जंगलो की सच्ची डरावनी कहानियां

Apni kahani batan ese phel main aapko thoda apne ghar ke baarey me bata dena chahta hoon.. Main ek chote se gaon me pala bada hoon.. Aur gaon me hamara ghar ek bade se jangle ke bilkul pas bana tha.. Hamare ghar ke aspas koi aur ghar bhi nahi tha .. sab ghar door door bane huey they.. Isliye mera jyadatar waqt akele hee beeta tha.. Bachpan me mera jyadatar waqt ghar ke sath wale jangle me hee kheltey huey beetta tha.. To ek bar roj kee terah main akela jangle me khel raha tha.. Main ek ped par chad raha tha kee tabhi jis shaakh pe mainey pair rakha hua tha WO toot gayi.. Main dhadam se sir ke bal neechey ja gira.. Neechey girtey maine hosh kho diye.. Ab muhey ye to yad nahi kee main kitni der behosh raha .. lekin jab mujhye hosh aaya to suraj dhal chuka tha.. Aur jangle me andhera cha chuka tha.. Main bahut darr gaya.. Kyuki main pehle kkabhi itne andhere me jangle me akela nahi aaya tha.. Upar se mujhey pata tha kee mere mummy papa bhi mujhey dhoond rahe honge.. Mere sir me tej dard bhi ho raha tha.. main andhere me hee ghar ke raste par jane laga.. Wo jangle mere liye naya nahi tha.. Main wahan par saalo se khel raha tha.. Lekin ghar jatey huey mujhey wo rassta bilkul bhi pehchan me nahi aa raha tha.. Lag raha taha kee jaisey main ksii dusrey hee jangle me aa gaya hoon.. Upar se mainey notice kiya kee us waqt jangle me ajeeb se khamoshi bhi thi.. Jo kee bahut ajeeb tha.. Kyuki jangle me raat me bhi jangle ke parindo aur dusrey chote mote keedo kee aawazein aati rehti thi.. Keedo kee aawazein to door mujhey apne pairo ke neechey dabtey aur patto kee aawazein bhi nahi aarahi thi.. Naa he mujhey jangle me se koi smell aa rahi thi.. Jabki jangle ke andar pedo aur foolo kee hamesha smelll aaya karti thi.. Mujhey laga shayad sir me chot lagne kee wajah se mere saath aisa ho raha hai.. Lekin kuch bhi feel na kar pane ke bawjood main beech beech ek hawa ko jhonke ko apne se takrate huey mehsoos kar pa raha tha.. Jab bhi wo hawa ka jhinka mujhsey takrata mera man karta kee mainw apis usi ped ke paas chala jau jis se main gira tha… lekin main chalta raha.. Aur kuch door aur jane ke baad mujhey ek halki see roshni dikhai dee.. Aur aage gaya to dekha kee wo to mere hee ghar kee light thi.. Main khushi se jhoom utha.. Main usi waqt apne ghar kee taraf bhaag jana chahta tha.. Lekin sir me dard itna tha kee main bhaag bhi nahi paa raha tha.. Kuch hee der baad main jangle se bahar aa gaya.. Jangle se bahar aatey hee fir se ek bahut hee thandi hawa ka jhinka mujhsey takraya.. Is bar wo jhonk itni tej tha kee main girtey girtey bacha.. Main jaldi se apne ghar ke aage wale darwaje ke paas pahcuha.. Maind arwaje kee paas pahcuha hee tha kee mujhye apne peechey se ek aawaz sunai dee.. Wo aawaz jungle ke andar se aayi thi.. Mainey palat ke dekha to mujhey apni aankhon par yakeen nahi hua…. Mainey dekha kee mujhsey 300 feet door jangle me main khud khada tha.. Bilkul wahi kapde pehne jo mainey khud pehney huey they..lekin .. lekin ye kaisey ho sakta tha.. Darr ke marey meri puri body paralyse ho gayi .. main uth ke darwaja kholne kee himmat bhi nahi kar pa raha tha.. Wo behrupiya abhi bhi wahin khada meri hee taraf dekhe ja raha tha.. Mainy himmat karke apna ek haath upar utahya.. To maine dekha kee usne bhi bilkul waisey hee apna haath upar uthaya jaisey mainey uthaya tha.. Aur tabhi wo bhaag ke meri taraf aane laga.. Aur bas mujhsey 6 feet door aake ruk gaya.. Ab main usey bilkul saf saf dekh raha tha.. Wo to main hee tha.. Yahan tak kee uske maathe par bhi wo chot ka nishan tha jo ped se girne par aaj mujhye lagi thi.. Lekin uski aankhein aisi thi jaise unme kuch ho hee na.. Koi emotion nahi tha un aankho me.. Darwaje ke samne pade huey meri aankho see aansu aa rahe they… lekin puri koshish karne ke baad bhi mere gale se aawaz tak nahi nikal pa rahi thi. Aur tabhi wo fir se meri taraf bhaaga aur mujhme sama gaya.. Meri aankho ke aage andhera chaa gaya.. Jab aankh khuli to maine dekha ke emain usi ped ke neechey gira hua tha.. Us waqt bhi andhera ho rakha tha.. Bas mujhey thoda sukun is bat ka tha kee wo behrupiya ab wahan nahi tha.. Main jaldi se utha aur uthye hee mujhey kuch hee door apne ghar kee light najar aa gayi.. Is baar main bhaagta hua apne ghar ke paas jane laga.. Paas jatey huey mujhey apna ghar saf saf najar aane laga tha. Main darwaje ke paas pahucha aur kholne kee koshish karne laga. Lekin mere bahut koshish karne ke baad bhi darwaja khul hee nahi raha tha… tabhi mujhye andar kisi ke kadmo kee aawaz aayi… aur darwaja khul gaya.. Wo meri mummy thi.. Us waqt mujhey itna acha mehsoos hua kee main bata nahi sakta… maine uth ke ghar ke andar kadam badhana chaha.. Lekin main hil hee nahi pa raha tha.. Yahan tak ke emere muh se bhi aawaz nahi nikal rahi thi.. Tabhi maine dhyaan diya kee meri mummy bhi aisey act kar rahi thi jaisey wo mujhey pehchan hee na paa rahi hoo ya fir shayad main unko dikhai he enahi de raha tha.. Meri taraf dekhne ke bajaye meri mummy bahar kee taraf dekh rahi thi.. Aur fir kuch hee seconds bad mummy darwaja band kar ke andar chali gayi.. Mujhey to kuch samajh hee nahi aa raha tha kee ye sab kya ho raha hai… aisey lag raha tha jaisey main kisi dusri hee duniya me pahuch gaya hoon.. Fir Main utha aur kamre kee khidki ke paas jakar khada ho gaya,.. Ye soch ke kee shayad kisi terah main ghar ke andar ja saku.. Main jab apne kamre kee khidki par pahucha to dekha kee mere kamre ke andar mere kai sari photo lagi hui thi.. Aur mere kamre me ek candle jal rahi thi.. Hamare yahan kisi ke kamre me candle tabhi jalai jati hain jab koi mar jata hai.. Wo dekh ke main bahut jyada ghabra gaya.. Kya main mar chuka hu.. Lekin aisa kaisey ho sakta hai.. Main to jinda hoon.. Agar main mara gaya tha to mere mummy papa mujhey dhundne kyu nahi aaye jangle me.. Tabhi mainey notice kiya kee khidki ke sheeshey me meri parchai nahi dikh rahi thi.. Main paglo kee terah sheeshe me apne aapko dekhne kee koshish karne laga.. Tabhi mujhey usme ek parchai najar aayi .. wo parchai meri nahi thi.. Wo to koi aur tha.. .. mainey palat ke dekha.. To mujhey jangle me ek bahut hee lamba insan khada dikhai diya.. Main uska chehra bhi nahi dekh pa raha tha kyuki usne pane moo pe kapda banda hua tha.. Bas main uski laal chamakti hui aankhein hee dekh pa raha tha.. Wo kam se kam 7 feet lamba tha.. Aur wo meri taraf aane laga.. Wo chal nahi raha tha.. Balki hawa me tair raha tha.. Main usi waqt wahan se bhaaga.. Kyuki mujhey pata tha wo jo kuch bhi hai acha nahi hai.. Main bhaagne laga.. Aur fir jaisey saalo bhaagne ke baad meri aankh fir se khuli.. Main usi ped ke neechey gira hua tha..khoob sari ulti karne ke baad Main utha aur fir se apne ghar kee taraf bhaaga.. Darwaje ke paas pahuchtey huey mujhey lag raha tha kee is bar bhi main darwaja nahi khol paunga.. Lekin darwaja khul gaya aur khultey hee meri mummy aa gayi.. Mummy ne mujhey gale se laga liya.. Mujhye nahi pata us din mere saath kya hua tha.. Shayad sir pe chot lagne kee wajah se mujhey wo sab bhrahm ho raha tha.. Lekin wo sab kuch itna asli tha kee mujhey nahi lagta wo koi sapna tha.. Ya fir shayad us din main mar gaya tha.. Lekin meri aatma kisi terah waqt me dubara pahuch ke mere shareer ke andar aa gayi.. Lekin wo lambi se parchai kon thi.. Jo mujhye wahan dikhai dee thi.. Mujhey nahi pata wo sab kya tha.. Bas main jinda bach gaya tha.. Us se jyada mujhey aur kuch nahi chiaye,.
==================================================================

Muhye theek se to yaad nahi lekin ye pichle saal shayad january ya februay kee baat hai .. usse pehle tak ujhye bhot preto jaisi cheejo me bilkul bhi yakeen nahi tha.. Lekin ye sab us din badal gaya.. Us din main aur mera dost masti ke mood me they.. Jaisye ke emainey bataya..mujhey waisey to bhoot wagerah par yakeen nahi tha lekin jaadu toney wagera ke baarey me janne ka mujhey bahut shok tha… mainey bahuyt sare tv show me dekha kee kaisey paranormal inevstigators ek pendulum ko lekar bhooto se contact kartey hain.. Mainey us baarey me kaafi kuch pata kar rakha tha.. Mujhehy pata chala tha kee pendulum lekar bhooto se contact karne se pehle pendulum ko mantro se bandwana hota hai.. Jisse kee usey use kartey huey koi shaitaani aatma hamare upar haawi na ho sakey.. In sab cheejo ke baarey me pata kartey huey mera ek bahuta cha dost bhi bann gaya tha.. Usko bhi in sab cheejo me bahut interest tha.. Uska ghar mere ghar ke 7-8 kilometre door tha.. Aur jis jagah wo rehta tha uske paas me hee ek bada sa jangle bhi tha.. Asal me wo jangle nahi tha.. Kisi jamane me wahan mare huey logo ko dafnaya jata tha… lekin bahut time se wo jagah veeran padi thi.. Aur wo pura ilaka kisi jangle ke jaisey ban gaya tha.. Mere dost ne mujhey jabus jagah ke baarey me bataya to suntey hee mere dimag me wahan jane ka idea aa gaya.. To main apne samne wale ghar me rehne wale ek dost ke lekar apne us dost ke yahan pahuch gaya.. Mainey bhooto se contact karne wale kai terah ke instruments bhi sath le liye they.. Ham rat kareeb 9 baje apne ghar se nikle they aur us jangle me pahuctey pahuctey hamko 10 bajj gaye they.. Ham jangle ke andar un purani kabro ke paas jane lage.. Mere dost ko in sab cheejo kee achi knowledge thi.. Usne haath me pata nahi kis ped kee kuch tehniya lee aur unko jala liya.. Usne bataya kee agar ye tehniya teji se jalne lage to iska matlab ye hain kee koi aatma hamare aaspas hai.. Mujjye tab tak ye sab sirf ek masti hee lag rahi thi.. Mujhey pakka yakeen tha kee yahan hamein koi bhoot voot nahi milne wala hai.. Dheerey dheerey Andar jatey huey hamein bas 10 minute hee hui thi kee jo tehniya aur patte mere dost ne haath me pakde huey they.. Wo dhadaktey huey jalne lage..aur hamare dekhtey hee dekhtey bas 10second me hee sare jal ke raakh ho gaye.. Ham usi waqt wahin rukk gaye.. Mere dost ne ghabratey huey mujhey kaha.. Yahan .. yahan pakka koi takatwar shaitaan hai.. Mere dusra dost jo mera padosi tha.. Wo thoda darpok type ka tha.. Uski baat suntey hee usne mujhye jor se pakad liya.. Maine apne dost kee taraf dekha.. Aur aankho hee anakho me ham dono ne jangle se bahar chale jane ka faisla kar liya.. Ham dheere dheere ek ek kadam foonk foonk kar rakhtey huey jangle se bahar jane lage..aatey huey hamein pata hee nahi chala tha kee ham log itni door tak aa chuke they.. Kuch hee minute baad mere padosi ne mujhsey rukne ko kaha… wo bahut jyada dara hua tha.. Usne kaha kee mujhsey chala nahi ja raha hai.. Mainey kaha kyu.. Aisa to kuch bhi nahi hua… chalne me kya problem hai.. Ham wahan khade baat kar hee rahe they kee tabhi meri najar peechey raastey par padi jis raastey se ham abhi abhi aaye they.. Mainey dekha ek parchai jo kee kisi baccheke jaisi lag rahi thi wo peechey pedo ke beech me khadi thi.. Aur hamse bas kuch hee feet door khadi chand kee roshni me saf najar aa rhi thi.. Usko dekhkepehle to mainey apni aankho ko masla usko theek se dekhne ke liye.. Mainey notice kiya kee wo parchai hawa ke jhonke kee terah hil rahi thi.. Lekin hilne ke baad bhi uski ek proper shape thi.. Mainey usi waqt dosto ko us taraf dekhne ko kaha.. Mere dost ne mujhehy jaldi se pani jeb se wo pendulum bahar nikal ke usse baat karne ko kaha..mainy wo pendulum bahar nikal liya.. Aur ek haath me pakde huey dheere se pucha.. “ yahan jo koi bhi hai.. Kya tum hamse naraaj ho..?” pendulum gol gol hilne laga.. Jiska matlab tha haan..
Mainey fir se pucha…– kya tum chahtey ho ham yahan se chale jayein.. ?”
Pendulm teji se gol gol hilne laga.. Is bar pendulum bahut teji se hila tha.. Jiska matlab hamein wahan se usi waqt nikalna tha.. Ham bina waqt gawayein wahan se bahar jane lage.. Tab tak mujhey ye to samajh aa gaya tha kee yahan hamare alawa koi aur bhi hai.. Lekin mera man abhi bhara nahi tha.. Main us se aur sawal puchna chahta tha.. Lekin mera dost wahan ek aur pal rukne ko tayyar nahi tha.. Isliye haar ke mujhye unke saath bahar jaana pada.. Bahar jaatey huey main bar bar peechey mud mud ke dekh raha tha.. Aur tabhi mujhey door ek orange color ka jalta hua gola dikhai diya.. Wo bilkul aisa lag raha tha jaisey suraj chuptey heuy dikhai padta hai.. Aur wo jalta hua gola hamari taraf aatey huey bada hota ja raha tha.. Main 2 second tak usko dekhta raha aur jab mujhey samajh aaya kee ye hamari taraf hee badh raha hai.. Main jor se chillaya… aur ham teeno jitni tej bhaag saktey utni tej bhaagtey huey wahan se jaane lage.. Hamare pas aata hua wo gola bahut hee bada hota ja raha tah.. Bahut bada.. Aisa lag raha tha jaisey wo abhi hamein nigal jaega.. Lekin ham teeno kisi terah bhaagtey huey us jangle se bahar nikal gaye aur tab tak nahi ruke jab tak mere dost ke ghar nahi pahuch gaye.. Mera padosi dost jor jor se ro raha tha .. main ro to nahi raha tha.. Lekin main bhi bahut jyada darr gaya tha… us rat mujhey in sab baato par pura yakeen ho gaya tha.. Aur ye bhi samajh aa gaya tha kee in sab cheejo ke saath kabhi kisi terah ka majak nahi karna chaaiye.. Kyuki majka majak mee aapki jaan bhi jaa sakti hai..

=================================================================
Us raat main ghar pe akela tha.. Mujhey ghar pe akele rehna bilkul bhi pasand nahi.. Lekin us rat mere mummy papa ek rishteydar ko station se lene gaye huey they.. Isliye raat me mujhye akele hee ghar pe rehna tha.. Ab Kam se kam agle do ghanto tak to main akela hee tha… us waqt raat ke 10 baj rahe they… november ka maheena tha.. Thand bhi bahut thi.. Hamare ghar ke saath me ek jangle tha.. Jisme raat me jab hawaien chalti thi.. To ajeeb ajeeb see aawazein aati thi.. Mujhye rat me ghar me akele rehna bilkul acha nahi lagta tha..apna mind thoda halka karn eke liye mainey ek movie laga lee.. Saath hee main aapko bata doon kee hamare ghar ke peeche hamara ek tabela bhi tha.. Jisme kisi time par ham bhainsey pala kartye they.. Lekin abb wahan hamare yahan koi bhains nahi thi.. Raat me aksar mujhye us tabele me se ajeeb ajeeb terah kee aawazein aati thi.. Jaisey cheejo ke aapas me takrane ya panje ragadne kee aawazein.. Lekin mainey kabhi unsab aawazo par jyada dhyaan nahi diya.. To main apne kamre me baitha movie dekh hee raha tha kee tabhi..
Mujhye bahar se ek jor kee aawaz sunai dee.. Aawaz suntey hee main to jaisey kaanp sa gaya.. Main dheere dheere chupta hua peechey wali khidki kee taraf jaane laga dekhne ke liye kee wo aawaz aayi kahana se thi.. Khidki par chuptey huey maine bahar dekha to meri jaan nikal gayi.. Mainey dekha kee peechey jangle kee taraf ek lambi si kaali parchai khadi thi.. Aur wo parchai isdhar udhar dekhti hui.. Hamare ghar kee taraf badh rahi thi.. Main darr ke marey wahin khidki ke neechey hee chip gaya.. Mera dil jor jor se dhadak raha tha..Ek ek pal mujhey ek ek ghantey jaisa lag raha tha.. Mainey fir se khidki se usko dekhna chaha.. Ye check karne ke liye kee wo abhi bhi hamare ghar kee taraf aa raha tha ya nahi.. Aur mainey jaisey hee apna sir upar kiya.. Theek mere saamne wo hee shaitaan khada tha.. Lamba kaala shaitaan.. Main usko dekh ke bahut darr gaya tha.. Lekin mujhey dekhteyhee wo shaitaan ekdam se peechey hua.. Aur bhaagta hua wapis jangle ke andar chala gaya.. Main aur kai der tak wahin chupa raha.. Fir kai der baad jab main thoda normal hua to maine fir se bahar dekha .. lekin is baar wahan koi nahi tha.. Wo shaitan ab wahan se ja chuka tha.. Jaatey huey mujhyey uski koi aawaz bhi nahi aayi thi.. Us din ke bad se mujhey wo shaitaan fir to kabhi dikhai nahi diya.. Lekin us raat ke baad aaj tak bhi mujhey rat me gahr pe akele rehne me darr lagta hai..
========================================
Jab main 7 saal ka tha .. to ham ek chote se kasbe me raha karte they… waise to us jagah bahut sare ghar they.. Lekin hamara ghar thoda bahar kee taraf tha.. Wo ilaka jyada moder to nahi tha lekin picdha hua bhi nahi tha.. Hamara do manjil ka ghar tha…. Jsime mera kamra upar wale floor par tha.. Aur mere kamre kee khidki se bahar kee road saf najar aati thi.. Mere bed bhi bilkul khidki kee saath hee laga tha.. Jisse kee main bed pe lete lete hee khidki ke bahar dekh sakta tha.. Ek raat sote sotey meri aankh khuli to mujhey toilet jane kee jarurat mehsoos hui… toilet jane ke liye main jaisey hee bed se utha.. Mujhey apni najar ke koney se bahar road par koi koi khada hua dikhai diya.. Mainy palat ke dekha to dekha kee bahar road par 2 aadmi khade huey they… unko dhyaan se dekhne ke liye main apni khidki ke bilkul paas chala gaya.. Mainey dhyaan se dekha to dekha kee wo do aami nahi they balki do aurtain thi jo itni raat wahan khadi apas me baatein kar rahi thi..aur baatein karti hui wo bar bar hamare ghar kee taraf ishara kar rahi thi.. Mujhey bahut ajeeb laga.. Mujhey laga shayad hamari hee gali kee kli aurtaein hongi.. Mainey unko dhyaan apni taraf lane ke liye apni khidki par knock kiya.. To wo dono ek saath palat ke meri taraf dekhne lagi.. Aur tab mainey dhyaan diya kee unhone jo kapde pehne huey they.. Wo to kisi bahut purane jamane ke kapde dikhai pad rahe they.. Na hee unke kapdo me koi rang najar aa raha tha…main usi waqt bhaaga aur jaake apnimummy ko uthaya.. Mainey mumy ko bola kee 2 aurtaine hamare ghar ke bahar khadi hain.. Mummmy uthi aur 1 minute baad hee ham dono ghar ke bahar they.. Lekin wo dono auratein kahi dikhai nahi de rahi thi.. Shayad wo wahan se ja chuki thi.. Mummy ne jyada dhyaan na dene ko kaha.. Aur ham wapis aa gaye.. Us rat ke bad wo aurtain mujhye firse dikhai to nahi dee lekin raat me toilet ke liye jatey huey mujhye bahut darr lagta tha. Isliye main rat me jab bhi uthta to sabse pehle khidki ke bahar hee dekhta.. Fir kareeb teen hafte baad.. Raat me sotey huey fir se meri aankh khuli.. Mujhey toilet jana tha.. Uthtey hee sabse pehle mainey khidki se bahar dekha.. Bahar dekha to dekha kee wahi dono aurtein hamare ghar ke bahar khadi thi.. Aur is baar wo seedha meri taraf hee dekh rahi thi.. Un dono ke chehrey alag they.. Lekin unki aankhien bilkul kaali thi.. Unke chehrey par gussa mujhye saf dikhai de raha tha… meri taraf dekhtey huey un dono ne apna ek ek haath uthaya aur hamare ghar kee taraf kiya.. Wo dono hamare garden kee taraf ishara kar rahi thi jahan raat me ham hamare kutte ko bandha karte they.. Aaj rat bhi mere papa night duty par jane se pehle hamare kutte ko wahin bandh ke gaye they.. Main jaldi se uth ke apni mummy ko paas gaya aur unko uthaya.. Main aur mummy uth ke bahar ja hee rahe they kee hamein hamare kutte kee bhonkne kee aawaz sunai dee.. Darawaza khola to dekha kee ek aadmi haath me danda liye hamare kutto ko maarne ke liye aa raha hai.. Lekin hamein dekhtey hee wo wahan se bhaag gaya.. Wo dono aurtaien bhi wahan se gayab ho chuki thi.. Us din ke bad se hamne apne kutte ko kabhi bhi bahar nahi bandha.. Naa hee wo do aurtein mujhye fir kabhi dikhai dee.. Wor aurtein kon thi aur kya chahti thi ye to mujhey nahi pata.. Lekin us raat shayad agar unhone ishara nahi kiya hota to hamara kutta aaj jinda nahi hota..

अगर आप ये कहानी पढ़ने के साथ साथ सुनना भी चाहते हैं तो नीचे वीडियो को प्ले करें.
इसी तरह की और डरावनी, दिल दहला देने वाली और रोचक कहानिया सुनने के लिए मेरा Youtube Channel जरूर सब्सक्राइब करें नीचे लाल बटन दबा कर.

 

और डरावनी कहानियां पढ़ने के लिए यहाँ क्लिक करे.
Homepage पर जाने के लिए यहाँ क्लिक करें.

मेरा फेसबुक पेज भी जरूर like करें.

Add Comment