टॉयलेट वाला शैतान

mera naam amit maheshwari hai.. main uttarpradesh ke bahraich district ka rehne wala hoon.. main jo story aapko bata raha hoon ye mere bhayya ke saath hua tha.. ye aaj se kareeb 15 saal pehle kee baat hai..to un dino mere bhayya yaani ke mere tauji ka ladka apni 12 ke paper dene ke baad apne papa ke saath kaam karne laga tha… unke papa ka gur ka crusher laga tha aur wo wahin pe kaam kiya karte they..to ek din wo subah kareeb 6 baje wo crusher chaalu karwane ke liye ghar se nikal gaye.. jis jagah wo crusher laga tha wo unke ghar se 13 kilometer door thi.. to wo jab wahan ja raha tha to raaste me wahan ek accident ho rakha tha.. aur ek 13-14 saal kee koi ladki us accident me marr gayi thi..jab bhai wahan pahucha to wahan bahut bheed lagi hui thi..us samay uski age bhi jyada nahi thi.. to us ladki kee laash dekhne ke baad wo bhi kaafi darr gaya.. fir wo wahan se crusher wali jagah par chala gaya…fir sham ko 7 baje ke baad wo crusher band karwa ke wahan se wapis aane laga.. wapis aatey huey ek nadi kinare usne dekha kee wahan usi ladki ka antim sanskaar kiya gya tha jiski subah accident me maut hui thi..uski chita abhi tak thandi bhi nahi hui thi..
wo jaldi se wahan se nikal gaya .. aur apne ghar pahuch gaya.. fir wo ghar aake khana kha ke so gaya.. uske baad kuch dino tak to sab normal raha.. wo roj subah jata aur fir shaam ko aake khana kha ke so jata.. fir ek din main bhi tau jee ke ghar hee gaya hua tha.. aur bhai ke room me hee so raha tha.. main tab 12 saal ka tha.. raat ke kareeb 2 baje mainey dekha kee bhai apne bed se utha aur neechey farsh pe baith ke halki halki aawaz me kuch bol rahe they.. unki aawaz sunke meri aankh khul gayi.. mainey bhai se pucha bhai aap ye kya kar rahe ho.. neechey kyu baithey ho.. meri aawaz sunke wo ek jhatke se meri taraf dekhne laga aur kuch kuch badbadane laga.. main tab chota tha.. aur usko wo karta dekh main bahut darr gaya.. aur jhor jor se chillane laga.. meri aawaz sun ke tauji aur taiji bhaag ke hamare kamre me aa gaye.. kamre me unhone jo dekha usko dekh ke unke bhi hosh udd gaye.. unhone dekha kee bhaai ke baal upar kisi keel kee terah khade huey they.. wo bhi darr gaye.. aur mujhye jaldi se bahar nikal ke bhai ko kamre me band kar ke bahar aa gaye.. ham bahar se hee bhai ke andar kamre me naachne kee aawaz aa rahi thi.. hamne uskoi puri raat bahar nahi nikala.. fir agle din subah hotey hee tauji ek aadmi ko ghar lekar aaye.. wo aadmi tauji ke crusher ke paas hee rehtey they..us aadmi ne tauji ko kuch saman lane ke liye ek list bana ke dee..aur kuch hee der baad tauji wo sab saman lekar aa gaye..fir wo aadmi us kamre ke darwaje ke saamne baith gaya.. usne tauji ko kaha kee jab main kahu ye darwaja khol ddena.. uske kuch mantra wagera padhe aur gate kholne ko kaha.. tauji ne gate khola to wo aadmi wahan baithey apna sir gol gol ghumane laga.. bhai us waqt shaant ho gaya tha.. lekin fir bhi hamme se koi uske paas nahi ja raha tha.. fir kuch der baad uss aadmi ne kuch saman ek safed kagaj pe rakh ke baanda aur usko apne saath le gaya.. unhone hamein bataya kee bhayya pe us ladki kee aatma ka saaya aa gaya tha.. kyuki wo ladki dulhan banna chahti thi.. lekin waisa hone se pehle hee uski maut ho gayi.. jab usne bhai ko wahan dekha to usey wo pasand aa gaya aur wo us ke peechey lag gayi.. wo usko apne saath le jana chahti thi.. fir wo aadmi chala gaya.. us din ke baad se bhai ne waisi koi harkat nahi kee. wo bhi bilkul pehle jaisa ho gaya tha…
=========================================================
mera naam kulwinder kaur hai.. main ounjab ke hosiarpur ke ek gaon me rehti hoon… main jo baat aapko batane ja rahi hoon ye meri badi didi kee saas ke saath hua tha.. didi ka sasuraal ek pahaadi gaon me hai.. aur didi batatai hain kee unki saas ke paas ek aisi shakti hai kee unhe bhoot aatmaye aur yahan tak kee bhagwaan bhi dikhai dete hain.. unko ek baar bhagwan shiv ke bhi darshan huey hain.. lekin ham log in sab baato ko hamesha majak me hee lete they.. hamein lagta tha kee ya te ye sab unke man ka weham hai ya fir wo shayad in sab cheejo se itna darti hain kee unko parchiyo me bhi bhoot aur aatmaein najar aati hain.. unhone mujhey apne saath ghati is terah kee kai kahaniya batayi hain.. jinme se ek kahani main aapko bata rahi hoon.. to ek baar meri didi ke sasur jo kee ek toll plaza pe kaam kiya karte they wo raat me ghar wapis aa rahe they… ghar aatey huey unhe bus se utarke 15 minute paidal chalna hota tha.. didi ka ghar jis gaon me tha wo gaon ek pahad ke upar basa hai.. aur upar gaon me aane ke liye pahad me hee seediya banai hui hain.. raaste me aate huey unhe gaon ke kuch ladke miley jo kee bahut shor sharaba kartey hue kisi mele se aa rahe they.. fir jab wo apne ghar pahuchne hee wale they.. tabhi unko apne peechey seedhiyo se kisi ke gurrane kee darawni aawaz suani dee.. unhe peechey mudd ke dekha to dekha kee seediyo ke neechey door ek halki si light jal rahi thi.. ar kuch saf nahi dikh raha tha.. unko laga shayad koi kutta apne malik ke saath ja raha hai.. aur wahi gurra raha hoga.. wo fir se aage badhne lage.. lekin agla kadam rakhtey hee unke upar peeche se kisi ne ek pathhar fenk ke maara.. unko laga wo wahi gaon ke ladke honge jo abhi kuch der pehle unko mile they… wo wahi se unko gaaliya dene lage.. aur fir apne ghar aa gaye.. fir kuch der baad wo khana kha ke aangan me so gaye.. us time meri didi hamre ghar aayi hui thi.. to raat me didi ke sas saur aur unke husband aangan me hee charpaiyo par so rahe they.. raat me sote sotey achanak unki saas kee aankh khuli to unhone dekha kee sath me so rahe jijaji kee charpai par ek aurat baithi hui thi.. aur wo jijaji ka gala daba rahi thi..wo dekh ke bahut darr gayi aur usi waqt apne bete kee baaju pakad ke kheechi.. to aisa kartey hee wo aurat peechey hatt gayi.. jija jee neend me hee they.. wo thoda sa hile aur fir se so gaye… unki saas ne darte darte us aurat se pucha… kon ho tum.. to wo boli— kee tere poati ne seedhiyo me mere bete ko gaali dee thi.. aur usko neend se utha diya .. ab main iske bete ko bhi uthaungi aur isko pareshan karungi.. didi kee saas us waqt bahut darr gayi.. lekin unhone naam daan liya hua hai.. isiye unhone usi waqt jaap karna shuru kar diya.. aur tabhi wo aurat wahan se gayab ho gayi.. fir wo puri raat nahi so saki.. agle din unhone ye baat ghar ke baki logo ko batayi .. us din ke baad se wo aurat unko fir kabhi nahi dikhai dee..
=-============================================================
meri family me ham 4 log hain.. main mere papa aur mere do bade bhai.. ye kahani jo main bata rahi hoon ye aaj se 5 sal pehle kee hai jab main 15 sal kee thi..us time mere aur bade bhayya ka ek hee room tha.. mujhey bachpan se hee horror movies aur horror shows dekhne ka bahut shok tha.. aadhi raat tak main akeli hee room me baithi bhooto ke shows dekhti rehti thi.. mere pados me rehne wali ek aunty bhi mujhey kai daant chuki thi.. bolti beta aisey raat raat bhar akeli baithe ke ye bhooto ke serial mat dekha karo.. ye acha nahi hota.. main tab to unki baat maan leti lekin baad me fir se wahi serail dekhne lagti.. raat ko 12-1 baje tak ghar me ghumti rehti.. serial dekhtey huey bhookh lagti to rat me hee noddles bana ke kha leti..
mujhey bilkul bhi darr nahi lagta tha.. ek baar kee baat hai.. raat me sote sote mujhey pyaas lagi to meri aankh khul gayi.. us waqt rat ke 1 bajj rahe they.. hamara kitchen upar first floor pe tha.. uth ke upar paani peete jatey huey mujhey aunty kee baat yaad aa gayi.. kee akele aise raat me nahi jana chahiye .. to mainey apne bhayya ko utha liya.. bola mujhye pyaas lagi hai.. aap mere saath chalo.. bhayya neend me they.. wo uth ke kamre ke mere sath kamre ke bahar chal pade.. aur seedhiyo ke pas jake ke khade ho gaye… main upar chali gayi aur paani pee ke aa gayi.. neechey aayi to maine dekha kee bhayya neechey toilet ke saamne khade they.. wo bahut jyada dare huey they.. januwary ke mosam me bhi unke paseeney nikal rahe they.. mainey unse pucha kya hua.. to wo bole kee main toilet me gaya tha.. aur neend me mainey light nahi jalayi.. aisey hee andar chala gaya.. andar mujhey bahut ghutan si mehsoos ho rahi thi.. bilkul dam ghut raha tha.. aur jab main wapis aa ne laga to mujhey kisi ne peechey se jakad liya.. mainey bahar nikalne kee koshish kee lekin kisi ne mujhey jor se pakda hua tha.. kisi terah main puri takat laga ke toilet se bahar aa gaya.. main samajh to gayi thi kee pakka kuch gadbad hai lekin mainey bhayya se kaha kuch nahi hai.. aapka weham hoga.. chalo so jao..uske bad bhayya apne bed pe ja ke so gaye.. bhayya ka bed kamre ke andar kee taraf tha.. aur mera bed bahar kee taraf tha.. bed pe leti leti main kaafi der us bare me sochti rahi.. aur fir meri aankh lagi gayi.. mere bhayya apni baatein kisi se share nahi karte they.. isliye unhone ye baat bhi kisi ko nahi batayi… mainey bhi kisi ko kuch nahi bataya ye soch ke kee faltu me sab pareshan hongey..fir uske 3 din bad.. ham sab log sham ko baithey khana khate huey baatein kar rahe they… to papa bole.. pados wali aunty daant rahi thi naa. kee raat me ekele baith ke bhooto ke serial mat dekhti raha kar.. mai hanstey huey boli.. papa aisa kuch nahi hota.. ye sab man ka weham hota hai.. to bhayya jo sath me khana kha rahe they wo serious ho gaye.. aur bole.. hota hai.. ye sab sach me hota hai… fir bhayya ne bataya kee us raat jab tu so gayi thi.. to raat me 2.45 minute par hamare kamra ka darwaja apne aap khul gaya.. darwaja khultey hee meri aankh bhi khul gayi..kamre kee light off thi..aur tabhi mujhey mere gadda pairo se taraf se dabta hua mehsoos hua.. jaisey kee koi mere bed pe baitha ho.. aur tabhi mujhey wahan andhere me hee ek kaala saya khada dikhai diya.. bhayya ne bataya kee wo uss waqt uthna chahte they.. lekin unki puri body to jaisey sunn ho chuki thi.. wo hil bhi nahi pa rahe they… fir wo kala saaya unke upar aake unka gala dabane laga.. bhaai ka dab ghutne laga .. aisa 3 teen baje tak chalta raha.. aur fir wo saaya apne aap gayab ho gaya.. bhayya ne bataya kee us din to unhone kisi ko kuch nahi bataya.. lekin agle din unke saath fir se wahi sab hua to wo samajh gaye kee ye unke man ka weham nahi hai.. wo jarur koi shaitani saaya hai jo 3 raato se mujhey pareshan kar raha hai…mere papa in sab baato ko bilkul nahi maantey they… lekin fir bhi bhayya kee baat sunke papa thoda pareshan ho gaye..lekin mainey mahol ko thoda halka karne karne ke liye boli kee papa main jo horror filme dekhti hoon unki kahaniya bhayya ko bhi sunati rehti hoon.. to shayad bhayya ko aise hee weham hua hoga.. nahi to aisa kaisey ho sakta hai kee koi bhoot hamare kamre me aaye aur bina mujhye kuch kiya bhayya ke pas chala jaye.. kyuki pehle to mera bed hee padta hai.. meri baaton se sab thoda normal ho gaye.. fir uske baad ham sab sone chale gaye.. is baar apne kamre ka darwaja mainey khud ache se band kiya tha.. mainey faisla kiya tha kee main aaj rat nahi souingi aur khud dekhungi kee wo sab kya ho raha hai.. main jaagti rahi.. aur fir theek rat 2.45 minute pe.. kamre ka darwaja apne aap khul gaya.. mainey bhayya ko jagane ke liye jor se bola.. bhayya darwaja khul gaya hai… to bhayya bole haa. main bhi jag raha haoon.. bhayya kee aawaz me darr or udasi dono they.. mainey majak me bhayya se kaha kee lagta hai papa ko bolke ghar ke darwaje badalwane padenge.. rat me apne aap khul jatey hain.. main bhayya ke saath majak karti rahi.. jisse kee wo dare nahi.. ham 3.30 baje tak baatein karte rahe… kuch bhi galat nahi hua..fir ham so gaye.. ham ne ye bat kisi ko nahi batayi.. fir us din ke baad sab theek ho gaya.. bhayya ko kisi saye ne fir pareshan nahi kiya.. fir kuch maheeney baad mere dada ji ke ek dost hamare ghar aaye .. wo bhoot preto ke baare me ache se jaante they… ham unko wo baat batai.. to wo bole kee jinnat ke he ek prajati hoti hai.. jisko khabeez bola jata hai.. ye toilet jaisi jagaho me hee rehtey hain.. isliye raat me 12 baje ke baad jab bhi toilet jao to andar jane se pehle bahar se thodi harkat kar do.. jis se kee agar toilet ke andar koi hai to usko pata chal jaye kee koi aa raha hai aur wo bahar chala jaye… unhone bataya kee ekdam se toilet me nahi jana chahiyte balki bahar khade hoke kuch aawaz karne ke 1 minute baad andar jana chahiye.. ye jinn wagera kisi ko bewajah pareshan nahi kartey..unhone bataya kee us raat bhayya bina toilet kee light jalaye andar chale gaye they aur andar toilet kari thi.. jisse wo jo bhi cheej thi wo gussa ho gaya.. aur roj raat ko iske paas aake isko pareshan karne laga.. wo isko maaaf nahi karta agar uss raat ye baachi nahi jaag rahi hoti to.. kyuki ye hamla tabhi kartey hain jab wo insan akela ho.. ye uski body ko paralyse kar dete hain .. lekin uss rat wo aisa nhi kr ska or chla gya… wo jaan gya tha ki ab wo jab bi ayga to ye ldk bi jaag jayegi or wo kuchh nhi kr skega… ye jinn begunaho ko kuchh nhi kahte isliye usne is ldki ka apne bhai ke liye pyar or fikr dekh kr is ldke ko bhi maaf kr diya
===========================================================
mera naam priyanka hai.. ek baar ham sab apni naani ke yahan chuttiyo me gaye huey they.. naani ka gaon bihar ke chapra jile me pdta tha.to ek raat 9 baje mere nanaji mere chote bhai ko lekar bahar bajar me kuch saman lene gaye they.. mera bhai tab 14 sal ka tha.. to saman leke nanaji bhai ko lekar cycle se wapis aa rahe they… main road aur hamare ghar ke beech me ek baans ka jangle ka padta tha.. jisko baanswadi bola jata tha.. to nanaji bhai ko leke usi jangle me se hee aa rahe they.. kyuki wo rasta bahut chota padta tha.. jangle se aatey huey mere bhai kee najar ek ped par padi.. usne dekha kee ek aurat safed kapde pehney us ped kee daal par baithi hui thi.. uske lamb lambe baal they aur wo wahan bilkul seedhi baithi hui thi.. usey dekh ke mere bhai ne uski taraf haath karke pucha… nanaji wo dekha.. wo kon hai..
nanaji se turant usko daantey huey kaha kee chup raho.. kuch mat bola haath neechey karo..or itna keh ke chupchap aage badh gaye..
tabhi mere bhaai ko peechey se ek bahut hee bhayanak cheekh sunai dee.. nanaji teji se cycle chalane lage aur kuch hee der me us jangle se bahar nikal gaye.. ghar aatey aatey bhai ko bahut tej bukhaar aa gaya… is terah kee kahaniya mainey nani ke gaon me bahut suni hain.. nani bhi hamesha bolti thi kee raat me kabhi kisi ajeeb cheej ko dekhkar tokna nahi chaiye…bas usko dekh ke andekha kar dena chahiye..
=====================================================================
mera naam pooja hai.. main aapko apne saath ghati ek sachi kahani batana chahti hoon.. ye 2017 kee baat hai.. tab main aur mera bhai delhi me mundka ke dda ke flats me reh rahe they… waisey to ham delhi ke hee rehne wale hain. lekin kisi kaam kee wajah se tab ham mundka me akele hee rehne aaye they..ham jab se us flat me gaye they. tabhi se wahan kuch na kuch hota hee rehta tha.. us jagah bahut log bhi bahut kam rehtey they.. hamare ghar ke samne ek bada sa peepal ka ped bhi tha.. ek din mere bhai kisi kaam se jamna paar hamare ghar me gaya hua tha… aur wapis aate aatey uski kaafi dr ho gayi thi..main uske aane ka wait kar hee rahi thi ki tabhi mujhey bahar uski bike kee aawaz sunai dee.. main bahar usko dekhne gayi to wo aa gaya tha..wo bike leke peechey us peepal ke ped kee taraf bike khadi karne chala gaya.. mujhey laga kee itni raat ho rahi hai kahin wo andhere me darr na jaye.. ye sochke main bhi phone kee torch jalake ke peechey chali gayi.. saath hee bata du kee mera bhai bachpan se hee bahut darta tha..
to main jab ghar kee peechey kee taraf gayi to dekha kee wo ek chain se bike ko baandh raha tha.. lekin usko bahut derr lag rahi thi.. main wahan khadi hee thi kee tabhi kisi ne peechey se mere kandhey pe haath rakha.. mainey palat ke dekha to wo mera bhaai hee tha..main bahut darr gayi.. usne kaha tu yahan kya kar rahi hai.. ghar ke andar chal..main us se kuch nahi boli.. wo abhi to mere samne khada tha.. to ekdam se mere peechey kaise aa gaya… ghar me aane ke aad bhi main usi baare me soche ja rahi thi kee tabhi koi ladki hamari khdki ke paas aake bahut jor se cheekhi.. us waqt ham dono bahut hee jyada darr gaye they.. lekin uske baad kya hua mujhey kuch yaad nahi.. bad me mere bhai ne bataya kee kee jab wo ladki cheekhi thi tabhi tujhey pata nahi kya hua… tune us ladki ko kuch bola.. jisey sunke wo wahan se bhaag gayi.. agle hee din hamne apne ghar walo ko wahan bula liya or unko sari baat batayi.. to meri mummy ne ghar me puja karwai.. to us pandit ne bataya kee aapki ladki pe koi jinn hai.. or uss raat uss jinn kee wajah se hee wo aurat inka kuch nahi bigaad saki..uske baad hamein wo ladki fir dikhai nahi dee..

abhi kuch hee din pehle meri aur mere husband kee behan ka kisi baat ko lekar bahut jhagda ho gaya tha.mainey usko gussa me kaha kee kee tu bahut jald maari jaegi… aur shayad ap log yakeen na karein wo sach me 5 din baad hee mar gayi..us din se main kabhi kisi ko ye bat nahi bolti..mujhey hamesha aisa lagta hai kee koi mere paas baitha hai.. mujhy dekh raha hai..lekin usne kabhi mujhey koi nuksaan nahi pahuchaya…yahan tak kee ek baar ek pandit ji bhi mujhey dekhne aaye they.. lekin jaisey hee main unke samne gayi.. wo wahan se bhaag gaye… unhone meri mummy ko bataya kee wo jo jinn hai. wo isko kabhi nahi chorega.. lekin wo isko koi nuksan bhi nahi pahucega…pandit ne mummy ko bataya kee ye ladki usse baat bhi karti hai.. jo kee sach tha.. main ussey baat bhi karti hoon.. main unko bhai bolti hoon.. taaki wo mere sath kabhi kuch galat na karey.. ho sakta hai aap logo meri baat par yakeen na karein.. lekin ye sab kuch sach hai..
=====================================================================
mera naam sahil hai… main baglaore se 50 kilometer door ek jagah me rehta hoon..aur main aap ko apne sath ghati ek sacchi ghatna batana ja raha hoon..main ek company me CNC operator ka kaam karta hoon.. main jahan kaam karta hoon wo jagaha mere ghar se 17 kilometer door hai..ek raat main company me apni second shift puri karke ghar wapis ja raha tha..jis busstop pe main utarta tha wahan se mera ghar ek kilometre door tha.. main ek shortcut raaste se hota hua aa raha tha.. us raaste pe aage jaake ek shamshan ghat bhi padta hai..us waqt raat ke 11 bajj rahe they.. main waisey to kabhi nahi darta.. lekin jab main us raaste se ja raha tha to kuch door aage jane par mujhey aisa laga jaisa koi saya teji se mere samne se nikal ke gaya ho..main bahut ghabra gaya… thoda aur aage jane par mainey dekha kee ek ladki us shashan wale se raaste kee taraf se aa rahi thi… usko dekh ke main bahut darr gaya.. aur ayatul kursi padhtey huey wahan se bhaagne laga.. bhaagtey bhaagtey kuch hee der bad main apne ghar pahuch gaya.. mainey ghar me kisi ko kuch nahi bataya kyuki meri ammi hamesha mujhey uss raaste se aane ko mana karti thi..isliye kahin wo mujhye daantey naa mainey unko kuch nahi bataya.. mujhey ghar me aane ke baad bhi darr lag raha tha..main darte dartey hee apne kamre me sone chala gaya.. aur kuch der baad meri aankh lag gayi..fir raat me sotey sotey meri aankh khul gayi.. mainey mehsoos kiya kee main apne aap ko hila bhi nahi pa raha hoon.. mujhey laga jaisey koi mere seene pe baith ke mera gala daba raha hai..main jor jor se apne mummy papa aur bhai ko aawaz dene laga..lekin meri aawaz kisi ko nahi sunn rahi thi..mainey man hee man kalma padhna shuru kar diya.. aur tab jake maine halka mehsoos kiya.. fir subah hotey hee mainey sari baat ghar walo ko batayi.. to mujhey bahut daant padi… mere papa usi waqt mujhey ek molvi saab ke paas lekar gaye.. to unhone bataya kee wo ek jawan ladki kee aatma thi… isliye wo tumhe dekhkar tumhare peechey lag gayi… fir unhone mujhey ek taweez diya aur kaha kee chahe kuch bhi ho isey mat utarna..agar tumne isey galti se utara to wo fir se tumpe haawi ho jaaegi..us din ke baad se main us raastey pe fir kabhi nahi gaya..
===============================================
mera naam shibraaj hai.. main assam ke silchar shehar ka rehne wala hoon.. ye jo kahani main aapko batane ja raha hon ye bilkul sach hai… ye hamare sath bahut saal pehle hua tha.. jab main aur mera bhai rupraaj hamari mosi ke yahan gaye huey they..pehle kuch din to hamne apne cousions ke sath khoob masti kee lekin ek din hamare sath kuch aisa hua jisey yaad karke main aaj bhi darr jata hoon..us din meri mausi aur unke husband kisi kaam se bahar gaye huey they..ham bachey ghar pe akele they.. ham,ne khoob video games khele aur fir khana kha ke bed pe ek dusre ko bhooto kee kahaniya sunane lage.. to mere cousion ne bataya kee unke yahan ek shamshaan ghat hai.. jahan roj raat kisi ke cheekhne kee aawaz aati hai.. aur agar koi wahan jakar usko gaali de to wo marr jata hai.. maine aur mere bhai ne iss baat ka khoob majak udaya.. kaha kee ye sab sirf filmo me hota hai.. lekin wo hamari bahut badi bhool sabit hone wali thi.. unhone kaha klee agar tumhe hamari baat par yakeen na ho to khud us shamshan me jaake dekh lo.. to hamen bhi kaha theek hai.. ham wahan jaake dikhaenge.. aur fir ham us jagah chale gaye.. us jagah bahut andhera tha.. mere bhai ko thoda thoda dar bhi lag raha tha lekin usne dikhaya nahi.. ham us jagah ke paas pahuchne hee wale they.. kee hamein laga jaisey koi cheej teji se hamare saamne se nikal kar gayi hai.. ham thoda darr gaye.. lekin fir bhi ham us shamshaan ghaat me ghoomtey rahe.. dar to lag raha tha.. lekin maja bhi aa raha tha…us waqt raat ke kareeb 11 baj rahe they.. fir bahut der ghumne ke baad bhi jab hamare saath kuch ajeeb nahi hua aur koi aawaz sunai nahi dee to ham wahan khada hoke bhooto ko majak udane lage.. lekin tabhi mujhey waha ek kone me ek aurat baithi dikhai dee.. uska shareer pura jala hua tha.. usko dekhtey hee ham wahan se dar ke bhaagne lage.. wo bhi khadi hokar hamare peechey aane lagi thi.. ham jitna tej ho saktey they wahan se bhaagte rahe.. kuch der bad hamne peechey mudd ke dekha to wo wahan nahi thi… ham ghar pahuchey to mere cousion ne hamko gangajal de diya.. us din ke baad ham fir kabhi us jaghah wapis nahi gaye..

अगर आप ये कहानी पढ़ने के साथ साथ सुनना भी चाहते हैं तो नीचे वीडियो को प्ले करें.
इसी तरह की और डरावनी, दिल दहला देने वाली और रोचक कहानिया सुनने के लिए मेरा Youtube Channel जरूर सब्सक्राइब करें नीचे लाल बटन दबा कर.

 

और डरावनी कहानियां पढ़ने के लिए यहाँ क्लिक करे.
Homepage पर जाने के लिए यहाँ क्लिक करें.

मेरा फेसबुक पेज भी जरूर like करें.

Add Comment