Indian Horror Stories

4 सच्ची भूतिया कहानियां

Hindi Horror Stories

Mera naam viraaj hai.. Man varanasi ka rehne wala hoon.. Main aapko apni mosi ke saath ghati ek ghatna batane ja raha hoon.. Meri mosi aisi thi kee unko bachpan se hee upari cheejein dikha karti thi.. Hamare yahan kaha jaata hai kee jiska angkach yani kee aura kamjor hota hai unhi ko ye sab cheejein dikhaid eti hain.. Lekin jo log dil ke majboot hotey hain unko ye sab cheejein nahi dikhti.. Waisey to meri mosi ne mujhey bahut sari kahaniya sunai thi.. Lekin main aapko ek kahani batana chahta hoon.. Kuch time pehle meri mosi kee dadi gujar gayi thi.. Mosi uss samay varanasi me nahi thi.. Wo wo bihar ke aurangabad jile me rehti thi.. To dadi kee maut kee khabar sunte hee wo varanasi aa gayi.. Mosi ko apni dadi se bahut lagaw tha. Isliye wo varanasi me hee ruk gayi.. Fir agle din raat me ..mama ke ghar pe sab log hall me soye huey they..  Lekin meri mausi us waqt rote huey apni dadi ko yaad kar rahi thi.. Wo man hee man boll rahi thi kee dadi aap mujhsey mile bina hee chali gayi.. Main aapko aakhri baar dekh bhi nahi saki.. Lekin batate hain na kee marne ke baad koi kisi ka nahi hota.. Mosi leti hee hui thi kee unko bahut hee dheeme se kisi ke rone kee aawaz sunai dee.. Mosi bata rahi thi kee wo aawaz bilkul aisi thi jaisey koi gana chal raha hoo.. Matlab kee wo aawaz bahut goonj rahi thi.. Aur dheere dheere wo aawaz tejj hone lagi.. Itni tej kee mosi ke kaano me aur sir me tej dard hone laga.. Wo dard ke maare tadapne lagi.. Unhone sabko jagane kee bhi koshish kee lekin unke muh se aawaz nahi nikal rahi thi.. Wo buri terah haath pair hila rahi thi.. Lekin koi bhi neend se uth hee nahi raha tha.. Mois ko laga kee ab unki jaan pakka chali jaegi..aur wo apne aakhri time me bhagwaan ko yaad karne lagi.. Unki aankho se aansu nikal rah ethey. Lekin hanuman chalisa khatam hote hotey wo aawaz dheere dheere kam hoti chali gayi.. Unko lag raha tha jaisey wo aawaz bahar gate kee taraf ja rahi hai.. Aur fir wo band ho gayi.. Uske baad kuch time tak mosi kee tabiyat kharab rahi lekin fir wo bilkul theek ho gayi..

==================================

Mera naam kajal hai.. Main bihar ke patna city kee rehne wali hoon.. Main jo kahani aapko batane ja rahi hoon ye sab meri maa ke saath hua tha..ye tab ke baat hai jab meri maa kareeb 10 saal ki thi.. Un dino wo log ek kiraye ke makaan me raha karte they.. Aaspas ke log us ghar ko bahut ashubh maante they.. Batate they kee jo bhi uss ghar me aata hai wo ya to wo ghar chor ke bhaag jata hai ye fir ghar ka koi aadmi pagal ho jaata hai.. Ek baar to uss ghar me ek aadmi kee ajeeb hee tareeke se maut bhi ho gayi thi.. Uss ghar me jahan toilet tha.. Us toilet ke peechey ek bada sa bargad ka ped bhi tha.. Aur wahan ke log batate they kee us ped par koi ek nahi balki kai terah kee buri shaktiyo ka was hai.. To ek din aise hee meri naani kitchen me khana bana rahi thi.. Tabhi unhe laga kee jaisey koi unke peechey se nikal ke gaya ho.. Pehle to unhone dhyaan nahi diya.. Lekin fir kuch der baad achanak se koi unka haath pakad ke kheechne laga.. Unko koi dikhai nahi de raha tha.. Lekin wo jo kuch bhi tha unko kheech ke bahar le jane kee koshish kar raha tha.. Meri naani bhagwan ko bahut maanti thi aur wo jor jor se bhagwan ka naam lene lagi.. To us cheej ne achanak se unka haath chor diya.. Wo ek jhatke se neechey gir gayi..  Unki aawaz sunke meri maa jaldi se unke paas gayi aur unhe sambhala.. Fir kuch din baad ek din subah subah meri maa jab toilet ke liye jaane lagi to unhone dekha kee unke jija ji jo un dino unhi ke saath raha karte they.. Wo chatt se utarke toilet ke andar chale gaye.. Maa wahin bahar khadi unke bahar aane ka wait karne lagi.. Uss waqt ma halki halki neend me thi.. Fir jab kafi der baad bhi unke jija toilet se bahar nahi aye to unhone apni maa se pucha.. Kee jija ji bahar kyu nahi aa rahe .. to unki maa ne bataya kee wo to abhi andar kamre me so rahe hain.. Unki baat sunek maa ko bahut hairaani hui.. Unhone theek se yaad kiya to yaad aaya kee wo shakhs wo upar se neechey utar ke aaya tha usne safed dhoti pehni hui thi.. Aur unke baal bhi lambe lambe they. Lekin wo uska chehra nahi dekh pai thi.. Wo unke jija nahi balki koi aur hee tha.. Dheere dheere sabko ye baat samajh me aa gayi ki ye ghar theek nahi hai.. Aur kuch hee dino baad unhone wo ghar khaali kar diya..  Unke padosi bahut hairaan they.. Bolte ke aap pehla aisa pariwar hain jo iss ghars e sahi salamat bahar ja rahe hain.. Shayad isliye kyuki un dino meri naani bahut pooja paath kiya karti thi.. Aaj wo ghar wahans e toda ja chuka hai.. Aur uski jagah wahan building bana di gayi hain..

==================================

Mera naam piyush hai.. Main aapko apne sath ghati ek sachi ghatna batana chahta hoon.. Main maharashtra ke aurangabad jile me padhai karne ke liye ek purane private hostel me raha karta tha..

Mere room ka aur mere saath wale room ka bathroom combined hua karta tha.. Main har sham gym se aane ke baad ande khata tha.. Toe k shaam jab main ande khane laga to dekha kee kuch ande kharab they.. Maine  unko dustbin me fenkna chaha lekin dustbin bhi neeche wale floor par thi.. To mainey unko ek buket me daal diya aur bathroom me  rakh ke so gaya. Fir raat kareeb 2 baje jab mera roommate toilet ke liye bathroom me gaya to usne dekha kee ek ladka us bucket se wo kharab ande nikaal ke kha raha tha.. Usne uss ladke se pucha.. Ki tu kon hai.. Lekin usne koi jawab nahi diya.. Tabhi usne dhyan se us ladke ka chechra dekha tod ekha kee uska chehra to tha hee nahi.. Bilkul plain tha.. Wo dekhtey hee wo bahut darr gaya aur mere room me aake mujhey uthane laga.. Mainey pucha kya hua to usne mujhey us ladke ke baare me bataya.. Pehle to mujhye uski bat par yakeenm nahi hua.. Lekin jab mainey khud jakar bathroome me dekha to mere bhi hosh udd gaye.. Wo hamare samen wale room me rehne wala 12 class ka ladka tha.. Jisne pichle saal apne room me faansi kha lee thi.. Ham dono uss din itna darr gaye kee hamne agle hee din wo hostel khali kar diya.. Aaj uss baat ko beete do saal ho chuke hain..

==================================

Mera naam anmol sahota hai.. Aur main punjab ke jalandhar mein ek chote se gaon wariana ka rehne wala hooon.. Main jo ghatna aapko bata raha hoon ye meri naani ke sath bahut saal pehle ghati thi.. Purane jamane me ek jagah se dusri jagah jane ke liye sab log paidal hee jaya karte they.. To ek baar aisa hua kee naani kee choti behan kee shadi hone wali thi.. Nana ji bhi un dino bahut beemar they.. Isliye shadi ka saman lane ke liye nani ko akele hee jana pada.. Wo sardiyo ka time tha.. Nani subah subah ghar se nikal gayi.. Aur fir shadi ka saman khareedne ke baad wo sham ko wapis aa rahi thi.. Shaam ke 7 bajj chuke they.. Andera ho gaya tha.. Nani apni dhun me jaa hee rahi thi kee unko raaste me ek ladki khadi dikhai de..us ladki ke baal khule they aur wo bahut darawni lag rhi thi..

Lekin Unhone us ladki pe dhyaan nahi diya.. Lekin fir us ladki ne unko aawaz dee.. Boli angoor do.. Angoor do mujhey.. To nani ussey boli kee mere paas koi angor vangoor nahi hai.. Tum yahan se chali jao.. Lekin wo ladki bar bar bas ek hee baat bole ja rahi thi.. Angoor do andgoor do mujhey .. nani ne socha kee shayad koi pagal ladki hogi.. Nani ne usey gusse se kaha kee itni raat tujhey mere paas angoor najar aa rahe hain..

Achanak wahan nani ke gaon ke ek aadmi aa gaya..   Wo apni bail gaadi se wahan se jaa raha tha. Usne nani ko wahan dekha to pucha kee tum itni der raat yahan kya kar rahi ho.. To nani ne kaha kee main to apne ghar ja rahi hoon lekin ye ladki mujhey tang kar rahi hai.. bar bar mujhsey angor maang rahi hai..  To us aadmi ne hairaani se pucha.. Konsi ladki.. To nani boli. Are ye ladki jo mere sath sath chal rahi hai.. Nani ne pichey mudd ke dekha,.. Lekin wo ladki wahan se gayab ho chuki thi. Wo bailgadi wala aadmi sari baat samajh gaya. Usne nai se kaha kee tum upar baith jao main tumko tumhare ghar tak chor aata hoon.. Fir jab naani apne ghar pahuchi to unhone sari baat apne gharwalo ko batayi.. To unke gharwalo ne bataya kee wo gaon kee hee ek ladki thi.. Ek din wo apne gharwalo se angoor laane ke jidd kar rahi thi.. Lekinjab unhone angoor laake nahi diye to usne kuein me kood ke khudkushi kar li.. Us din se wo us raaste se aate jaate logo se angur maangti hai..

==================================

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Real Jinn Story. Episode-247. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!