unki darat aa gayi jsisse fasal kaati jaati hai. wo hth me lete hee mama ne uss aadmi pe kai sare waar kar diye .. to wo aadmi paani me ja gira.. aur girtey hee wahan se gayab ho gaya.. mama aaj bhi usi raaste se he aana jana karte hain lekin uss din ke baad unke sath aisa fir kabhi nahi hua..
mera naam deepak hai.. main agra ka rehne wala hoon.. ye 2017 kee baat hai… jab ek din main apne kuch dosto ke saath ghumne kahin ghumne ke liye gaya tha. raat me main apne dosto ke saath ghum hee raha tha kee tabhi meri mummy ki call aayi .. mummy ne bataya kee papa ka accident ho gaya hai .. tu jaldi se ghar aa ja.. main usi waqt jaldi se ghar pahcuha to pata chala kee acciednet me mere papa ka ek haath toot gaya tha.. unke haath par chot bhi bahut lagi thi.. hamne papa ka bahut ilaaj karwaya… lekin doctor ne saaf bol diya tha ke einka haath ab kabhi thek nahi ho paega… aakhir me papa ne bhi haar maan li.. ek haath chale jaane kee wajah se papa bahut uddas rehne lage they.. fir ek raat jab ham sab sone ke liye lete they to papa bahar se aaye aur aakare seedha so gaye.. fir subah jab mere chote bhai kee aankh khuli to usne jaldi se mujhsey utha ke batay. bola bhayya wo dekha.. papa ke sath kon khada hai.. maine jaldi se bulb jalaya to dekha kee mere papa fansi par latke they.. mere chta bhai ko laga tha kee wo koi khada hai.. lkein wo mere papa ki lash thi. ham sab bahut rone lage.. fir kuch din beet jane ke baad ek din jab ham apni bua ke yahan gaye huey they to meri bua kee ek bua hain.. unko upar ek jinn aata hai.. uss jinn ne bua ko bataya kee tere bhaai ne khud faansi nahi khaayi thi.. uss raat jab wo bahar tehal raha tha tab uske upar ek aatma haavi ho gayi thi.. usi aatma ne hee tere bhaai ko maara tha.. lekin uss jin ne ye nahi bataya kee wo aatma kisi thi..
===========================

 

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!