Indian Horror Stories

Bhoot Story भूतों की कहानियां. Horror Stories from India- Episode-236. Hindi Horror Stories.

Mera naam sandeep singh hai.. main uttrakhand ke tehri garhwal ka rehne wala hoon.. main ek pahadi ilake se aata hoon jahan chaao taraf pahad hee pahad hain.. aur raat hone par yahan ka mahol bahut hee darawna ho jata hai.. ye kahani mujhey mere nana ji ne sunayi thi.. to hua aisa tha kee jab mere nana chote they to wo yahan pahadiyo par apni gay bhens charane jaaya karte they.. wahin pahadiyo par hee unhone apni ek choti si kutiya bhi bana rakhi thi.. to jab unki gy bhense pahadi par char rahi hoti thi to usi kutiye me hee baith jaate they.. sath hee batau kee jangal aur pahado ka ilaka hone kee wajah se yahan bahut jyada baraf bhi hotit hi aur garmiyo me bhi dhund chaayi rehti thi.. jiski wajah se raste bhi theek se dikhai nahi deta tha.. to aise hee ek baar nanaji apne ek dost ke sath apni gaay bhenso ko lekar pahadi par charane ke liye gaye they.. isibeech nanaji rest karneke liye uss kutiya me baith gaye.. aur baithe baithe unki aankh lag gayi.. lekin aankh lagne ke bad unko ek sapna aaya .. sapne me unhone dekha kee ek ek taang wala koi langda aamdi 2 aurto ke saath unki kutiya ke samne se jaa raha tha.. lekin gujrate huey nana ko sota dekh wo teeno ruk gaye.. wo aadmi bola kee chalo isko bhi apne sth le chalte hain.. lekin wo jaise hee nana ke pas unko uthane aaye to wo aadmi bola are rukk jao.. isski kismat achi hai.. ham isko nahi le ja sakte.. chalo iske sath pade iske dost ko le jate hain.. aur itna keh ke wo unke dost ko utha ke le gaye.. ye dekh ke nana ki aankh achanak se khul gayi. aankh khuli to unhone dkeha kee unka dost unke paas hee baitha tha.. unko tasalli hui kee chlo ye bas ek bura sapna hee tha.. uske baad wo dono wahan se apne ghar wapis aane lage.. tab tak andhera hone laga tha.. aur wapis aate huey hee unke dost ka pair fisla aur wo pahad se neechey ja gira.. ye bilkul sacchi ghatna hai.. aur iske bare me batata huey aaj bhi nana ki aankho me aansu aa jate hain.. nanaji ko pakka yakeen hai kee wo sapne me dekhe log hee unke dost ko mar ke apne sath le gaye they..

ye agli kahani jo main ab bata raha haoon ye bhi ek bilkul sachi ghatna hai.. ye mujhey hamara dada g logo ne batayi thi.. aaj se kareeb 40-50 saal pehle ki baat hai.. jab yahan pahado me naye naye government primary school khule they..to aise hee gaon me school banne ke baad shehar se 2 teachers ko gaon me bheja gaya tha school me padhan ke liye.. wo dono teacher bahar ke they .. unko pahado ke bare me aur yahan ke culture ke bare me kuch nahi pata tha… rehne ke liye unko school ke pas hee ek ghar me rooms diye gaye they.. to hua aisa kee unme se ek teacher kee ek ladki se dosti ho gayi thi.. wo ladki har rat unse milne aati aur fir subah jab tak uss teacher ki aankh khulti tab tak wo chali jaati thi.. kai dino tak aisa chalta raha.. uss teacher ne kai baar usse pucha bhi ki tum kahan rehti ho aur rat me hee kyu aati ho .. lekin wo kuch nahi batati thi.. tab tak wo teacher bhi naya tha gaon ke logo ko nahi janta tha.. usko lagta tha kee gaon ki hi koi ladki hogi.. lekin dheere dheere jab wo gaon ke sab logo ko jaan gaya to use pata chala ki wo uss gaon ki nahi hai.. usne socha shayad aaspas ke kisi gaon ki hogi.. teacher ko shaq hua to usne ye baat dusre teacher ko batayi ki rat me koi ladki usse milne aati hai.. dusre teacher ko pehle to laga ki ye majak kar raha hai.. kyuki usne bataya kee wo to khud raat me bahar gate pe tala laga ke sota tha.. to wo ladki andar kaise aa sakti thi.. un dono ko bahut hairani hui.. fir unhone ek plan banaya.. dusre teacher ne uss teacher se kaha kee aaj raat jab wo ladki tumse milne aye to tum uske pair par ek patli si rassi bandh dena.. jo ki itni lambi ho ki usse ghar tak pahcuh sake.. wo jaldi se bazar se ek lambi si rassi le aaye.. fir raat me jab wo ladki uske paas aayi to teacher ne raassi uss ladki ke pair par bandh di.. fir subah uski
aankh khuli to usne dusre teacher ko utahaya.. ar fir wo dono rassi ka peecha karte karte jaane lage.. peecha karte karte wo dono bahut door chale gaye,, aur wahan jake unhone jo dekha unko to yakeen hi nahi hua.. unhone dekha kee worassi ek haddi se bandhi hui thi jo kee shamshaan ght ke bagal wale ek talab ke andar padi thi.. wo dkeh ke wo dono itna darr gaye kee usi din wo gaon chor ke chale gaye aur wahan se apna transfer bhi karwa liya..
=======================
mera naam somya ranjan kishan hai.. main orissa ke sundergarh disrtrict ka rehne wala hoon.. to meri kahani kuch aisi hai kee ham jiss coony me rehtey hain.. yahan rehtey huey hamein 20 saal se jyada ka time ho chuka hai.. batate hain kee jab ye colony bann rhi thi tab yahan banne wale sab ghar apne aap toot jate they. matlab kee aaj jo banate they wo kal jaake dekhtey to apne aap toota hua milta tha.. to iss jagah par puja karwayi gayi aur uske baad ye puri colony ban saki thi.. yahan ke local log batate hain kee yahan pehle ek shamshan ghaat hua karta tha.. ham iss colony me aaye sabse pehle logo me se ek they.. meri mummy batati hain kee jab hm naye naye iss ghar me aaye they to hamare bedroom me ek jagah par farsh ka cement apne ap fool jaata tha.. aur foolne ke baad uski aisi shape ban jaati thi jaise kisi isnan ko mitti me dabane par banti hai.. lekin jaise hee wahan pair rakhtey to wo cement apne aap theek hojaata.. fir kuch time baad hamne apna pura ghar bandhwa diya jiske baad ye sab hona band ho gaya tha.. fir kuch time baad ekbaar hamare yahan ki light gayi hui thi. to ham log raat me khidki khol ke so rahe they.. lkin sote sote hee hamein aisi aawaz sunai dee jaise koi bahar koi ro raha hai.. lekin wo aawaz bahut ajeeb thi.. jaise ksii tape recorder se aa rahi ho.. raat ke 2 baje ka time tha.. hamne uth ke khidki se bahar dekha to dkeha kee ek jawan aurat bahar sadak pe chal rahi thi.. usne haath me ek baccha bhi le rakha tha.. aur wo rone kee aawaz usi bacche kee thi.. wo dkeh ke hamein bahut ajeeb laga to mummy ne turant khidki band kar di aur ham wapis se so gaye.. fir agle din jab hamne ye baat aaspas ke logo ko batayi to pata chala kee kai saal pehle iss ilake me ek pregnant aurat ko kuch sharabiyo ne milke pakad liya tha aur uska rape kar ke usko jaan se maard iya tha.. uss din ke baad se us aurat ki aatma aksar raat me bahar bhatakti dikhai deti hai..
==================================
main aap logoko 2 sacchi kahaniya batana chahti hoon jo muhey mere janne walo ne sunai thi.. ye pehli kahani meri bhaai ke ek dost ke sath ghati thi.. to hua aisa tha kee mere bhai ke ye dost bahut ache ghar se they.. pehle unke pariwar me sab kuch acha chal raha tha.. lekin fir dheere dheere unka pariwar me bahut buri buri cheejein hone lagi.. unka pariwar gareeb hone laga tha, ghar me roj roj ladai jhagde hone lage they ghar ke sab log bhi aksar beemar padne lage they..
ghar ke logo ke dimaag me hamesha bure bure khayal aate .. ek dusre ko marne maarne ke .. apne hee pariwar ka nuksaan karne ke khayaal.. aur ye sab dheere dheere badhta hee jaa raha tha.. mere bhai ke dost ko buri latt bhi lagg gayi thi.. fir ek baar kisi ne unn logo ko ek baba ke paas jane ko kaha.. fir jab wo log uss baba ke paas gaye to ata chala kee kisi ne unke pariwar ke upar kaala jadu karwa rakha tha.. baba ne bataya kee tumhare pariwar ke upar 5 preto ko chora gaya hai.. khaskar bhai e dost ke upar.. jsise kee wo kabhi jindagi me tarakki na kar sake.. jab unhe ye baat pata chali to wo bahut darr gaye.. unhe baba se isska upay pucha to baba ne bataya kee mujhey khud tumhare ghar me aake pooja karni hogi.. ye pooja 15 dino tak chalegi.. lekin jaise hee ye pooja shuru hogi usi din se wo pret tum logo ko darane kee koshsih karenge jisse kee tum ye pooja beech me hee chor do aur pooja khandit ho jaye.. lekin chahe kuch bhi ho.. ye pooja rukni nahi chahiye.. sabse pehle din main tumhare ghar aake shuddhi karunga uske baad pooja shuru hogi.. ye sab sunke wo log darr to gaye lekin pooja ke liye tayyar bhi ho gaye.. pehle din wo baba unke ghar me aaye aur pooja shuru ki.. lekin jaise unhone bataya tha usi raat jab meree bhaai ke dost kee aankh raat kareeb 2 baje khuli to usne dekha kee 4 pret uske bed ke aaspaas ghum rahe hain.. aur 1 pret uske kamre ke darwaje ke paas khada tha.. wo pret theek se to nahi dikh rahe they bas kaale saaye jaise najar aa rahe they.. ye dekh kar wo bahut darr gaya uke muh se cheekh nikal gayi.. uski aawaz sunke uske mummy papa jaldi se uth ke aaye aur uska darwaja khatkhatane lage.. lekin tabhi wo pret wahan se gayab ho gaye.. usne light jalai aur darwaja khola.. uske baad wo log puri raat nahi soye.. agle din unhone ye baat baba ko batayi to wo bole kee ye sab tab tak chalta rahega jab tak pooja puri nahi ho jaati.. lekin tum in sabse darna mat bas datt ke samna karna.. uske baad wo pooja 15 dino tak chali.. har raat un logo ko ghar me pret ghumtey huey dikhai dete.. lekin dheere dheere wo sab dhudnle padne lage aur fir dikhna band ho gaye.. pooja khatam hone tak sab pret ghar se jaa chuke they.. uss baba ne unke ghar ko theek to kar diya lekin ye kabhi nahi bataya kee unke upar ye kaala jadu karwaya kisne tha.. aaj wo log bilkul theek hain..bhai ke dost kee shaadi bhi ho chuki hai.. aur ab wo sab khushi se reh rahe hain..

ye dusri kahani mujhey mere ek dost ne batayi thi.. ek din wo kisi kaam se dusre shehar me gaya hua tha.. aur wahan se aate aate usey kafi der ho gayi thi.. wo bike par wapis aa rah atha.. sardiyo ke din they.. isliye wo bike dheere dheere hee chala raha tha.. hamare shehar ke bahar 1 bahut bada ghar hai.. kisi time par wo ghar bahut sundar hua karta tha.. lekin abb uss ghar ka koi waaris na hone kee wajah se wo bilkul khandhar me tabdeel ho gaya tha.. us waqt wo uss ghar ke samne se aa hee raha tha kee usko gar kee tooti footi chatt ke upar ek aurat chali hui dikhai di.. uss aurat ne safed kapde pehne tey aur baal bhi bahut lambe they.. chatt par chalti hui wo aisi lag rahi thi jaise hawa me udti hui chal rahiho.. wo dekh ke wo bahut jyada darr gaya.. usne ui waqt apne papa ko call karke ye bataya to uske papa bole ki tu darr mat main abhi aata hoon… uske papa ne hanuman ji ka ek chota sa locket apne saath liya aur hanuman chalisa padhtey huey wahan pahuch gaye.. lekin hairaani ki baat thi kee wo aurat uske papa ko nahi dikh rahi thi jabki usko wo abhi dikh rahi thi. uske papa ne usse aankhein band kar ke hanumn chalisa padhne k =o kaha to usne waise he kiya.. aur aisa karte hee wo aurt wahan se gayab ho gayi..
==================================================
mera naam mithun hai.. main west bengal ka rehne wala hoon.. main aapko ek kahani ke bare me batanchahata hoonjo mere sath tab ghati thi jab main 13 saal ka tha.. ye saal 2013 ki baat hai. to hua aisa tha kee ek baar haan chaar dosto ne milke plan banaya tha kee ek ham khet me kharbuje churane jaenge.. mere sath mera chota bhai , mera ekd ost aur hamare pados me rehne wala ek chacha tha.. ham teeno ek hi umar ke they.. to uss din plan ke hisab se ham chaaro rat kareeb 9 baje ghar se nikal gaye.. hamne socha tha kee iss time khet me andhera hoga aur hamien koi dekh nahi paega.. ham asani se kuch kharbuje chura ke wapis aa jaenge.. khet me pahuch ke ham sab kharbuje chura hee rahe they kee tabhi mujhey door koi aata dikhai diya.. hamein laga shyad khet ka maalik aa raha hai.. ham darr ke maare wahin jameen pe hee seedha let gaye jiss kee wo hamein dekh na sake.. mujhey bahut darr lagg raha tha kee khain wo hamein pakad na le.. maine apni aankhein bhi band kar li thi.. mere sath lete chacha ne dheere se bola ki tu aankh khol ke dekh wo chaala gaya kya.. maine aankh khol ke dekha to maa kasam jindagi me itna lamba aadmimaine kabhi nahi dekha tha.. itna lamba aadmi samne khet me khada tha..w o dekh ke main bahut darr gaya aur fir se jor se aankehin band kar li. hamare mohalle me itna lamba aadmi koi nahi tha.. main samajh gaya kee ye koi insan nahi balki kuch aur hee hai..main un teeno ko ke bat batayi to wo chacha bola kee ham abhi yahan se bhaag jaenge.. aur fir uske kehtey hee ham wahan se bhaag se seedha apne ghar aa gaye.. sab log bahut darr gaye they.. uske baad mujhey ek hafte tak bukhaar raha tha.. wo chacha jo uss din mere sath tha.. abhi kareeb ek mahina pehle hee wo ek jagah logo ko mara hua pada mila.. usko maut kaise hui kisi ko nahi pata. wo ghar se ye bol ke nikla tha ki main dosto ke sath picnic manane ja raha hoon. uske baad wo 3 dino tak lapata raha.. aur fir.. 3 din bad uski laash baramad hui. bahut dardnaak maut hui thi uski.. police abhi bhi ski maut ki investigation kar rahi hai..
===========================
mera naam arav sharma hai.. main up ke hathras ka rehne wala hoon.. main jo baat aapko bata raha hoon ye meri life ka sabse darawna experience hai.. uss din to bas meri jaan nikalte nikalte hee bachi thi.. ye ghatna aaj se 6 saal pehle kee hai.. jab main 14 sal ka tha. aur garmiyo ki chuttiyo me apni nani ke yahan gaya hua tha.. meri nani ke ghar ke theek bagal me ek bahut purani haveli hai.. jisko kothi bolte hain.. wo kothi bahut badi hai uske 4 gate hain..jo duri gali me bhi khultey hain.. wo haveli saalo se khaali padi hui hai.. to aise hee ek shaam jab main nani ke ghar ke chatt par baitha tha to mujhey uss bagalwali haveli me se bccho ke khelne kee aawazein ati sunai di.. mujhey bahut ajeeb laga kee haveli ke andar kon bacche khel rahe hain.. uss haveli ki chatt hamari chatt se milti thi..maine socha jakar dekhta hoon kee yahan kon khel raha hai.. uss waqt sham ke 7 baje ka time tha.. andhera hone laga tha.. jab main haveli ke andar pahcuha to usme bilkul andhera tha.. main thoda aur andar gaya to dekha kee wahan lohe ke bahut bade bade majboot gate lage they.. wahan kahda main wo sab dkeh hee raha tha kee tabhi itni garmi me bhi achanak wahan bahut jyada thand ho gayi.. mujhey bahut darr lagne laga .. baccho ke khelne kee wo aawazein abhi bhi aaye ja rahi thi.. lekin koi dikh nahi raha tha. tabhi mujhey aisa laga jaise hawa ka tej jhonka mere bagal se nikal ke gaya ho.. main bahut jyada darr gaya. fir maine jaise hee pechey mud ke dekha to dekha kee ek boodha aadmi jiski umar 80 alke kareeb lag rahi thi.. uske bade bade baal they.. wo ek kambalodhe hatah me lathi liye mere peechey khada tha.. usko achanak aise wahan khada dekh meri to jaan hinikal gayi.. wo mujhsey gussey se bola.. kon hai tu..yahan kaise aa gaya.. tujhey pata nahi kya yahan aana mana hai.. mere muh se darr ke maare cheekh nikal gayi.. meri aaawz sunke mere mama jaldi se aaye aur mujhey utha ke ghar lekar gaye.. ghar ja ke main 10 minute tak bas rota hee raha.. fir sabne mujhey chup karwaya tomain eunko sari baat batayi.. agle din gharwalo ne mujhey bataya kee wo haveli shaapit hai.. uss haveli me pehle uska maliik apne pure pariwar ke sath rehta tha.. lekin haveli me hee ek accident me un sabki maut ho gayi thi.. tab se wo haveli band padi hai.. use koi kharita bhi nahi hai.. mama ne bataya kee wo budha aadmi jo tumne dkeha tha wo uss ghar ka purana nokar tha.. uski bhi bahut sal pehle maut ho gayi thi… aaj bhi jab main apni nani ke yahan jata hu to uss haveli ki taraf dekhkar darr jata hoon..
===============================
mera naam niyaz hai.. main chattisgarh me rehta hoon.. main aapko apni mummy ke sath ghati ek ghatna ke bare me batana chahta hoon.. ye aaj se 20 sal pehle ki bat hai.. jab meri mumy bihar ke siwan jile me rehti thi.. ye sab meri badi nani ke sath hua tha.. meri mummy batati hain kee ek shaam badi nani choti nani se baat kar rahi thi ki agli subah 3-4 baje jaldi uthke gehu peesna hai..baatein karne ke baad wo dono sone ke liye chali gayi.. lekin fir raat me hee achanak choti nani unke ghar pe aake darwaja khatkhatane lagi.. un dino ghadi nahi hua karti thi. isliye badi nani ko laga kee shayad subah ho gayi ho gayi hai.. to wo dono mil ke chakki se gehu peesne ke liye chali gayi.. badi nani ne dekha kee uss din chakkibahut tej chal rahi thi.. choti nani boli kee gehu pees ke bahar toilet ke liye jaenge nahi to subah ho jaegi.. uske un dono ne jaldi se gehu peesa aur toilet karne ke liye gaon se bahar jaane lage. kuch door jane ke baad badi nani ne dekha kee me jameen pe unki parchai to dikhai de rahi thi lekin choti nani kee parchi nahi dikh rahi thi.. unhone hairani se choti nani se pucha.. kee are teri parchai kyu nahi dikh rahi hai.. to choti nani boli tu parchai hee dekh rahi hai.. ekbar mere pair bhi to dekh le.. jaise hee badi nani ne unke pairo kee taraf dekha to unke pair ulte they.. wo dekh ke nani ke hosh udd gaye aur wo wahan se bhaagne lagi.. asal me wo ek chduail thi jo choti nani ka roop lekar wahan aayi thi.. bhaagtey huey uss chudail ne naani ko kai bar aawaz di peechey mud ke dkehne ke liye.. lekin nani ne peechey mud ke nahi dekha.. aur bhaagtey huey seedha ghar gayi aur ghar jaa ke so gayi.. fir subh 4 baje choti nani uth ke gehu peesne ke liye unke paas aayi to unhone unko sari baat batayi.. ye baat sunke sab log darr gaye they..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!