Fiction Horror Stories

कैमरा. Real Ghost Stories in Hindi. Episode- 242. Hindi Horror Stories.

Samajh nahi aa raha aap logo ko ye sab kaise batau.. Meri umar 27 saal hai.. Aur main ek bade hospital me pichle bahut saalo se kaam kar raha hoon.. Yahan muhey jyadatar night shift me hee kaam karna hota hai.. Ghar pe sirf meri wife aur mera 3 saal ka beta rehtey hain. Mera beta chota hai aur kai baar wo raat me uth ke kamre se bahar nikal jata hai.. Meri wife so rahi hoti h isliye kai baar usey bhi nahi pata chalta.. Main bhi raat me ghar par nahi hota.. Isliye dar bana raehta hai kee kahin wo chot na lagwa le.. Isliye abhi kuch hee din pehle maine apne bete ke khelne wale kamre me ek camera lagwaya tha.. Jo ki motion sensitive hai.. Matlab kee wo camera aisa hai .. kee raat me agar uske samne koi bhi movement hoti hai to mujhey usi waqt mere phone ka alarm bajj jata hai.. Wo camera internet se mere phone se bhi connected hai.. Isliye main rat me office me baithe baithey bhi apne bete par najar rakh sakta hoon.. Khair.. Ek raat hamesha kee terah main apne office me baitha kaam kar raha tha.. Kee tabhi raat theek 3 baje mere phone ka alarm bajj utha. Alarm usi camera se aaya tha jo mere bete ke kamre me laga tha.. Lekin isme kuch bhi naya nahi tha.. Aksar mera beta rat me kheltey huey uss kamre me chala jaata tha.. Maine phone nikaal ke camera stream check kee to dekha kee meri wife aur beta dono bed pe baithey huey they.. Hah.. shayad mera beta rone laga hoga aur usko chup karwane ke liye meri wife bhi uth ke baith gayi hogi.. Koi badi baat nahi.. Ab main apne phone ko band kar ke rakhne hee wala tha kee tabhi.. Maine ek ajeeb cheej notice kee.. Bahut ajeeb.. Wo dono bed par baithey they.. ek sath . aur dono ke dono seedha camere kee taraf dekh rahe the.. Ek takk.. Bina palke jhapkaye.. Room ke light bhi band thi.. Lekin camere me night vision hai.. Isliye main unki chamakti hui aankhein saaf dekh pa raha tha.. Wo hil bhi bilkul nahi rahe they… lekin itna pata chal raha tha kee wo saans le rahe hain.. 5 minute tak main un dono ko dekhta raha.. Lekin unhone koi movement nahi kiya.. Bas camere kee taraf ghoorte rahe.. Main jaldi se app band ki aur apni wife ko call lagayi.. Ye pata karne ke liye kee wo log aise kyu baithe hain.. Main raat me kabhi ghar pe call nahi karta tha..
Mianc all lagayi.. Aur fir 5-6 rin ke baad usne phone uthaya.. — hello.. Aawaz se lagg raha tha jaise kee wo bahut gehri neend me so rahi thi.. Lekin abhi 20 second pehle to wo camere me jagi hui thi..
Hello.. Tum theek ho.. Kya kar rahe ho tum dono.. Maine pucha..
“Kya matlab kya kar rahe hain.. Ham so rahe hain.. Guddu mere bagal me so raha hai..”
Uski baat sunke mujhey bahut hairaani hui.. Matlab bilkul abhi abhi to maine un dono ko baithey dekha tha..
“Tum dono so rahe ho.. Apne bed pe so rahe ho..?? Maine fir se pucha..
“Haan haan raat ke 3 baje aur ham kya karenge.. Aap kyu neend kharab kar rahe ho aise bachkane sawal puchke.. : usne naraj hote huey kaha..
Amm.. ek min.. Ek min rukna jara.. Maine usko speaker phone pe lagaya.. Aur wo app fir se open ki.. Jab app open ho rahi thi to main man hee man dua kar raha tha kee ab mujhey wo camere me nahi dikhenge.. Lekin app on hote hee mera to jaise halak hee sookh gaya.. Matlab achanak se dil me itna darr aa gaya tha kee main bata nahi sakta.. Meriw ife aur mera beta.. Dono bed pe baithe camere kee taraf ghoorte dikhai de rahe they..
Hello.. Tum dono bedroom lete ho… mine pucha..
Haan ham sone kee koshsih kar rahe hain.. Koi sone de to..
Lekin main to camere par tum dono ko bed pe baitha dekh raha hoon..
Are baba.. Ham dono bed pe lete hain aapko samajh nahi aa raha kya..
Main janta hu tum kya keh rahi ho.. Lekin camere me main tum dono ko dusre kamre me baitha dkeh raha hoon.. Abhi is waqt..
Kya.. acha ek min ruko… itna keh ke wo bhi apne phone me camera app on karne lagi.. Aur tabhi.. Mujhey uske ajeeb si aawaz aayi.. Jaise kee wo bahut jyada dar gayi ho.. Aur fir bed ke upar chadhne aur chadar hatane kee kuch aawazien aayi aur fir.. Phone kat gaya.
Jaahir tha.. Main bhi bahut jyada ghabra gaya.. Maine usi waqt fir se call lagayi.. Lekin usne phone nahi uthaya.. Mmaine fir se call lagayi aur fir 4 minute tak call karte rehne ke baad usne call uthayi.. Sach batau uss waqt wo 4 minute mere liye jaise 4 sal jaisi thi..
“Kya hua tumko.. Phone kyu kaat diya.. “ maine pucha..
Lekin wo Bas buri terah roye jaa rahi thi.. Mujhey samjah nahi aa raha tha wo kya keh rahi hai..
“Kya ho raha hai.. Mujhe theek se batao.. Maine fir se pucha.. “
Usne kaha wo hamare bete ko lekar ghar se bahar aa gayi hai.. Aur seedha apne papa ke yahan ja rahi hai.. Jo wahan se 2 kilometer door rehte they.. Usne bataya kee app on hote hee usko bhi wo dono dusre kamre me baithey dikhai diye.. Uska laga shayad camere me kuch problem hogi.. To wo uth ke dusre kamre me dekhne gayi to darwaja halka sa khula tha.. Aur usi me se ussne un dono ko ander baithey dekha.. Wo dekhte hee wo seedha ghar se bahar bhaag aayi..
Usne ghar ka darwaja tak band nahi kiya tha..
“Darwaje ki fikar mat karo.. Ghar ke andar Koi nahi ghusne wala .. main bhi bas abhi thodi der me nikal raha hoon..” maine kaha..
Wo boli Nahi.. tum ghar ke andar bilkul nahi jaoge..
Maine kaha nahi.. Tum fikar mat karo.. Ek baar jaa ke dekhna to padega na ki kon hamare ghhar me ghus gaya hai..
Lekin wo hamare roop me kaise hain.. Kahin ye koi recording to nahi hai.. Usne kaha..
Main 2 second ruka.. Fir bola.. Amm.. pata nahi.. Shayad ho sakta hai wo purani recording chal rahi ho.. Lekin check to karna hee padega na.. Tum tum fikar mat karo.. Tum sedha apne papa ke yahan chali jao.. Main bad me bat karta hu tumse.. Maine phone kaat diya.. Dil dhaad dhaad bajj raha tha..
Samajh hee nahi aa raha tha ki ye sab kya ho raha hai.. Lekin dil me ek choti si umeed bhi thi.. Ki jarur camere me hee koi problem ho gayi hogi.. Lekin meri wife ne bataya tha jab wo dusre kamre me dkehne gayi thi to daraje ke thode se cched me se usko andar koi baitha dikhhai diya tha… hamare ghar me.. Hamare bed pe.. Kon baitha ho sakta tha.. Pure shareer me darr ke ek lehar se daud gayi… lekin iss baat ka sukoon bhi tha ki kam se kam meri wife aur beta to bahar nikal gaye hain aur bilkul safe hain.. Mera kaam aisa tha kee main ekdam se ghar bhi nahi ja sakta tha.. Subah 6 baje tak rukna hee tha.. Kisi ko batata bhi to kya.. Kii mere ghar me meri wife aur beta bed pe baithe hain. Maine fir se app on kar ke check kiya.. To wo dono abhi bhi wahin baith they.. Bilkul waise hee.. Camere kee taraf ghurtey huey.. Maine socha main inko kai der tak dekhta hu.. Kee yahan chal kya raha hai.. Agar ye koi recording hui ya camere ka glitch hua to pata chal jaega.. Ya fir shayad koi aur mask laga ke wahan baitha ho.. Main 10 minute tak unko dekhta raha ki kuch pata chale.. Lekin sab kuch normal tha.. Wo dono saansein bilkul normally lete dikh rahe they.. Na sirf saansein balki unki palke bhi jhapak rahi thi.. Jaise kee koi jinda insan wahan baitha ho.. Aisa bhi nahi lag raha tha kee unhone koi mask lagaya hua hai.. SUbah 6 baje apni shift puri hone tak maine unko 10 bar app on kar kar ke dekh chuka tha.. Aur ab ye bat to clear thi kee ye koi camere ka glitch ya koi recording nahi hai.. Kyuki din nikalne ke sath sath kamre kee khidki ke bahar se bhi roshni aati najar aane lagi thi.. Main jo kuch dekh raha tha wo bilkul live tha.. Ab mere ghar jaane ka time aa gaya tha.. Lekin mujhey bahut ghabrahat ho rahi thi.. Kya ata wo kya cheej hain jo mere ghar me ghus ke baithi hain.. Ek bar ke liye socha kee police ko call karta hoon.. Lekin fir wahi sawal.. Kee police ko batata kya.. Kee mere ghar me koi bhoot ghus aaya hai.. Aakhir me maine faisla kiya kee main apne sath kam karne wale ek bahut ache dost ko apne sath lekar jaaunga… wo in sab cheejo par yakeen bhi karta tha.. Maine usko jaldi se pane paas bula ke camera livestream dikhai aur puri baat batayi.. To uske muh se bhi sabse pehle yahi baat nikli..– abe teri.. Ye kya hai.. Uske bhi ye sab bahut ajeeb laga.. Lekin wo mere saath chalne ko tayyar ho gaya.. Wo bola kee hamien ghar ke andar jaa ke dekhna chahiye kee wo jo meri wife ke roop me wahan baithi hai wo meri wife ki terah hee behave karti hai ya nahi.. Maine kaha nahi.. Andar jana theek nahi hai.. Kya pata wo kya cheej hai.. Hamara sie andar jana theek nahi hoga.. Ham pehle bahar se hee check karenge.. Aur fir aage ka sochenge…
Wo tayyar ho gaya..
Ghar ke bahar pahcuh ke sabse pehle hamne pure ghar ko chaaro taraf ghum ke check kiya. Andar jane ke koi nishaan ya aisa kuch bhi ajeeb nahi tha.. Hamara ghar do manjil ka hai.. Aur wo room upar wali manjil pe hai.. jiski khidki par abhi bhi parda laga tha.. Isliye andar ka kuch bhi nahi dikh raha tha.. Jaisa meri wife ne bataya tha hamara main gate abhi bhi khula tha.. Main darwaja band karne ke liye aage gaya lekin darwaje ke paas jaate hee meri ghar ke andar jaa ke check kee bahut tej ichha hone lagi.. Main bas pata lagana chahta tha kee ye sab chal kya raha hai.. Ar fir ham dono andar chale gaye.. Ham dono bilkul dabe paon andar ghuse and hall me pahcuh gaye.. Andar bilkul sannata tha.. Itni ki ek sui girne ke aawaz bhi aap ko sunai de jaati.. Dheere dheere ham seedhiyo ke paas pahuch gaye.. Maine fir se phone nikaal ke check kiya tow o dono abhi bhi kamre ke andar hee baithey they.. Ye kamre bilkul seedhiyo ke upar tha.. Sach batau to apni jindagi me mujhey kabhi itna darr nahi laga tha jitna darr mujhey uss waqt lagg raha tha.. Aur tabhi mera dost seedhi par chadh gaya.. Ruko.. mere muh se achanak se nikal gaya.. Jor se..
Maine apne dost se kaha nahi.. Hamein abhi yahan se nikalna hoga.. Mujhey theek nahi lagg raha hai… aur iytna keh ke ham bas jane ke liyue mude hee they kee tabhhi… creek..
Upar se aawaz aayi.. Aawaz usi kamre se aayi thi jisme wo baithe they..
Shit.. shit… bhaag yahan se.. Maine apne dost se kaha.. Agle do second bad hee .. ham ghar se bahar nikal chuke they.. Bahar sadak pe pahcuh ke maine fir se phone me check kiya to wo baccha to wahin bed pe baitha tha .. lekin meri wife ki shakal wali wo aurat ab wahan nahi thi..
Oh my godd.. Ye kahan gayi.. Mera dost bola.. Shayad hamne ghar ke anddar jaa ke bahut badi galti kar di thi.. Kahin aisa to nahi ki wo ab bahar aa jaegi aur hamko pakad ke khaa jaegi.. Maine apni car me se ek chain nikaali.. Aur jaldi se jaake apne darwaje ke bahar baandh thi.. Jisse kee wo jo kuch bhi hai.. Kam se kam bahar to na nikal sake.. Samajh hee nahi a araha tha kee ab main kya karu.. Meri wife ko pata laga kee main andar gaya tha to wo bahiut naraj hoti.. Maine faisla kiya ke eab main bhi seddha uske papa ke yahan jaunga.. Aur wahin pahcuh ke ham aage ka kuch plan banaenge..
10 minute baad maine apne dost ko drop kiya aur apni wife ke paas jaane laga.. Car chalatey huey maine fir se camera steam check ki to ab wo wapis aa chuki thi.. Wo dono ab pehle kee terah eksath bed pe baithey camere kee taraf ghoor rahe they..
————————————

Main apne sasur ke ghar pahucha to meri wife abhi bhi bahut dari hui thi.. Asal me wo log bahut hee purane khayalo ke they.. Mere sasur bar bar mujhey bol rahe they kee ye koi upari cheej hai aur hamein kisi baba kee madad leni chahiye.. Lekin main ais anahi karna chahta tha.. Matlab kee main khud medical field me kaam karta hoon.. Aur agar mere office me pata chal jata kee main kisi baba ke bpaas gaya hoon to pure office me mera majak ban ke reh jata.. Main ye afford nahi kar sakta tha.. Aakhir me hamne faisla kiya kee ham police ki help lenge.. Main police ko phone mila ke unko bataya kee hamare ghar me koi ghus gaya hai.. Lekin tabb ye nahi bataya ki wo meri wife aur bete ke hum shakal hai.. Police helpline ne bataya kee wo abhi thodi der me wahan police bhej rahe hain check karne ke liye..
Maine camera stream fir se check ki to wo dono abhi bhi wahin bed pe hee baithe they.. Bilkul usi terah.. Bina ek inch hile.
Maine apne wife se kahan kee main bhi ghar ja raha hoon. Usne mujhe rokne kee bahut koshsih kee.. Lekin maine kaha kee mera wahan jana jaruri hai.. Police wale bhi wahan pahcuhne wale honge.. Aakhir pata to chale ki hamare ghar me chal kya raha hai.. Maine apne dost ko bhi call karke mere ghar pe bula liya.. Aur police ke pahuchne se pehle hee main aur mera dost mere ghar ke bahar khade they. Saath hee bata doon kee mere paas ek licensi pistol bhi hai.. Jo uss waqt mere pas thi.. Policewalo ke aane par main unko apni pistol ke bare me bata deta.. Lekin main apne sath ek aur chej lekar aaya tha jiske bare me main policewalo ko nahi batane wala tha.. Wo thi.. Mere sasur kee ek automatic rifle.. Jiske maine apni car ki dikki me rakha tha.. Ummeed thi ki iski jarurat nahi padegi.. Lekin fir bhi.. Main isye apne saath le aaya tha..
Khair.. Kareeb dust minute bad do policewale bhi mere ghar ke samne pahcuh gaye.. Maine unko bataya ki mere pas pistol hai aur fir ham aage kee planning karne lage.. Maine unko bataya kee mere ghar ke andar ek aurat aur ek baccha ghus aaye hain.. Maine unko bataya kee ki in dono kee shaklein bilkul meri wife aur bete jaisi hain.. To pehle to unko yakeen nahi hua.. Lekin fir maine unko camera stream dikhayi .. aur uske baad apni wife ko video call bhi karwayi.. Jahir hai unka yakeen karna mushkil tha.. Unhone mujhsye pucha kee kahin tumhari wife kee koi judwa behan to nahi hai.. Maine kaha nahi.. Aisa kuch nahi hai.. Aakhir me unk yakeen hua kee ye sab sach hai.. Aur ye camera recording nahi hai.
Hamne plan banaya ke eham uss kamre kee khidki par ek patthar fenkenge.. Aur fir dekhnge kee awaz sunke wo uthti hai ya nahi. Mere dost ne ek patthar utha ke khidki pe de maara..
Aur jaise maine socha tha waisa hee hua.. Awaz sun ke uthi aur peechey khidki kee taraf jane lagi.. Policewale bhi ye sab dekh rahe they.. Kal se lekar abhi tak maine pehli bar ussko hiltey huey dekha tha.. Aur ab ye baat bilkul saaf ho gayi thi kee ye koi recording nahi hai..
Policewalo ne kaha kee ab hamein andar jaa ke check karna hoga.. Maine kaha ham bhi sath chalein kya.. Wo bole nahi .. tum dono yahin ruko pehle ham andar jaa ke check kar le.. Maine kaha aap aur policewalo ko bula lo.. Kahin wo khatarnaak ho.. Wo bole .. nahi aisa kuch khatarnak nahi lag raha unme.. Koi hathiyar bhi nahi hai inke pas.
Fir maine unek liye darwaje par chain khol di.. Aur wo dono andar chale gaye.. Main aur mera dost bahar hee khade they camera stream dekhtey heuy.. Aur unke jane ke bas 5 minute baad hee camera apne aap band ho gaya.. Oh shit.. Camere band hotey hee meri jaan to mere halak me aa gayi.. Maine apne dost se kaha kee hamein abhi andar jana hoga.. Main bhaag ke apni car ke pas gaya aur rifle nikaal laaya.. Aur fir ham dono bhi ghar ke andar ghus gaye.. Mere dost mere peechey tha.. Andar ghustey hee hamien upar se ajeeb see aawazein aati sunai di.. Ajeeb darwni aawazien..
Aur tabhi goliya chalne kee aawaz aayi..
Peechey hato.. peechey .. police wale chilla rahe they.. Hamare upar halma ho raha hai jaldi se backup bhejo.. Wo log upar chilla rahe they.. Unki awaz me bahut darr tha.. Jiss cheej ka mujhey darr tha.. Wahi hua.. Main bhaag ke upar jane laga..
Seedhiyo se upar jaate hee sabse pehle wo kamre padta ha jisme wo baitey they… aur upar jate hee maine bina kuch soche samjhe andhadhund apne rifle se kamre me goliya chala di..
Cheeeeekh…
Aur tabhi andar se dard me chillane kee ajeeb se aawazein aayi.. Aur fir achanak se shaant ho gayi. Main ek minute kamre ke bahar hee ruka raha.. Andar se ajeeb si rone kee aawaz aa rahi thi.. Upar hallkway me hee ek policewale ki lash padi thi.. Uska sir uske dhad se 10 kadam door tha.. Wo dekh ke mujhey bahut bura laga.. Wo policeale meri hel karne wahan aaye they aur in cheejeon ne.. Unko maar dala.. Fir main kamre ke andar gaya to dekha kee wo aurat andar farsh pe padi dard me karah rahi thi.. Goli shayad uske pet me lagi thi.. Wo dekhke main ekdam se ruk gaya.. Uski shakal bilkul meri wife jaisi thi.. Usko dard me karhata dekh ek bar ke liye to main bhul hee gaya kee ye meri wife nahi hai.. Mujhey pata tha kee ye meriw ife nahi hai.. Lekin jab aisa kuch samh me aapke samne hota hai to aapka dimag kaam karna band kar deta hai.. Maine rifle neechey kar lee..
Wo bilkul meriw ife kee terah usi ki awaz me mujhpe gussa kar rahi thi.. Tumne hamein goli kyu maari.. Tumne hamare bete ko kyu maar diya.. Wo ro rahi thi.. Maine side me dekha to wahan hamare bete kee lash padi thi.. Sach batau to wo dekh ke ek bare k liye to jaise mere duniya hee tham gayi.. Ye bat sir koi baap hee samajh sakta hai..
Tabhi peechey se mera dost chillaya.. Goli maaro isey peter.. Ye tumhari wife nahi hai… lekin main uspe kaise goli chalata.. Fir dost fir se bola.. Peter.. Goli maaro isey.. Ye tumhari wife nahi hai.. Dkeho iska khoon bhi peela hai..
Peela khoon.. Apni wife aur bete ko wahan pada dekh maine ye notice hee nahi kiya tha kee unki body se nikalta khoon laal nahi balki peele rang ka tha..
Aur jaise hee mujhey ye baat samajh aayi.. Wo gurrati hui mere upar jhapti.. Uske mooh se ek ajeeb se lambi si koi cheej bahar nikli.. Jaise koi tentacle ho.. Kaale range ka chipchipa.. Jo aage se kisi talwar ke jaisa dhaardar tha.. Lekin maine usi pal rifle ka tigger daba diya .. puri magzine ek bar me maine uske andar khaali kar di..
Wo tadapti hui dhadam se neechey gir gayi.. Ye jo kuch bhi they.. Maare ja sakte they..
Aur tabhi mujhy bahar se police ke e bahut sari gaadiyo ke siren bajtey sunai diye… un police walo ne marne se pehle backup bula liya tha..
Abhi sirf 5 minute hee beeti thi jab wo dono policveale ghar ke andar ghuse they.. Lekin ais alag raha tha ki na jane kitne ghante beet chuke hain. Mera dost jaldi se neechey chala gaya police ke pas unkio sari bat batane ke liye.. Pure kamre unke peele khoon ke cheentein lage they.. Mere bete ke khelne ka wo kamre ab ksii buchdakhane me tabdeel ho gaya tha.. Pata nahi kaise ye sab achanak se hamare sath ho gaya.. Bhaari dil se main bhi kamre ke bahar nikalne laga..
Uss kmare ke sath wala jo kamra tha wo hamara bedroom tha.. Aur main jaise hee kamre kse bahar nikle.. Hamare bedroom se ek aadmi bahar nikal ke aaya. Aur ye aadmi koi aur nahi balki main tha.. Matlab kee mera hamshakal tha.. Jsine bilkul mere jaise hee kapde pehne huey they.. Usko aise achanak apne samne dekh ke main to shock reh gaya.. Main dhyaan se usko dekh raha tha.. Wo jo kuch bhi tha.. Bahut gusse me tha.. Aur tabhi.. Wo mere pas aane laga.. Aur mujhpe chilla ke bola.. Tune mere wife aur bacche ko kyu maara..
Aur itna kehte hee usne ek haath upar uthaya aur uske haath se ek lamba kaale rang ka tentacle nikla aur mere pet me ghus gaya.. Isse pehle kee main kuch samajh pata usne ek aur waar kiya aur meri jaang ko kaat diya.. Main neechey gir gaya.. Meri rifle bhi mere haath se choot gayi thi..
“Main tujhey jinda nahi chorunga..” wo mujhpe chillatey huey bola.. Aur tabhi uske haath fir se ghuma.. Shyaad iss baar wo meri gardan hee kaat dene wala tha..
Mere pas meri rifle to nahi thi lekin meri pistol abhi bhi mere pas thi.. Maine ek jhatke se apni pistol nikali aur aur bina kuch soche samjh ek stah sari goliya uske bheje me utara di..
Wo dhadam se neechey gir gaya.. Aur fir 1 minute tadapne ke baad wo bhi mar gaya.. Uski body se bhi peela khoon nikal raha tha.. Mere pet me aur jaang me gehra ghaav hone kee wajah bahut khoon nikal raha tha.. Behoshi chaane lagi thi.. Main jaldi se apni tshirt nikali aur uska roll bana ke apne pet me daba diya jisse kee bleeding ruk sake.. Apni belt bhi nikal ke maine apni jaang pe baandh di.. Hospital me kaam karte huey itni knowledge to mujhey ho hee gayi thi kee aisi situation me jan kaise bachani hoti hai.. Behosh hone se pehle maine kuch kamdo ko seedhiyo se upar aate suna tha.. Wo shyaad police wale they..
Fir hosh aaya to main hospital me tha.. Mere sath ek policewale ko bhi rakha gaya tha.. Shayad police ko mere upar hee shak tha.. Nurse ne bataya kee mere pet se ek bada sa tentacle nikala gaya hai.. 15 taanke lage they mere pet me.. Aur jaangh pe bhi 12 taanke lage they.. Khoon jyada beh jane kee wajah se 2 donors bhi arrange karne ko kaha gaya tha.. Meri wife ko pata chala ke emujhey hosh aa gaya hai to wo jaldi s emere paas aa gayi.. Wo bahut naraj thi.. Kee uske lakh mana karne ke bad bhi main ghar ke andar kyu gaya.. Shukar hai itna sab ho jane ke bad bhi main abhi tak jinda tha.. Lkein asli sawal to abhi bhi baaki tha.. Wo cheejein asal me thi kya.. Main teen hafte hospital me raha.. Asal me pet me infection itni jyada ho gayi thi septic ho gaya tha.. Do hafte tak policewale mere pas aake puchtaach karte rahe.. Fir do hafte bad wo policewala mere sath se hata diya gaya.. Shayad unko pata chal gaya tha kee iss pure wakye ke peechey mere koi hath nahi hai.. Lekin fir teesre hafte mere pas 2 lambe lambe aadmi puchtaach ke liye aaye black suite pehne huey.. Unhone bataya tha kee wo fbi se aaye hain.. Pata nahi sach bol rahe they ya jhuth.. Lekin maine unko saari baat bata di.. Meri puri baat sunke wo dono chupchaap chale gaye.. Lekin iss pure case me mujhey sabse ajeeb baat ye lagi kee koi bhi iss bare me khul ke bat nahi kar raha tha.. Naa hee media me iss baat ko dikhaya gaya.. Mujhey nahi pata wo teeno kon they.. Aur mere ghar me kya kar rahe they.. Lekin unka khoon peela tha.. Jisse ye to saf tha kee wo koi insan nahi they.. Hospital se chutti milne ke baad jo police inspector is scase ki investigation kar raha tha maine usse iss baare me pucha to usne mujhey kuch bhi batane ko mana kar diya.. Maine usse bahut request kiya.. Lekin usne kuch nahi bataya.. Ais alagg raha tha kee usko kuch bhi batane ke liye mana kiya gaya hai.. Lekin fir kuch hee dino baad mere ghar pe foolo ka ek bouqet aaya.. Usme ek chitthi lagi thi.. Jisme likha tha.. – “ hamein nahi pata ye log kon they.. Unki body ke andar ke organs bilkul insano jaise hee they.. Lekin sab organs alag alag jagah par they.. Hamari body me jo kuch laal aur pink color ka hai wo unki body me peele aur hare rang ka tha.. Wo insan nahi they.. Sarkar ko lagta hai wo dusre grah ke praani they.. Iss letter ko padhtey hee jala dena..
Baad me sarkar kee taraf se hee kuch log aaye hamare ghar ko ache se saaf kiya.. Jiss terah se wo hamare ghar ki ek ek chej ko saf kar rahe they lagg raha tha kee nahi chahte kee unka koi nishaan hamare ghar me rahe..
Office me maine bol diya kee hamare ghar me chor ghus aaye they.. Sabne meri bat par yakeen kar liya. Iske alwa batata bhi kya.. Mujhey khud nahi pata ye sab kya tha..
Main aur meri wife abb uss ghar me wapis nahi jana chahte.. Mera to man hai kee main us pure ghar ko hee jala doon.. Lekin fir ham jaenge kahan. Hamare pas to koi aur ghar bhi nahi hai..
Majburi me hamien isi ghar me rehna padega.. Aur Darr iss baat ka hai.. Kee maine jin logo ko maara tha.. Kal ko unke pariwar ke dusre log mujhsey badla lene yahan na jaaien..

 

होमपेज पर जाने के लिए यहाँ क्लिक करें
भारत की सच्ची डरावनी कहनाइयाँ सुनने के लिए यहाँ क्लिक करें
जंगलो और सर्च एंड रेस्क्यू की मजेदार कहानियां सुनने के लिए यहाँ क्लिक करें
वेण्डिगो, वरवोल्फ, वैम्पायर और इस तरह के शैतानो की कहानियां सुनने के लिए यहाँ क्लिक करें
फिक्शन कहानियां सुनने के लिए यहाँ क्लिक करें
मेरा Youtube Channel भी जरूर सब्सक्राइब करें – https://www.youtube.com/c/HindiHorrorStories

Related posts
Indian Horror Stories

Real Horror Stories of Hospitals. Episode-249. Hindi Horror Stories. #HHS #HorrorStories #Bhoot

Indian Horror Stories

Horror Story in Hindi- Episode-230. Real Ghost Stories in Hindi.

Indian Horror Stories

Shakini. Episode-248. Hindi Horror Stories. #HHS #HorrorStories #Bhoot #HindiHorrorStories.

Indian Horror Stories

6 Horror Stories in Hindi. Episode-229. Hindi Horror Stories.

Leave a Reply

Your email address will not be published.

error: Get Lost !!