Indian Horror Stories

6 Horror Stories in Hindi. Episode-229. Hindi Horror Stories.

Mera naam daraksha hai.. Main mumbai ke wadala me rehti hoon.. Main jo kahania apko bata rahai hoon ye sab hamare mohalle kee ek ladki ke saath hua tha .. bata doon kee hamara mohalla jiss jagah hai wo jagah railway line ke bilkul paas padti hai… to hua ais atha kee hamare mohalle me pani bharne ke ek nal laga hua tha.. Jisme subah subah paani aata tha.. WO ladki har subah 4 bajje uthkar uss nal se paani bharne jaati thi.. Lekin wahan bheed bahut ho jati thi. To ek din wo subah 3 baje hee uthke nall se pani bharne ke liye chali gaya.. Usne socha tha itni jaldi wahan koi nahi hoga to wo jaldi se pani bhar ke wapis aa jaegi.. Matka leke wo uss jagah pahcuhi to dekha kee ek aurat pehle se hee uss jagah baithi hui thi.. Usne socha chali bas ek hee aurat hai mujhse pehle.. Ab main jaldi se pani bhar ke chali jaungi.. Wahan khadi khadi wo uss aurat ke pas gayi aur usse puchne lagi kee aap yahan akeli hee aayi h kya pani lene.. To uss aurat ne jawab diya chali jaa yahan se nahi to jinda nahi chorungi. Uss ladki ko ye bat bahut buri lagi usko laga kee ye aurat mujhsey ladna chahti hai.. To usne bhi palat ke jawab diya.. Tere bap ka nam hai kya jo chali jaun yahan se.. To uss aurat ne uth ke usse itne jor se ek thappad lagaya kee wo neechey jameen pe jaa giri.. Fir wo aurat uske saamne aake khadi ho gayi.. Boli tune meri baat na maan ke bahut badi galti kar di.. Ab tu nahi bachegi.. Meri behan ne sus aurat ka chehra dekha to uska chehra bahut hee bhayanak tha.. Wo dkehtey hee wahin par behosh ho gayi.. Fir jab bahut der bad bhi wo ghar wapis nahi aayi to uske bhai aur mummy usko dkehne ke liye gaye to wahin nall ke pas behosh padi thi.. Wo jaldi se usko utha ke ghar le aaye.. Lekin unhone dekha kee uss ladki ka mooh tedha ho chuka tha.. Do din tak wo ladki behsoh padi rahi.. Kisi ko nahi pata tha kee uske sath kya hua hai..uski halat dekhkar uske gharwale bahut pareshan ho gaye.. Uske hosh me aane ke baad unhone usko bahut sare doctors kod ikhaya.. Lekin uska muh seedha nahi ho pa raha tha.. 2 mahine baad us ladki ki shadi bhi hone wali thi.. Uske gharwalo ko darr tha kee kahin uski shadi ne toot jaaye.. Lekin aisa hee hua.. Asal mee uss ladki ke upar ek aatma ne kabja kar liya tha.. Aur wo aatma jab bhi uske upar aati to uss ladki se bahut hee gandi gandi harkatein karwati thi.. Kabhi usske bhaiyo ke samne hee ekdam se kapde khol deti to kabhi uske papa ke samne gandi gandi harkatein karne lagti.. Wo aisi aisi harkatein karne lagi thi kee main aapko bata bhi nahi sakti.. Dheere dheere ye sab aaspados ke logo ko bhi pata chal gaya aur fir ye sab baatein uske sasural walo tak bhi pahuch gayi.. To sausral walo ne usse shadi tod di.. Abb uss ladki ke gharwale bahut pareshan ho gaye they.. Fir ek din wo log usey ray road kee mira ali datar lekar gaye.. Wo wahan jaane ko bilkul bhi tayyar nahi ho rahi thi.. Lekin wo kiisi terah usko jabardast utha kee uss dargah me lekar gaye.. Lekin wahan jaate hee wo bahut hee gandi gandi gaaliya dene lagi to wahan ke baba ne usko mor ke paankh se maar lagana shuru kiya.. Aur usse pucha.. Kee bata kon hai tu aur iss ladki ke upar kyu aayi hai. T uss aatma ne bataya kee mera naam meena hai.. Main gorgaon me ek kiraye ke kamre me raha karti thi..wahan meri kuch ladkiyo se dosti ho gayi thi.. Dheere dheere wo ladkiyo apne boyfrends ko bhi mere ghar pe laane lagi.. Ek raat un logo ne mere ghar me rat me party karne ka plan banaya.. Mujhey ye sab pasand nahi aata tha.. Lekin wo log nahi maante they.. Uss raat woladki apne sath 4 aur ladko ko leke aayi thi.. Unhone mere room pe aake shaarab pee.. Aur fir mere mana karne par unhone meri pitai kee aur ek ek karke unn ladko ne mera rape kiya.. Kuch dino bad jab wo ladki alisha fir se mere yahan aayi to maine ek ghade ko uske sir pe maar ke uska sir fod diya.. Lekin uske sath unn ladko ne mujhey pakad liya aur mujhey bahut maara.. Meri pitayi karne ke bad unhone mujhey patriyo par hee marne ke liye chor diya.. Wahin patri par pade pade meri maut ho gayi.. Tab se main wahin rehne lagi thi.. Mujhey jawan ladke ladkiyo se nafrat hai..
To baba ne pucha.. Kee iss ladki ne tera kya bigaada hai.. ye to bahut achi aur nek ladki hai..tu iske gharwalo ke samne hee iski ijjat kyu kharab karti hai.. To wo aatma gusse me boli kee haan jaise meri ijjat ki kisi ne parwah nahi kee main bhi iski ijaat aise he nikalungi..
Fir unn baba ne bahut koshisho ke baad uss aatma ko ladki se nikal to diya.. Lekin theek hone ke kuch dino baad hee uss ladki ne chatt se kood ke aatmhatya kar lee.. Kyuki jo kuch harkatein uss aatma ne us ladki se karwayi thi unko leke wo ladki bahut sharminda thi.. Sath hee bata du kee marte waqt bhi uss ladki ka muh tedha hee tha.. Uska muh kabhi seedha nahi ho saka..mohalle ke log batate hain kee aaj bhi uss ladki kee aatma wahan patriyo pe aati hai jisne suicide kiya tha.. Lekin wo kisi ko nuksan nahi pauchhati..
============================================

Mera naam rishab verma hai.. Main ludhiana ke air force station ke paas rehta hoon.. Main jo baat aapko bata raha hu ye tabb kee hai jab main 11th class me tha.. Hab log jiss ghar me rhety they wo first floor par tha aur sardiyo me sab log jab din me dhoop me baithney ke liye jaate to mujhey hee neechey saman lene ke liye bhejtey they.. Lekin main jab bhi akela ghar me jata to mujhey aise lagta jaise koi mujhey dekh raha hai.. Main jaldi se bhaag k upar chala jaata.. Raat me jab ham log ghar me sote they to meri behan ko chatt se kisi ke baatein karne kee aawazein aati.. Lekin wo jaise hee kuch bolti to wo aawazein band ho jati.. Fir kuh time bad meri badi didi ki shadi hone wali thi to hamne apna ghar badal liya.. Naye ghar me jaa ke meri behan ki hadi ache se ho gayi.. Wahan jane ke bad sab kuch acha chal raha tha.. Lekin dheere dheere mujhey uss ghar me bhi darr lagne laga.. Wo hamara kiraye ka ghar tha. Ek raat jab hamare padosi apne ghar e nahi they to main chatt pe jaa ke upar chaand ki pc le raha tha.. Lekin tabhi mujhey aisa laga jaise koi mere peechey khada hai..main tabhi bhaag ke neechey aa gaya.. Neechey aaya to meri didi jo shadi ke baad mere bhanje ko leke aayi hui thi usne bataya kee usko koi aadmi ghar ke andar jata hua dikhai diya hai.. Lekin ghar me koi nahi tha.. Phir kuch dino tak sabkuch normal raha. Lekin fir kuch dino bad mujhey aksar rat me ek aurat dikhai dene lagi.. Kabhi wo mere to kabhi mere bhnje ke sirhane baithi dikhti thi.. Dheere dheere aise hee time beettta gaya.. Fir kuch time bad meeri didi ke dusra baby hua to wo hamare ghar aa gayi thi. Ham sab tv wale room me baithe they.. Mera bhaanja 3-4 sal ka tha.. Wo akela kamre me tha.. Kee tabhi wo bahut jor se chillaya aur bhaag ke mere room ke bed ke kone me jaa ke baith gaya aur jor jor se rone laga.. Ham sab jaldi se uske paas gaye to dekha kee wo darr ke maare kaanp raha tha.. Usne bataya kee koi aunty usko apne paas bula rahi thi.. Hamne mushkil seusko chup karwaya.. Aksar hamare kitchn me rakha cylinder apni jagah se apne aap hil jata tha.. Ek raat hamare yahan tej tufaan aa raha tha.. Main leta hua tha kee pata nahi mujhey kya hua meri aankh hee nahi khul rahi thi.. Maine kisi terah apni ek aankh khol ke dekhi to ek aurat mere pas baithi thi.. Main chupchap leta raha.. Fir kuch ino baad ek rat fir se jab tufaan aa raha tha to hamare ghar ke pas ek post office padta hai.. Hab sabne dekha kee uss post office ke chatt ke upar ek bahut hi gandi si koi aurat apne ghutno aur haatho ke bal chal rahi thi.. Wo dekhke ham sab bahut darr gaye aur jaldi se apne ghar ke andar aa gaye.. Abhi bhi kai bar jab main rat me so raha hota hu to koi ungli maar ke mujhey utha deta hai.. Isliye ab ham apna khud ka ek ghar banwa rahe hain.. Wo ghar aadhe se jyada tayyar ho chuka hai.. Aur uske pura bantey hee ham jaldi se nye ghar me shift kar lenge..
=========================================
Mera naam sunpreet hai.. Main peshe se ek doctor hoon.. Aaj main aapko apne sath ghati ek sachi ghatna ke bare me batana chahta hoon.. Ye ghatna aaj se 12 sal pehle kee hai.. Unn dino main bihar ke ek chote se gaon hasanpur me duty kiya karta tha.. Ek raat aspataal me mareej jyada hone kee wajah se mujhey ghar aane me der ho gayi thi.. Baarish bhi bahut tej ho rahi thi.. Lekin kisi terah pani me bheegtey bheegtey main apne ghar pahcuha.. Ghar pahuch ke main apne geele kapde badal hee raha tha kee ek achanak darwaja khatkhatane kee aawaz aayi. Maine socha itni raat kon ho sakta hai.. Darwaja khola to dekha kee ek ladki jo baarish me bheeji hui thi bahar khadi thi.. Wo roti hui mujhsey boli kee meri maa kee tabiyat bahut kharab hai.. Aap chalke unko dawaiy de dijiye nahi tow o marr jaegi.. Maine usse kaha kee main raat me mareej nahi dkehta.. Subah hospital le aana.. Lekin wo ladki jane ko tayyar hee nahi thi.. Bas roye aur gidgidaye jaa rahi thi.. Uski aawaz sunke meri patni ko uss ladki pe daya aa gayi usne mujhey uske sath chale jane ko kaha.. Main man hee man pareshan hote huey bahar aaya aur jeep nikali.. Sunsan raaste se hotey huey wo ladki mujhey kareeb 5-7 kilometer doro ek dusre gaon me le aayi.. Main man hee man soch raha tha kee ye ladki akeli itni door mere ghar tak kaise pahuchi hogi.. Lekin jyada dhyaan na dete huey main bass uske saath uske ghar ke andar chala gaya.. Makan ke andar uski maa ek palang pe leti thi.. Maine uski nabj dekhi aur usko injection diya.. Aur kuch dawaiyan bhi likh ke di.. Uss ladki ne fir mujhey apne gahr ke bahar tak chora aur wahan se main seedha apne ghar aa gaya.. Agli subah jab main hospital ke liye jane laga to socha kee kal raat jiss mareej se mila tha ek baar usko bhi dekhta chalu.. Wo gaon waise bhi raste me hee padta tha.. Lekin jab main uss makan ke pas pahcuha to wahan mujhey ki dikhai nahi diya.. Uss jagah to sirf khandhar hee najar aa raha the.. To Main gaon ke logo se puchne laga kee yahan ek ghar aur koi pariwar rehta tha.. To logo nehairaani se mujhey dkehtey huey bataya kee yahan to aia koi ghar nahi hai.. Unki baat sunke mere to rongtey khade ho gaye.. Main soch me pad gaya kee rat me mere sath jo kuch hua fir wo kya tha.. Unn logo ne bataya kee ye sab pret lila thi..jo har sal kisi ne kisi ke sath hoti hai.. Ye to ganimat thi ki mere sath kuch galat nahi hua nahi to bahut se log apni jaan bhi ganwa chuke hain.. Main bhoot pret jaii cheejo par jyada yakeen nahi karta tha lekin gaon walo ke sath jab main uss khandar me pahucha to khandhar ke bahar meri jeep ke tyre ke nishaan abhi bhi bane huey they..aur wo injection aur dawai bhi wahin pade they… main usi waqt bina kisi se kuch bole wahan se apne ghar wapis aa gaya.. Aur pane gharwalo ko puri baat batayi.. उसके कुछ hee दिनों बाद मेरा तबादला दुसरे गाँव में हो गया लेकिन उस रात की घटना के बारे में सोचकर आज भी मेरी रूह काँप जाती है |
====================================
Ye 2012 kee baat hai.. Jab mera mama ki maut ho gayi thi.. Mama ki achanak maut se ham sab log shock me they.. Main apne mama ke bahut kareeb tha.. Mama mujhsey bahut pyar karte they.. Lekin mama ki maut ke bad se mujhey har samay apne aspas kisi ka presence mehsoos hone laga.. Har samay aisa lagta jaise koi mere sath hai.. Maine bahut kuch feel kiya tha.. Ab ye sab paranormal tha ya nahi ye to mujhey nahi pata lekin undino main bahut dara hua rehne laga tha.. Har raat theek 3 baje meri aankh khul jaati.. Ye silsila jaise roz shuru ho gaya tha.. Rat me chahe main kitni bhi gehri neend me hota .. theek 3 baje meri aankh achank se khul jaati.. Na ek second aage na ek second peechey..
Maine ye baat apne bhai aur kuch relatives ko bhi batayi lekin wo sab isko mera veham samajh ke majak me uda dete they.. Dheere dheere mujhey rat me sone se hee darr lagne laga.. Kyuki bina kisi wajah ke har raat 3 baje meri aankh khulne lagi thi.. Aankh khulti to apne aaspas mujhey koi dikhai to nahi deta tha lekin kisi ke presence ka bahut ache se ahsas hota tha.. Kisi ke na ho ke bhi hone ka wo ahsas bahut hee bhayanak hota tha.. Ek din maine internet par iss bare me search kiya to pata chala kee rat 3 baje ka time shaitaano aur aatmao ka time hota hai.. Aur iss samay unki takat sabse jyada hoti hai… lekin fir dheere dheere ye sab achanak se band ho gaya.. Ab mujhey raat me ache se neend aane lagi thi..lekin mujhey nahi pata tha kee mera asli darr to abb shuru hone wala hai.. Ek raat sotey huey neend me mujhey aisa laga jaise koi meri chaati pe chadh ke baitha hai.. Uss waqt meri to puri body hee jaise paralyse ho gayi thi.. Main hil bhi nahi pa raha tha. Fir kuch seconds baad jab hosh aaya to ais alaga kee main spana dekh raha haoon.. Lekin ghadi me uss waqt theek 3 bajj rahe they.. Wo dekh ke to main darr ke mare kaanp hee gaya..
Dheere dheere mujhey ye bat to samajh aa gayi thi kee mere aspas koi na koi shakti to jarur hai.. Lekin wo jo kuch bhi mera bura nahi chahti.. Kyuki usne mera abhi tak kuch bura nahi chaha tha.. Shayad wo mujhey sirf apne hone ka ehsas karwana chahti thi.. Dheere dheere mujhey in sab cheejo ki aadat ho gayi.. Ab mujhey in sab cheejo se darr nahi lagta.. Mujhey nahu pata ye mere mama hai ya koi aur lekin jab uski marji hoti h wo mere pas aa jati hai.. Apne hone ka ahsas dilane ke liye..
=================================
Ye aaj se kareeb 25 sal pehle kee baat hai.. Hamare yahan muzzafarnagar me ek jagah padti hai.. Jiska nam hai charthawal.. Ye sabb wahin ke ek gaon me hua tha… To hua aisa tha kee uss gaon ke andar kuch ajeeb ajeeb cheejein hone kee baate failne lagi thi.. Batate hain kee uss gaon me ek bar ek aurat apne ghar me baithi namaz padh rahi thi.. Lekin namaz padhtey huey usey aisa mehsoos hua kee koi uske peechey khada hai.. Uska laga shayad ghar ka hee koi admi hoga.. Namaz padhne ke baad usne pure ghar me dekha.. Lekin pure ghar me koi nahi tha.. Usne jyada dhyaan nahi diya.. Aur apne kaam me lagg gayi.. Lekin fir usi din sham ko gaon ke ek dusre ghar me ek aurat ne apni almari kholi to dekha kee andar rakhe sare kapde jalle huey they.. Isi terah kee aur bhi bahut si cheejein uss din gaon ke bahut se gharo me hui thi.. Shuru shuru me to sabko laga kee shayad unhi ke gharo pe kisi ne jadu tona kar diya hai .. lekin dheere dheere jab ye sab cheejein gaon ke sab gharo m hui to logo ko samajh aaya kee ye to pure gaon ke upar hee koi bala aa gayi hai.. Ek rat ek budha aadmi apne ghar ke bahar charpai par so raha tha.. Achanak kisi ne usko charpai samet bahar sadak pe utha ke fenk diya.. Wo itni jor se gira tha kee uske sir se khoon nikalne laga.. Har roj gaon ke kisi ne kisi ghar me kuch na kuch hone laga.. Raat ke aksar gaon ki light chali jaati thi.. Aur andhera hotey hee pure gaon me ajeeb ajeeb aawazein gunjne lagti.. Dheere dheere ye sab itna badh gaya tha kee jaise hee pata chalta kee kisi ghar me kuch anhoni hui hai aur log bhaag ke uss ghar me jatey tabhi dusre kisi ghar se chillane kee aawazien aane lagti.. Gaon ne logo ne darr ke mare apne baachey bhi bahar bhej diye they.. Ek baar gaon ke hee ek ghar me ek beemar aadmi apne palang par leta tha.. Uska beta usko dawai dene ke liye pani lene hee gaya tha kee tabhi usko kamre se ek jor kee aawaz aayi.. Wo bhaag ke kamre me gaya to dekha kee uska baap neechey pada tha.. Usne jaldi se unhe palang pe litaya .. to uss beemar aadmi ne bataya kee uske bete ke jane ke baad ek aurat uss kamre me aayi thi.. Uska chehra bahut hee bhayanak tha.. Aur usi ne usko utha ke neechey fenka tha.. Gaon ke sab log darr ke mare rat me ek sath sone lage they.. Kuch log jaag ke rat bhar pehra dete.. Agar galti se bhi koi akele kahin chala jata to uski pitayi ki jane ki khabar milti.. Dheere dheere ye bat to sabka pata chal gayi thi kee ye kisi chudail ka kaam hai.. Lekin wo kahan se aayi hai iska kisi ko nahi pata tha.. Ye khabar itni fail gayi thi ki wahan ke newspaper me bhi iss bare me khabre chapne lagi thi.. Lekin sab log inko bas afwah hee mantey they.. Hamein bhi ye sab sirf jhuth hee lagta tha.. Lekin fir meri ek frend ka cousion jo ki usi gaon me rehta tha.. Usne bataya kee pehle usko bhi ye sab jhuth lagta tha.. Lekin fir ek din usne ye sab kuch apni aankho se hota dekha.. Usne bataya kee ek din gaon ka ek ladka dopahar ke samay apni chatt par baitha tha.. Tabhi use pata nahi kya hua wo chatt se seedha neechey kood gaya.. Aur peechey khet ki taraf bhaagne laga.. Usko koodta dekh uske gharwalo ne aawaz lagayi.. To aspas ke kai log usko pakadne ke liye bike leke uske peechey bhaag nikle.. Meri frend ka cousion bhi bike leke uska peechey ja raha tha.. Lekin wo ladka itni tej bhaag raha tha kee wo bike se bhi uska peecha nahi kar pa rahe they.. Fir kisi terah full speed par bike bhagatey huey unhone peechey se uss ladke ke bal pakad ke usko pakad liya.. Lekin baal pakadtey hee wo ladka wahin rukk gaya aur jor jor se chillane laga.. Mujhey chordo mujhey chor do.. Aur fir wo wahin behosh ho gaya.. Ye dekh ke sab log darr gaye aur tab jaa ke usko bhi iss baat par yakeen hua..
Gaon mee dehshat abhi bhi bani hui thi.. Logo ko kuch samajh nahi aa raha tha kee ye sab kyu ho raha hai..fir ek din ussi gaon ke ek chhor pe ek bahut budha aadmi rehta tha.. Wo bhoot pret jaisi cheejo ke bare me ache se janta tha.. Ek raat jab wo apne ghar me leta tha wo uso bahar sadak pe ek ped ke pas aurat khadi dikhai di.. Wo dekhtey hee samajh gayaa kee kuch gadbad hai.. To wo jaldi se bahar gaya aur uss aurat se pucha -kon hai tu.. aur yahan kyu khadi hai.. To wo aurat ek jhatke se bilkul uske samne aake khadi ho gayi.. Boli main kaun hu aur yahan kyu aayi hoon ye tum sab gaon walo ko bahut jald pata chal jaega.. Itna keh ke usne jaise hee uss budhey aadmi ka gala pakadne ke liye apne haath aage badhaya.. To uss admi ne badi chalaki se uss chudail ke peechey dekh kar bola– ye dkeho gaon walo.. Yahi h wo chudail jo tumhe pareshan kar rahi thi.. Fir uss chudail ne jaise hee peechey palat ke dekha to uss admi ne peechey se uske baal pakad liye aur kuch aayatein padhen laga.. Wo aurat bahut gusse se khud ko churane kee koshsih karne lagi.. Lekin nahi chura saki.. Fir uss budhe aadmi ne ussse pucha.. Bata tu kon hai.. Aur iss gaon me kya karne aayi hai.. Kyu sabko pareshan kar rahi hai.. Tabb tak gaon ke bahut sare log bhi wahan ikattha ho gaye they.. Aur fir uss chudail ne unko jo bataya wo sunke sab log hairaan reh gaye..
Wo boli kee mujhey tumhare hee gaon ke kuch kapti molviyo ne bulaya hai.. Kyuki wo apni shaktiya badhana chahte they.. Usne bataya kee ek din gaon ka ek aadmi accident me marr gaya tha.. To uske ghrwalo ne uska dah sanskaar kiya aur fir sab apne apne ghar chale gaye. Lekin fir usi raat gaav ke 3 molvi wahan pahuch gaye.. Wo log kai dino se iss moke ka intejar kar rahe they.. Apne sath wo log kale jadu kee bahut sari cheejein aur maans bhi lekar aaye they.. Aur fir wo log uss chita ke paas baith ke apni kriayein karne lage.. Unn sabka irada tha kee wo apni kriyaon se ek aisi shakti paida karenge jo kee bahut hee takatwar hogi aur unki har baat manegi.. Lekin unhe ye andaja nahi ki iss terah kee kriya kar pana aisey kapti logo ke liye bilkul namumkin hota hai.. Kriyae karte karte uss jagah ka mahool bilkul badal gaya.. Tej hawaien chalne lagi.. Chaaro taraf se ajeeb aawazien aane lagi.. Aur fir aakhir me unhone uss shakti ko maans ke tukdo diye.. Unke aise karte hee unn mans ke tukdo se ek aurat jaisi koi aakriti janam lene lagi.. Wo dekh ke wo teeno apne darr par kabu nahi rakh sake aur wahan se bhaag khade huey..unhone apni aadhi adhuri kriya se uss shakti ko bula to liya tha lekin usko apne kaabu me nahi rakh sake they.. Iss terah kee shaktiya kabhi bhi apni marji se nahi aati. Unko jabardasti bulaya jaata hai.. Isliye wo aurat bhi bahut gusse me thi.. Aur gaon mee aate hee usne pure gaon me aatank failana shuru kar diya tha.. Ye sari baat khud uss chudail ne uss budhe aadmi ko batayi thi.. Lekin sabse hairaani kee baat ye thi.. Ki wo chudail sirf uss budhe aadmi ko hee dikhai de rahi thi.. Aur kisi gaon wale ko nahi.. Wo aadmi chilla chilla ke sabe keh raha tha ke dekho..ye h wo chudail jsiko maine pakad liya hai.. Lekin wo kisi ko nahi dikhi.. Aur fir wo chudail moka dekh ke wahan se bhaag nikli..
Usske baad gaon ke sab logo ne milkar iss bare me baat ki.. Aur door door tak ke sab maulano ko uss gaon me bulaya iss musibat se chutkara pane ke liye.. Lekin koi kuch nahi kar paaya.. Aakhir me sabne faisla kiya kee gaon ke sab log. Yahan tak kee ek ek chota baccha bhi.. Milkar dua karenge… sabne aisa hee kiya.. Gaon ke sab logo ne milkar kai dino tak ek sath duaien kee.. Aur aisa karne ke kuch dino baad ye sab cheejein hona achank se band ho gayi.. Fir kuch dino bad ek raat ek bus me ek aurat chadi.. Uss aurat ne burqa pehna hua tha.. Wo uss gaon se bus me baithi aur fir jab bus gaon se bahar chali gayi to wo driver ke pas jaa ke boli.. Bol dena gaon walo se.. Abhi to main jaa rahi hoon. Lekin aaj ke bad inme se kisi ne bhi hamari shaktyo sekhelne kee koshsih ki to agl bar tumhari duwain bhi tumhe nahi bacha paeengi.. Aur itna bolkar wo wahan se gayab ho gayi..
====================================
Mera naam Karan hai.. Main Amritsar ke jandiala ka rehne wala hoon.. Main aapko apne dada ke sath ghati ek sachi bhootiya ghatna ke bare me batana chahta hoon.. Ye 1989 ki baat hai.. Mere dada ke 2 bhai they.. Ek bada aur ek chota.. To uss din mere dada apne chote bhai ke saath kahin se apne ghar aa rahe they.. Raat ke kareeb 2 baje ka time hoga.. Saath hee bata du ki un dino punjab ke halat bahut kharab they.. Isliye log apne gharo se bahar nahi nikalte they.. Mere Dadaji beedi bhui peete they aur uss waqt unhone beedi ka packet apni peechey wali jeb me rakha hua tha.. To raste se aate huey wo dono ek gali ke andar ghuesy.. Lekin uss gali me ghustey hee unko bahut ajeeb sa mehsoos hone laga.. Wo gali bilkul sunsan thi.. Jaise kee wo unse keh rahi ho kee yahan se chale jao..wo dono gali se aa rahe they kee tabhi unko apne peechey se aisi aawaz aayi jaise koi chatt se neechey kooda ho.. Unhone jhatt se palat ke dekha. Lekin peechey koi nahi tha.. Lekin fir jab unhone samne dekha to dekha kee ek ghar ke bahar ek budha aadmi baitha hua tha.. Mere dada ke chote bhai shuru se hee bahut darppok they.. Aur uss budhe aadmi ko wahan baitha dekh unke muh se cheekh nikal gayi.. Mere dada bhi bahut darr gaye they.. Lekin wo dono bas chupchap raste pe chalte rahe… fir thodi der bad jab wo dono uss admi ke pas se nikalne lage.. Tabhi uss aadmi ne unhe peechey se aawaz di.. Are gulshan.. Teri jeb jo beedi ka packet usme se kuch beedi mujhey bhi de de.. Jaise hee un dono ne wo aawaz suni.. To unko bahut hairaani hui.. Dadaji soch rahe they kee issey kaise pata chala kee mere peechey wali jeb me beedi ka bundle rakha hai..unka chota bhai to itna darr gaya tha kee usne pant hee geeli kar di thi.. Aur fir wo dono wahan se teji se bhaagne lage.. Lekin kuch door jaake unko wahi aadmi fir se apne samne khada dikhai diya.. Iss bar usne ek haath me chaaku le rakha tha.. Wo aadmi unse gusse me bola.. Tune mujhey beedi nahi di na ab dekh main kya karta hoon.. Itna kehtey hee wo wahan se gayab ho gaya.. Jaise taise wo dono bhagwaan ko yad karte huey apne ghar pahcuhe.. Lekin ghar pe un dono ne ye baat kisi ko nahi batayi.. Lekin ghar pahuchke ke unki maa ne chota dada ka dara hua chehra dekha to unko bahut hairani hui.. Unhone dada se pucha bhi ki isko kya hua.. Lekin wo bole kee iske peechey kutta pad gaya tha.. Isliye darr gaya hai.. Firr sab log sone ke liye let gaye..
Lekin subhe jab wo uthe to unko bahut tej bukhaar aa gaya tha.. Unhone bataya kee raat bhar unko usi aadmi ke sapne dikhai dete rahe… unki maa unko kai doctors ke paas bhi lekar gayi.. Lekin bukhaar utarne ke naam hee nahi le raha tha.. Teen chaar din baad tak unki tabiyat bahut hee jyada kharab ho gayi.. Tab jakar un dono ne uss raat ki puri raat apni maa ko batayi.. To unki maa jaldi se unko ek baba ke pas lekar gayi.. Baba ke yahan pahcuh ke unhone sari baat baba ko batayi to baba ne unko bahut daant lagayi.. Kee itni raat ghar kyu aa rahe they… lekin fir baba ne unka illaj kar diya.. Baba ne bataya kee wo aadmi pehle usi gali me raha karta tha.. Ek baar uske ghar me aag lag gayi thi.. Jisme jall ke uski maut ho gayi thi.. Tabse uski aatma ussi gali me hee bhataki rehti hai.. Aur raat me beedi maangti hai..
========================================

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Wendigo & HumanoidsSearch & Rescue

खून पीने वाले शैतान- Episode-231. Hindi Horror Stories.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

1 Comment

Leave a Reply

Your email address will not be published.

error: Get Lost !!