Wendigo & HumanoidsSearch & Rescue

खून पीने वाले शैतान- Episode-231. Hindi Horror Stories.

Apni baat shuru karne se pehle main aapko bata du kee main ek forest ranger ka kaam karta hoon.. Jiska matlab hai kee samay samay mera mera samna kuch bahut hee ajeeb ajeeb cheejon se hota rehta hai.. Aisi aisi cheejein jo kee normal public ko agar pata chale to wo kabhi in par yakeen nahi karenge.. Aisi hee ek ajeeb ghatna ke bare me batau to ye kuch saal pehle ghati thi.. Jab hamein jangle me ek jagah bahut sare janwar mare pade mile they.. Kisi bhi janwar ki lash par koi chot ka nishan nahi tha.. Samajh hee nahi aa raha tha ki itne sare janwar achanak se kaise mar agye.. Lekin fir unlaasho ko dhyaan se dkehne par hamein notice kiya kee sabhi janwaro ke shareer par 2 ched ho rakhe they.. Aur ye ched kisi particular jagah par nahi they.. Kisi janwar ke pet pe, kisi kee taang pe to ksii kee gardan pe.. Lekin nishaan sabhi ki bodi par they.. Aur un sab janwaro ki maut bhi jyada khoon beh jane kee wajah se hui thi.. Sabhi dead bodies ki halat aisi thi kee unse ek ek boond khoon nichod liya gaya ho.. Aur ye koi chote janwar nahi they.. Balki bade janwar jaise kee heeran, bandar yahan tak kee bhaalu bhi.. Aur sabse hairaani ki bat ye thi kee jahan wo laashein padi thi wahan aaspas koi khoon nahi tha.. Samajh hee nahi aa raha tha kee agar inka khoon nikla to gaya kahan. Mere ek saathi ne bataya kee ye kisi vampire ka kaam ho sakta hai.. Uski baat sunke ham sab hansne lage.. Waise bhi usne ye bat majak me kahi thi.. Lekin ye sab kiya kisne tha.. Iska jawab kisi ke pas nahi tha.. Agle kai hafto tak iss terah ke lashein hamein jangle se milti gayi.. To aakhir me administration ne decide kiya kee han jangle me kuch night vision camere lagagenge.. Saath hee kuch rangers ko night duty par bhi lagaya gaya.. Ki agar raat me camero par kuch najar aata hai to ham jaldi se uss jagah jaa ke investigate kar sake.. Jin rangers ki night duty lagi thi main bhi unme se ek tha.. Sabke dimag me bas yahi sawal tha kee konsa janwar ais akam kar sakta hai. Jab meri night duty lagi to aisi kisi janwar se samna hone ka darr to dil me tha hee lekin usse jyada main intrested tha uss janwar ko dkehne ke liye.. Jiss din camere lagaye gaye usi raat .. raat mee kareeb 1 baje baje ham jangle me ek camp me baithe they. Tabhi hamein jungle me ek jagah se kuch ajeeb si aawazein sunai di.. Jangle me rat me waise to ajeeb ajeeb aawazein aati rehti hain.. Lekin wo aawaz alag thi.. Ham usi waqt samajh gaye.. Kee jarur wahi janwar hai jiskka ham intejar kar rhe hain.. Ham uss cheej ke jyada pas nahi jana chahte they isliye sabse pehle ham apne camera monitor par najar daali. Pehle to hamein monitor par kuch najar nahi aaya.. Lekin fir kareeb 10 minute baad hamein koi movement dikhai di.. Hamein nahi pata wo kya tha lekin dikhne me wo bahut hee takatwar lag rha tha .. uski skin kaali thi jispar shayad baal bhi they… hamare monitor par dekhtey hee dekhtey usne ek heeran ko itni aasani se kaabu kar liya jaise kee wo kuch ho hee na. Hamein samajh aa gaya tha kee yee koi mamuli janwar nahi hai.. Usko pakadne ke liye hamne koi trap bhi nahi lagaya tha.. Lekin hamare pas flare guns aur apni service pistols jarur thi.. Usko dara ke bhagane ke liye hamne ek flare gun aasman me chala di.. Lekin usko to jaise koi fark hee nahi pada.. Hamne 3-4 round flare aur chala dee.. Usko dara ke bhagane ke liye.. Is baar shayad usko aisa karna pasand nahi aaya.. Kyuki asman me flares chalteyhee wo ek bhayan aawaz ke sath wahan se bhaagne laga.. Ham teen rangers wahan mojood they.. Jinme se ham do to purabe rangers they lekin hamare sath ek naya ladka bhi tha.. Ham jante they iske peechey jana theek nahi hai.. Ham bas usko bhaagte dekh khush they.. Wo jo kuch bhi tha jab wo itne bade bade janwaro ko asani se kaabu kar ke unka khoon choos sakta tha to ham to uske saamne kahin bhi tikne wale nahi they.. Lekin wo naya ranger jo hamare sath tha.. Usko pata nahi hero banne kee kya soojhi.. Wo bhi uss janwar ke peechey bhaagne laga.. Wo to shukar hai kee wo janwar bahut hee tej tha aur kuch hee seconds me wahan se gayab ho gaya nahi to uss naye ranger kee bewakufi ham teeno ko hee usibat me dal sakti thi.. Khair ham usko pakad to nahi sake lekin uss din se hamein jangle me kisi janwar ki waisi koi lash fir nahi mili.. Shayad wo uss jangle se hee chala gaya tha. Shayad usko pata chal gaya tha ee ab wo hamari najro me aa chuka hai.. Lekin wo asal me tha kya.. Aur janwaro ka khoon peene me usey kya maja aata tha.. Ye raz hamesha ke liye raaz he rahega..
=================================
Main america ke Arizona me rehta hoon.. Mere mummy papa ko horse riding ka bahut shauk tha.. Har sal wo chuttiyo me door horse riding ke liye jaate they.. Papa ko horse riding itni achi lagti thi kee unhone apna farm house bhi khareed liya tha.. Jisse ki wo jab chahe jaa ke horse riding kar sake.. Lekin ek bar unke sath aisi ghatna ghati jisey wo aajtak bhula nahi ssake.. Ye baut sal ehle kee baat hai.. Mummy papa ki shadi huey 2-3 sal hee huey they.. Mummy papa ghumne ke liye gaye huey they.. Din me dono horse riding karte aur fir raat me camp me rukte.. Hamesha kee terah dono camping ka sara saman tent wagera sath lekar gaye they.. Ghoda ko kaise handle karna hai papa ko bahut ache se aata tha.. Rat me camp pe ruktey huey apne godho ko kahan aur kaise bandhna hai.. Jisse kee wo jangli janwaro aur saanp wagera se safe rahe aur paani aur khaan bhi uske paas rahe.. Mere Kehne ka matlab ki mere mummy papa in sab cheejo me expert they.. Lekin ek raat unke sath ek bahut buri ghatna ghati.. Camping karte huey ek subah wo log uthey to dkeha kee unka ek ghoda mar gaya tha.. Matlab kee wo jameen par bas mara hua pada tha.. Na usko koi chot lagi thi.. Na uska khoon nikla tha..
Lekin sirf ek ghoda.. Dusra ghoda bagal me hee bandha tha bilkul normally.. Jaise kee usne kuch dekha hee na ho.. Ya fir usey koi fark hee na pad raha ho apne stahi ke marne ka.. Ye bahut hee ajeeb tha.. Kyuki ghode bahut hee sensitive janwar hote hain.. Apne stahi ke marne par wo iss terah se shant nahi rehtey.. Upar se mere mummy papa dono hee aise hain kee unki neend bahut kacchi hai.. Halki si aawaz se bhi unki aankh khul jati hai.. Aur wo dono ghode bilkul unke tent ke samne hee bandhe they.. Aisa hee ho nahi sakta tha kee unka ek ghoda raat me mar jaye aur unko pata hee na chale.. Marte huey usne kuch to aawaz kee hogi na.. Papa mummy bahut dukhi they… wo mummy ka ghoda tha.. Aur mummy usse bahut pyar karti thi.. Papa batate hain kee ghode kee puri body mee kahin koi chot ka ya hamle ka nishaan nahi tha.. Siwaye uski gardan ke.. Uski gardan me do gehre daanto ke nishan bane lag rahe they.. Nishaan bahut gehre they. Aise jaise kee drill machine se kiye gaye ho.. Na hee aaspas koi khon pada tha.. Par gardan pe hee un chedo ke aspas thoda khoon laga tha. Meri mummy roye jaa rahi thi. Wo apne ghode ke bina wahan se nahi jana chahti thi.. Aakhir me mere papa apna ghoda leke wahan se gaye aur fir apni jeep leke wapis aaye mummy ko lene ke liye.. Ghar jane ke baad papa ne apne ek dost se jo kee janwaro ke bahut bade doctor they.. Unse iss baare me baat kee.. Kee iss terah ke nishaan konsa janwar bana sakta hai.. Unhone ghode kee autopsy bhi kee lekin hairani ki bat thi kee body ke andar bilkul bhi khoon nahi tha.. Jaise kee uska poora khoon hee choos liya gaya ho.. Tab tak har koi yahi maan raha tha kee shyad rat me kisi jehreeley saanp nee uss ghode ko kaat liya hoga aur zehar se usko heart attack aa gaya hoga.. Halaki aisa ho to nahi sakta tha kyuki agar usey sanp ne bhi kaata tha to uska khoon kahan chala gaya.. lekin iske alawa aur koi karan uski maut ka najar bhi nahi aa araha tha.. To mere papa ke uss frend ne apne ek aur doctor frend se iss baare me baat kee.. Jab unhone usko bataya kee ghode kee gardan me ched they aur uske shareer se pura khoon nikal chuka tha.. Naa hee jameen par koi khoon faila tha. To ye sunke wo bhi hairaan reh gaya.. Gardan ke un nishaano ne un logo ne fir se ache se check kiya to pata chala kee dono ched bilkul clean they.. Matlab kee bahut hee safai se kiye gaye they… har ek cheej ko samjahne aur arakhne ke baad sab log ek hee nateeje pe pahuche they.. Kee raat ke samay shayad jab ghode so rahe honge… to koi cheej bina koi aawaz kiye uss ghode kee gardan se chipak gayi hogi aur uski gardan me chedd kar ke sara khoon pee gayi hogi.. Ye sab kuch itni teji se aur itni khamoshi se hua hoga kee dusre ghode ko bhi khatre ka ehsas nahi hua hoga.. Khair iss theory me loopholes to they.. Lekin isse better explanation kisi ke pas nahi tha.. Ye mamla uss ilake me itna famous ho gaya tha kee local newspapers me bhi iss ghatna ke bare me chapa tha.. Logo ne apne apne maveshiyo ko ghar ke andar baandhna shuru kar diya tha.. pure shehar me ye afwah fail gayi thi iss ghatna ke peechey chupacabra ka haath hai.. Chupacabra .. ek aisa shaitaan hota hai jo insano aur janwaro ka khoon peeta hai.. Kuch log issko vampire family se juda bhi batate hain.. Lekin ye sirf kisse kahaniyo me hee sune ko milta tha.. Mujhey nahi pata kee iss ghatna ke peechey chupacabra ka tha ya kuch aur. Lekin ghode jaise bade aur takatwar janwar ko itni assan se maar ke usska khoon pee jana.. Ye kisi aam janwar ka kaam to nahi ho sakta tha..
==================================
Ye ghatna mere sath kuch din pehle hee ghati thi.. To hua aisa tha kee ek raat main apne dog ke saath bahar tehalne ke liye gaya hua tha.. Uss waqt main apne ghar se bahut door tha aur ghar wapis jaa raha tha.. Raat ke kareeb 1 baje ka time tha.. Main bahut jyada thaka hua tha aur bas jaldi se ghar pahuch ke so jana chahta tha.. Isliye main tej tej chal raha tha.. Mera dog mere peechey peechey tha.. Sath hee bata doon kee ham ek gaon jaise ilake me rehtey hain jahan sab ghar ek dusre se bahut door door hain.. Aspas ke bahut se logo ne ghar me gai bhainsey murgey aur suvar wagera bhi paale huey they.. Chalte chaltey main apne ghar pahuchne he wala tha kee hamse ek ghar pehle jo hamare padosi they.. Mujhey unke tabele se kuch ajeeb si aawazein aati sunai dee.. Unhone apne tabele me kuch suar paale huey they aur wo aawazein aisi thi jaise kee wo suwar bahut dare huey ho.. Mere ruktey hee mera dog bhi wahan pahuch gaya aur jor jor se bhonkne laga.. Asal me uss ghar ka jo malik tha wo bahut budha tha.. Usko theek se sunai bhi nahi deta tha.. Isliye jaahir tha kee wo aawazein usko to nahi sun rahi hongi.. Lekin wo apne janwaro se bahut pyaar karta tha.. Hamara bhi unse acha relation tha.. Main man hee man soch raha tha kee ye jarur koi lomdi ya siyaar ho sakta hai.. Jo shayad jangle se unke suwaro ko khaane aaya hoga.. Mera pas pitbull dog tha.. Jo kee bahut hee tagda tha.. Maine faisla kiya kee main apne dog ke saath unke tabele me jaake dekhta hu kee wahan kya ghus gaya hai.. Aur mere kutte ko dekhkar wo lomdi ya seeyar mere paas bhi nahi aa sakega.. Mujhey ye sab karne kee jarurat to nahi thi lekin budhe aadmi ka itna nuksan ho jaye aur main dekh ke bhi usko andekha kar du main aisa nahi karna chahta tha.. Khair main apne pitbull ka patta haath me akde dheere dheere uss tabele kee taraf badhne laga.. Tabele me to andhera tha lekin usne apne ghar ke samne ek chota sa bulb lagaya hua tha jisse halki halki roshni tabele me bhi aa rahi thi… tabele me darwaja bhi nahi tha.. Ab sach batau to mujhey koi andaja nahi tha kee andar main kya dkehne wala hoon.. Naa hee uss waqt mere dog ke alwa mere pas aur koi hathiyaar tha.. Lekin uss tabele ke paas pahcuhtey hee mujhey bahut ajeeb sa mehsoos hne laga.. Matlab aisa kee jaise yahan koi bahut hee khatarnaak cheej maujood hai.. Aur mujhey isi waqt yahan se bhaag jana chahiye.. Lekin main bhaaga nahi.. Balki table ke samne pahuch ke maine apne dog ka patta khol diya.. Pata kholtey hee mera kutta teji se bhonkta hua andar andhere me bhaaga.. Maine bhi uske peechey peechey andar chala gaya.. Mujhey nahi pata wo kya tha.. Lekin halki halki roshni me wo kisi lakkadbagghe jaisa lagg raha tha.. Chote se kadd ka.. Lekin bahut ajeeb.. Uski aankhein torch jaisi chamak rahi thi.. Andar jaate hee mera kutta uske upar jhapat pada.. Lekin sirf 8-10 seconds me hee mere dog kee aawaz band ho gayi.. Aur fir ek dil dehlane wali aawaz ke sath wo khada hua aur ek hee chalang me uss 12 feet unchi dewar ko kood ke wahan se bhaag gaya.. Aur ye koi lakadbaggha ya seeyar nahi tha.. Kyuki chalang marne se pehle wo apne dono pairo par khada tha.. Aur itnni unchi chalang maar pana.. Ye to kisi bhi janwar ke bas kee bat HEE nahi thi.. Main jaldi se bhaag ke andar gaya to dekha to mera dog andar pada tadap raha tha.. Uski gardan se khoon nikal raha tha.. Sirf wahin nahi hamare padosi ke teeno suar bhi wahan mare pade they.. Apne dog kee aisi halat dekh kar main to jaise pagal hee ho gaya. Maine jaldi se apni jacket nikali aur uski gardan par baandhi aur apne padosi ke darwajje par jaake jor jor se darwaja khatake laga.. Kcuh der baad wo bahar nikle to maine unko sari baat batayi.. Ganimat kee baat thi kee mere kutte ko jyada gehri chot nahi lagi thi.. Animal doctor ke pas le jane ke baad uski jaan bach gayi.. Doctor bhi hairaan tha kee pitbull jaise kutte kee gardan par aise kon hamla kar sakta hai.. Khair agli subah sab logo ne un suaro kee lasho ko dhyan se dekha to un sabhi kee lasho kee gardan par 2 ched ho rakhe they.. Iske alwa na to unko koi chot lagi thi na unka khoon wahan pada tha.. Kisi ko samjah nahi aa raha tha kee kon aisa kar sakta hai.. Lekin uss raat uss cheej ko maine apni aankho se dekha tha.. Do pairo par khada wo shaitaan jab meri taraf dekh raha tha to aisa lag raha tha jaise koi insan mere samne khada mujhey ghoor raha hai.. Muhey pura yakeen hai kee wo jo kuch bhi tha na to wo koi insan tha na wo koi janwar.. Wo jarur ek shaitaan tha.. Khoon peene wala shaitaan.

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!