Indian Horror Stories

भूतो की सच्ची कहानियां. Real Ghost Stories in Hindi. Episode- 243. Hindi Horror Stories. #HHS

mera naam ansh kumar hai.. main delhi me shahdara ke balbir nagar me rehta hoon.. main jo kahani aapko batane jaa raha hoon ye sab kuch meri maa ke sath hua tha.. ye pichle saal kee baat hai.. meri maa roj kee terah ghar kee safai kar rahi thi.. subah kareeb 7 baje ka time tha.. sath hee bata doon ke hamara ghar ek chorahe par bana hai.. to safai karti hui maa jaise hee ghar ke bahar gayi to dekha kee bahar hamare ghar pe lagi ek slab par kisi ne totka kar ke rakha hua tha.. ksii ne mithai ke ek dibbe me ek gudiya ka ache se shringaar kar ke bilkul kisi dulhan keeterah saja ke uss dibbe me kuch mithaiyo ke satah rakha tha.. saath me ek diya bhi jall raha tha.. meri mummy in sab cheejo par vishwas nahi karti thi.. to mummy ne uss dibbe ko pair se laat maar ke neechey naali me gira diya. lekin aisa karte hee mummy kee tabiyat achanak se kharab ho gayi.. mummy ko 108 degree bukhaar aa gaya tha.. hamein samajh hee nahi aa raha tha kee mummy ko achanak se kya ho gaya.. abhi kuch der pehle tak to mummy bilkul theek thi.. ham jaldi se mummy ko doctor ke paas lekar gaye.. dawai lene ke baad mummy thoda hosh me aayi .. lekin jab tak dawaiyo ka sar rehta tab tak hee mummy kee tabiyat theek rehti.. aur asar khatam hote hee mummy fir se beemar pad jaati.. paanch mahino tak aise hee chalta raha.. hamne bahut se doctors badle.. lekin koi fayda nahi hua.. mummy sookh ke bilkul kaanta ho gayi thi.. raat me ham mummy ke paas hee sote they.. sote sote mummy pata nahi kya badbadati thi.. ek raat mummy ko sapne me ek bahut badi parchai dikhai di.. jsine bilkul kate fate kapde pehne huey they… uski taange bahut badi thi.. usne mummy se kaha kee tu bahut jald maregi.. itna suntey hee mummy kee aankh khul gayi.. mummy rone lagi.. ham sab bhi sath me hee lete they.. aur mummy kee baat sunke ham sab bhi bahut darr gaye.. aakhir me papa ne mummy ko ek taantrik ko dikhane ka faisla kiya.. puri raat ham logo ne bina soye he bita di.. fir agle din kisi ne papa ko bata ko bataya kee shadhara me ek tabtrik baba hai.. ap inko unke pas lejakar dikhao.. to papa mummy ko ek rikshe me bithakar unn baba ke paas le jane lage.. lekin aadhe raste pahcuhte hee mummy ajeeb hee terah se badbadane lagi.. papa ne pucha kya dikkat hai to mummy boli kee unko bahut tej toilet aa rahi hai.. papa bole nahi.. jab tak ham baba ko nahi dikhatey tab tak ham kahin nahi rukenge.. papa samajh gaye they kee mummy kyu rukne ko keh rahi thi.. kyuki wo cheej unko wahan jane se rokna chahti thi.. fir wo log unn baba ke paas pahcuhe to baba ne dekhtey hee bata diya iss iska chorahe pe pair pada hai.. to mummy ko uss din kee saari baat yaad aa gayi.. mummy ne baba ko uss totke ko laat marne wali baat batayi.. fir uss baba ne laal rang kee koi gol se cheej mummy ko haath me pakadne ko dee. aur kaha kee ab chahe kuch bhi ho jaye ye haath se nahi chootna chahiye.. aur fir wo baba mantra padhne lage.. aur mantra padhna shuru karte hee mummy ke pair se sir se aur kamar se all pin kee terah choti choti suiyaan nikalne lagi .. mummy dard se karhane lagi.. fir baba ne haaths e kheechkar wo suiyan mummy ke shareer se bahar nikaali.. baba ne bataya kee ye totka khaas aapke liye hee kiya gaya tha.. aur karwane wale bhi khaas aapke hee rishteydari me aata hai.. fir unhone mummy ko pehanne ke liye ek maala di.. tabb se lekar abhi tak mummy bilkul theek hai..
============================
mera naam sushma hai.. main jo kahani aapko batane jaa rahi hoon ye aaj se 40 saal pehle meri maa ke saath hua tha.. uss samay ham log chattisgarh me khairagarh me raha karte they.. uss samay हमारे घर मे नल नही था .. isliye घर के सभी लोग नहाने के लिए पास की नदी मे जाया करते थे। to एक दिन aise hee meri मा दीदी और मेरी भाभी सुबह subah नहाने ke liye nadi me चले गऐ। ye log hamesha din nikalne se pehle hee nahane jaate they.. lekin wo raat bahut उजली होने kee wajah se उनहे समय का पता नही चला। nadi kinare pahuch ke wo teeno naha hee rahi thi kee tabhi.. मेरी मॉ ने देखा kee नदी के दूसरी तरफ एक आग का गोले जैसा कुछ dikhai padd raha tha और वो को उनकी ओर तेजी से badhta aa रहा था। उसे देखकर मॉ bahut घबरा गई। aag ka wo gola जैसे जैसे उनकी ओर आता जा रहा था वैसे वैसे वो bahut बढा होता जा रहा था। lekin nadi ke beech pahcutey hee wo achanak se gayab ho jaata.. ऐसा कई बार हुआ। मॉ ने jaldi se मेरी दीदी और भाभी को नहा कर वहॉ से वापस चलने को कहा।
aur fir wo teeno जलदी जलदी घर wapis aane लगे। लौटते समय रासते मे ही हमारे दुधवाले का घर पढता था। मॉ ने सोचा कयो ना jate jate doodh lekar chalte hain.. तो उनहोने दुधवाले के घर का दरवाजा खटखटाया , doodhwale ne अंदर से hee पुछा कौन है। to मॉ ने अपना नाम batate huey kaha .. bhayya सुबह हो गई है दुध दे दो। to दुधवाले ने हैरानी से जवाब दिया अरे अममा आप इतनी रात कया कर rahi हो अभी to रात के 2 बजे है। ये सुनकर मॉ और जयादा घबरा गई और दोनो को लेकर जलदी se घर aa gayi और दरवाजा बंद कर लिया। सुबह जब दुधवाला आया तो उसने बताया कि कुछ दिनो पहले एक औरत कि लाश वहॉ जलाई गई थी तब से aur bhi kai लोगो ने भी इसी तरह ke aag ke gole ko dkehne kee baat batayi hai.. पर किसी को भी ye समझ नही आया कि आखिर उस आग के गोले का संबंध उस लाश से था या वो कुछ और था। और वो नदी के बीच मे गायब कयो हो जाता था।
==============
mera naam simran nanakpuria hai.. Main Punjab ke nanakpura jagera kee rehne wali hoon.. main jo baat aapko bata rahi hoon ye mujhey meri nani ne sunai thi.. Mein yeh baat aap logo ko is liye bata rhi Hoon ki aapko pata chal sake kee kaise Kai baar hmm Jane anjane mein ruhon ko apne pichhe lga lete Hain. To kahani aisi hai ki uss gaon mein ek doodh vala rehta tha. Uska Ghar gaon ke bahar ki taraf tha . Vo har roj subhe no bje doodh dene jaata tha. Lekin Ek din jab vo doodh dekar Ghar wapis jaa rha tha to raste mein hee uski cycle ka tyre puncher ho gya. To wo cycle theek karwane laga.. aur cycle theek krvate krvate use duphar ho gai. Fir jab wo apne Ghar jaa hi rha tha ki rste mein use ek pipal ke ped paas ik ldki dikhai di. Us ldki ne lal rang ka lehnga suit pehna tha or bilkul kisi nai dulhan ki treh gehne pehne the .. ghungat bhi kiya hua tha. Aisa lg rha tha jaise wo koi nayi naveli dulhan ho. aur fir wo ladki uss doodh wale ke cycle ke paas aa ke ruk gayi Or usse puchhne lgi k aap uss gaon kee taraf ja the ho ? Mujhe bhi ussi or Jana hai Kya mujhe bhi apne saath le jaoge? doodh wale ne hairaani se pucha.. kee aap ho kon.. ? To us ldki ne kha ki mujhe ek bar apne saath le Chalo apne aap pata chal jayega . uski baat sunke Doodh vale ko shak huya kee jarur kuch gadbad hai.. tow o man hee man hanuman chalisa padhne laga.. to wo ladki ekdam se peechey hatt gayi.. doodh wale ne uss ladki ko dhyaan se dkeha to lehnge me uske halke halke pair najar aa rahe they.. jo kee ultey they.. wo dekhtey hee wo samajh gaya kee ye pakka koi schudail hai.. Usne kha k tum mujhe maaf kro mein tumhe saath nhi leja skta or tumhe bhi mere pichhe nhi aana hai. Itna keh ke wo jaldi se wahan se chala gaya.. thodi door jakar usne peechey mud ke dekha to peechey koi nhi tha.. lekin tabhi usko awaz sunai dee.. agar tu mujhe apni cycle pr bithha leta to mein tujhe apne saath hi le jaati. wo ladki pakka koi chudail thi.. lekin uss aadmi ki kismat achi thi jo wo bach gaya..
=======================

Mera naam Bishal Barun Dutta hai. aaj me aur eak bilkul satchi or bohot hi emotional horror story batale wala hoon. Ye shillong ki ek bahut he famous ghatna hai..
Jab ham chote chote they tab ye ye kahani mujhe meri dadi ne sunai thi.
Toh hua esa tha yahan shillong me eak christian ladki aur ladka ek dusre se bahut pyaar karte they.. Kuch he time baad unki shaadi bhi hone wali thi.. Lekin isi doran us ladke ko fauj me noukri lagg gayi. wo kafi samay se uss nokri ke liye tayyari kar raha tha.. to fauj se bulawa aane par ussko apni girlfreind ko chor ke duty ke liye jaana pada.. wo dono kabhi ek dusre se alag nahi rehtey they.. lekin ladke ke chale jane kee wajah se ab unka milna band ho gaya tha.. dheere dheere samany beetta gaya. un dino baat karne ke liye phone wagera bhi nahi hote they. isliye unki aapas me koi baat nahi hoti thi.. fir aakhir me ek saal baad ladke ko ghar jane ke liye chutti mili to ghar ahcuhtey hee wo bina rest kiye seedha apni girlfrend se milne uske ghar kee taraf jaane laga..wo sardiyo ka mausam tha. aur shillong ke jyadatar hisso me barf pad rahi thi.. kadakti thand me wo kisi teerah teshe medhe raasto se bike chalata hua apni gf ke ghar kee taraf jane laga.. kohra bhi bahut tha.. tabhi usko raaste me ek ladki jaati dikhai di.. wo ladki ek bahut hi sundar dress pehne dheere dheere aage jaa rahi thi.. wo uss ladki ke pas pahucha to dekha kee ye to usi girlfreend hee hai.. dono ek dusre ko dekh ke bahut khush ho gaye.. uske baad pura din unn dono ne ek hee sath bitaya.. fir sham ko ladke ne kaha kee chalo main tumko ghar chor aata hoon.. lekin wo ladki boli nahi.. tum pareshan mat ho.. main khud chali jaungi.. ladka uski baat maan gaya,.. lekin jane se pehle usne apni jacket utaar ko ladki ko pehna di.. jisse kee usko thand na lage.. usne kaha tha kee main kal tumhare ghar aake jacket wapis le jaunga.. aur uske baad dono apne apne ghar chale gaye..
fir agle din dopahar ke time ladka apni gf ke ghar chala gaya.. wahan pahadiyo par jyadatar log unchai par hee apne ghar banate hain.. to uss ladke nee upar jaa ke darwaje pe knock kiya to usski gf ki maa bahar nikal ke aayi.. ladke ne muskurate huey usey bataya kee wo usse se milne aaya hai.. lekin tabhi uss ladki ki maa rone lagi.. usne bataya kee uski to kai mahine pehle hee maut ho gayi thi..ye bat sunte hee uss ladke ke to pairo tale jameen khisak gayi.. ladke ne kaha nahi aisa kaise ho skata hai.. main to kal hee usse mila tha.. to ladki kee maa rote huey use uss kabristan me lekar gayi jahan uss ladki ko dafnaya gaya tha.. wahan uss ladke ne dekha kee jo jacket kal usne uss ladki ko di thi wo wahan uski kabar me lagi cross ke upar tangi thi.. kal jo ladki usse mili thi wo asal me uski maru hui gf ki aatma thi.. jo shayad aakhri baar use milne aayi thi..
===========================
mera naam mayank hai.. main abhi 13 saal ka hoon.. main jo kahani aapo batane ja raha hoon ye aaj se 40 saal pehle mere nanaji ke saath hua tha. tabb mere nanaji jharkhand ke ek chote se gaon me raha karte they.. unn dino nanaji ke gaon me chaaro taraf ped hee ped aur jangle hua karte they.. pure gaon me bas thode se hee ghar bane they.. nanaji ek compunder kaa kam karte they..aur kaam ke liye subah subah hee ghar se nikal jaate they.. fir dopahar 3 baje ke aaspas wo ghar wapis aate they khana khane ke liye aur fir se hospital me kaam par chale jaate they..
raat me wapiss aate aate nanaji ko kabhi 10 to kabhi 11 bhi bajj jaate they.. lekin mere nanaji bahut bahadur they.. wo bhoot pret jaisi cheejo se bilkul nahi darte they.. raat ke 12 baje bhi koi nanaji ko shamshan ghaat me jaane ko bol de to bho wo akele jane se nahi darte they.. to aise hee din nanaji subah subah hospital ke liye nikal gaye.. uss din wme bhi ghar khana khane ke liye nahi aaye they.. shayad hospital me hee unhone khaana kha liya tha.. isme kuch bhi naya nahi tha.. aise bahut baar ho chuka tha.. fir raat me nanaji ko wapis aate aate
naanji ko 1 bajj gaya tha.. nanaji apni moped chalatey huey jangle ke ubad khabad raaste se aa rahe they.. aaspas se kutto ke bhonkne kee aaawazein bhi aa rahi thi.. lekin nanaji un awazo se bina dare apne raste par aate rahe.. kuch door jaane ke baad nanaji ko laga jaise aage raste ke beech koi khada hai.. to unhone jaldi se apni moped rok li.. lekin moped roktey hee wo saaya wahan se ayab ho gaya.. nanaji ne socha kee jarur unko dhokha hua hoga.. aur wo fir se apni moped chalane lage.. lekin thodi door jaate hee unko fir se koi raaste ke beech khada dikhai diya.. lekin moped roktey hee wo wahan se gayab ho jata.. aisa nanaji ke saath kai bar hua.. nanaji ne dhyaan se uss saaye ko dkeha to wo saaya bilkul safed tha.. nanaji samajh gaye kee ye mera weham nahi hai.. balki yahan pakka koi upari cheej mojood hai.. nanaji ne jaldi se moped start ki aur usko bhagatey huey seedha apne ghapahuch gaye.. tab tak rat ke 2 bajj chuke they.. lekin ghar pahuchtey hee nanaji ki tabiyat kharab ho gayi.. agle kai dino tak nana beemar rahe.. nanaji ne khana bhi bahut kam kar diya tha.. wo pure din me bas 2-3 rotiya hee khaaya karte they.. ek baar nana ne apni jhuthi roti ek kutte ko de di to roti khaa kar wo kutta wahin marr gaya.. meri naani pooja path bahut karti thi.. ye dekh ke naani jaldi se pooja ke kamre me gayi aur ek thaali me kuch chejein rakh ke laayi aur nana ji ko hanuman chalisa padhtey hueey jhaada lagane lagi.. fir jab hanuman chalisa khatam hone wali thi to nanaji rone lage.. kisi ladki ki aawaz me.. to nani boli.. are mard ho ke aurat kee awaz me rota hai.. nana aurat kee awaz me hee bole.. main mard nahi aurat hoon.. to nani ne gusse me pucha.. kon kaali shakti hai tu.. inke upar kaise aa gayi hai tu.. to uss aurat ne bataya kee ye ek raat 1 baje meri jagah se gujar raha tha.. tabhi maine isey pakad liya.. main tab se hee iska khoon pee rahi hoon.. nani gusse me boli ab tu chali jaa yahan se.. to wo aurat boli haan chali jaungi pehle mujhey thod apaani to pila de.. nani boli theek hai aur fir nani nana ko upar chatt pe le jaati hain.. wahan par ek nal laga tha.. nani boli.. pee lo paani.. aur naana ji jaise hee uss nal se pani [eena khatam karte hain.. tabhi hairaani se baki logo se puchtey hain.. are tum log yahan kya kar rahe ho.. chalo neechey chalo.. nanaji ke andar se wo aatma nikal chuki thi.. uske baad se nana ki tabiyat bilkul theek ho gayi..
========================
mera naam faisal hai.. main karnatka ke mysore me rehta hoon.. main aapko ek chudail ke bare me batana chahta hon jo aaj bhi karnataka ke peripatna ilake me bhatakti hai.. ye 10 saal pehle kee baat hai.. jab main 16 sal ka tha. aur ek bar chuttiyo me apni bua ke yahan gaya hua tha.. ye pehli baar tha jab main apni bua ke yahan gaya tha.. uss din jaise hee hamari ambasdor car uss gaon ke andar ghusi to mujhey bahut ajeeb sa mehsoos hone laga tha.. uss gaon me ek bahut bada bargad ka ped tha jisne gaon ke bahut bade hisse ko cover kiya hua tha… uski jade tak jameen se bahar nikal rahi thi.. din me main apne cousions ke saath khoob khela..a ur fir rat me jab ham sone jane lage to mere cousion ne bataya kee raat me agar bahar se koi aawaz aaye to bilkul bhi uthna mat.. aur washroom ke liye to bilkul bhi bahar mat jana.. kyuki washroom ghar ke bahar hee bana tha … mjujhey laga wo log mujhey dara rahe hain.. to maine unki baat ko majak samajk samajh se taal diya.. aur sone chala gaya.. lekin fir raat me sote sote achanak mujhey toilet lagne lagi.. main bahar washroom jana chahta tha.. lekin apne bhai kee baat yaad kar ke mujhey bahar jane me dar lagg raha tha.. to main fir se chupchap aankh band kar ke let gaya… lekin fir kuch hee der baad mujhey bahar se payal kee tej aawaz aane lagi.. jaise kee koi payal pehan ke naach raha hoo.. aur wo aawaz seedha ghar ke upar se hee aa rahi thi.. mujhey darr lagne laga.. tab tak mujhey toilet bhi bahut tej aane lagi thi.. kisi ko jaake jagane kee himmat bhi nahi ho rahi thi.. isliye main akela hee kamre se bahar nikal gaya. bahar bilkul andhera tha.. pure gaon me sannata chaaya hua tha.. aur bahut thandi hawa chal rahi thi.. jabki wo march ka mahina tha wo bhi karnataka ka.. main jaldi se toilet me ghus gaya aur toilet kar ke main jaise hee bahar nikla tabhi meri najar upar chatt par ek safed saaye par padi.. wo theek meri bua ke ghar ke upar khadi thi.. aur wahan khadi wo ghungru pehan ke naach rahi thi.. wo dekh ke main darr ke mare fir se washroom me ghus gaya aur darwaja band kar liya.. lekin wo darwaja metal ka bana tha.. jo ki bahut aawaz karta tha.. darwaje kee aawaz hotey hee wo aurat meri taraf dekhne lagi.. maine andar darwaje me se hee ek ched me se dekha kee wo kam se kam 10 feet lambi thi.. aur uske chaaro taraf ek safed ujala tha.. aur fir wo meri taraf aane lagi.. lekin tabhi.. uss bargad ke ped se ek bahut tej cheekh nikli.. aur ek bahut bada kaala saya nikal ke bahar aa gaya.. jaise kee wo mujhey hee bachane aaya ho.. main uss aurat ko to ache se dekh paa raha tha lekin uss saaye ka koi aakar nahi tha.. bas uske pairo ko chor ke.. uske pair me kada tha.. tabhi wahan pas ki masjid ke molvi bhaagtey huey aaye aur mujhey apne sath masjid ke andar le gaye.. uske baad main puri rat nahi soya.,.. wo ajeeb se aawazein subah 5 baje fazr ki namaj hone tak aati rahi.. fir subah ghar ke sab log mujhey dhundtey huey masjid me pahcuh gaye.. lekin tab tak merko uss hazrat ne sab kuch bata diya tha. unhone bataya kee wo ek shraapit chudail hai.. jo chote baccho ka shikaar karti hai aur unki bali leti hai… aur jo wo kaala saya tumne dekha tha.. wo asal mee iss gaon ke pas bani ek mazaar ke wali kee taraf se aaya tha tumko bachane ke liye.. uss chudail ko kabhi ye shraap diya gaya tha kee wo kabhi ma anahi ban sakti.. isliye uss gaon me bhi ksii ke koi bacha paida nahi hota.. agar hota bhi hai to mara hua paida hota hai aur bache kee peeth ke peeche ek haath ka nishaan chapa hota hai. isliye gaon ki jo bhi aurat pregnant hoti hai wo dusre gaon me chali jaati hai.. aur baccha paida hone ke baad hee gaon ke andar aati hai.. wo bhi uss mazar se ek taveez bandwane ke baad..
====================
main aapko apna naam to nahi bata sakta lekin main nepal ka rehne wala hoon.. main aapko jo baat bata bata raha hoon ye mere sath tab hua tha jab main indrajaal ka adhyaan kar raha tha.. uss indrajal ki kitab me maine shamshan kali ki sadhna ke baare me padha to maine wo sadhna karne ka faisla kiya.. main aapko bata doon ki shamshaan kali mata mahakalika ka hee tamsik roop hai jo ki shamshan me niwas karti hai.. to maine uss sadhnna ki tayyari shuru ki aur sadhna ke jaruri sara saman ikattha kiya jaise kee narmund ki mala, mithai fool, kale kapde, bhainse kee chamdi ka asan, bali ke liye murga aur chaaku.. maine ye sab cheejein ikkathi to kar li.. lekin ye sadhna shamshan ke andar baithkar hee karni hotit hi.. jo kee mere liye possible nahi tha. isliye maine ek shamshan ghat me jaa ke alag alag chitaon se raakh aur koyle uthaye aur aatma ka aahvaan kiya aur shamshan ke peechey ek jungle me chala gaya.. wahan jaa ke maine chit ki rakh aur koylo ko wahin fenk diya aur haath me jal lekar sankalp kiya kee aaj se main is sjungle ko hee shamshan maan ke yahan shamshan kali kee sadhna karunga.. aur fir maine aakash, dharti, jal, vaayu aur agni ko sakhsi maan ke wahan mithai aur jal chadhaya aur murge ka mans ande rakh ke wahan se ghar aa gaya.. fir agle din se maine sadhna karna shuru kee.. sadhna raat 12 baje shuru hoti thi.. sadhna shuru karne se pehle main mahakaali ka raksha kawach lagaya tha.. main aapko bata dooon kee sansaar me sabhi kawacho o toda ja sakta hai lekin kali mata ke kawach ko bhedkar koi andar nahi aa sakta.. main har raat wahan sadhna karta aur maans mithai jal chawal chandan aur fool wahan rakh ke wapis aa jata.. sadhna karte huey mujhey bahut se anubhav hote they kabhi kisi ke rone kee to kabhi kisi ke hansne kee ya chalne kee awazein aati.. lekin main janta tha kee sadhna me ye sab hona normal baat hai.. aur aise hee dekhtey dekhtey sadhna ka aakhriri din aa gaya.. lein uss din meri sadhna khandit ho gayi.. uss raat aisa hua kee jab main sadhna kar raha tha to achanak pata nahi kahan se ek sher wahan dahadey huey aa gaya.. Uss sher ko achanak wahan dekh main kuch nahi soch saka.. aur sadhna sthal se seedha bhaag gaaya.. lekin suraksha ghere se bahar aate hee mujhey ek ladki jiska sir nahi tha usne mujhey pakad liya.. lekin uske pakadtey hee kisi cheej ne us ladki ko mujhsey door utha ke fenk diya.. main seedha ghar chala aaya.. main bahut dukhi tha ke meri sadhna safal nahi ho saki.. lete lete meri aankh kab lag gayi pata hee nahi chala.. lekin fir mere sapne me mujhey kaali maata dikhai dee.. wo bahut gusse me thi.. main aapko bata doon kee main kali mata ka bahut bada bhakt hoon.. bachpan se hee main kali mata kee pooja karta aa raha hoon.. meri mummy ne bhi mujhey kaali mata ke vrat karke janam diya tha.. mata ne apne haath me ek danda le rakha tha.. unhone uss dande se meri bahut pitai kee.. unhone kaha kee agar main wo sadhna siddh kar leta to meri maut ho jaati.. isliye mata nee hee sher bhejkar meri sadhna khandit kee thi.. maine mata se maafi maangi to mata muskurai aur mere sir pe haath fer ke kaha kee tujhey aisi koi sadhna karne ki jarurat nahi hai.. teri pooja bhakti se main pehle hee bahut prasann hoon.. mata ne kaha kee jab main sadhna ke yogya ho jaunga to wo khud mere margdarshan karengi.. itna keh ke mata mere sapne se chali gayi.. uske baad meri bhi aankh khul gayi..

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!