Horror Story in Hindi. 8 सच्ची डरावनी कहानियां – Episode- 163. Real Ghost Stories in Hindi.

Mera naam Hemant Kumar hai.. main punjab ke fareedkot ka rehne wala hoon.. main jo baat aapko batane jaa raha hoon ye sab mujhey meri naani ne bataya tha… ek baar apni garmi kee chuttiyo me main apni naani ke ghar rajasthan gaya tha… us dauraan nani ne mujhey unki maa ke saath ghati ye sachi ghatna batayi thi.. ye aaj se kareeb 60-70 saal pehle kee baat hai.. us waqt meri naani kee umar bahut thi.. wo log khedli naam ke gaon me raha karte they.. nani ne bataya kee wo log tab bahut gareeb hua karte they.. naa hee unke paas koi jameen hoti thi.. isliye naani ke mata pita gaon ke bade logo ke yahan kaam kiya karte they.
to ek din nani ke pitaji ko kisi kaam se dusre gaon me jana pada.. uss din gaon me hee ek shaadi thi.. jisme kaam karne ke liye naani wahan gayi hui thi.. aapko pata hoga kee shaadi me kaam karne wale logo ko paiso ke saath saath kaafi mithaiya bhi dee jaati hain.. to naani ko bhi wahan se jaatey huye un logo ne bahut saari mithai baandh ke de di thi.. naani raat me sunsan raste se hoti hui ghar wapis aa rahi thi.. lekin aate huye unhone dekha raaste me har thodi der me koi janwar unke saamne aa jata.. kabhi koi kutta, to kabhi koi bakra.. bar bar unke saamne aake unka rasta rok ke khada ho jata..naani samajh gayi .. kee jarur kuch na kuch gadbad hai.. lekin wo dari nahi.. wo bahut bahadur thi.. unhone jor se chilla ke kaha..kon hai tu. kyuu baar baar mera rasta rok raha hai.. to unke itna kehtey hee wo kutta ek aadmi ke roop me aa gaya.. usne nani se kaha.. kee tere paas jo bhi mithai hai wo sab mujhey de de.. to nani boli .. nahi.. ye sab mithai mere baccho ke liye hain.. main tujhey nahi dungi.. mere bache mera intjaar kar rahe hain.. mujhey jaane dee.. naani kee baat sunke uss aadmi ne gusse se bola.. tu jaanti main kon hoon.. main ek jinn hoon.. mujhey ye sab mithai chahiye nahi to tujhey abhi khatam kar dunga.. lekinnani apni baat par adi rahi.. boli tujhey jo karna hai kar le.. main mithai nahi dungi..

Hindi Horror Stories, horror story in hindi, real ghost stories in hindi, bhoot story in hindi, ghost stories in hindi, real horror story in hindi, scary stories in hindi, bhoot ki real story, real ghost in hindi, horror kahani hindi, real haunted story in hindi, horror story real in hindi, true horror story in hindi, most horror story in hindi, ghost ki kahani, ghost stories for kids in hindi,
true ghost stories in hindi language, new horror story in hindi, haunted stories in hindi

raat bhar jab naani kee maa ghar wapis nahi aayi to subah nani ke bade bhai unko dhunde ke liye gaye. to unki naani raaste me padi hui mili.. unki maut ho chuki thi.. unki jeebh bahar nikli hui thi aur unke sir ke baal bhi munde huey they.. jo mithai wo saath leke aayi thi wo bhi wahan nahi thi.. nani ke bhai aur pitaji unki maa kee laash ko lekar ghar aaye.. kisi ko nahi pata tha kee nani ko kisne mara.. bas pure gaon me ye baat fail gayi kee koi raat me logo ko maar raha hai.. log baat karne lage.. kee wo hatyara agar ramdulari ko maar sakta hai to kisi ko bhi maar sakta hai.. nani ne bataya kee unki maa kee maut ke kuchd in baad unki maa raat me unke sapne me aayi aur unko puri baat batayi.. unhone bataya kee unhone uss jinn ka bahut der tak samna kiya lekin uski takat ke aage wo tikk nahi saki.. wo mujhey maar ke wo mithai apne saath le gaya.. nani ne apni maa se pucha kee kya aap dusri duniya me khush hain..?
to unhone kaha kee wo dusri duniye me nahi hain.. yahin hai..wo jinn unhe kahin nahi jaane deta.. usne mujhey apna gulam bana ke rakha hai.. wo jo kehta hai mujhey wo karna pdta hai.. itna keh kar unki maa chali gayi.. fir subah uth ke nani ke pitaji ne bhi bataya kee wo unke sapne me bhi aayi thi.. lekin uss din ke baad wo fir kabhi kisi ke sapne me nahi aayi.. lekin gaon ke kai log batate they kee unhone naani kee aatma ko usi jagah ghumtey huey dekha hai.. jahan unki maut hui thi.. aaj iss baat ko beete bahut saal ho chuke hain.. meri naani rajasthan ke dausa jile me rehti hain.. mainey naani se pucha kee kya unki maa ko uss raat wo mithai ussjin ko de deni chahiye thi.. to nani boli kee nahi.. aisi kisi cheej ko kabhi kuch nahi dena chhaiye chahe wo kuch bhi maange.. nahi wo tumhari jaan le lega.. bas tumko aisi cheejo ko dekh ke andekha kar dena chahiye.. unki aawaz bhi sunai de to bhi dhyaan nahi dena chahiye..
==============================

mera naam samina hai.. main asaam ke naogaon kee rehne wali hoon…main jiss ghatna ke baare me aapko batane wali hoon wo aaj se 9 saal pehle mere bhayya ke saath hua tha.. hamara ghar naogaon me hee hai.. lekin meri bhabi ka ghar nagaon se 57 kilometer door tejpur city me padta hai.. us waqt bhayya bhabi kee shadi nahi hui thi.. aur un dino bhayya bhabi se milne ke liye chup chup ke unke yahan jaaya karte they.. unke yahan ek famous park padta hai jisko col park ke naam se bulatey hain.. to aise hee ek din achanak bhayya ko pata nahi kya sujha unhone raat 11 baje hee bhabi se milne ka man banaya aur wo raat me he unse milne ke liye nikal gaye apne scooter par.. bhayya akele they.. aur time jyada hone kee wajah se sadke bhi bilkul khaali thi.. bech beech me ek aadh koi car ya bike najar aa rahi thi.. to tezpur pahuchne se pehle ek pul padta hai.. jiska naam bhumura guri pul hai.. wo pul bahut lamba hai.. aur bhayya ko wo pul paar kar ke jana tha.. andhera tha.. aur pul bhi sunasan tha.. kahin koi najar nahiaa raha tha.. bhayya pul se hotey huey jaane lage.. lekin tabhi unhone dekha kee saamne thodi door pul ke side se koi unko rukne ke liye haath de raha tha.. bhayya ko laga kee shayad koi insaan hoga.. unse lift maangne ke liye haath de raha hoga.. lekin uske kareeb pahcuhety hee unhone dekha kee wo jo kuch bhi tha uska sir nahi tha.. yahan takkee uske pair bhi hawa me udd rahe they.. sune safed kapde pehne huey they.. itni raat aisi sunsaan jagah par ye sab dekh ke bhayya bahut darr gaye .. unko samajh he nahi aaya kee wo kya karey.. bas unhone apna scooter full speed me bhaga diya aur wahan se nikalne lage.. lekinw o sar kata bhoot ab bhi unke sath sath chal raha tha.. wo jitna aage jaatey wo bhoot bhi unke saath hawa me udta hua aa jata.. wo bahut darr gaye.. aur jaise hee pull khatama hua. unhone scooter wahin giraya aur jaldi se bhaag ke paas me rehne wale hamare ek rishteydaar ke ghar kee taraf bhaagne lage.. unka ghar pul se thodi hee door tha.. unke ghar pahuch ke unhone unko wo sab bataya.. to wahan rehne wale kuch ladko ne wahan jaake unka scooter utha ke laaye.. uss raat bhayya ko bahut tejj bukhaar aa gaya .. 3 din tak bhayya unhi ke ghar me rahe.. fir teen din baad 2 ladke bhayya ko scooter par bitha kar hamare ghar chorne aaye.. lekin ghar aane ke baad bhi bhayya kai dino tak beemar rahe. us rat ke baad bhayya kabhi raat me akele safar nahi karte..

Hindi Horror Stories, horror story in hindi, real ghost stories in hindi, bhoot story in hindi, ghost stories in hindi, real horror story in hindi, scary stories in hindi, bhoot ki real story, real ghost in hindi, horror kahani hindi, real haunted story in hindi, horror story real in hindi, true horror story in hindi, most horror story in hindi, ghost ki kahani, ghost stories for kids in hindi,
true ghost stories in hindi language, new horror story in hindi, haunted stories in hindi

==============================
mera naam gaurav hai.. main varansai ka rehne wala hoon..main aapko apne papa ke saath ghati eks achi ghatna batane ja raha hoon.. ye 2016 kee baat hai.. uss raat papa apne ekd ost ke saath ek party me gaye huey they.. fir raat me 2 baje ke kareeb party se free hone ke baad papa akele hee paidal paidal ghar aane lage.. raat bahut ho gayi thi.. isliye kahin koi najar nahi aa raha tha..papa raste se aa hee rahe they kee unko kisi ne aawaz de.. papa ne idhar udhar dekha.. lekin koi dikhai nahi diya.. wo fir se chalne lage.. lekin tabhi unko fir se wo aawaz suani dee.. unhone dhyaan se suna to pata chala kee wo aawaz saath wale ek ghar me se aa rahi thi.. papa uss ghar ke paas chale gaye.. aur dekhne lage kee kon unhe aawaz de raha hai.. papa ne aawaz laga ke pucha.. kon hai.. kyu aawaz de rahe ho.. lekin koi jawab nahi aaya.. lekinpapa ne dekha kee uss ghar ka darwaja khula hua tha.. papa ko bahut ajeeb laga kee itni raat kisne apne ghar ka darwaja khola hua hai..wo aawaz dete huey uss ghar ke andar chale gaye.. andar gaye to dekha kee ek bahut hee lamba sa koi aadmi khada tha. aur usne apne haath me koi sir pakda hua tha..papa ko dekh ke wo aadmi gusse me chillane laga.. papa bhi usko dekh ke darr ke maare wahan se bhaagne lage.. wo aadmi papa ke peechey to nahi aa raha tha lekin uski chillane kee aawazein abhi bhi papa ko sunai de rahi thi.. bhaagtey bhaagtey papa kisi terah ghar pahuchey aur jaldi se darwaja band kard diya..uss din ke baad se papa uss gali kee taraf fir kabhi nahi gaye..
==============================
main jharkhand ka rehne wala hoon. mera ek dost hai abhishek jo abhi kuch din pehle apne ek dusre dost ke aparatment me ek raat ke liye rukne gaya tha.. us raat uske dost ke gharwale kahin gaye huey they.. to usne abhishek ko wahan bula liya tha raat meusey company dene ke liye.. lekin raat me jab wo log wahan so rahe they to achanak se abhisehk kee aankh khul gayi..usko aisa lag raha tha kee koi uske aaspaas ghum raha hai.. lekin koi dikhai nahi de raha tha.. wo fir se sone kee koshihs karne laga.. lekin thodi der baad hee uski fir se aankh khul gayi.. usne dekha kee ek kaala saaya achanak se uske paas aaya aur uska gala dabane laga.. to wo chillane laga aur apne dost ko utha diya.. aur usko uss saye ke baare me bataya.. to uske dost ne bataya kee usko uss saye ke baare me pata hai.. unke ghar mekuch aisa hai jo wahannahi hona chahiye.. lekinwo saaya un logo ko koi nuksan nahi pahcuhata hai.. uski bat sunke abhishek bahut darr gaya.. fir wo log cigratte peene lage. lekin tabhi wo saaya firse unke paas aa gaya.. to uska dost chilla ke bola kee tum kyu hamein pareshan kar rahe ho.. agar tumko cigratte peeni hai to hamare sath baith jao.. lekin fir wo saya wahan se chala gaya. agle din uske gharwale jab wapis aaye to unko bhi wo sari baat pata chali.. aaj kal wo log apne ghar me puja karwa rahe hain..
==============================
mera naam biprajit hai.. main tripura kee rajdhani agartala ka rehne wala hoon.. main aapko jo kahani bata raha hoon ye mere ek dost ke saath aaj se ek saal pehle ghati thi.. mera ye dost shaadi me catering ka kaam karta tha.. aur raat me der se hee ghar aata tha.. to ek raat aise hee wo ek shaadi se kaam khatam kar ke cycle pe apne ghar laut raha tha.. rat ke kareeb 2.30 bajj rahe they.. jis raaste se wo aa raha tha. wahan kuch khet aur ek chota sa pahadi raasta padta tha.. wo mangalwar kee raat thi.. to raat me jab wo apni cycle se usspahadi raaste se hota hua aa raha tha.. to usko raaste ke saath lage leechi ke ek ped se dhadam se kisi ke koodne kee aawaz sunai dee. wo sunke wo bahut darr gaya.. aur teji se cycle chalane laga.. lekin kuch door jaatey hee usey bahut tej badbu aane lagi.. aur tabhi usko ek bahut jee tej chekh sunai dee.. tabhi usko peechey se aawaz aayi..– ruk ja.. kahanja raha hai..
wo aawaz bahut hee darawni thi.. usne peeche mud ke bhi dekha.. lekin wahan koi nahi tha.. wo darr ke maare teji se wahan se bhaagne laga.. lekin kuch second baad usko fir se wahin aawaz aayi.. bola na rukja..mujhey bhi apne saath lekar chal..
usne fir se peechey mudd ke dekha.. to dekha kee ek bahut hee lamba saaya jiske aankhein kisi bulb ke jaisi jall rahi thi.. wo dheere dheere uske paas aa raha tha. wo dkeh ke wo cheekhjta hua wahan se bhaagne laga.. lekin wo shaitaanbhi uske peechey peechey aa raha tha..thodi door bhaagne ke baad raste me ek kaali mata ka mandir padta tha.. wo uss mandir ke andar ghus gaya.. wo saaya fir usko dikhai nahi diya.. lekin wo puri raat wahin mandir me hee chupa raha.. fir agli subah din nikalneke baad jab log wahan aayeto usne sabko rat kee baat batayi.. to kuch log milke usko uske ghar tak chor ke aaye..

Hindi Horror Stories, horror story in hindi, real ghost stories in hindi, bhoot story in hindi, ghost stories in hindi, real horror story in hindi, scary stories in hindi, bhoot ki real story, real ghost in hindi, horror kahani hindi, real haunted story in hindi, horror story real in hindi, true horror story in hindi, most horror story in hindi, ghost ki kahani, ghost stories for kids in hindi,
true ghost stories in hindi language, new horror story in hindi, haunted stories in hindi

ye dusri ghatna jo main bata raha hoon ye hamare pados me rehne wale ek ladke ke saath ghati thi..to kahani aisi hai kee ye ladka ek baar apne kuch dosto ke saath ek khet me picnic manane ke liye gaya tha.. wo makarsankrati ke pehle wali raat thi. isliy thand ke saath saath bahut kohra bhi tha.. to wo sab log raat me khet me pahuch gaye.. door door tak unke alwa koi nahi tha.. wo log chicken khatye huye music chala ke dance kar rahe they.. lekin tabhi uss area kee light chali gayi.. shaaro taraf andhera chaa gaya.. to wo sab log baith ke baatein karne lage.. isi beech mere pados wala wo ladka toilet karne ke liya thoda side me chala gaya.. lekin tabhi usne dekha kee saamne kareeb 10 meeter door kisi insaan jaisi koi cheej jiski lambai kam se kam 11 feet thi.. aur aur usne safed sari pehni thi aur ghungat kiya hua tha.. wo dheer dheere chalti hui unke paas aa rahi thi.. lekin wo jo kuch bhi tha. itna mota tha.. kee koi isnan ho hee nahi sakta.. usko dekh ke wo ladka jaldi se apne dosto kepaas aaya aur unko uss bare me bataya.. fir wo sab ladke jaldi se wahan dekhne gaye .. lekin wahan koi nahi tha.. unko laga kee wo uska weham hoga.. lekin wo log jaisey hee wapis apni jagah par aaye to dekha kee unke bartan jinme chicken rakha tha.. wo wahan nahi they.. sab ladke idhar udhar dekhne lage.. kee unke bartan kon le gaya.. tabhi un sabne dekha kee wo safed sari wali moti aurat saamne ek ped ke upar biath ke unka chicken khaa rahi thi.. wo dekhtey hee wo sab andhadhun wahan se bhaagne lage..lekin wo cheej bhi unke peechye peechey aa rahi thi.. lekin ajeeb baat ye thi kee wo sab to apni puri takat se bhaag rahe they lekin wo cheej bilkul dheere dheere chal rahi thi.. fir bhi wo bilkul unke peechey peechey thi.. fir bhagtey bhaagtey wo log khet se bahar aa gaye.. aur tabhi wo aurat hawa me hee gayab ho gayi.. uske baad wo sab ladke mere pados wale ussladke ke ghar me hee ruk gaye…
==============================
Mera naam rohit chandel hai.. main mumbai ka rehne wlaa hoon.. mai aapko apni badi behan ke saath ghati ek sacchi ghatna batane wala hoon.. ye aaj se kai saal pehle kee baat hai.. jab meri behan 19 saal ki thi.. un dno meri behan competetive exams kee tayyari kar rahi thi.. or raat me der tak padhai karti thi.. to ek raat roj kee terah wo apne kamre me baithi padhai kar rahi thi.. tabhi achanak unko ghar ke bahar se payal kee aawaz aane lagi.. usne us waqt time nahi dekha tha.. to usko laga kee shayab subah ho gayi hai.. aur aaspas kee aurtein morning walk kar rahi hain.. lekin fir usne ghadi me time dekha.. to raat ke ded bajj rahe they.. usko bahut hairaani hui kee itnni raat kon bahar ghum raha hai.. leki usne jyada dhyaan nahi diya.. aur washroom ke liye chali gayi.. ghar ke bagal me he mhamari garag thi jisme hamari car khadi hoti thi.. to jab wo toilet se wapis aa rahi thi to usey uss garage me se ek tejj aawaz sunai dee.. wo sunke wo bahutr darr gayi aur jaldi se apne kamre me aake darwaja band kar liya.. meri dusri behan bhi us waqt wahan so rahi thi.. to usne jaldi se choti behan ko bataya aur usko wo sab batane lagi.. aur uski baat sunke wo bhi darr gayi.. aur wo dono chupchap muh dhak ke let gaye.. kai der tak wo aawaz nahi aayi.. un dino ko bhi ab neend aane lagi thi..lekin tabhi unko fir se wahi aawaz suani dee.. payal kee aawaz.. jaisey koi payal pehan ke chaltey huey unke paas aa raha ho.. meri choti behan ne usse pucha kee tumko bhi wo aawaz aa rahi hai kya. to usne jaldi se apne haath se uska mooh band kar diya.. wo aawaz bilkul unke bed ke paas se aa rahi thi.. aur theek unke chehre ke paas aake ruk gayi.. wo dono darr ke maare paseena paseena ho gayi.. lekin unhone apna muh bahar nahi nikala.. bas andar hee dubke rahe.. aur waisey lete lete hee unki aankh lag gayi.. fir agli subah jab wo uthey to unhone ye sari baat mummy papa ko batayi.. lekin kisne unki baat par yakeen nahi kiya.. fir kuch dino baad ek din meri behan hamare ghar ke peechey rehne wali apni ek frend ke yahan gayi hui thi. aur usne unko bhi wo saari baat batayi.. to wo aunty boli kee acha hua tumne uss raat apna muh bahar nahi nikala..
to meri behan ne unse aur pucha to unhone sari baat batayi.. unhone bataya kee kai saal pehle jab ham tumhari wali gali me rehte they to unke husband kisi airlines me kaam karte they.. to ek din unki suubah 5 baje kee shift thi.. to wo aunty subah 3 bajj uth gayi unke liye khana banane ke liye… lekin khana banate huey unko ghar ke bahar se payal kee aawaz aane lagi..pele to unhone jyada dhyaan nahi diya.. lekin fir kuch hee der baad wo aawaz bahut jyada ho gayi.. aur bilkul unke darwaje ke saamne se aa rahi thi.. to wo gusse me apne ghar se bahar nikli aur chillane lagi.. kee kon rat ke 3 baje mere ghar ke aage shor macha raha hai.. un dino ham log wahan naye naye rehne aaye they.. to pados me hee rehne wali ek dusri aunty unki aawaz sunke bahar aayi aur boli kee aap apna darwaja band kar lo chahe kuch bhi ho jaye aap darwaja mat kholna.. fir agle din unhone us pados wali aunty se pucha to unhone bataya kee kuch time pehle yahan ek aadmi raha karta tha.. wo sharabi tha .. aur roj apni biwi ko jo ki un dino pregnant thi.. usko maarta tha,.. to ek din uski biwi ne usko bola kee agar tum aise roj daaru peeke aaoge to main yahan se chali jaungi.. uski baat sunek uss aadmi ko bahut gussa aa gaya aur usne uski bahut pitayi kee.. jissey pet me uska baccha marr gaya.. kcuh dino baad uss aurat ne bhi suicide kar liya.. lekin suicide karne se pehleusne apne suicide note par likha tha kee main wapis aaungi.. aur waisa hee hua.. uski maut ke baad pilice ne us aadmi ko pakad liya.. lekin sabbot na hone kee wajah se ek sal me hee wo choot ke wapis aa gaya.. lekinuss gahr me aane ke kuch din baad hee wo pagal ho gaya.. ek raat aaspas ke logo ko uske ghar se bahut badbu aa rahi thi.. to unhone police ko bulaya. police ne aake dekha to andar uski laash padi thi.. uske gale pe aise nishaan bane they jaisey fansi par latakne se bantey hain.. ye puri baat iss ilake me bahut famous hui thi.. yahan tak kee saal 2004 me media me bhi iske baare me kai khabre aayi thi.. kee kaise is mohalle me raat me sabko payal kee aawz sunai deti hai.. aur jo bhi us aawaz ko dekhne ghar se bahar jata hai.. wo ya to pagal ho jata hai ya fir mara jata hai..

Hindi Horror Stories, horror story in hindi, real ghost stories in hindi, bhoot story in hindi, ghost stories in hindi, real horror story in hindi, scary stories in hindi, bhoot ki real story, real ghost in hindi, horror kahani hindi, real haunted story in hindi, horror story real in hindi, true horror story in hindi, most horror story in hindi, ghost ki kahani, ghost stories for kids in hindi,
true ghost stories in hindi language, new horror story in hindi, haunted stories in hindi

==============================
job lagne ke baad se hee main apne ghar se door ek dusre shehar me kiraye ke ghar me rehti hoon..jab main is ghar me aayi to shuru ke do maheeney to sab kuch theek raha lekin 2 maheeney ke baad achanak se uss ghar me mujhey bahut bhaaripan mehsoos honey laga.. hamesha aisey lagta jaisey uss ghar me mere alawa koi aur bhi hai.. wo ghar iss terah se bana hai kee darwaze pe khade hoke hee ham andar ka pura ghar dekh saktey hain.. dono kamre aur kitchen wahan se saaaf dikhai deta hai.. kitchen me hamesha aisa mehsoos hota jaisey wahan cylinder ke pas neechey farsh par koi baitha hua hai.. bathroom ke ek koney me bhi mujhye waisa hee mehsoos hota.. lekin main wo sab kuch najarandaaj kar deti.. kuch dino baad aisa honey laga kee raat me toilet kee light band karke sone ke baad bhi jab subah uth ke main light jala ke dekhti to mujhey toilet kee light jalti hui dikhai deti.. mujhey lagta kee shayad mainhee light karna bhool gayi.. lekin ye silsila bahut dino tak chalta raha.. fri ek din mujhey aisa laga jaise mere bedroom ke darwaje ke paas koi chote se kadd kee parchaai khadi hai.. lekin maine usko apna weham samajh ke taalk diya.. fir ek din jab main subah uthi to mainey notice kiya kee mere haath par teen laal nishaan banehuey they.. jaisey kee kisi ne mere hath pe nakhun se kharocha ho.. fir agli raat main uss ghar mesoyi hee nahi balki apne ek rishteydar ke yahan sone chali gayi.. wahan mere hath pe koi kharcoh ka nishan nahi bana.. lekin uske baad apne ghar pe wapis aatey hee subah fir se mere hath pe waisa hee nishaan tha.. kai dino tak aisa hee chalta raha.. fir ek raat 1 baje ke kareeb main apna kuch kaam kar rahi thi.. kam karne ke baad main jaisey hee sone ke liye leti to mujey bathroom se nal chalne kee aawaz sunai dee.. main jaake nal band kiya.. aur jaisey hee palti kisi ne bathroom ke lohe ke darwaje par bahut jor se laat maari.. main uss waqt bahut jyada darr gayi..kisi terah himmat kar ke main fir soneke liye gayi.. lekin letne ke kuch hee der baad mujhey apne paas se kisi ke chalne kee kadmo kee aawaz sunai dee.. aawaz aisi thi jaise koi apne pairo ko ghaseet ke chal raha ho.. uss waqt mera chahera deewar kee taraf tha.. aawaz sunke main jaisey hee palti mujhye wo hee choti see parchai fir se dikhai dee.. main darr ke maare rone lagi.. ab main uss ghar me nahi rukk sakti thi.. main usi waqt jaldi se pane ek bhayya ko phone kiya aur unko wo sari baat batayi.. to wo mujhey lene aa gaye.. ham log uss ghar se bahar nikle hee they kee samne galike kutto ne jor jor se hampe bhonkna shuru kar diya.. lekin hamare uss ghar se door jaate hee wo sab kutte shaant ho gaye.. uske baad main kai dino tak uss ghar me soyi hee nahi.. soti bhi to tabhi jab maina keli nahi hoti thi.. mainey uss ghar ke makan malik ko wo saari baat batayi.. to wo ek baba ko leke wahan aa gaya.. uss baba ne kuch mantro ka jaap kiya aur fir bataya kee uss ghar me matiya hai.. jo mujhey pareshan kar rahi hai.. hamare yahan mana jata hai kee koi chota bachha jab akal maut marta hai to wo matiya ban jata hai.. fir uss baba ne mujhey ek tabeej diya [ehanne ko.. jiswaqt wo kamre me mantrajaap kar rahe they uss waqt mera bhai upar chatt pe khada tha.. usne bataya kee wahan khade usko aisa lag raha tha jaisey koi chatt pe pathhar fenk raha ho.. lekin sirf aawazein aa rahi thi.. koi dikh nahi raha tha.. main ab uss kamre me sone nahi jaati.. lekin mera sara saman abi bhi usi ghar me rakha hua hai.. lekin ab main uss ghar me jyada din nahi rehne wali hoon..
==============================
mera naam adarsh singh hai.. main up ke jaunpur ka rehne wala hoon. main jo kahani aapko bata raha hoon ye aaj se 10 saal pehle kee hai.. to kahani aisi hai kee hamare pariwar me ek manoj chaha hua karte they.. jo kee kam ke liye mumbai me rehtey they..lekin ek din pata chala kee unki tabiyat achanak se kharab ho gayi hai.. apne sath rehne wale dusre logo ko wo achanak se gaaliya dene lage.. to unke ghar ke kuch log milke unko mumbai se unke gaav le aaye.. lekin apne ghar pe aane ke baad bhi unki halat theek nahi hui.. unko bahut se doctors ko bhi dikhaya.. BHU me bhi dikhaya lekin wo theek nahi huey.. wo sabko galiya dete rehte they.. lekin buzurgo se hamesha ache se baat karte they.. sab samajh gaye they inke upar koi dusht aatma ka saya aa gaya hai.. to ekdin meri dadi unse puchne lagi.. kee aap kon ho.. aur iske upar kyu aaye ho.. lekin usne kuch nahi batyya.. bas hansta raha.. wo log bahut se babao aur pandito ko bhi ghar pe leke aaye.. lekin wo sab ko peet ke bhaga dete.. unke bade bhai ka manna tha kee unki dimagi halat theek nahi hai aurunko hospital me hee dikhana chahiye.. ek din ye baat unhone manoj chacha ke samne hee bol dee… to usne kaha kee ek baar tujhey patka tha to tu bach gaya.. isbar patkunga to nahi bach paaaega.. wo sunke unke bade bhai darr gaye.. aur wahan se bhaag gaye.. uske baad unki mummy aur dadi unkepaas gayi aur boli kee beta tum isko chor do.. ham tumko bhagvaan kee terah pujenge.. to wo bola kee tum mujhyekya pujogi.. pehle apne gaon ke bhagwan ko to pooj lo.. fir kuch din baad wo log ek bahut bade baba ko lekar unke paas aaye.. to unhone mantro kee madad se aur bahut minnat kar ke uss aatma ko manoj chacha ke shareer se nikalne ke liye mana liya.. us aatma ne bataya kee wo mumbai me rehta tha.. aur ek baar kuch paise lekar apne ghar jaa raha tha.. to raste me 4 logone milke uske paise lootne ke chakkar me usey chaaku se maar dala.. usne bataya kee usne un chaaro me se teen ko maar diya hai aur chothey ko dhund raha tha.. usne bataya kee ye ladka..manoj wahan roj usi jagah aata tha.. to ek din mainey isey pakad liya..
usne kaha kee main iske chareer ko tabhi chorunga jab tum log mujhey mumbai kee ek ticket karwa ke doge.. uske baad un baba ne kuch mantra padhe aur ek l;aal kapde me kuch baandh ke diya aur bola kee ticket khareed ke is kapde ke saath rakh dena..
gharwalo ne waisa hee kiya.. aur uske baad manoj chacha bilkul theek ho gaye..

Hindi Horror Stories, horror story in hindi, real ghost stories in hindi, bhoot story in hindi, ghost stories in hindi, real horror story in hindi, scary stories in hindi, bhoot ki real story, real ghost in hindi, horror kahani hindi, real haunted story in hindi, horror story real in hindi, true horror story in hindi, most horror story in hindi, ghost ki kahani, ghost stories for kids in hindi,
true ghost stories in hindi language, new horror story in hindi, haunted stories in hindi

==============================
mera naam bishal barun dattta hai.. main assam ka rehne wala hoon.. main aapko jo baat batane wala hoon ye bahut saal pehle kee baat hai.. hamara ghar assam ke digboi naam ke shehar me hai.. hamare yahan assamme ek bahut famous festival hota hai jisko bihu bola jata hai.. assamesse culture me bihu ka bahut mahatv hota hai.. ye january ke maheene me aata hai.. isme sab log raat me dusron ke ghar se sabji,murga, baans, lakdi wagera chori karne jaate hain.. ye assamesa culture ka hissa hai..a ur sabko iske baare me pata hota hai.. isliye koi bura bhin ahi maanta..
log raat rat bhar baith ke apne ghar kee rakhwali karte hain.. to ek baar main bhi apne ghar me baith ke ghar ke rakhwali kar raha tha.. main tab 8-9 sal ka hee tha.. maine apne gharwalo se jidd kee aaj raat main hee ghar kee rakhwali karunga.. to maa aur baba bhi meri jidd ke aage haar ke andar sone ke liye chale gaye.. main bahar verandah me he aag jala ke baitha tha.. hamare ghar me kaam karne wala ladka bhi mere saath he baitha tha.. lekin kuch der baad wo bhi sone chala gaya.. 12 baj chuke they..kadakdi thand me akela bahar verahnde me baitha hua tha.. aag bhi bujh chuki thi.. saath he bata du kee hamare ghar ke theek bagal me ek talaab bhi hua karta tha…. to wahan baitha chaand kee halki halki roshni me main uss talab kee taraf hee dekh raha tha.. fir raat kareeb 2 baje.. maine dekha kee ek insan jo bahut hee lamba tha wo dono haatho me baltiya liye uss talab kee taraf jaa raha tha.. meri taraf uski peeth thi..isliye main uska chehra nahi dekh pa raha tha.. mere paas ek 4 battery wali torch hua karti thi.. to maine socha kee uspe torch maar ke dekhta hoon.. kee ye hai kon.. main jaldi se torch utha ke laya.. lekin torch jali hee nahi.. main usko door se talab se paani bharta hua saf dekh paa raha tha.. kuch der baad torch jall gayi..lekin tab tak wo aadmi wahan se gayab ho chuka tha.. mainey talab me light maari to dekha kee talab ka pani jor jor se hil raha tha.. mainw o dekh ke bahut darr gaya aur jaldi se andar aake so gaya..agle din ye baat mainey ghar ke sab logo ko batayi to meri dadi ne bataya kee wo koi bhoot nahi tha. usey hamari bhasha me dangoriya bolte hain.. aur wo gharo kee rakhwali karneke liye aata hai.. dadi ne bataya kee usko dekhne bahut shubh hota hai.. har koi usko nahi dekh pata..
==============================

Mere bua ke ladke ke saat hua tha mera bhai ek ladki se pyaar karta tha or uske Ghar walo ko pta chal gaya feer ladki ki ke ghar walo ne mere bhai ke upar chal kali shakti chod di or mera bhai ki tabiyat kharab hone pagi usdin bhai ke chacha ji ke ful ganga ji lekar gay the uske baad bhai ki tabi or kharab hone lagi feer une doctor ko dikhaya to doctor ne kaha ki isme blood nain hain isme chal point hai to blood magaya unpar 5 blood ki botal vhadi par uske baad feer se tabiyat kharab hone lagi feer bua ko pta chal gaya ki kuch to gad bad hai feer une baba ko dekhaya gaya baba ne bole ki ispar char log hain do geen or do chudel hain feer bhai ilaaj hone laga charo ko to nikal diya par se nain nikal pay baba ji ne inki Shakti is ghar se judi hain isko ghar se bhar dhej do tabi ye bach payga to bhai apne jijaji ke ghar rhene lage 6 ya 7 mahine rahe feer uske baad Ghar ko jaane lage unse bola ki ghar mat jana bhai ne kaha kime ab theek hunu par ghar jaane par do din sab sahi raha teesri raat ko ek pipal ka ped par se Hawaz aai bhai ko mere pass aaja bhai raat ko chala jata need me subha jab bhai ko Ghar wale dekne jaate to bhai ko usi pipal ke ped ke niche behosh pada mila tha 5 din aise hi hota raha uske baad hospital lekar gay to doctor saaf mana kar diya ke ham kuch nai kar paynge baba kobi dikhaya baba ji ne kaha ki ise Ghar kyu le gay the un charo ne ise gao khun pi gay iske andar kuch nain hain me ise nain bacha sakta to bhai ko ghar lekar aagay bhai bole vo vo charo muje lejane aay hain me me nain jana chata ghar wale sab root rahe the uske baad bhai nain rahe vo mar chuke the ye baat Agra ki hain me aap ko nain bta sakta

Hindi Horror Stories, horror story in hindi, real ghost stories in hindi, bhoot story in hindi, ghost stories in hindi, real horror story in hindi, scary stories in hindi, bhoot ki real story, real ghost in hindi, horror kahani hindi, real haunted story in hindi, horror story real in hindi, true horror story in hindi, most horror story in hindi, ghost ki kahani, ghost stories for kids in hindi,
true ghost stories in hindi language, new horror story in hindi, haunted stories in hindi

===============================

अगर आप भारत से जुड़ी और भी ऐसी बहुत सारी कहानियां पढ़ना चाहते हैं तो यहाँ क्लिक कीजिये

अगर आप विदेशों से जुड़ी सच्ची डरावनी कहानिया पढ़ना चाहते हैं तो यहाँ क्लिक कीजिये

अगर आप एनिमेटेड हॉरर स्टोरीज देखना और पढ़ना चाहते हैं तो यहाँ क्लिक कीजिये

अगर आप इन कहानियों को पढ़ने के साथ साथ मेरी आवाज़ में सुनना भी चाहते हैं तो जल्दी से मेरे चैनल को सब्सक्राइब कर लीजिये

साथ ही आप मेरा फेसबुक पेज भी ज्वाइन कर सकते हैं

English Animated Horror Stories सुनने और पढ़ने के लिए यहाँ क्लिक कीजिये

Add a Comment

Your email address will not be published. Required fields are marked *

error: Content is protected !!