दुर्गा माँ ने ली भूत की बलि

Mera naam vishwanaath patil hai.. Main maharashtra se hoon.. Main aapko apne saath ghati ek ghatna batane jaa raha hoon.. Ye saal 2003 kee baat hai.. Jab main ek gaon se iti electricle ka course kar raha tha.. Main roj bas se aaya jaya karta tha.. Sham 6 baje tak ghar pahuch ke main fresh hoke apne cd player me kuch gaane sunta aur fir rat me 11 baje tak khana kha ke so jata tha.. Sab kuch theek chal raha tha.. Fir ek raat.. Main gehri neend me so raha tha.. Tabhi sote sotey mujhey aisalaga jaisey koi mere paas ghungru pehan ke chal raha hai.. Meri aankh khul gayi.. Lekin mainey jyada dhyaan na dete huey fir se so gaya.. Lekin 5 minute baad hee mujhey wo aawaz fir se sunai dee.. Is baar mainey aawaz bahut saf saf suni thi.. main aankh masaltey huey utha aur light jala di.. Lekin wahan koi nahi tha.. Mujhey darr lagne laga.. Darr ke marey neend bhi nahi aa rahi thi.. Mainey light band kar ke chadar odh ke sonekee koshish kee.. Lekin wo aawaz ab bhi aa rahi thi.. Mainy bhagwan ka naam liya aur kisi terah so gaya.. Agli subah uth ke mainey ye baat apne sab gharwaloko batayi to mere gharwalone usey mera weham samajh ke taal diya.. Lekin ab ye har roj kee baat ho gayi thi.. Raat hotey hee mujhey wo ghungroo bajne kee aawaz sunai deti.. Kai baar to main gusse me usko gaali be deta.. Lekin usse kya fark padna tha.. Raat me ab mujhye sone se bhi darr lagne laga tha.. Pehle to mujhey wo aawaz sirf din me hee sunai deti thi.. Lekin ab mujhey wo aawaz din me aane lagi thi.. Jab kabhi main ghar pe akela hota to lagta jaisey koi mere paas me hai.. Lekin main kuch nahi kar sakta tha.. Fir ek dinn raat me sotey huey mere papa ko ek saaya bathroom se nikaltey dikhai diya.. Papa ko laga shayad main hounga… lekin jab unhone theek se dekha to wo ek safed rang ka saaya tha.. Jisne sir par ghungat kiya hua tha.. Wo saya usi kamre me jaa raha tha jahan main so raha tha.. Agli suabh papa ne mummy ko bataya kee iss ghar me wakai koi upari saaya hai.. To hamne us aatmo ko ghar se nikalne ke liye ghar me pooja paath kiya.. Lekin usse to sab ulta hee ho gaya.. Ab wo hamse aur jyada judd gayi thi.. Main jab cycle lekar nikalta to lagta jaisey koi mere peechey baitha hua hai.. Main bhi din par din kamjor hota ja raha tha.. Mujehy bhookh lagni band ho gayi thi.. Har samay apne me hee khoya rehta. Aur sardiyo ke dino me bhi mujhey bahut garmi lagti.. Itni garmi kee main raat me chatt par hee sopne laga tha.. Ek raat sotey huey mujhey mehsoos hua kee kisi ne mera kandha pakad ke mujhey hilaya ho.. Us waqt mainey aisa mehsoos kiya jaisey mere aatmi mere shareer se bahar nikal rahi hai.. Main bahut halka mehsoos kar raha tha…agli subah nahane ke baad jab mainey sheehse me dekha to mere kandhe par naakhuno par khoon ke nishaan saf saf chape huey they…lekin fir bhi koi dard nahi tha.. mainey ye baat kisi ko nahi batai..fir Ek din mere sage chacha ko in sab baato ke baare me pata chal gaya.. Aur sanyog se usi din gaon ke bahar nadi par ek taantrik baba aaye huey they,..wo ek kutiya me ruke they.. Chacha unko lekar turant hamare ghar aa gaye.. Mainey unko puri baat batayi.. To wo pure ghar kee deewaro ko najdeek se dekhtey huey kuch mantra padhtey huey pure ghar me ghumne lage.. Fir unhone bataya kee wo ek nritaki hai.. Jisko 400 saal pehle jab yahan khet hua kartey they.. To usko yahan maar ke fenka gaya tha.. Wahi aatma apako takleef de rahi hai.. Lekin tantrik ne ek chonkaane wali baat hi batayi.. Usne bataya kee us nritaki ko aapse lagaw ho gaya hai.. Wo aapse prem karne lagi hai.. Wo aapse iss terah judd chuki hai kee aapke saath aapki cycle pe baith ke bus stand tak jane lagi hai..mainey kaha haan.. Isliye cycle me puri hawa hone ke bawjood pichle kuch dino se meri cycle bahut bhaari chalne lagi thi.. Mainey ek ek baat us taantrik ko bata dee. To wo bola kee aapke ghar me hawan karna padega.. Fir jiasiey jaisey usne kaha hamne usi terah se ghar me hawan sampann karwaya gaya.. Hawan ke waqt teen baar uske ghungroo ke cham cham ham sabne saaf saaf suni thi.. Wo chall ke hawan kund ke andar sama gayi thi.. Us din ke baad se uski aawaz mainey fir kabhi nahi suni.. Aap log shayad yakeen na karein lekin ye mere saath beeti bilkul sacchi ghatna hai.. Main maut ke darwaje se wapis lauta tha..
==============================================================
mera naamm bikash hai.. main nepal ke pokhara shehar ka rehne wala hoon.. main aapko apni ek sachi kahani batane ja raha hoon.. ye un dino kee baat hai jab main nepal police me tha.. waisey abhi to mainey police kee naurki chor dee hai.. kyuki mera uss kaam me man nahi lagta tha.. to kahani aisi hai kee ek baar hamare pados kee ek bhabi kee maut ho gayi .. wo kareeb 27 saal kee thi…fir hamsab usko shamshan le jane lage. hamare yahan kehtey hain kee jab pehle baar kisi ko jalane shamshan me jaatey hain to kisi budhey ko jalane hee jana chahiye.. wo mera bhi pehli baar tha.. lekin main to ek 27 saal kee aurat ko jalane jaa raha tha.. jab ye baat meri mummy ko pata chali unhone mujhey phone kar ke wapis aane ko kaha.. lekin tab tak main aadhe raste se aage ja chuka tha.. lekin mummy ke kehne par mujhey wapis aana pada.. main shamshan se hee laash ko bina jalaye wapis ghar aa gaya.. lekin us din se hee mere saath kuch ajeeb sa hone laga tha.. mujhey raat me neend nahi aati thi.. aati bhi to neend me darawne darawne sapne aate jinse main darr jata … ye sab mere saath 15 dino tak chalta raha..
fir ek raat.. meri night duty thi.. muhey subah 4 baje tak duty karni thi. lekin un dino pata nahi kyu mujye duty pe jane ka bilkul bhi man nahiu karta tha.. lekin jana to tha hee .. to main raat me duty puri kar ke subah 4 baje wapis apne ghar aa raha tha.. sardiiyo ka time tha.. to charro taraf sunasan aur andhera hee tha.. mainey apne kai sarey kapdo ke upar ke upar police kee moti jacket pehni hui thi.. isliye un kapdo me thand lagne ka to sawal hee nahi tha.. lekin fir bhi aatey huey mujhey hadd se jyada thand lkag rahi thi. main kanpteyu huey aa raha tha…. ghar aane ke raaste me ek pul padta tha.. aur wo jagah bilkul sunsaan thi.. us jagah ek bhi ghar nahi tha… main aa hee raha tha kee door us pul ke upar mujhey ek parchai dikhai dee.. mujhey laga shayad koi aadmi pul ke upar toilet ke liye aaya hoga.. mainey socha kee main uske paas jakar usko daantunga kee toilet ke liye yahan kyu aaya hai.. to main jaldi jaldi se uske paas jane laga.. lekin jab main us saaye ke paas pahucha.. to mainey dekha kee wo to wahi aurat thi .. jiski laash ko us din main shamshan lekar gaya tha.. wo wahan khadi bahut hee gusse se meri taraf dekh rahi thi.. uske badan par ek bhi kapda nahi tha.. lekin mujhey pata nahi kyu usse darr nahi lag raha tha.. main phone ke torch lekar uske aur paas jaake uska chehra ache se dekhne laga.. wo wahi thi.. wo wahan khadi chupchap mujhey dekh rahi thi .. aur main bhi chupchap usko dekh raha tha.. fir kareeb ek minute wahan khade rehne ke baad.. main apne raaste par chalne laga.. thodi door jaane ke baad mera peechey mud ke dekhne ka man kiya.. maine peechey mud ke dekha.. to meri to jaan nikal gayi.,. wo bahut teji se bhaag ke meri taraf aa rahi thi.. us waqt main itna darr gaya..kee jor se cheekhne laga.. main darr ke maare bhaag bhi nahi pa raha tha.. lekin wo mere paas aatey aatey gayab ho gayi.. uske baad kya hua mujhey nahi pata lekin jab mujhey hosh aaya to main ek baba ke paas tha.. hamare yahan baba ko jhakri boltey hain.. unhone mujhpar kuch jhaad foonk kiya.. aur us din ke baad se wo aurat muhjhey fir kabhi dikhai nahi dee..
==================================================================================================
main nepal ka rehne wala hoon .. main 19 saal ka hoon aur abnhi haal hee me maine apni 12th complete kee hai.. main aapko apni greatgrandfather ke saath hui ek sacchi kahani batana chahta hoon.. mere pardadaji 95 saal ke hain aur bilkul fit hain.. mera gaon nepal ke gulmi district me padta hai.. us jagah chaaro taraf pahaad hee paahad hain.. aur wo jagah jitni sundar hai utni hee khatarnaak bhi hai.. to ye kahani san 1830 ke kareeb kee hai..gulmi ke ek koytoa naam kee jagah hai jahan ham pichli 20 peedhiyo se durga pooja ke time par pujari ka kaam karte aa rahe hain.. to un dino dusshere ka time chal raha tha.. mere pardada mandir se laut rahe they.. ghar aane ka rasta lamba to nahi tha lekin raaste me sab log unke haath ka teeka lagwane ka wait kar rahe they isliye unko aate aate kaafi derr ho gayi..raaste me ek bahut bada peepal ka ped padta tha.. jo aaj bhi wahan hai aur dekhne me bahut hee darawna lagta hai… to jab dadaji aa rahe they to unko us ped ke neechey ek 30-40 saal ka aadmi baitha dikhai diya.. dadaji ne usse uska gaon pucha.. to usne hamare gaon ke paas wale ek gaaon ka naam bataya.. dadaji ne usko apne saath chalne ko kaha.. to wo maan gaya…
chaltey huey dada ji usse baate karte huey aa raha they… baato baato me dadaji ne uske pariwar ke baare me pucha.. to usne jo apni caste batayi uss caste ka to us pure ilake me hee koi nahi rehta tha… lekin wo isi jidd par ada raha kee uska ghar usi gaon me hai.. dadaji ko laga kee shayad uska dimagi santulan theek nahi hai..isliye unhone uss baat ko taal diya.. lekin kuch door aage jaatey hee dadaji ko tejj thand lagne lagi.. to wo thodi der side me aag jala ke aaram karne ka faisla kiya.. wo aadmi bhi bilkul dadaji ke saath hee tha.. lekin jaisey hee dadaji ne aag lagai wo aadmi wahan se gayab ho gaya.. dadaji ne socha kee shayad wo idhar udhar chala gaya hai.. unhone jyada dhyaan nahi diya.. aur kuch der baad wapis apne raaste par nikal pade.. lekin thodi door jaatey hee unhoney ek mod par usi aadmi ko khade dekha.. lekin wo aadmi wahan khada bas chaand kee taraf dekhe jaa raha tha.. dadaji jab uske aur paas pahuchey to unhone dekha kee us aadmi ke pair ulte they.. aur uski gardan par ek khoon kee line thi.. jaisey kee kisi ne usko gala daba ke maara ho.. dadaji ke uske paas pahuchtey hee wo dada ji taraf palta aur unko maarne kee dhamki dene laga.. lekin dadaji nahi dare.. aur kuch mantra padhne lage.. lekin mantra suntey hee usne apne kaan bnand kar liye.. aur thoda peechey ho gaya… wo bahut takatwar tha.. aur kuch hee der baad wo fir se dadaji ke paas aane laga.. paas aatey huey wo hanstey huey bola.. pandit aaj to tu gaya.. ab dadaji darr gaye… aur durga maa ko yaad karne lage.. durga maa ka naam lete hee wo aadmi fir se peeche ho gaya.. kuch der baad wo aadmi wahan se chala gaya.. jaate huey bola. kee aaj to main ja raha hoon.. lekin main fir aaunga.. dadaji jaldi se ghar aagaye…
agle din dadaji ne ye baat gaon ke mukhiya koi batayi to ye baat pure gaaon me fail gayi.. kuch din baad gaon ke kuch budhey hamare ghar aaye aur puri kahani batayi.. unhone bataya ke wo aadmi ek chor tha aur paas hee ke ek gaaon ka tha.. ek din usne mandir se durga maa kee moorti chura lee.. lekin navratri se ek din pehle wo murti apne aap mandir me pahuch gayi.. uss aadmi kee laash logo ko usi peepal ke ped ke neechey padi mili.. uska sir dhad se alag tha jaisey kee kisi ne uski bali di ho.. uski laadh bhi aise padi thi jaisey bali ke waqt bakri ko rtakha jata hai.. ghutno ke bal. kuchdin baad uska pura pariwar bhi ek landslide me maara gaya.. uske ghar me koi jinda nahi bacha tha.. lekin dadaji ko ye baat nahi pata thi.. dadaji ko yakeen tha kee us rat unki jaan durga maa ne hee bachai thi..
==============================================================
mera naam jasleen hai main agra se hoon.. main aapke sath apni family ke saath ghati ek ghatna share karna chahti hoon jo kee bilkul sach hai..ye kuch din pehle kee baat hai.. meri mummy kanpur se hain.. aur wahan meri nani ke ghar me unki joint family rehti hai.. naani ka ghar bahut bada hai .. aur usme teen kamre aisey hain jo ke hamesha band rehtey hain.. unpe tala laga hua hai aur wahan jane kee ijajat kisi ko bhi nahi hai.. un sabhi kamro ke darwajo par ek lal dhaage jaisa bhi kuch banda hua hai.. aur uske upar se ek moti chain bhi bandhi hui hai jis se koi bhi un kamro ke andar na ja sake..
to main jo kahani aapko bata rahi hoon ye meri mummy ke cousion ke saath hua tha.. unka naam aman hai.. wo meri mummy ke sabse chote uncle ke bete hain.. to jab aman mama paida bhi nahi hue they unki ek bua thi.. jo kee mental thi.. usnki halat bahut kharab ho gayi thi.. aur wo kisi ke bhi kaabhu me nahi aati thi.. to ek baar aman mama ke papa aur unke bhaiyo ne apni behan ko zehar dekar maar diya.. lekin ye baat hamari family ke alawa aur koi nahi janta tha.. aman mama kee abhi kuch time pehle hee shaadi hui hai.. to jab unki shadi hui thi to unhone ek bar wo kamra khol liya jisme unke papa ne unki bua ko maara tha.. sabne unko bahut mana kiya lekin wo nahi maane.. lekin wo kamre kholtey hee us ghar me ajeeb ajeeb cheejo ka hona shuru ho gaya.. aman mama ekdam se badal gaye… unki tabiyat kharab rehne lagi.. wo bahut chidchide ho gaye.. har waqt sabse ladtey .. marpeet kartey.. ek din jab aman mama apne kaam se lotey to unka sir fata hua tha.. aur bhot khoon aa rahe they.. aur sabse ajeeb baat ye thi ke jab gharwalo ne unse chot ke bare me pucha to unhone bataya kee unko kuch yaad hee nahi kee unko wo chot kaisey lagi..
us din unki halat dekh sab log bahut darr gaye.. fir uske bad kuch dino tak sab theek raha.. lekin fir ek din.. mangalwar ka din tha.. raat ke kareeb 1 bajj rahe they.. aman ne bahut sharab pee hui thi.. kee wo achanak jor jor se cheekhne laga.. wo itnbi jor se chilla raha tha kee uske chillane kee aawaz upar first floor par naani ke kamre tak aa rahi thi.. wo jor jor se apne papa aur bhaai ko gandi gandi gaaliya de raha tha..
uske papa ussey bole tujhey kya ho gaya hai.. aise kyu chilla raha hai.. to wo gusse me apne papa se bola kee main tujhey maar dungi.. kisi ko nahi chorungi.. sabko maar dalungi.. uski baat sunke sab log darr gaye.. kyuki wo apni mari hui bua kee aawaz me bol raha tha.. sab samajh gaye kee unke upar uski bua kee aatma aa gayi hai… gharwalo ne jaldi se uske upar jal dalna chaha lekin usne jal ko dur fenk diya.. sab log paath karne lage.. lekin aman shaant hone ka naam hee nahi le raha tha.. sab log bahut darr gaye.. wo sabko dhamki de rahi thi ki wo kisi ko nahi choregi..ksii ko kcuh samajh nahi aa raha tha kee ab kya karein.. aisa chalte chaltey subah ke 4 bajj gaye..aman bhi dheere dheere shaant hone laga tha.. aur tabhi wo achanak se neechey gir gaya.. jab usey hosh aaya to wo bahut dara hua tha.. fir wo meri nani ke pas gaya uar boola .. taai ji.. mainey kal rat bua ko apne kamre me baitha dekha tha.. wo mujhey bar bar alag alag jagah par dikhai de rahi thi.. achanak wo uthi aur mere pas chal kee aane lagi aur fir mujh se takra ke gayab ho gayi.. ye abhi kuch din pehle hee hua tha.. us din se ghar ke sab log dare huey hain.. wo bahar ke kisi aadmi ko bhi is bare me nahi bata saktey.. pata nahi ab unke sath kya hoga..
==================================================================================================
Mera naam srishti hai.. Main delhi me rehti hoon.. Meri shadi kam age me hee ho gayi thi.. Shadi ke baad main apne sasural me jis ghar me gayi wo ghar bahut darawna tha.. Ghar kee deewaro par kai terah ke mantra likhey huey they.. Aur uss ghar me ek ajeeb sa bhaaripan mehsoos hota tha.. Us ladke kee family ke bhi tantriko wagera se bahut contacts they.. Shadi ke kuch time baad usne mujhey bahut tortue karna shuru kar diya.. Jiski wajah se aakhir me mujhey usey chor dena pada.. Lekin uske baad main depression me aa gayi.. Aur apnenana ji ke yahan mumbai me aake rehne lagi.. Mainey us ladke aur uski family ke khilaaf police case kardiya.. Pehle to un logo nemujhey bahut daraya dhamkaya.. Lekin fir maiey unse baat karna hee band kar diya.. Saath hee bata du kee meri jo bua thi.. Unke paas koi aisi shakti thi kee unhe future me honey wali baato ka paehle se andesha ho jata tha..
Jab me delhi me apne ghar thi to mujhey har waqt aisa lagta jaisey koi mujhey dekh raha tha.. Har waqt kisi ki mojoodgi ka ehsaas hota tha.. Fir ham ek bahut maane huey baba ke paas gaye to unhone bina hamare kuch bole bata diya kee mere papa ke upar kisi nekaala jaadu kiya hua hai .. aur papa ke sath sath mere bade bhai ke upar bhi khatra hai.. Unhone bataya kee kaala jaadu mere sasural walo ne hee karwaya hai..
Fir kuch din baad jab hamara police case aage badha to ek din papa ko attack aa gaya .. unki tabiyat bahut kharab ho gayi.. Mera bhai bhi bahut beemar ho gaya.. Main apne papa aur bhaai se bahut close thi.. Isliye unhone unko mujhsey alag karwane keliye wo karwaya tha.. Fir jab case kee agli sunwai hui to mere dada ji ko bhi attack ho gaya.. Fir ek din jab main nahane ke liye almari se kapde nikaal rahi thi to mainey dekha kee mere kapdo par kuch tel ke aurkhoon jaisey kuch laal cheentey pade huey they.. Mainey baki kapde dekhe to dekha kee sabhi kapdo par wo nishaan they… kuch dinbaad mer itabiyat bahut kharab ho gayi.. Fir main apne nana ji ke yahan chali gayi.. Fir kuch din bad meri bua meri delhi wale ghar me aayi hui thi.. Wo ghar me baithi hee thi kee wo achanak se bahut gussa ho gayi.. Jab unke bete ne unko haath lagaya to unhone usko bhi dhakka de diya.. Bua ko ghar me ek kaala saya dikhai de raha tha.. Fir ghar ke logo ne unpa gangajal ke cheentei maare.. Jiske bad wo normal ho gayi.. Mere gharwalo ne unse pucha ki kya hua tha lekin wo kuch nahi boli.. Lekin baad me unhone mujhey phone kar ke pucha kee tere sasural
Wale kaisey they.. Mainey bataya wo log bahut tantrik wagera ke chakkar me rehtey they.. To bua nebataya kee unlogo ne ghar me ek kaala saaya chora hua hai jisse ke tum log wo case haar jao.. Bua kee baat sunke ham sab bahut pareshan ho gaye.. Fir ham ek guruji ke paas gaye.. Unhone hamein kuch upaye to nahi bataya bas itna hee kaha kee ghar me subah shaam bhagwaan ki jot jalaya karo or mata raani ka naam liya karo.. Hamne waisa hee kiya.. Uske bad hamare ghar me sab theek hone laga..
==================================================================
mera jija ji ka naam wasid hai.. wo shajahanpur me rehtey hain.. ek baar mere jijaji kuch dino ke liye delhi gaye they kisi kaam see.. delhi me kaam khatam karke wo kuch din baad wo wapis aaye.. unki raat kee train thi..aur ghar pahuctey pahuctey unhe subah k 4 bajj gaye they i raat me jab jeeja ji apne mohalle kepas pahuchey to unko bahar sadak par ek aadmi tehaltey huey dikhai diya.. wo uske paas gaye to pata chala kee wo to unhi ke mohalle ke dilip chacha they..dilip chacha ne jijaji se pucha.. are wasid tum dilli se aa gaye kya.. jeeja bole– han chacha..main aa gaya.. lekin aap itni raat yahan sadak par kya kar rahe hain.. wo to bole.. kuch nahi..bas aise hee thodi khuli hawa khane aa gaya tha.. fir mere jijaji ne unse haath milaya aur apne ghar aa gaye..agle din jab wo apne mohalle me ghoom rahe they to unhe dilip chacha ka ladka dikhai diya.. usne apne sar ke baal mundwaye huey they.. jija ji ne us se pucha.. kya hua tumhe.. baal kyu mundwaye huey hain.. to wo dukhi man se bola kee mere papa ke maut ho gayi hai.. uski baat sunke jeeja ji gussa ho gaye.. bole aisa kyu bol raheho apne papa ke bare me.. tumhare papa to jinda hai.. wo bola nahi.. mere papa mar chuke hain.. lekin jija ji ko uski baat par yakeen nahi hua. towo ladka fir unko apne ghar lekar gaya.. to pata chala kee sach me dilip chacha kee maut ho gayi thi.. tab jija ji ne un logo ko bataya kee main to kal raat hee dilip chacha se mila tha.. wo bahar sadak par tehal rahe they.. unki baat sunke sab log darr gaye.. or sabse jyada jijaji darr gaye ye soch ke kee ek din pehle unhone ek bhoot se haath milaya tha..darr ke mare unko kai din tak bukhar raha..
==================================================================
mera naam shashi kumar hai.. main gorakhpur ka rehne walahoon.. ye kahani mujhye mere dada jine batayi thi.. bahut saal pehle ek baar mere dadaji kisi dusre gaon me apne ek dost ke yahan kisi dawat me gaye they.. aate aate unko raat ke 12 bajj gaye.. unke dost ne kaha kee yain ruk jao.. lekin dadaji nahi maane aur wahan se chal diye.. ghar aatey huey dadaji ko 2-3 kilometer hee huey they keeunko ek ped dikhai diya.. unhone dekha kee uss ped par ek aadmi ek daali ko pakad ke jhula jhool raha tha..wo aadmi 10 feet lamba tha aur bahut hee mota tha.. uskelambe lambe daant nikle huey they.. asalme wo koi insan nahi balki ek danav tha.. aur wo bilkul raaste ke beechobeech jhula jhool raha tha.. lekin dadji bina darre wahan se jaane lage.. dadji jaisey hee aage badhe wo jhule se kood ke unke saamne aa gaya.. lekin wo dadji ko choo nahi raha tha.. bas unka raasta roke ja raha tha.. dadji jaisey hee kadam badhatey wo unke samne aa ke khada ho jata.. aisa karte kartedadaji ko ek ghanta ho gaya.. lekin wahan se aage nahi badh paye.. tabhi unko peeche se ekdusra aadmi aata dikhai diya.. dadji ne dekha kee wo aadmi jaisey hee us ped ke paas pahucha .. to kaleva baba ki jay kaleva baba kee jay bolne laga.. uske ye boltey hee wo danav dadaji ke raaste se hatt gaya.. fir wo aadmi dadaji ke paas aaya aur bola.. chaliye dadaji.. ab wo log bas 10 kadam hee aage badhe they.. tabhi unke peechey se aawaz aayi.. aaj tomain tujhey chor raha hu lekin agli bar yahan aaya tomera naam lena mat bhuliyo..
fir aage jaake us aadmi ne dada ji ko bataya kee wo kaleva baba hain.. jo ussped par rehtey hain.. aur us raste se jaatey huey jo bhi kaleva baba kee jai bolta hai.. wo uski raksha kartey hain.. ye aaj se 15 se 15 saal pehlekee baat hai..ab wahan wo ped bahut hee vishal ho gaya hai.. aur wahan ek mandir bhi ban gaya hai.. wahan kaleva baba ke aur bhi bahut sare kisse kahaniya famous hain..
==================================================================
mera naam saswat ranjan hai. main odissha ke cuttack ka rehne wala hoon.. ye bat jo main bata raha hoon ye mere nana ke sath hua tha.. mere nana jab jawan they tab unko RJbanne ka bahut shok tha.. to ekdin unke paas ekphone aaya kee agar RJ banna hai to apne studio me performace kar ke hamein bhejo.. nana bahut khush ho gaye.. fir nana apne budget me shehar me koi studio dhunde lage recording ke liye..to shehar se door puri naam kee ekjagah me unko ek studio mil gaya.to nana apni script likh kar shaam hote hee studio ke liye nikal pade.. aur kareb 3 ghante baad wo studio me pahuch gaye.. us studio ka naam tha sound dada.. ao stuido dekhne me hee bahut ajeeb sa tha.. uske sare instruments bhi bahut purane dikhai pad rahe they.. wahan us studio ka owner bhi tha.. to nana sabbaato ko najarandaj kar ke studio ke andar chale gaye.. aur apni recording par dhyaan dene lage.. studio ka owner unke paas hee baitha hua tha.. tabhi recording karte kartey unko wahan kuch jalne kee badhu aane lagi..nana ne owner se pucha kee aapko kuch jalne kee badbu nahi aa rahi kya.. to wo bola.. nahi .. tum bas apni recording pe dhyaan do.. main khana kha ke aata hoon..
nana recording kar hee rahe they kee achanak room ke ac ne kaam karna band kar diya.. garmi ka time tha. isliye nana ko bahut garmi lagne lagi to wo thodi hawa lene ke liye studio se bahar nikal gaye.. lekin tabhi us owner ne unko peechey se aawaz di.. bahar kyakar rahe ho.. to nana bole kee andar bahut garmi hai.. hawa lene aaya tha bahar.. owner bola haan wo ac bahut purana hai.. maaf karna wo kai bar band ho jata hai.. lekin aap pareshan mat ho aap bas recording pe dhyaan do.. fir nana neandar jaake jaisey taisey recording puri kee aur usko lekar wapis apne ghar aa gaye.. agle din unhone wo recording rj ke liye bhej dee.. to wahan se jawab aaya kee aapke sath recoridng me wo dusri aawaz kiski thi.. to wo puchne keliye nana ne sound dada studio me call kiya.. lekin kai bar try karne ke baad bhi wo phone number not existing aa raha tha.. fir nana agle din fir se us stuio me gaya to wahna wo studio tha hee nahi.. nana ne aaspas kelogo se pucha to pata chala kee wo studio to do sal pehle wahan hua karta tha.. lekin ek aag me wo jal gaya tha uske owner kee bhi usi memaut ho gayi thi.. wo sunke nana bahut ghabra gaye.. aur wapis ghar aa gaye.. fir unhone ek dusre studio me dubara se recoridng kee.. aur wo rj ban gaye…
==================================================================
mera naam suhana hai.. main abhi delhi me rehti hoon.. main jo baat aapko batane jaa rahi hoon wo hamare barely wale ghar kee hai.. jisko mere papa ne aaj se 8 saal pehle banwaya tha.. hamara wo ghar bahut hee sundar bana hai.. aur usko dekhkar koi nahi bata sakta wo ghar andar se itna darawna ho sakta hai.. hamare us ghar me 5 kamre hain, lekin washroom ek hee hai.. us ghar me jate hee pehle din se hee mujhey bahut manhoosiyat see mehsoos hoti thi.. lekin mere gharwale in sab bato ko nahi maantey they.. toe k raat main aur meri chachi ek kamre me so rahe they… mere chacha us din kisi kaam se delhi aaye huey they.. sardiyo ka time tha.. meri der raat tak phone chalane kee aada hai.. to uss rat bhi kareeb 1 baje main bed pe leti phone chala rahi thi.. tabhi mujhey aisa lagne laga jaisey koi mere bed ke paas chal raha hai.. main usko dekh to nahi paa rahi thi lekin bahut ache se mehsoos kar pa rahi thi.. uske chalne kee aawaz aisi thi jaisey koi badi badi chappalein pehney unko jameen par ghaseetta hua chal raha ho.. wo aawaz sun ke main bahut darr gayi aur chupchap so gayi.. agli subah mainey ye baat apni ammi ko batayi to unhone meri baat par jydada dhyaan hee nahi diya.. fir kuch din baad .. mere usi kamre me kuch enietin rakhi hui thi.. to main kuch eenitein lene ke liye us kamre me gayi to andar jaate hee mnujhey fir se lagne laga jaisey koi mujhey dekh raha hai.. lekin main wo ignore kartey huey jaldi se eentein uthane lagi.. mainey teen eentein utha lee thi aur chothi eent bas uthane ja hee rahi thi. kee maieny dekhi kee ek eent apne aap hawa me uthi aur un teen eento par aake rakh gayi.. wo dekh ke main darr ke mare usi waqt wahan se bhaag gayi .. lekin tab bhi kisi ne meri baat par yakeen nahi kiya.. fir usi raat .. ghar me sirf main meri ammi aur daadi hee they, ham sab bahar wale kamre me baithey baatein kar rahe they.. jis kamre me ham baithey they wahan se andar ke sare kamre saf saf dikhai dete they.. tabhi ammi ne dekha kee ek lambi si aurat andar ek kamre me jaa rahi hai.. usne shawl odha hua tha..
ek bar ke liye ko laga kee wo main hoon.. tabhi unhone meri taraf dekha.,. main to unke paas hee baithi thi.. ammi ne ye baat hamein batayi.. to mainey to unki baat maan li lekin dadi nahi maani.. to ammi mujhey aur daadi ko lekar us room kee taraf jane lagi.. lekin kamre me koi nahi tha.. ammi bar bar bole ja rtahi thi kee unhone apni aankhon se kisi ko andar jatey huey dekha tha..fir hamen agle din hamari masjid ke maulana ko ghar me bulaya.. to unhone bataya kee iss ghar me ek jinn hai aur uske alawa aur bhi kai roohein hain.. unki baat sunke ham bahut darr gaye.. unhone hamse wo ghar chor dene ko kaha.. to hamne kuch hee dino me wo ghar khali kar diya aur delhi aa gaye.. ab us ghar me kirayedaar rehtey hain .. lekin wo bhi ye batate hain kee us ghar me unhe kabhi koi aurat to kabhi koi aadmi dikhai deta hai.. ek saal me us ghar me 5 kirayedaar bada chuke hain..
==================================================================================================
mera naam shankar hai main odisha ke berhampur se hoon.. main jo baat aapko bata raha hu ye bilkul sach hai aur ye aaj se 4 mahiney pehle hua tha..
ek baar mere pas subah subah mere ek frend kee call aayi.. usne kaha kee wo mujhsey milna chahta hai.. usey kuch jaroori baat karni hai.. mera wo dost mere ghar se do kilomneter door rehta tha.. wo wahan akela hee ek kiraye ke flat me rehta tha aur kuch compettitive exams kee tayyari kar raha tha.. wo building ke second floor par rehta tha aur uske flat ke saamne ek shamshan ghaat bhi tha.. main uske paas pahucha to usne bataya kee raat me jab wo apne bed par so raha tha to usey apni khidki se ek chote bache ke ronne kee aawaz suani dee.. wo usi waqt uth ke baith gaya.. lekin fir usko wahi rone kee awaz 4-5 baar aur saf saf sunai dee.. wo itna darr gaya kee wahan se bhaag ke ek dost ke ghar chala gaya aur puri raat usi ke ghar bitayi.. fir main aur mera dost uske flat pe chale gaye.. lekin tab hamein bilkul bhi darr nahi lag raha tha.. main uske room me ruk gaya.. aur timepas karne laga… fir shaam hote hote hamara kuch masti karne ke mood ban gaya.. to mainey ek white paper lekar uspe pen se ek ouija board bana diya.. muhey to ouija board ke bare me pata tha lekin mere dost ko uske bare me kuch nahi pata tah.. aapme se bhi agar kiisi ko nahi pata to bata doon kee ouija board aatmaon se baat karne ke liye hota hai.. mujhey bhi ouija board me bare me sab kuch pata tha lekin wo mainey pehle kabhi try nahi kiya tha.. hamne us paper ke ouija board ke upar ek lakdi ka tukda rakh diya aur ek dusre ka haath pakad ke baith gaye.. fir main bola– agar koi yahan hai to bina hamein nuksan pahuchaye ishara de.. ”
mainey ye baat 3-4 baar repaet kee.. lekin fir jo hua wo dekh ke to hamare hosh udd gaye…
board ke upar rakha lakdi ka tukda apne aap yes ke upar chala gaya..
wo dekh ke ham darr gaye.. usi waqt wo sab band kar diya.. wo lakdi ka tukda apne aap kaisey ghoom hgaye.. ye baat hamein bahut pareshan kiye jaa rahi thi.. fir main apne ghar wapis aa gaya aur wo bhi apne dusre ek dost ke yahan chala gaya.. main ghar me kisi ko kuch nahi bataya aur chupchap so gaya… lekin fir usi raat.. mere paap sote huey neend me kisi ko gaaliya dene lage.. mainey papa ko uthaya ko papa bole kee unhne sapne me dekha kee koi kaala aadmi hamare gahr ke peechey wale darwaje se langdatey huey andar ghusne kee koshish kar raha hai.. papa kee baat suin ke main bahut darr gaya.. aur usi waqt ouija board wali board sabko bata di.. mujhey baut daant padi.. kuch der bad ham wapis so gaye.. lekin mujhey neend nahi aa rahi thi.. mere bhai bhi saath me leta phone me video games khel raha tha.. fir theek 2 baje.. bagal wale kamre se cheejein girne kee aawaz aayi.. mainey apne bhaai ke taraf dekha.. ham dono bahut darr gaye.. lekin fir 10 minute baad wahi aawaz fir se aayi.. lekin ham dono uthne kee himaat nahi kar paa rahe they.. fir teesri baar jab wo aawaz saman girne kee aawaz aayi to mkain aur mera bhai us kamre me check karne ke liye gaye.. lekin wahan to sab theek tha.. koi saman nahi gira tha.. fir ham wapis apne kamre me aake so gaye,..agle din subah jab main bathroom se nikla to maine dekha kee ek kala saaya mere kamre me ja raha tha.. main samajh gaya kee koi cheej mere peechewy peechey mere ghar tak aa gayi hai.. to hamne jyada time waste na kartey huey paas ke hee ek kaali mandir mandir me mere upar jhaad foonk karwaya.. us din ke baad se ab sab kuch normal chal raha hai..
mujhye wo saya fir dikhai nahi diya.. mera dost bhi apne flat me chala gaya.. aur usko bhi waisa aur kuch firse mehsoos nahi hua..shayad wo saaya uske flaat se nikal ke mere peechey aa gaya tha..

अगर आप ये कहानी पढ़ने के साथ साथ सुनना भी चाहते हैं तो नीचे वीडियो को प्ले करें.
इसी तरह की और डरावनी, दिल दहला देने वाली और रोचक कहानिया सुनने के लिए मेरा Youtube Channel जरूर सब्सक्राइब करें नीचे लाल बटन दबा कर.

 

और डरावनी कहानियां पढ़ने के लिए यहाँ क्लिक करे.
Homepage पर जाने के लिए यहाँ क्लिक करें.

मेरा फेसबुक पेज भी जरूर like करें.

Add Comment